Sayt test rejimida ishlamoqda

Yangiliklar
Maktabgacha ta'lim agentligi
Yosh rassomlarni taqdirlash va yangi kitob taqdimoti o‘tkazildi

Har yili 1 iyun - Xalqaro bolalarni himoya qilish kuni munosabati bilan SHHTga a’zo davlatlar bolalar rasmlari ko‘rgazmasini tashkil etish yaxshi an’anaga aylandi.  Respublikamizda bolalarning san’at va madaniyatga bo‘lgan qiziqishlarini yanada oshirish, iqtidorli yoshlarni aniqlash, ularni tasviriy san’atga, badiiy ijodga bo‘lgan qiziqish va e’tiborini mustahkamlash maqsadida bu yil ham respublikamizdagi maktabgacha ta’lim tashkilotlari tarbiyalanuvchilari va umumta’lim maktablari o‘quvchilari o‘rtasida “Zaminda tinchlik - bizning qo‘limizda” mavzusida bolalar rasmlari ko‘rgazmasini tashkil etildi. Mazkur ko‘rgazma joriy yilning 30 may - 2 iyun kunlarida “Yoshlar ijod saroyi”da o‘tkazildi. Unda O‘zbekistonda Shanxay hamkorlik tashkilotining Xalq diplomatiyasi markazi, O‘zbekiston Respublikasi Maktabgacha ta’lim vazirligi, O‘zbekiston Respublikasi Xalq ta’limi vazirligi, O‘zbekiston Badiiy akademiyasi hamda Respublika “Barkamol avlod” bolalar maktabi mutasaddilari qatnashdilar. 4 kun davomida ko‘rgazmaga tashrif buyurgan minglab mehmonlar jajji rassomlarning nafaqat yurtimizda balki yer kurrasida tinchlik, dunyo xalqlarining farovonligi haqidagi tushunchalari va tasavvurlarini o‘z rasmlarida namoyon etgan  ijod namunalaridan bahramand bo‘ldilar. Shu yilning 5 iyul sanasida Alisher Navoiy nomidagi O‘zbekiston Milliy kutubxonaning Mediya-markazida ko‘rgazmasi g‘olib va sovrindorlarini taqdirlash marosimi bo‘lib o‘tdi. Shuningdek, tadbir doirasida SHHTning Xalq diplomatiyasi markazi hamda Maktabgacha ta’lim vazirligi, “Barkamol avlod” Respublika bolalar maktabi o‘rtasida hamkorlik memorandumlari imzolandi. Tadbir yakunida Markaz tashabbusi bilan nashr etilgan va markazning 4 yillik faoliyatini aks ettiruvchi “Yurakdan-yurakka intiluvchi diplomatiya” kitob-albomi taqdimoti o‘tkazildi. НОМИНАЦИЯЛАР_якунийЗаминда_тинчлик_бизнинг_қўлимизда (2).docx

Batafsil
Maktabgacha ta'lim agentligi
UNICEF Maktabgacha taʼlim vazirligiga maxsus yoʻriqnoma topshirdi

Sogʻliqni saqlash sifatini mustahkamlash orqali butun mamlakat boʻylab erta yoshdagi bolalarning rivojlanishini yaxshilash maqsadida, bugun UNICEF Maktabgacha taʼlim vazirligiga “Maktabgacha taʼlim tashkilotlarida tibbiy yordamni tashkil etish” nomli 8100 ta yoʻriqnomani topshirdi. Maktabgacha taʼlim vazirligi, sogʻliqni saqlash vazirligi, tibbiyot xodimlarining kasbiy malakasini oshirish markazi UNICEF ning texnik koʻmagi bilan bolalar uchun xavfsiz va sogʻlom sharoitlarni taʼminlash uchun tibbiyot xodimlarining malakasini oshirish maqsadida ushbu qoʻllanmani ishlab chiqdi. Mazkur nashr maktabgacha taʼlim tashkilotlaridagi tibbiyot xodimlari uchun qʼollanma boʻlib, ular faoliyatining asosoiy turlarini qamrab oladi. Yoʻriqnoma toʻgʻri gigiyena, oziqlanish va profilaktika choralari, jumladan immunizatsiya boʻyicha muhim maʼlumotlarni jamlagan. Unda bolalarning oʻsishi va rivojlanishini nazorat qilish masalalariga, sogʻlom turmush tarzi koʻnikmalarini shakllantirishga alohida eʼtibor qaratilgan. «Taʼlim dasturlarini samarali amalga oshirish uchun, avvalambor, maktabgacha taʼlim tashkilotlarining barcha xodimlari bolaning salomatligi, jismoniy va ruhiy salomatligi toʻgʻrisida kundalik gʻamxoʻrliklari zarur,” dedi maktabgacha taʼlim vaziri Agrippina Shin. Maktabgacha taʼlim tizimida faoliyat yurituvchi tibbiyot xodimlari salohiyatini oshirishning navbatdagi bosqichi sifatida, UNICEF Maktabgacha taʼlim vazirligini onlayn taʼlim dasturini ishlab chiqishda qoʻllab-quvvatladi. Bu dastur qisqa vaqt ichida 8000 dan ortiq hamshiralarni qamrab olib, ularni oʻqitish imkonini beradi.

Maktabgacha ta'lim agentligi
Sammit doirasida UNICEF ijrochi direktori Ketrin Rassel bilan uchrashuv boʻlib oʻtdi

Uchrashuvda soʻnggi yillarda Oʻzbekistonda taʼlim sohasida amalga oshirilgan keng koʻlamli islohotlar muhokama qilindi. Ketrin Rassel shu yilning 14-16-noyabr kunlari Toshkent shahrida boʻlib oʻtadigan “Kichik bolalarni taʼlim va tarbiyalash boʻyicha II-Jahon konferensiyasi”ga taklif etildi.  Ketrin Rassel Oʻzbekiston hukumati tomonidan maktabgacha taʼlimning ahamiyatini xalqaro miqyosda targʻib etish boʻyicha koʻrilayotgan chora-tadbirlarni yuqori baholadi va Toshkentda global konferensiya taklif etilgani uchun minnatdorlik bildirdi.

Maktabgacha ta'lim agentligi
Huquqiy ong yuksalsa, jamiyat taraqqiyotiga yoʻl ochiladi

Maktabgacha taʼlim tizimi xodimlarining mehnat huquqi, huquqbuzarliklarning oldini olish, shartnomalar va murojaatlar bilan ishlash boʻyicha bilimlarini kuchaytirish maqsadida tizimda, 2022-yilning 14-iyunidan 14-iyuligacha “Huquqiy savodxonlik oyligi” oʻtkazilishi belgilandi. “Huquqiy savodxonlik oyligi” doirasidagi oʻtkazilayotgan davra suhbatlarining navbatdagi manzili Buxoro viloyati boʻldi. Davra suhbatida Maktabgacha taʼlim vazirligi, Buxoro viloyati Prokuraturasi, Buxoro viloyati maktabgacha taʼlim boshqarmasi, tuman va shahar maktabgacha taʼlim boʻlimi, maktabgacha taʼlim tizimi xodimlar hamda OAV vakillari ishtirok etdi. Maktabgacha taʼlim tizimi xodimlari bilan oʻtkazilgan yuzma-yuz uchrashuvda tizimda faoliyat olib borayotgan xodimlarning huquqiy savodxonligini oshirish, shuningdek shartnomaviy munosabatlarga oid qonunchilik hujjatlari, jismoniy va yuridik shaxslarning murojaatlari toʻgʻrisidagi qonunchilik hujjatlari haqida aniq va batafsil maʼlumotlar berildi. Samimiy ruhda oʻtkazilgan davra suhbatida Buxoro viloyati maktabgacha taʼlim tizimida faoliyat olib borayotgan xodimlari oʻzlarini qiziqtirgan savollariga vazirlikning Yuridik hamda Kadrlar boshqarmasi boshliqlaridan javob oldilar.

Maktabgacha ta'lim agentligi
Konstitutsiyaviy Qonun loyihasi maktabgacha taʼlim tizimi xodimlari muhokamasida

Maʼlumki, 25-iyundan 5-iyulga qadar “Oʻzbekiston Respublikasining Konstitutsiyasiga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Konstitutsiyaviy qonuni loyihasi umumxalq muhokamasiga qoʻyilgan. Buxoro viloyati maktabgacha taʼlim boshqarmasi tomonidan ham Davlatimiz rahbarining Konstitutsiyaviy komissiya aʼzolari bilan uchrashuvdan kelib chiqadigan dolzarb vazifalar, umuman, mamlakatimizning takomillashtirilayotgan Bosh qomusi mazmun–mohiyati va uni keng targʻib etishga bagʻishlangan yigʻilish boʻlib oʻtdi. Buxoro shahridagi “Yoshlar markazida” oʻtgan yigʻilishda Maktabgacha taʼlim vazirligi, Buxoro viloyati Prokuraturasi, Buxoro viloyati maktabgacha taʼlim boshqarmasi, tuman va shahar maktabgacha taʼlim boʻlimi, maktabgacha taʼlim tizimi xodimlar hamda OAV vakillari ishtirok etdi. Yigʻilishda soʻzga chiqqanlar Yangi Konstitutsiyaning oʻzgartirish hamda qoʻshimchalar kiritilish nazarda tutilayotgan tegishli bob va moddalari yuzasidan oʻz fikr mulohazalarini bayon etdi. Maktabgacha taʼlim tizimi xodimlari bilan oʻtkazilgan yuzma-yuz uchrashuvda taʼkidlanganidek, taʼlim boʻyicha kiritilayotgan oʻzgarishlar, pensiyalar, nafaqalar, ijtimoiy yordam koʻrsatishning boshqa turlari rasman belgilangan eng kam isteʼmol xarajatlaridan past miqdorda boʻlishi mumkin emasligi aniq koʻrsatilmoqda. Homiladorligi yoki bolasi borligi sababli ayollarni ishga qabul qilishni rad etish, ularning ish haqini kamaytirishning taʼqiqlanishi, bolalar mehnatining eng yomon shakllaridan foydalanish qonunga binoan javobgarlikka sabab boʻlishi Konstitutsiyaviy Qonun loyihasida oʻz aksini topganligi aytib oʻtildi. Nikoh ayol va erkakning ixtiyoriy roziligi, teng huquqlilikka asoslanishi, bolalarning jismoniy, aqliy va maʼnaviy jihatdan toʻlaqonli rivojlanishi uchun barcha sharoitlarni yaratish davlat siyosatining eng muhim ustuvor yoʻnalishi ekanligi konstitutsiya loyihasida mustahkamlab qoʻyilganligi eʼtiborga sazovordir. Yigʻilganlar Qonun loyihasi yuzasidan oʻz fikr-mulohaza va takliflari bayon etdilar.

Maktabgacha ta'lim agentligi
Samarqandda “Zukko bolajon!” Fotoalbomi taqdimoti oʻtkazildi

Bugun «Yangi Oʻzbekiston – inson qadri ulugʻlangan yurt» shiori ostida Samarqand viloyatida oʻtkazilayotgan “Maʼnaviyat festivali” doirasida Samarqand shahridagi 36-sonli maktabgacha taʼlim tashkilotida “Zukko Bolajon” fotoalbomi taqdimotiga bagʻishlangan, badiiy-musiqali bayram tadbiri tashkil etildi. Tadbir davomida “Zukko Bolajon!” fotoalbomini 36-sonli maktabgacha taʼlim tashkilotiga hadya etildi. “Zukko Bolajon!” loyihasi doirasida fotokoʻrgazma hamda Samarqand qoʻgʻirchoq teatri tomonidan tomoshalari namoyish etildi. Kulolchilikka qiziqishi boʻlgan bolalar uchun ajoyib darslar tashkil qilindi.

Maktabgacha ta'lim agentligi
Taʼlim yoʻnalishida xalqaro uchrashuv boʻlib oʻtdi

Kuni kecha Oʻzbekiston Respublikasi Maktabgacha taʼlim vazirligi binosida vazir oʻrinbosari Uzoqboy Begimkulov va Belarus Respublikasidagi respublika kasb-hunar taʼlimi instituti professori Arkadiy Shklyar oʻrtasida uchrashuv boʻlib oʻtdi. Uchrashuv jarayonida vazirlikning bir qator boshqarma boshliqlari hamda Xorazm viloyati hokim oʻrinbosari ishtirok etishdi. Uchrashuv davomida vazirlik vakillari Oʻzbekistonda Maktabgacha taʼlim vazirligining tashkil etilishi tarixi va Oʻzbekistonda maktabgacha taʼlimning hozirgi holati haqida qisqacha maʼlumot berishdi. Suhbat davomida belaruslik hamkorlarning diqqat markazida Oʻzbekiston hukumati tomonidan ushbu tizimga qaratilayotgan alohida eʼtibor boʻldi, mehmonlarning taʼkidlashicha, maktabgacha taʼlim tizimini alohida tizim qilib shakllantirilishi natijasida 5 yil davomida rekord darajadagi maktabgacha taʼlim tashkilotlarining koʻpayishi va qamrovning oshishiga sabab boʻlgan. Bu albatta tahsinga sazovorligi mehmonlar tomonidan aytib oʻtildi. Shu bilan birga Oʻzbekistondagi maktabgacha taʼlimni rivojlantirishga oʻz hissalarini qoʻshish yoʻlida qilinayotgan harakatlaridan xursandliklarini bildirishdi. Uchrashuv davomida Arkadiy Shklyar Xorazm viloyati, Urganch shahrida 140 gektar maydonda barpo etilishi rejalashtirilayotgan “Aqlli hudud”ning qurilish loyihasi haqida soʻzlab berdi. Belorus vakili Arkadiy Shklyar taʼkidlaganidek, “Aqlli hudud”ning asl maqsadi, hayot davomida taʼlim tizimini tashkil etishda turli xil taʼlim muassasalari va tashkilotlari (bolalar bogʻchalari, maktablar, kollejlar, markazlar, universitetlar va boshqalar) ning faoliyatini yaxlit bitta ekotizimga aylantirishdir. Ayni kunlarda ushbu taʼlim tizimlari deyarli bir-biri bilan bogʻliq emas, ammo Oʻzbekistondagi barcha taʼlim tizimlarida standartlashtirilgan taʼlim dasturlari olib boriladi.   Yangi ekotizim mavjud ekotizimni yoʻq qilmasdan, balki uni rivojlantirib, taʼlim tashkilotlariga, ish beruvchilarga va oʻquv jarayonining boshqa ishtirokchilariga yangi vazifalarni taklif qiladi. Shu bilan birga, raqamli texnologiyalar shaxs, iqtisodiyot va taʼlim tizimini rivojlantirishning asosiy muammolariga muvofiq ishlab chiqilishi kerak boʻlgan taʼlim-tarbiya tizimidagi sezilarli oʻzgarishlarga erishiladi hamda taʼlimga tayyorgarlikning sifati, mavjudligini oshirish vazifalarining ustuvor xususiyatiga ega boʻlgan tegishli rivojlanish dasturlarini ishlab chiqadi. Shuningdek, ushbu taʼlim kompleksi ichida 1500 oʻrinli zamonaviy maktabgacha taʼlim tashkilotini qurish rejalashtirilgan. Ushbu maktabgacha taʼlim tashkilotining oʻziga xosligi shundan iboratki, maktabgacha taʼlim tashkilotining asl modelini amalga oshirishda, tarbiyalanuvchilar uchun ijtimoiy innovatsiyalar, raqamli texnologiyalar, STEM-taʼlim boʻyicha innovatsion dasturlarni ishlab chiqish va natijada “oʻrganishni oʻrgatish”ga qiziqishni ragʻbatlantirishga qaratilgan. Taʼlim jarayonida yuqori sifatni taʼminlash uchun quyidagi sharoit yaratish maqsadga muvofiqligi belgilangan, yaʼni: - “ Meta10I ” bolalarni oʻqitishning ilmiy - uslubiy tizim modelini bolaning qiziqishiga koʻra uning aql-idrokini rivojlantirish va tarbiyalanuvchilarning yuqori darajadagi bilim faoliyati, motivatsiyasini shakllantirish, undan foydalanish boʻyicha uslubiy tavsiyalarni joriy etish; -interaktiv treninglar, seminarlar, muhokamalar va munozaralarni tashkil etish, oilaviy tarbiyada muvaffaqiyatli tajriba almashish boʻyicha davra suhbatlarini oʻtkazish orqali ota-onalarning psixologik-pedagogik mahoratini ularning talab va qiyinchiliklarini inobatga olgan holda oshirishni taʼminlash. Shu bilan birga, “Bolalar va yoshlar uchun qoʻshimcha taʼlim majmuasi” taqdimoti oʻtkazildi. Ushbu majmuada nafaqat oʻtmishning, balki kelajakda foydali boʻlgan texnologiyalar, kasblar zamonaviy yutuqlarning ham oʻrganilishi haqida aytib oʻtildi. Bundan tashqari, majmuada bolalarning yanada chuqur va ilgʻor bilimlarga ega boʻlishi, foydali koʻnikmalarga hamda jamoada ishlash qobiliyatini rivojlantirilishiga alohida eʼtibor berilishi taʼkidlandi. Bu oʻzaro chambarchas ijtimoiy-madaniy majmua ota-onalar va mahalliy hamjamiyat, shuningdek madaniyat, sogʻliqni saqlash, sport, dam olish va boshqa ijtimoiy sohalar bilan hamkorlikda amalga oshirilishi rejalashtirilganligi bilan ahamiyatlidir.Majmua tarkibida koʻplab tarmoqlarning mavjudligi ayni muddaodir, chunki unda bolaning tashabbuskorligi, ijodiy fikrlash va nostandart yechimlarni topish qobiliyati, professional yoʻlni tanlash qobiliyati, oʻqish uchun butun hayot davomida izlanishdan toʻxtamaslik kabi ijobiy xislatlari shakllantiriladi.Uchrashuv yakunida tomonlar loyiha qurilishini koʻrib chiqishga kelishib oldilar va mazkur “Aqlli hudud” loyihasi Oʻzbekiston Respublikasi rahbariyati tomonidan maʼqullangandan soʻng, “Aqlli hudud”da maktabgacha taʼlim tashkilotini barpo etilishida, belaruslik hamkorlar texnik topshiriqlar boʻyicha oʻz tavsiyalarini berishlarini maʼlum qilishdi.Maktabgacha taʼlim vazirligi

Maktabgacha ta'lim agentligi
Hamkorlik shartnomasi imzolandi

Parijga tashrif chogʻida Maktabgacha taʼlim vazirligi va Inklyuziv taʼlim milliy instituti oʻrtasida inklyuziv taʼlim sohasida tajriba almashish maqsadida hamkorlik shartnomasi imzolandi. Fransiyaning Inklyuziv taʼlim milliy instituti imkoniyati cheklanganlar uchun taʼlim siyosatini amaliy amalga oshirish bilan shugʻullanadi. Institutning asosiy faoliyati inklyuziv taʼlim, ijtimoiy va kasbiy integratsiyaga yoʻnaltirilgan boʻlib, uch yoʻnalishda amalga oshiriladi: kadrlar tayyorlash, resurslar, ilmiy tadqiqotlar. Shuningdek, ushbu tadbir davomida hamyurtlarimiz Parij moda akademiyasining bitiruvchilariga diplomlarni topshirish marosida ishtirok etdi.

Batafsil
Maktabgacha ta'lim agentligi
20 ta MTTda quyosh energiyasi bilan ishlaydigan qoʻl yuvish stansiyalari oʻrnatildi

“Mehribonlik korpusi” tomonidan 20 ta maktabgacha taʼlim tashkilotida quyosh energiyasi bilan ishlaydigan qoʻl yuvish stansiyalari oʻrnatildi Maktabgacha taʼlim tashkilotlarida (MTT) turli yuqumli kasalliklar patogenlari tarqalishining oldini olish maqsadida Maktabgacha taʼlim vazirligi va Mehribonlik korpusi loyihasi doirasida AQSH qishloq xoʻjaligi vazirligining (USDA) moliyaviy koʻmagi bilan uskunalar sotib olindi va Qoraqalpogʻiston Respublikasi va Surxondaryo viloyatidagi yigirmata MTT da (har bir viloyatda 10 tadan) quyosh panellari asosida kompleks qoʻl yuvish stansiyalarining montaj ishlari toʻliq yakunlandi. Ushbu qoʻl yuvish stansiyalari mazkur maktabgacha taʼlim tashkilotlarida taʼlim-tarbiya olayotgan 3 mingdan ziyod oʻquvchi uchun iliq oqar suvdan foydalanish imkonini beradi. Quyosh panellari asosida qoʻl yuvish stansiyalarini oʻrnatish bilan birga 48 nafar texnik xodim “Mehribonlik korpusi” dasturi doirasida yangi uskunalardan toʻgʻri foydalanish va ularga texnik xizmat koʻrsatish boʻyicha oʻqitildi.

Maktabgacha ta'lim agentligi
Maktabgacha ta’lim vazirligi delegatsiyasi Parijda

Parijda bo'lib turgan vazir Agrippina Shin boshchiligidagi Maktabgacha ta’lim vazirligi delegatsiyasi Parijdagi "Sumerlin" davlat maktabgacha ta’lim tashkilotiga tashrif buyurdi. Tashkilot direktori janob Sharli Jegonde delegatsiyani tashkilot faoliyati bilan tanishtirdi. Ushbu davlat ta'lim tashkiloti 1978 yilda tashkil etilgan. U Parijning 20-okrugida joylashgan. Unda 140 nafarga yaqin bola tahsil oladi. Shuningdek, ushbu bolalar bog'chasi Parijdagi 12 ta tashkilotni o'z ichiga olgan mahalliy inklyuziv maktabgacha ta'lim tashkilotlari klasterini boshqaradi. Shu bilan birga vazirlik delegatsiyasi taʼlimgacha boʻlgan oʻzgarishlar boʻyicha sammit doirasida SUR-4'ga erishishni tezlashtirish uchun hukumatlar va hamkorlar taʼlim inqirozini hal qilish uchun zarur boʻlgan shoshilinch choralarni muhokama qilish uchun tadbirda ishtirok etdi. Butun dunyo ta'lim vazirlari ta'limni tiklash va rivojlantirish bo'yicha amalga oshirilayotgan strategiyalar bilan o'rtoqlashdi va ta'lim inqirozini qanday hal qilish bo'yicha aniq misollar keltirdilar.

Maktabgacha ta'lim agentligi
MTT tarbiyalanuvchilari oʻrtasida shaxmat bo‘yicha 2022-yilgi "O'zbekiston birinchiligi” musobaqasi bo‘lib o‘tdi

Xabaringiz bor, maktabgacha taʼlim tashkiloti tarbiyalanuvchilari oʻrtasida shaxmat boʻyicha “Oʻzbekiston birinchiligi” musobaqasining  maktabgacha taʼlim tashkiloti bosqichi joriy yilning 5-8 iyun kunlari, tuman (shahar) bosqichi 12-16 iyun kunlari, viloyat bosqichi 19-22 iyun kunlari oʻtkazildi. Bugun, 28-iyun kuni maktabgacha ta’lim tashkilotlarining tarbiyalanuvchilari o’rtasida shaxmat bo’yicha “O’zbekiston birinchiligi” musobaqasining Respublika bosqichi bo’lib o’tdi. Mamlakatimizda shaxmatni aholi oʻrtasida keng targʻib qilish va oʻsib kelayotgan yosh avlodning intellektual va madaniy rivojlanishiga hissa qoʻshish maqsadida maktabgacha taʼlim tashkilotlarining tarbiyalanuvchilari oʻrtasida shaxmat boʻyicha “Oʻzbekiston birinchiligi” musobaqasining Respublika bosqichi, viloyat bosqichida gʻolib boʻlgan jami 28 nafar maktabgacha taʼlim tashkilotlarining 14 nafar oʻgʻil va 14 nafar qiz bola tarbiyalanuvchilari oʻrtasida oʻtkazildi. Musobaqa yakunlari boʻyicha oʻgʻil va qiz bola tarbiyalanuvchilardan I, II va III oʻrin gʻoliblari aniqlandi va  vazirlikning diplomi bilan qolgan ishtirokchilar faxriy yorliq hamda qimmatbaho sovgʻalar bilan taqdirlandilar. Unda qiz bolalar oʻrtasida I oʻrinni Xusnitdinova Xusnoraxon (Toshkent shahar), II oʻrinni Jumayeva Iroda (Sirdaryo viloyati), III oʻrinni esa Nurillayeva Shirinoy (Xorazm viloyati) egalladi. Oʻgʻil bolalardan esa I oʻrin Muhammadiyev Xushnudbek (Qashqadaryo viloyati), II oʻrin Abdunaimov Akbarbek (Navoiy viloyati), III oʻrin esa Akmalov Behroʻzbek (Farg‘ona viloyati)ga nasib qildi.

Maktabgacha ta'lim agentligi
“Pedagoglar guruhini tayyorlash” deb nomlangan qoʻshma loyihasining ochilishi boʻlib oʻtdi

Oʻzbekiston Respublikasi Maktabgacha taʼlim vazirligi va A.I.Gersen nomidagi Rossiya davlat pedagogika universiteti bilan ikki tomonlama hamkorlikda 2022-yil 28-iyun kuni maktabgacha taʼlim tizimida faoliyat olib borayotgan mutaxassislar ishtirokida “Pedagoglar guruhini tayyorlash” deb nomlangan qoʻshma loyihasining ochilishi boʻlib oʻtdi. Mazkur loyihani vazir oʻrinbosari Uzoqboy Begimkulov, A.I.Gersen nomidagi Rossiya davlat pedagogika universiteti rektorining xalqaro aloqalar boʻyicha maslahatchisi Yuliya Komarova ochib berdi. Ochilishda A.I.Gersen nomidagi Rossiya davlat pedagogika universitetining Toshkent shahridagi filiali rektori va masʼul xodimlar ham ishtirok etdi. Shu bilan birga, Bolalik instituti direktori Viktoriya Novitskaya bevosita ishtirok etdi. Loyihaning ochilish marosimidan soʻng, birinchi modul ishga tushirildi. Unda oʻqituvchilarimiz uchun 2 kun davomida onlayn asosida maktabgacha taʼlim tizimida bolalarga taʼlim-tarbiya jarayoni mavzularida oʻquv oʻtkaziladi. Shundan soʻng, taʼlim jarayonida ishtirok etayotgan mutaxassislarga uy vazifalari bilan taʼtilga chiqishlari va joriy yilning sentyabr oyida oʻquv mashgʻulotlarni davom ettirilishi va umumiy oʻqish muddati 6 oy davom etilishi toʻgʻrisida tushuntirish ishlari olib borildi. Jumladan: Muvaffaqiyatli oʻqishni tugatgandan soʻng, ularning barchasi A.I.Gersen nomidagi davlat pedagogika universitetining Rossiya diplomi va Maktabgacha taʼlim vazirligining sertifikati taqdim etilishi bildirildi. Rossiya Federatsiyasining Bolalik instituti dotsentlari ishtirokidagi maʼruzaning birinchi yarmini tinglandi. Oʻqish jarayonida oʻqituvchilarimiz 5 ta kichik guruhga boʻlinib, har bir oʻquv guruhiga 5 nafardan dotsent professor oʻqituvchilari biriktirilishi ogoxlantirildi.

Maktabgacha ta'lim agentligi
Fargʻonada “Huquqiy savodxonlik oyligi” doirasida davra suhbati oʻtkazildi

Maktabgacha taʼlim tizimi xodimlarining mehnat huquqi, huquqbuzarliklarning oldini olish, shartnomalar va murojaatlar bilan ishlash boʻyicha bilimlarini kuchaytirish maqsadida tizimda, 2022-yilning 14-iyunidan 14-iyuligacha “Huquqiy savodxonlik oyligi” oʻtkazilishi belgilab qoʻyildi. “Huquqiy savodxonlik oyligi” doirasidagi dastlabki davra suhbati Fargʻona vodiysidan boshlandi. Unda Maktabgacha taʼlim vazirligi Yuridik boshqarma boshligʻi, vazirlikning Kadrlar boshqarma boshligʻi, Fargʻona viloyat Adliya boshqarmasi masʼul xodimi, viloyat maktabgacha taʼlim boshqarmasi boshligʻi, Fargʻona, Andijon hamda Namangan viloyatlaridan tashrif buyurgan maktabgacha taʼlim tizimda faoliyat olib borayotgan 500 ga yaqin xodimlar ishtirok etdi. Davra suhbatida maktabgacha taʼlim tizimida faoliyat olib borayotgan xodimlarning huquqiy savodxonligini oshirish, shuningdek shartnomaviy munosabatlarga oid qonunchilik hujjatlari, jismoniy va yuridik shaxslarning murojaatlari toʻgʻrisidagi qonunchilik hujjatlari haqida aniq va batafsil maʼlumotlar berildi. Ochiq, oshkora va samimiy ruhda boʻlib oʻtgan davra suhbatida vodiy viloyatlaridagi maktabgacha taʼlim tizimida faoliyat olib borayotgan xodimlari oʻzlarini qiziqtirgan savollariga vazirlikning Yuridik hamda Kadrlar boshqarmasi boshliqlaridan javob oldilar. Davra suhbatida ommaviy axborot vositalari vakillari ham ishtirok etib, tadbir ishini kuzatib bordi.

Maktabgacha ta'lim agentligi
Konstitutsion islohotlar muhokama qilindi

Maktabgacha taʼlim vazirligida konstitutsion islohotlar muhokama qilindi. Unda Oʻzbekiston Respublikasi Oliy Majlisi Qonunchilik palatasi spikerining oʻrinbosari, “Milliy tiklanish” partiyasi raisi Alisher Qodirov ishtirok etdi. Muhokamada alohida qayd etilishicha, konstitutsiyaviy qonun loyihasi Konstitutsiyamizning 60 dan ortiq moddalariga 200dan ortiq tuzatishlarni nazarda tutmoqda. Konstitutsiyaga oʻzgartishlar “inson-jamiyat-davlat” prinsipiga asoslangan boʻlib, milliy konstitutsiyaviy oʻzlikni aks ettiradi va amaldagi Konstitutsiyamizning barcha boʻlimlariga tub oʻzgartishlar kiritishni nazarda tutadi. Qayd etilishicha, konstitutsiyaviy tuzatishlar, avvalambor, jamiyatning turli ijtimoiy qatlamlariga mansub boʻlgan fuqarolarning shaxsiy, ijtimoiy, iqtisodiy, siyosiy, madaniy va ekologik huquqlari hamda manfaatlarini taʼminlashga, himoya qilishga qaratilgan toʻgʻridan-toʻgʻri ishlaydigan normalarga aylanadi. Xususan, Konstitutsiyaning 41-moddasiga qoʻshimcha sifatida maktabgacha taʼlim va tarbiya davlat nazoratida boʻlishi belgilab qoʻyilmoqda.

Maktabgacha ta'lim agentligi
Xalqaro vebinarda “Imkon” va “Umid” tashkilotlari mutaxassislari ishtirok etdi

Joriy yilning 21-iyun kuni Qibray tumani, Nukus va Qarshi shaharlaridagi “Imkon” hamda Zarafshon shahardagi “Umid” reabilitatsiya markazlariga ega davlat koʻp tarmoqli ixtisoslashtirilgan maktabgacha taʼlim tashkilotlari hamda Toshkent shahri va respublikamizning barcha hududlaridagi davlat koʻp tarmoqli ixtisoslashtirilgan maktabgacha taʼlim tashkilotlari rahbarlari va mutaxassislarining milliy tizimini yaratish, shuningdek, imkoniyati cheklangan bolalarga erta aralashuv sohasida malaka oshirish boʻyicha vebinar treningda ishtirok etishdi. Unda xalqaro ekspertlar portugaliyalik filologiya fanlari doktori Ana Mariya Serrano, portugaliyalik tibbiyot fanlari doktori Joze Boavida Fernandesh maʼruzalari bilan ishtirok etishdi. Ushbu vebinar imkoniyati cheklangan bolalar uchun erta aralashuv boʻyicha dalillarga asoslangan amaliyot bilan bogʻliq asosiy tushunchalar va gʻoyalarni joriy etish va taqdim etishga qaratilgan bir qator vebinarlarning uchinchisidir. Ular milliy manfaatdor tomonlar va rivojlanishda kechikishlar hamda nogironligi boʻlgan yosh bolalarga, shuningdek, ularning oilalariga xizmat koʻrsatish bilan shugʻullanadigan turli amaliyotchilar oʻrtasida zamonaviy erta aralashuv amaliyoti va tizimlarining asosiy tamoyillari, shuningdek elementlari haqida xabardorlikni oshirishga qaratilgan. Vebinarlar YUNICEF mintaqaviy byurosi tomonidan erta bolalik aralashuvi boʻyicha Yevropa assotsiatsiyasi (EURLYAID) bilan hamkorlikda erta bolalikka aralashuvning zamonaviy amaliyotlari va tizimlari boʻyicha mintaqaviy va milliy ishlarni ilgari surish boʻyicha salohiyatni oshirish tashabbuslari doirasida tashkil etiladi.

Batafsil
Maktabgacha ta'lim agentligi
Maktabgacha taʼlim vazirligi huzurida Jamoatchilik kengashining yigʻilishi hamda sohada amalga oshirilgan ishlar va rejalashtirilgan vazifalar yuzasidan matbuot anjumani

2022-yil 22-iyun kuni Maktabgacha taʼlim vazirligi huzurida Jamoatchilik kengashining yigʻilishi hamda sohada amalga oshirilgan ishlar va rejalashtirilgan vazifalar yuzasidan matbuot anjumani boʻlib oʻtdi. I. Maktabgacha taʼlim tizimi boʻyicha 2017-2021-yillarda amalga oshirilgan ishlarning tahliliy maʼlumoti 2017-yilda maktabgacha taʼlim tizimiga ajratilgan mablagʻlarning (jami 2,0 trln.soʻm) YAIMdagi ulushi 0,7 foizni tashkil etgan boʻlsa,2021-yilda 7,3 trln.soʻm ajratilgan boʻlib bu koʻrsatkich 1,06 foizni tashkil etdi. Shu bilan birga, Davlat byudjeti xarajatlari tarkibidagi ulushi2017-yilda 4,46 foizni, 2021-yilda kelib 4,86 foizni tashkil etdi. 2017-2021-yillarda bolalarni maktabgacha taʼlim bilan qamrab olish darajasi ikki barobardan oshdi. Jumladan, 2017-yilda maktabgacha yoshdagi bolalarning 708 ming nafari, 2020-yilda 1 mln 700 ming nafari,(60,9 foiz) maktabgacha taʼlim bilan qamrab olingan boʻlsa, bugungi kunga qadar qoʻshimcha 257 ming nafar (+ 8,5 foiz) bola qamrab olinishi hisobiga ularning soni 1 mln 957 ming nafarga (69,4 foiz) yetdi. Respublikadagi barcha bolalar uchun bir xil boshlangʻich imkoniyatlarni yaratish yoʻlida har bir bolaning maktabga kirishidan bir yil oldin umumiy oʻrta taʼlimga majburiy bir yillik tayyorgarlikdan oʻtishga boʻlgan huquqi “Maktabgacha taʼlim va tarbiya” toʻgʻrisidagi qonun bilan kafolatlandi. Endilikda bolalar maktabga chiqishdan oldin bir yillik majburiy bepul maktabga tayyorlovdan oʻtkazilmoqda. Joriy yil yakuniga kelib qamrab olingan 6 yoshli bolalar soni 589 ming nafarga (83,8 foiz) yetdi. 2017-yildagi 5 211 ta maktabgacha taʼlim tashkilotlari soniga nisbatan besh barobarga oshib, hozirda 28 012tani (2020-yilda 18 254 ta) tashkil etmoqda. Tizimga xususiy sektorning jalb qilinishi natijasida nodavlat maktabgacha taʼlim tashkilotlari soni 250 tadan 21 600 taga yetdi. Jumladan, davlat-xususiy sherikchilik sohasidagi oilaviy maktabgacha taʼlim tashkilotlari soni 19 672 taga yetdi. Davlat-xususiy sherikchiligi asosidagi maktabgacha taʼlim tashkilotlarining 56 foiz tarbiyalanuvchilari imtiyozli shartlarda ota-ona toʻlovini amalga oshiradi. Ushbu maktabgacha taʼlim tashkilotlarini tashkil qilishga 2,2 trln. soʻm imtiyozli kredit mablagʻlari yoʻnaltirildi. Natijada maktabgacha taʼlimga jalb etilgan bolalarning 32 foizi nodavlat maktabgacha taʼlim tashkilotlarida taʼlim-tarbiya olmoqda. 2018-2021-yillarga moʻljallangan Investitsiya dasturlari doirasida1 424 ta (2021-yilda 199 ta) obyektlarda qurilish-taʼmirlash ishlari amalga oshirilishi natijada bolalar uchun qoʻshimcha 73 mingdan ortiq (2021-yilda 12 395) oʻrinlar yaratildi. Ijtimoiy himoyaga muhtoj oila farzandlari uchun bepul maktabgacha taʼlimning muqobil turlari joriy etildi. Jumladan: “Aqlvoy” loyihasi doirasida respublikadagi maktabgacha taʼlim tashkilotlari mavjud boʻlmagan hamda qamrov koʻrsatkichlari past boʻlgan142 ta MFYda 7 mingga yaqin bolalarni qamrab oladigan qayta jihozlangan 65 ta avtobuslar negizida 387 ta mobil guruhlar shakllantirildi. BMTning Xalqaro bolalar fondi YUNISEF tashkiloti bilan hamkorlikda tajriba-sinov tariqasida Namangan va Xorazm viloyatlarida8 ta maktabgacha taʼlimning “Turli xil yoshdagi maktabgacha taʼlim guruhlari” (oʻyin guruhlari) muqobil shakli joriy etilib, jami 400 nafar bola qamrab olindi. Shu kunga qadar Maktabgacha taʼlim vazirligi va xorijiy hamkorlar oʻrtasida Oʻzbekiston Respublikasida maktabgacha taʼlim tizimini rivojlantirishga qaratilgan 71 ta memorandum va kelishuvlar imzolandi. Maktabgacha taʼlim sohasiga xorijiy investitsiyalarni keng jalb etish boʻyicha 141 mln (2021-yilda 43,6 mln) AQSH dollari miqdorida xalqaro kelishuvlarga erishilgan. Shuningdek, maktabgacha taʼlim tashkilotlarini yuqori malakali kadrlar bilan taʼminlash hamda sifatli taʼlim xizmatini koʻrsatish boʻyicha ham muayyan ishlar amalga oshirilmoqda. 2021-2022 oʻquv yilidan boshlab Maktabgacha taʼlim vazirligi tasarrufidagi 96 ta pedagogika kollejlarida jami 54 551 nafar talaba oʻqimoqda. Shundan, kunduzgi taʼlim shakli bilan bir qatorda 11 300 dan ziyod talabalarni qamrab olgan holda ilk bor sirtqi, kechki va dual taʼlim shakllari ham joriy etildi. 2021-2022 oʻquv yilida Toshkent shahrida Puchon universitetining (Janubiy Koreya) “Maktabgacha taʼlim” yoʻnalishida 1 198 nafar talaba, “A.I.Gersen nomidagi Rossiya davlat pedagogika universiteti” Federal davlat-byudjet oliy taʼlim muassasasi filialining Maktabgacha taʼlim sohasiga oid 298 nafar talaba tahsil olmoqda. Maktabgacha taʼlim tizimidagi pedagoglar soni 2017-yilda 58 400 nafarni, 2021-yil yakunida esa 134 641 nafarni tashkil etdi. Shuningdek, oliy maʼlumotli pedagoglar salmogʻi 21,6 foizdan 33,8 foizgacha (2021-yilda +2,1 foiz) yetkazildi. 2017-2021-yillarda Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish institutida 18 469 nafar rahbar, mutaxassis va pedagoglar malakasini oshirgan, 1 443 nafar nomutaxassis kadrlar qayta tayyorlash kurslaridan oʻtgan. 50 mingdan ortiq rahbar, mutaxassis va pedagoglar uchun kasbiy kompetensiyalarini rivojlantirish boʻyicha qisqa muddatli kurslar tashkil qilingan. 2018-2021-yillar davomida maktabgacha taʼlim tashkilotlariga 55 ming dona “Ilk qadam” dasturi va davlat talablari, 122 ming komplekt didaktik plakat va kartochkalar, 2 mln 768 ming dona ish daftarlari, 12,5 ming komplekt mavzuli rejalashtirish toʻplami, 153 ming komplekt didaktik oʻyinlar, 475 ming dona bolalarni rivojlantiruvchi oʻyinchoqlar, 80 ming komplekt badiiy adabiyotlar, pedagoglar uchun 255 ming dona oʻquv va metodik qoʻllanmalar yetkazib berildi. Inklyuziv taʼlim tamoyillari va imkoniyati cheklangan bolalarga yordam koʻrsatishning yangi shakllari joriy etilmoqda. Jumladan, Nukus, Qarshi shaharlari va Qibray tumanida “Imkon” reabilitatsiya markaziga ega boʻlgan koʻp tarmoqli ixtisoslashtirilgan va qoʻshma turdagi maktabgacha taʼlim tashkiloti kabi yangi shakllari joriy etildi. 2021-yilda barcha koʻp tarmoqli ixtisoslashtirilgan davlat maktabgacha taʼlim tashkilotlari reabilititsiya asbob uskunalari bilan taʼminlandi. Jahon sogʻliqni saqlash tashkiloti mutaxassislari bilan birgalikda bolalarni ovqatlantirish standartlari, jumladan, oziq-ovqat mahsulotlari roʻyxati hamda ovqat tayyorlash texnologiyasini koʻrib chiqilib, ushbu tamoyillarni amaliyotga tatbiq etish va bolalarning sogʻlom ovqatlanishini taʼminlash maqsadida maktabgacha taʼlim tashkilotlari uchun taomlar retsepti kitobi ishlab chiqildi. II. Maktabgacha taʼlim sohasida hal etilishi lozim boʻlgan dolzarb muammolar va ularni bartaraf etish yoʻllari. Birinchidan, respublikada 1,1 mingga yaqin MFYda maktabgacha taʼlim tashkilotlari mavjud emas. Buning uchun: - har yilgi Investitsiya va boshqa dasturlar doirasida davlat maktabgacha taʼlim tashkilotlarini qurish va boʻsh turgan obyektlarni rekonstruksiya qilish; - maktabgacha taʼlimning muqobil shakllarini joriy qilish; - qurilishning muqobil shakllaridan foydalanish; - yangi qurilish uchun xorijiy grant va kredit mablagʻlarini jalb qilish; - nodavlat sektorning sohadagi ulushini oshirish; - turar-joy binolarining birinchi qavatlaridan foydalangan holda yangi quvvatlarni yaratish ishlarini rivojlantirish. Ikkinchidan, maktabgacha taʼlim tashkilotlari xodimlarining oylik maoshlari pastligi kadrlar qoʻnimsizligini keltirib chiqarmoqda, shuningdek tajribali kadrlarni jalb etish imkoniyatlarini pasaytirmoqda. Maʼlumot uchun, oliy toifadagi tarbiyachining bazaviy tarif stavkasi 1,8 mln soʻmni; birinchi toifadagi 1,7 mln soʻmni; ikkinchi toifadagi 1,57 mln soʻmni va oliy maʼlumotli tarbiyachining bazaviy tarif stavkasi 1,45 mln soʻmni hamda oshxona oshpazining ish haqi miqdori 909 ming soʻmni tashkil etadi. Buning uchun: - maktabgacha taʼlim tashkiloti tarbiyachilari ish haqi miqdorini boshlangʻich sinf oʻqituvchilarining ish haqiga tenglashtirish; - maktabgacha taʼlim tizimi xodimlarining bazaviy tarif stavkalarini oshirish boʻyicha normativ-huquqiy hujjatni qabul qilish. Uchinchidan, maktabgacha taʼlim tashkilotlarida oliy maʼlumotli pedagog kadrlar ulushi atigi 33,8 foizni tashkil etadi. Oliy maʼlumotli kadrlar ulushini oshirish uchun: A.I.Gersen nomidagi Rossiya davlat pedagogika universiteti Toshkent filiali va Toshkentdagi Puchon universitetida maktabgacha taʼlim yoʻnalishlarida sirtqi taʼlim shaklini kengaytirish; A.I.Gersen nomidagi Rossiya davlat pedagogika universiteti bilan hamkorlikda “Komanda pedagogov pod klyuch” loyihasini amalga oshirish; maktabgacha taʼlim sohasida kadrlarni fanlararo integrativ tayyorlash, bunda maktabgacha taʼlim yoʻnalishida universal kadr tayyorlashni, yaʼni har bir bitiruvchi ham tarbiyachi, ham musiqa rahbari, ham jismoniy tarbiya yoʻriqchisi, ham xorijiy til oʻqituvchisi kompetensiyasi bilan tayyorlanishini taʼminlash boʻyicha takliflar ishlab chiqish; - Maktabgacha taʼlim tashkilotlari rahbar kadrlari zahirasini maqsadli oʻqitish kurslarini yoʻlga qoʻyish; - bakalavriatning nopedagogik taʼlim yoʻnalishlari bitirgan oliy maʼlumotli kadrlar uchun kasbiy qayta tayyorlash kurslarini, musiqa, jismoniy tarbiya, xorijiy til yoʻnalishlarini bitiruvchilari uchun pedagogik qayta tayyorlash kurslari tarmogʻini kengaytirish. Toʻrtinchidan, maktabgacha taʼlim tashkilotlari pedagog kadrlarining salohiyati past, rahbar va pedagog kadrlarning professional tayyorgarligi va mahoratini oshirib borishning samarali tizimi mavjud emas. Buning uchun: - KOICA ning “Oʻzbekistonda kadrlarni tayyorlash, oʻqitish va rivojlantirish boʻyicha Kompleks markazni tashkil etish orqali maktabgacha taʼlim tashkilotlari pedagog kadrlari salohiyatini oshirish” loyihasi doirasida tizimli ishlarni yoʻlga qoʻyish; nodavlat maktabgacha taʼlim tashkilotlaridagi pedagog kadrlarni malakasini oshirish, shu jumladan qisqa muddatli oʻquv kurslarini tashkil etish; - pedagog kadrlarni malakasini oshirishning koʻp ballik tizimga asoslangan uzluksiz, muqobil shakllarini tajriba-sinov tariqasida joriy etish; - pedagogika kollejlari bazasida oliy taʼlim muassasalari ishtirokida tajriba-sinov tariqasida “Maktabgacha taʼlim klasteri” faoliyatini yoʻlga qoʻyish; pedagog kadrlarning kasbiy rivojlanish monitoringini olib borishning elektron axborot tizimini joriy etish.

Maktabgacha ta'lim agentligi
Kattaqoʻrgʻon tumani oʻtkazilgan ommaviy qabul

2022-yil 21-iyun kuni Samarqand viloyati Kattaqoʻrgʻon tumanida Oʻzbekiston Respublikasi Prezidenti Administratsiyasi tomonidan ommaviy qabul boʻlib oʻtdi.Ommaviy qabul davomida maktabgacha taʼlim tizimiga oid 11 ta murojaatlar boʻldi hamda ushbu murojaatlardan 9 nafari Kattaqoʻrgʻon tumani,1 nafari Ishtixon va 1 nafari Kattaqoʻrgʻon shahri fuqarolaridan kelib tushdi.Qilingan murojaatlarning 4 nafari oilaviy MTT tashkil etish uchun bitim imzolanishini tezlashtirish boʻlib, qolgan 3 nafariga ijobiy hal etilishi aytib oʻtildi.1 nafari DXSH asosidagi MTT tashkil etish boʻyicha qilingan murojaatchiga huquqiy tushunchalar berildi. Bundan tashqari qilingan 11 ta murojaatlarning 5 tasi ijobiy, 3 tasiga joyida huquqiy maslahat berilib, qolgan 3 ta murojaatchining masalasi rad etilish orqali hal etildi.

Maktabgacha ta'lim agentligi
Ohangaronda amaliy seminar boʻlib oʻtdi

Toshkent viloyati Maktabgacha taʼlim boshqarmasi tashabbusi bilan maktabgacha taʼlim tashkilotlari faoliyatini boshqarish yuzasidan jamoatchilik nazoratini takomillashtirish hamda Kuzatuv kengashlari faoliyatini samarali tashkil etish maqsadida Toshkent viloyati Ohangaron shahar Maktabgacha taʼlim boʻlimi tasarrufidagi 14-sonli davlat maktabgacha taʼlim tashkilotida “Maktabgacha taʼlim tashkilotlari faoliyatini boshqarish yuzasidan jamoatchilik nazoratini takomillashtirishda Kuzatuv kengashlari faoliyatining oʻrni” mavzusida viloyat miqyosidagi amaliy seminar boʻlib oʻtdi. Unda viloyatning barcha tuman va shahar Maktabgacha taʼlim boʻlimlarining davlat va nodavlat maktabgacha taʼlim tashkilotlari faoliyatini muqobil oʻqitishni tashkil etish metodistlari hamda maktabgacha taʼlim tashkilotlari direktorlari ishtirok etishdi. Seminar davomida “Kuzatuv kengashi meʼyoriy hujjatlarini yuritilishi”, “Maktabgacha taʼlim tashkilotlarida tashkil etilgan pullik xizmat faoliyatlaridan tushadigan  mablagʻlar hisobotini yuritilishi” kabi mavzularda mutaxassislar tomonidan tushunchalar berib oʻtildi. Maktabgacha taʼlim tashkilotlarida tashkil etilgan pullik xizmatlar faoliyati haqida soʻz ketarkan, bunda xolislik, adolat va shaffoflik prinsiplari asosida yoʻlga qoʻyilgan faoliyat yaxshi samaralar berishi xususida fikrlar bildirildi. “SWOT DARAXTI» metodikasi boʻyicha trening tashkil etilib, ishtirokchilar mavzu boʻyicha  tajribalaridan kelib chiqib  muammolar va uning yechimi borasida fikr-mulohazalarini bildirdilar. Seminarning ikkinchi bosqichi maktabgacha taʼlim tashkilotlarida jamoatchilik asosida tashkil etilayotgan “Konsilium markazi”ning faoliyatiga bagʻishlandi. Konsilium markazining asosiy vazifasi tarbiyalanuvchilarning ota-onalari bilan hamkorlikni kuchaytirish, oilalarda ijtimoiy-maʼnaviy muhitini yanada sogʻlomlashtirishga koʻmaklashish, ota-onalarning farzand tarbiyasidagi huquqiy, maʼnaviy-axloqiy, pedagogik, psixologik bilimlarini oshirishga qaratilgan tadbirlarni amalga oshirishdan iborat.   Afsuski, kundalik hayotimizda oʻz farzandining  tarbiyasiga yetarlicha eʼtibor bermayotgan ota-onalar, nosogʻlom oila muhitida yashayotgan bolalar ham uchrab turadi. Ularning ota-onalariga nisbatan taʼsir choralarini qoʻllashda jamoatchilikning oʻrni beqiyosdir. Bunday oila farzandlariga yordam koʻrsatish, maʼnaviy muhitni yaxshilashga koʻmaklashishda soha vakillarining mahalla ahli bilan hamkorlikdagi faoliyati ijobiy natijalar berishi kutilmoqda.  Shu bois ham maktabgacha taʼlim tashkilotlarida “Yosh onalar maktabi”, “Buvijonlar maktabi”, “Yosh otalar maktabi” yoʻlga qoʻyilib, har ikki tomonning talab va taklifi, istak va imkoniyati, muammo va yechimlari  oʻrtaga tashlanib, eng maqbul choralarni koʻrish belgilab qoʻyilgan.

Maktabgacha ta'lim agentligi
4 ta yangi MTT foydalanishga topshirildi

Fargʻona viloyati Fargʻona shahridagi “Sharshara” mahallasida yangi MTT ochildi. Davlat xususiy sherikligi asosidagi mazkur taʼlim tashkiloti 50 oʻringa moʻljallangan boʻlib, bu yerda bolajonlarga ingliz va rus tillarida saboq beriladi.Viloyatdagi Oltiariq tumanidagi “Yangiqoʻrgʻon” MFYda “Shirintoy” nomli yangi maktabgacha taʼlim tashkiloti oʻz faoliyatini boshladi. Davlat xususiy sherikligi asosidagi mazkur taʼlim tashkiloti qurilishiga 4 mlrddan ziyod mablagʻ sarflandi. U 150 oʻrinli boʻlib, tashkilotning ishga tushirilishi natijasida 22 ta yangi ish oʻrinlari yaratildi.Viloyatning Bagʻdod tumanidagi 32-sonli DMTTning yangi 90 oʻrinli binosi foydalanishga topshirildi.Shuningdek, Navoiy shahridagi “Farovon” mahallasida yangi xususiy maktabgacha taʼlim tashkiloti ochildi. U 120 oʻringa moʻljallangan.

Maktabgacha ta'lim agentligi
“Zukko Bolajon!” foto-albomi taqdimotiga bagʻishlangan badiiy-musiqali bayram tadbiri oʻtkazildi

Oʻzbekiston Respublikasi Maktabgacha taʼlim vazirligi, Respublika Maʼnaviyat va maʼrifat markazi, “Maʼrifat” targʻibotchilar jamiyati hamda Oliy Majlis huzuridagi jamoat fondi hamkorligida poytaxtimizdagi 482-sonli maktabgacha taʼlim tashkilotida “Zukko Bolajon” foto-albomi taqdimotiga bagʻishlangan, badiiy-musiqali bayram tadbiri oʻtkazildi. Unda Maktabgacha taʼlim vazirligining masʼullari, “Maʼrifat” targʻibotchilar jamiyati aʼzolari, poytaxtimizda joylashgan maktabgacha taʼlim tashkilotlari mudiralari, tarbiyalanuvchilari ishtirok etdi. Tadbir davomida “Zukko Bolajon!” fotoalbomi ustida yurtimizdagi taniqli olimlar, pedagog-psixologlar, ekspertlar va soha mutaxassislarini jalb etgan holda milliy anʼanalarimizga xos taʼlim-tarbiya, yoʻqolib borayotgan odob-axloq meʼyorlarini yodga soladigan 50 dan ortiq holatni oʻzida aks ettirgan ssenariy loyihalari ishlab chiqilgani va shu ssenariy asosida suratga olish ishlari tashkil etilgani aytildi.  Ushbu albom mamlakatimizdagi 17 nafar fan arboblari, adabiyot, sanʼat, madaniyat namoyandalari, olimlar, shoir-yozuvchilar va sportchilar tomonidan maʼnaviy-axloqiy tarbiyani rivojlantirishga hissa qoʻshadigan xulosalar asosida toʻldirilib, 100 dan ortiq lavhalar bilan boyitildi.

Maktabgacha ta'lim agentligi
“Sifatli taʼlim-inson kapitalini rivojlantirishning hal qiluvchi omili” hamda “Bogʻcha xodimlarining professional tayyorgarligi va mahoratini oshirib borishda olib borilayotgan amaliy ishlar” mavzularidagi matbuot anjumani PRESS-RELIZ

Joriy yilning 13-iyun kuni “Sifatli taʼlim-inson kapitalini rivojlantirishning hal qiluvchi omili” hamda “Bogʻcha xodimlarining professional tayyorgarligi va mahoratini oshirib borishda olib borilayotgan amaliy ishlar” mavzularidagi matbuot anjumani boʻlib oʻtdi. Unda qayd etilishicha, taʼlimga yoʻnaltirilgan investitsiya nafaqat mamlakatni rivojlantirishning maxsus strategiyasi, balki inson kapitali va ijtimoiy-iqtisodiy rivojlanish istiqbollarini yaxshilashga qaratilgan ijtimoiy siyosatdir. Buning natijasida inson kapitali takomillashib, moddiy farovonlik va sogʻlom turmush tarziga erishiladi. Inson kapitali har bir insonning individual kapital shaklidir. Qobiliyat, bilim, koʻnikma va tajriba har bir yoshning shaxsiy mulkidir. Yangi Oʻzbekistonning 2022-2026-yillarga moʻljallangan taraqqiyot strategiyasi va uni 2022-yil – “Inson qadrini ulugʻlash va faol mahalla yili”da amalga oshirishga oid davlat dasturi ijrosini tashkil etish masalalari yuzasidan qabul qilingan yangi taraqqiyot strategiyasida yettita ustuvor yoʻnalish boʻyicha “Inson qadri uchun – 100 ta maqsad” belgilangan. Ular orasida Adolatli ijtimoiy siyosat yuritish, inson kapitalini rivojlantirishga oid vazifalar alohida oʻrin tutishi haqida ushbu matbuot anjumanida taʼkidlab oʻtildi. Prezidentning “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida”gi farmonida Maktabgacha taʼlim vazirligining zimmasiga 3 ta vazifa yuklatilgan boʻlib, - xususan, 2022/2023-yillarda 6 yoshli bolalarni maktabgacha tayyorlov tizimi bilan qamrab olish darajasini 90 foizga yetkazish; - 2024/2025 oʻquv yili yakuniga qadar esa 100 foizga yetkazish; - Maktabgacha taʼlim tizimiga xususiy sektor mablagʻlarini jalb qilish orqali7 mingdan ziyod yangi nodavlat maktabgacha taʼlim tashkilotlarini barpo etish; - Bogʻcha xodimlarining professional tayyorgarligi va mahoratini oshirib borishning takomillashtirilgan tizimi joriy etish; - 2022 — 2026-yillarda 160 mingdan ziyod pedagog kadrlarning malakasini oshirish; Maktabgacha taʼlim tizimida moliyaviy jarayonlarning shaffof tarzda amalga oshirish kabi vazifalar belgilanganki, yuqoridagilarning barchasi maktabgacha taʼlim sohasidagi taʼlim tizimini rivojlantirishga qaratilgan. Jumladan, Yangi Oʻzbekistonning 2022-2026-yillarga moʻljallangan taraqqiyot strategiyasining 39-maqsadi ham aynan shu mazmunda boʻlib, “Maktabgacha taʼlim tizimida taʼlim sifatini yangi bosqichga olib chiqish” deb nomlanganligi, bugungi matbuot anjumanining nomlanishiga ahamiyat bergan holda, haqiqatda sifatli taʼlim-inson kapitalini rivojlantirishning hal qiluvchi omili hisoblanishi va bu borada Maktabgacha taʼlim vazirligi tomonidan amalga oshirilayotgan ishlar va kelgusida belgilangan vazifalar yuzasidan toʻxtalib oʻtildi. “Albatta taʼlim sifatiga eʼtibor qaratilar ekan, birinchi navbatda bogʻcha xodimlarining professional tayyorgarligi va mahoratini oshirib borish bosh maqsad boʻlib, maktabgacha taʼlim tashkilotlarining soni ortgan sari, pedagog kadirlarga boʻlgan  ehtiyoj ham oshib borayotganligi, hozirgi kunda maktabgacha taʼlim tashkilotlari xodimlarining professional tayyorgarligi va mahoratini oshirib borishning takomillashtirilgan tizimini joriy etish maqsadida maktabgacha taʼlim tashkilotlari xodimlarining malakasini oshirish shakl va metodikalari xalqaro tajribalar asosida qayta koʻrib chiqilmoqda”-dedi Maktabgacha taʼlim vazirligi masʼul xodimi. Vazirlikning masʼul xodimi soʻzida davom etib quyidagilarni maʼlum qildi: “Pedagoglarning kasbga boʻlgan qiziqishlarini qoʻllab-quvvatlash maqsadida oʻtkazib kelinayotgan oʻquv–amaliy seminarlarda taʼlim–tarbiya jarayonida zamonaviy pedagogik va axborot texnologiyalardan samarali foydalanish malakasini oshirish, nazariy bilimlarining amaliyot bilan mustahkamlanishi yaxshi natijalar koʻrsatmoqda. Oʻzbekiston Respublikasi Prezidentining 2021-yil 10-iyundagi PQ-5144-son qarori ijrosini taʼminlash maqsadida quyidagi ishlar amalga oshirildi: Jumladan: Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish institutida 350 nafar trenerlar tayyorlandi. Ushbu trenerlar tomonidan 2021-yil sentyabr-dekabr oylarida oilaviy nodavlat maktabgacha taʼlim tashkilotlari va davlat-xususiy sheriklik asosidagi nodavlat maktabgacha taʼlim tashkilotlarining 22 mingdan ziyod pedagoglari qisqa muddatli oʻquv kurslarda oʻqitildilar. Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish instituti tomonidan “Maktabgacha taʼlim tashkilotlari pedagoglarining kasbiy kompetensiyasi va kreativligini oshirish” mavzusida qisqa muddatli oʻquv kurslari tashkil etildi. Mazkur oʻquv kurslari uchun institut tomonidan 28 nafar hududiy boshqarmalar miqyosida, 414 nafar tuman (shahar) miqyosida  trenerlar tayyorlandi. Mazkur trenerlar tomonidan 24 mingdan ziyod pedagoglar qisqa muddatli oʻquv kurslarida oʻqitildi. Shuningdek, institut tomonidan pedagogika kollejlari oʻqituvchilari uchun “Ilm yoʻli” variativ dasturi boʻyicha qisqa muddatli oʻquv kursida 300 nafar pedagogika kollejlari maxsus fan oʻqituvchilari oʻqitildilar.  Oliy va oʻrta maxsus taʼlim vazirligi bilan hamkorlikda davlat maktabgacha taʼlim tashkilotlari uchun qisqa muddatli oʻquv kurslari tashkil etildi.  Mazkur oʻquv kurslariga oliy taʼlim muassasalarining 70 nafar professor-oʻqituvchilari jalb etildi. Ular tomonidan davlat maktabgacha taʼlim tashkilotlari 1,5 ming nafar psixologlari oʻqitildi. 2021-yilda 14029 nafar pedagog kadrlarning malakasi oshirildi, shundan 8198 nafar tarbiyachilardir. Shuningdek, pedagog kadrlar sifatini oshirish maqsadida qisqa muddat oʻquv kurslari tashkil etilib, mazkur kurslarda 50 mingdan ziyod pedagog kadrlar, shundan 22 mingdan ziyodi oilaviy NMTT pedagog kadrlari faol ishtirok etdilar. 2022-yilda 17288 nafar pedagog kadrlarning malakasini oshirish rejalashtirilgan. Ularning 8600 nafari maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish institutida, 7500 nafari Xalq taʼlimi vazirligi tasarrufidagi Xalq taʼlimi hodimlarini qayta tayyorlash va ularning malakasini oshirish hududiy markazlarida, 1188 nafari Jisminiy tarbiya va sport mutaxassislarini ilmiy-metodik taʼminlash, qayta tayyorlash va malakasini oshirish institutida malaka oshirilishi rejalashtirilgan. 2022-yilning 1-choragida jami 4 652 nafar maktabgacha taʼlim tashkilotlari rahbar va pedagog kadrlarning malakasi oshirildi. Hozirgi kunda maktabgacha taʼlim tashkilotlari xodimlarining professional tayyorgarligi va mahoratini oshirib borishning takomillashtirilgan tizimini joriy etish maqsadida maktabgacha taʼlim tashkilotlari xodimlarining malakasini oshirish shakl va metodikalari xalqaro tajribalar asosida qayta koʻrib chiqilmoqda. Jumladan, Maktabgacha taʼlim vazirligi tassarufida 95 ta pedagogika kollejlari mavjud boʻlib, bu pedagogika kollejlari  maktabgacha taʼlim sohasi uchun oʻrta boʻgʻin kadrlarini tayyorlaydi. Bugungi kunda ushbu pedagogika kollejlarida jami 53 197  nafar oʻquvchi tahsil olmoqda. Jumladan, 1-bosqichda 26155 nafar, 2-bosqichda 27042 nafar oʻquvchilar taʼlim olmoqda. Shundan kunduzgi taʼlim shaklida  41374 nafar, sirtqi taʼlim shaklida  8674 nafar, kechki taʼlim shaklida  866 nafar va dual taʼlim shaklida 2283 nafar oʻquvchilar tahsil olishmoqda. Maktabgacha taʼlim vazirligining talab va takliflari asosida kollejlarda tayyorlov yoʻnalishlari  oʻquv rejalari tarkibiga    “Davlat talablari va MTT oʻquv dasturi”  fani, “Bolalarni maktab taʼlimiga tayyorlash”,  “Rivojlanish markazlarida  bolalar faoliyatni tashkil etish” oʻquv amaliyotlari kiritilganligi, Maktabgacha taʼlim tashkilotlari taʼlim-tarbiya jarayoniga tegishli boʻlgan barcha meʼyoriy-huquqiy hujjatalarni oʻrganish maxsus fanlar oʻquv dasturlariga kiritilganligi aytib oʻtildi. Matbuot anjumanida, pedagogika kollejlarida tahsil olayotgan oʻquvchilar taʼlimni bevosita maktabgacha taʼlim tashkilotlarida ishlash bilan birgalikda olib borayotganliklari, nazariya va amaliyot  birligiga erishilayotganligi, bevosita ishlash jarayonida yuzaga keladigan savollarning yechimi taʼlim  tashkilotining pedagoglari bilan birgalikda amalga oshirilayotganligi taʼkidlandi. Shu bilan birgalikda pedagogika kollejlariga  2021-yildan dual taʼlim tizimi joriy etilib, dual taʼlim shakli oʻquvchilari  haftada 3 kun  pedagogika kollejlari oʻquv jarayonlarida ishtirok etishlari va qolgan 3 kunda tegishli maktabgacha taʼlim tashkilotlarida tegishli mashgʻulotlar bilan birga mehnat faoliyatini olib borishayotganliklari haqida maʼlum qilindi.   Oʻzbekiston Respublikasi Vazirlar Mahkamasining 2022-yil 19-maydagi “Namangan va Fargʻona viloyatlarida tajriba-sinov tariqasida maktabgacha taʼlim tashkilotlari rahbar va pedagog kadrlari malakasini oshirish boʻyicha maktabgacha taʼlim klasterlari faoliyatini tashkil etish chora-tadbirlari toʻgʻrisida” gi 268-sonli qarori asosida Namangan viloyati Namangan pedagogika kollejida va Fargʻona viloyati Qoʻqon pedagogika kollejida tajriba-sinov tariqasida Maktabgacha taʼlim klasterlari tashkil etildi. Maktabgacha taʼlim klasterlarida oʻquv mashgʻulotlari Namangan davlat universiteti, Qoʻqon universiteti, A.I.Gersen nomidagi Rossiya davlat pedagogika universitetining Toshkent shahar filiali, Toshkent shahridagi Puchon universitetlarining professor-oʻqituvchilari va xalqaro konsultantlar tomonidan olib borilmoqda. Bugungi kunda mazkur klasterlarda jami 1022 nafar rahbar va pedagog kadrlarning malakasi oshirildi. Jahon bankining 1-komponent boʻyicha “Yosh bolalarning erta rivojlanishini takomillashtirish” loyihasini amalga oshirish doirasida. Taʼlim sifatini oshirish, bolaga yoʻnaltirilgan taʼlim yondashuvlarini rivojlantirishga koʻmaklashish, “Oʻzbekistonda maktabgacha taʼlimda bola tarbiyasiga yoʻnaltirilgan yondashuvni joriy etish” treningining ikkinchi moduli doirasida treninglar oʻtkazildi. Mazkur treninglarda jami 110 nafar pedagog kadrlar 4 ta guruhga boʻlinib ishtirok etishdi.” “Taʼlimni modernizatsiya qilish davom ettirilar ekan, albatta maktabgacha taʼlim tashkilotlarida bolajonlarga berilayotgan taʼlim sifatini ham tubdan isloh etish ishlari olib borilmoqda”, - deydi vazirlikning Taʼlim jarayoni sifatini taʼminlash va innovatsion pedagogik texnologiyalarni joriy etish boshqarmasi xodimi Nasiba Umirzoqova. Albatta taʼlim sifatini oshirish uchun pedagog kadrlarning sifatini oshirish bilan birgalikda zamon talablariga javob beradigan oʻquv dasturlar, qoʻllanmalar va didaktik materiallarning oʻrni beqiyosdir. Xalqaro ekspertlar ishtirokidagi eng yaxshi amaliyotlar asosida ilk marotaba shaxsga yoʻnaltirilgan va kompetensiyaviy yondashuvga asoslangan maktabgacha taʼlim yoshidagi bolalarning erta rivojlanishiga qoʻyilgan davlat talablari va “Ilk qadam” nomli davlat taʼlim dasturi ishlab chiqilib amaliyotga joriy etildi. Ilk va maktabgacha yoshdagi bolalarga samarali taʼlim-tarbiya berish hamda qulay shart-sharoitlar yaratish maqsadida Maktabgacha taʼlim va tarbiyaning davlat standarti tasdiqlandi. “Ilk qadam” nomli davlat taʼlim dasturi asosida bolalarni maktabga tayyorlov guruhlarida taʼlim tarbiya jarayonini tashkil etish boʻyicha “Ilm yoʻli” variativ dasturi va imkoniyati cheklangan bolalarni rivojlantirish maqsadida moslashtirilgan taʼlim dasturi amaliyotga kiritildi. “Ilk qadam” dasturini amaliyotga joriy etish uchun pedagoglarga moʻljallangan 6 nomdagi oʻquv metodik taʼminot ishlab chiqildi. Shuningdek, ilk marotaba turli yoshdagi guruhlar uchun yillik mavzuviy rejalar namunasi ishlab chiqildi. Shuningdek, 2018-2021-yillar davomida maktabgacha taʼlim tashkilotlariga oʻquv metodik qoʻllanmalar va didaktik materiallar yetkazib berildi. 2021-yil davomida maktabgacha taʼlim tashkilotlariga yetkazilgan oʻquv-metodik qoʻllanmalar, didaktik plakatlar va oʻyinlar hamda oʻyinchoqlar bilan taʼminlanish darajasi davlat maktabgacha taʼlim tashkilotlariga 2021-yil davomida: Pedagoglar uchun bolalar davomatini qayd etish daftarlari – 48 811 ta; Pedagoglar uchun 6149 ta “ Ish daftari” (har bir komplekt 5 ta kitobdan iborat); 6 149 ta panoramli ertaklar  (har bir komplekt 6 ta kitobdan iborat); 25 000 ta pedagogik qoʻllanma va didaktik materiallar (rus va oʻzbek tillarda); 6 149 ta musiqa rahbarlari uchun qoʻllanma; 20 000 dona “Komikslar” toʻplami (har bir toʻplam 3 dona oʻzbek xalq ertaklaridan iborat); 3-7 yoshli bolalar uchun “Qizil gul”, “Oq gul”, “Sariq gul”, “Moviy gul” nomli taʼlimiy, rangli-bezakli badiiy asarlar, oʻzbek ertaklari va sheʼrlar toʻplami 20 000 nusxada (kitoblar nusxasi ilova qilinadi) ishlab chiqilib maktabgacha taʼlim tashkilotlariga taʼlim-tarbiya jarayonlarida foydalanish uchun yetkazib berildi. Maktabgacha taʼlim tashkilotlarini yuqori sifatli oʻquv didaktik materiallari bilan taʼminlanganligi 10  00 ta “Luliya aylanalari” didaktik toʻplami; 3-7 yoshli bolalar uchun diqqatni jamlash va mantiqiy fikirlarni rivojlantirishga qaratilgan 20 000 ta “SOAT” 20 000 ta elementar matematika tasavvrularini va bilimlarini  rivojlantirish boʻyicha didaktik oʻyinlar va masalalar toʻplami (har bir toʻplam 40 ta plakatdan iborat) (rus va oʻzbek tillarda); 10 000 ta koʻrgazmali didaktik plakatlar toʻplami (har bir toʻplam 45 ta plakatdan iborat) (rus va oʻzbek tillarda); 10 000 ta markazlarda faoliyatni tashkil etish uchun didaktik kartochkalar toʻplami (har bir toʻplam 376 ta kartochkadan iborat) (rus va oʻzbek tillarda); oʻzida milliy siymolar, milliy ertaklar hamda multfilm qahramonlari koʻrinishlari va lavhalarini aks ettirgan 6 149 nusxada “Stol teatri” didaktik toʻplami; 3-7 yoshli bolalar uchun “Koʻngilochar” geometrik tushunchalarni hosil qilish va logikani rivojlantirishga qaratilgan grafomatorika boʻyicha 6 149 ta didaktik toʻplam; 466 032 tadan tayyorlov guruhlari tarbiyalanuvchilari uchun “Ish daftarlari”; “Matematika daftari” va “Ingliz tili daftari” ishlab chiqilib, maktabgacha taʼlim tashkilotlariga taʼlim-tarbiya jarayonlarida foydalanish uchun yetkazib berilganligi matbuot anjumanida soha mutaxassislari tomonidan taʼkidlandi. Maʼlumot uchun: Maktabgacha taʼlim tashkilotlarida 2017-yilda jami 58 400 nafar pedagog kadrlar faoliyat yuritgan. Ularning 12 623 nafari (21,6%) oliy maʼlumotli, 45 777 nafari oʻrta maxsus maʼlumotli pedagog kadrlarni tashkil etgan. Bugungi kunda 2022-yilda maktabgacha taʼlim tashkilotlarida jami 149 024 nafar pedagog kadrlar faoliyat yuritib kelmoqda. Shundan: 51 442 nafari (34,5%) oliy maʼlumotli, 97 582 nafari oʻrta maxsus maʼlumotli pedagog kadrlardir. Jumladan, davlat maktabgacha taʼlim tashkilotlarida 112 625 nafar pedagog kadrlar faoliyat yuritib kelmoqda. Ularning 41 259 nafari (36,6%) oliy maʼlumotli, 71 366 nafari oʻrta maxsus maʼlumotli pedagog kadrlardir. Bugungi kunda 3-7 yoshli bolalarning umumiy soni 2 820 161 nafarni tashkil etib, shundan 1 957 358 nafar bola (2017-yilda – 708 247; 2018-yilda – 932 310; 2019-yilda – 1 413 290; 2020-yilda – 1 699 566; 2021-yilda – 1 895 148 nafar bola) yoki maktabgacha yoshdagi aholining 69,4 foizi maktabgacha taʼlim bilan qamrab olindi (2017-yilda – 27,7%; 2018-yilda – 37,7%; 2019-yilda – 52,3%; 2020-yilda –60,9%; 2021-yilda – 67,2%). Shu bilan birga 2022-yilning 1-iyun holatiga koʻra Oʻzbekiston Respublikasida 28 012 ta maktabgacha taʼlim tashkiloti (2017-yilda – 5 211 ta; 2018-yilda – 7 104 ta; 2019-yilda – 13 530 ta; 2020-yilda – 18 254 ta; 2021-yilda – 27 609ta), shu jumladan 6 412 ta davlat va 21 600 ta (shundan 738 ta xususiy, 19 672 ta oilaviy va DXSH doirasida 1 190 ta nodavlat) nodavlat maktabgacha taʼlim tashkilotlari faoliyat koʻrsatmoqda. Yuqoridagi maʼlumotlar esa, foizlar koʻrsatgichi yildan-yilga ortib borganini koʻrsatadi. Bundan tashqari, «Oʻzbekiston Respublikasi Maktabgacha taʼlim tizimini2030-yilgacha rivojlantirish konsepsiyasini tasdiqlash toʻgʻrisida»gi Oʻzbekiston Respublikasi Prezidentining qaroriga muvofiq, 2030-yilga kelib maktabgacha taʼlimga bolalarning 80,8 foizini qamrab olish rejalashtirilgan.

Maktabgacha ta'lim agentligi
Maktabgacha taʼlim tashkilotlari hamshiralarining malakasini oshirish

2022-yil 9-iyun kuni Toshkent shahridagi maktabgacha taʼlim tashkilotlarining tuman masʼul hamshiralari uchun trening oʻtkazildi. Maktabgacha taʼlim tashkilotlarida tibbiy xizmatni tashkil etish sifatini oshirish maqsadida Toshkent pediatriya instituti va ToshVMOI mutaxassislari bilan birgalikda YUNISEF koʻmagida maktabgacha hamshiralarni tayyorlashning elektron platformasi ishlab tushirilgan edi. “Maktabgacha ta ʼ lim tashkilotlarida tibbiy xizmatni tashkil etish boʻyicha koʻllanmalari” 10 000 nusxada qayta ishlab chiqildi. Shuningdek, “Maktabgacha taʼlim tashkilotlarida tibbiy xizmatni tashkil etish boʻyicha koʻrsatmalar” materiallari asosida onlayn platforma orqali hamshiralarni oʻqitish uchun videomateriallar yaratildi. Toshkent shahri maktabgacha taʼlim tashkilotlari hamshiralarini onlayn oʻqitish boʻyicha birinchi kurs oʻtkazilib, ularning 70 foizi sertifikat bilan oʻquv va test sinovlarini muvaffaqiyatli yakunladilar. Kelgusida Oʻzbekiston Respublikasining barcha viloyatlaridagi maktabgacha taʼlim tashkilotlarida faoliyat koʻrsatayotgan barcha hamshiralarning malakasini bosqichma-bosqich oshirib borish rejalashtirilgan.

Batafsil
Maktabgacha ta'lim agentligi
Barno Tuganova 3 ta MTT ochib, bolalar qamrovini oshirishga oʻz hissasini qoʻshmoqda

Maktabgacha taʼlim sohasi uzluksiz taʼlim tizimining birlamchi boʻgʻini hisoblanib, u har tomonlama sogʻlom va barkamol bola shaxsini  tarbiyalash va ularni  maktabga tayyorlashda  gʻoyat muhim ahamiyat kasb etadi. Mamlakatimizda  yoshlarning kelajagiga qaratilayotgan eʼtibor,  taʼlim tizimida istiqbolli dasturlar asosida olib borilayotgan amaliy ishlar  Vatan, jamiyat taraqqiyoti yoʻlida mustahkam poydevor boʻlib xizmat qiladi.  Maktabgacha taʼlim tashkilotlari maktab yoshigacha boʻlgan bolalarning savodini chiqarish, ularda Vatanni sevish, u bilan gʻururlanish hissini uygʻotish, dunyoqarashini kengaytirish imkonini  beradi.  Zamonaviy bogʻchalarda taʼlim-tarbiya olayotgan oʻgʻil-qizlar jamiyatga munosib inson boʻlib ulgʻayishadi. Payariq tumanida 2019-yil davlat xususiy sherikchilik asosida «Manzurabonu» va “Davlatbek koʻzmunchogʻi” nomli nodavlat maktabgacha taʼlim tashkilotlari tashkil etilib, bolajonlarni maktab taʼlimiga qamrab olgan edi. Har ikkala bogʻchada ham 150 nafardan jami 300 nafar jajjilar zamonaviy shart-sharoitlarda taʼlim-tarbiya olishyapti.  Mashgʻulot xonalari, oshxona yangicha uslubda jihozlangan. Bu yerda bolajonlarning dastlabki bilim va koʻnikmalarini shakllantirish uchun barcha zarur qulayliklar yoʻlga qoʻyilgan. Guruhlar kuzatuv kameralari bilan taʼminlangan. Yurtimizda yoshlarning kelajagiga qaratilayotgan eʼtibor,  taʼlim tizimida istiqbolli dasturlar asosida olib borilayotgan amaliy ishlar Vatan, jamiyat taraqqiyoti yoʻlida mustahkam poydevor boʻlib xizmat qiladi. Bu yerda istiqomat qiluvchilarning quvonchi cheksiz. Chunki qishloqda shahardagidan qolishmaydigan bogʻcha bor. Mashgʻulotlar va tarbiyaviy ishlar zamon talablari asosida, innovatsion texnologiyalardan samarali foydalangan holda mazmunli va qiziqarli tarzda tashkil etiladi. Albatta, kelajagimiz egalari boʻlgan yosh avlod kamolotiga bogʻcha yoshidanoq eʼtibor qaratish, ular taʼlim-tarbiya olayotgan maskanda yetarli shart-sharoitlarni yaratish davr talabi. Yangi maktabgacha taʼlim tashkilotida 50 nafar ish oʻrin yaratib, shundan 22 nafar ishsiz ayollar doimiy ish bilan taʼminlandi. Bolaning kun davomidagi hayoti u tarbiyalanayotgan bogʻcha dargohi, bu yerdagi muhit bilan chambarchas bogʻliqdir. Ayniqsa, qishloq joylarda yangi barpo etilayotgan bolalar bogʻchalari jahon andozalariga mos ravishda barpo etilishiga alohida ahamiyat qaratilmoqda. Bir soʻz bilan aytganda, yangi bogʻchalar dilbandlarimiz kamolotiga xizmat qiladi. Prezidentimiz  Shavkat Mirziyoyevning 2020-yil 27-avgustda qabul qilingan “Oʻzbekiston Respublikasi mustaqilligining yigirma toʻqqiz yilligi munosabati bilan fan, taʼlim, adabiyot, madaniyat, sanʼat va ommaviy axborot vositalari sohalari xodimlaridan bir guruhini mukofotlash toʻgʻrisida”gi Farmoni eʼlon qilindi. Ana shunday sharafga loyiq koʻrilganlar orasida “Sogʻlom turmush” medali bilan Payariq tumanidagi «Manzurabonu» nodavlat maktabgacha taʼlim muassasasi rahbari Barno Tuganovaning ham borligi butun samarqandliklarni ham benihoyat shodlantirib yubordi. Ha, bugun Barno opaning isteʼdodi, yutuqlari, latofati dillarni quvontiryapti, koʻngillarda havas uygʻotmoqda. Albatta, bunday mukofot oʻz-oʻzidan boʻlgani yoʻq. Buning zamirida tinimsiz mehnat, masʼuliyat yotibdi. Barno opa bolajonlar bilan ishlashdek masʼuliyatli vazifani bajarish uchun koʻp oʻqigan, koʻp narsani biladi. Ishining murakkabligidan, qiyinchiligidan choʻchiydiganlardan emas. Bu borada el xizmatidan charchamaydi. 2019-yilda «Manzurabonu» nodavlat maktabgacha taʼlim tashkilotini ishga tushirgan boʻlsa, 2020-yilda “Guliston” mahallasidan “Davlatbek koʻz munchoq” nodavlat maktabgacha taʼlim muassasasini foydalanishga topshirdi. Bugun bu maskanlarda 250 nafar bolajonlar, 48 nafar tarbiyachilar koʻmagida miriqib taʼlim-tarbiya olishmoqda.  Mabodo yoʻlingiz mazkur maktabgacha taʼlim muassasalari tomon tushib qolsa, albatta bu maskanlarga tashrif buyuring. Bu yerdagi obodonchilik ishlari, tarbiyachiyu bolajonlarning muomala madaniyatiga siz ham qoyil qolasiz. Bugun davr ayollarimizning oldiga ham qator dolzarb vazifalarni qoʻymoqda. Bu vazifalarni zamon talabiga mos ravishda amalga oshirish har bir munis ayollarimizdan shijoat, yangicha yondashuvlar bilan ishlash talab etiladi. Barno opa kabi fidoyi va jonkuyar, davr bilan hamnafas ayollarimiz bor ekan boshlagan ishlarimiz salmogʻi yanada oshib boraveradi.

Maktabgacha ta'lim agentligi
Maktabgacha taʼlim vazirligi vazirlikning koʻkrak nishoni nomini, tavsifini, guvohnomasini va dizaynini yaratish boʻyicha TANLOV EʼLON QILADI

Maktabgacha taʼlim tizimida samarali faoliyat olib borayotgan rahbarva pedagog kadrlarni moddiy va maʼnaviy jihatdan qoʻllab-quvvatlash, ularning jamiyat hayotida ijtimoiy mavqeini oshirish hamda yuqori malakali mutaxassislarni sohaga jalb qilishni ragʻbatlantirish maqsadida Oʻzbekiston Respublikasi Maktabgacha taʼlim vazirligi tomonidan vazirlikning koʻkrak nishoni nomini, tavsifini, guvohnomasini va koʻkrak nishoni dizaynini yaratish boʻyicha tanlov eʼlon qilinadi. Tanlovda barcha ijodkor dizaynerlar va jamoatchilik ishtirok etishi mumkin. Tanlovga ishlar 2022-yilning 7-iyunidan 17-iyuniga qadar quyidagi shart va talablarga qatʼiy rioya etgan holda qabul qilinadi: – koʻkrak nishoni nomi, guvohnomasi va qisqacha tavsifi kreativ, maktabgacha taʼlim sohasining aniq maqsadini mujassam eta olgan, jozibador va jarangdor boʻlishi eʼtiborga olinadi. – koʻkrak nishoni dizaynida esa maktabgacha taʼlim gʻoyasi, koʻkrak nishonining old va orqa tomonlarining aks ettirilishi, dizayn muallifning oʻzi tomonidan bajarilgan boʻlishi va boshqa ijodkorlarning ishini takrorlamasligi, grafik dasturlar orqali yaratilishi (CorelDraw, Adobe Photoshop yoki Adobe Illustrator), va bunda dizaynning har bir elementi aniq chizilgan boʻlishi shart. Tanlovda yuqoridagi ikki yoʻnalish boʻyicha 1 nafardan gʻolib aniqlanadi va ularning har biri 10 000 000 (oʻn million soʻm) pul miqdorida taqdirlanadi.  Ijodiy ishlar 2022-yilning 7-iyunidan 17-iyuniga qadar @mtv_tanlov_bot telegram boti, devon@mpe.uzva mdo@exat.uz elektron pochta yoki Maktabgacha taʼlim vazirligining quyidagi manziliga muallifning FISH, Shaxsni tasdiqlovchi hujjat (fuqarolik pasporti yoki ID kartasi) seriyasi va raqami, manzili, telefon raqami hamda elektron pochta manzili aniq koʻrsatilgan holda yuborilishi lozim: 100070, Toshkent shahri, Mirobod tumani, Amir Temur koʻchasi,17-uy. Тел: 97 604 43 89, 99 720 13 24 Oʻzbekiston Respublikasi Maktabgacha taʼlim vazirliginingkoʻkrak nishoni nomi, uning koʻrinishi dizayni, tavsifi va guvohnomasini yaratish boʻyicha tanlovning oʻtkazilishiga oid QOIDALAR 1. Tanlovning maqsadi 1.1. Ushbu qoidalar Oʻzbekiston Respublikasi Maktabgacha taʼlim vazirligining (keyingi oʻrinlarda — Vazirlik) koʻkrak nishoni nomi, uning koʻrinishi dizayni, tavsifi va guvohnomasini yaratish boʻyicha tanlovni (keyingi oʻrinlarda — Tanlov) tashkil etish va oʻtkazishni tartibga soladi. 1.2. Tanlov Vazirlik tomonidan Koʻkrak nishoni nomi, uning koʻrinishi dizayni, tavsifi va guvohnomasini yaratish boʻyicha keng jamoatchilik va soha mutaxassislarning fikrini inobatga olgan holda yaratish maqsadida oʻtkazilmoqda. 1.3. Tanlov doirasida koʻkrak nishoni nomi, uning koʻrinishi dizayni, tavsifi va guvohnomasini yaratish boʻyicha eng yaxshi takliflar tanlab olinadi. 2. Tanlov ishtirokchilari 2.1. Tanlovda vazirlik tizimidagi tashkilotlar xodimlari, Oʻzbekiston Respublikasi fuqarolari, chet el fuqarolari va fuqaroligi boʻlmagan shaxslar ishtirok etishlari mumkin. 3. Tanlovning texnik shartlari 3.1. Tanlovda ishtirok etish istagini bildirgan har bir nomzod tomonidan koʻkrak nishoni nomi, uning koʻrinishi dizayni, tavsifi va guvohnomasi (rangli koʻrinishda) boʻyicha aniq takliflarini vazirlik elektron manziliga yuborishlari shart. 3.2. Koʻkrak nishoni nomi, uning koʻrinishi dizayni, tavsifiva guvohnomasiga quyiladigan talablar: koʻkrak nishoni nomi, uning koʻrinishi dizayni, tavsifi va guvohnomasi maktabgacha taʼlim sohasining aniq maqsadini mujassam eta olgan, jozibador va jarangdor boʻlishi; koʻkrak nishoni dizaynida esa, maktabgacha taʼlim gʻoyasi, koʻkrak nishonining old va orqa tomonlarining aks ettirilishi, dizayn muallifning oʻzi tomonidan bajarilgan boʻlishi va boshqa ijodkorlarning ishini takrorlamasligi, grafik dasturlar orqali yaratilishi (CorelDraw, Adobe Photoshop yoki Adobe Illustrator)va bunda dizaynning har bir elementi aniq chizilishi; koʻkrak nishoni nomlanishida “fidoiy” va “aʼlochi” soʻzlaridan foydalanmaslikka alohida eʼtibor qaratish lozim. 4. Arizalarni taqdim etish 4.1. Tanlovda ishtirok etish istagi bildirgan nomzodlar quyidagilarni: ariza (ilovaga muvofiq); tanlov boʻyicha aniq takliflar vazirlikning devon@mpe.uz va mdo@exat.uz elektron pochtasiga yoki 100070, Toshkent shahri, Mirobod tumani, Amir Temur koʻchasi, 17-uy manziliga yuborilishi lozim. 5. Koʻkrak nishoni nomi, uning koʻrinishi dizayni, tavsifiva guvohnomasi namunasini baholash mezonlari 5.1. Koʻkrak nishoni nomi, uning koʻrinishi dizayni, tavsifi va guvohnomasi namunasini baholash mezonlari: oʻziga xoslik (unikal) va original; koʻkrak nishon nomi jozibador va jarangdor boʻlganligi; koʻkrak nishonida maktabgacha taʼlim sohasining aniq maqsadini mujassam eta olganligi va uning batafsil tavsifi. 6. Baholash 6.1. Yuborilgan takliflar vazirlik tomonidan tuzilgan tashkiliy qoʻmita tomonidan baholanadi. 6.2. Tashkiliy qoʻmita vazirlik xodimlaridan va soha mutaxassislaridan (kelishuvga koʻra) tashkil topgan boʻladi. 6.3. Tashkiliy qoʻmita quyidagilarni amalga oshiradi: ishtirokchilardan arizalar va tanlov ishlarini yigʻish; tanlovga taqdim etilgan ishlar, materiallar va hujjatlarni tekshirish ishlarini tashkil etish; tanlovni oʻtkazish tartibi va shartlariga rioya etilishi ustidan nazoratni taʼminlash; baholash uchun har bir tanlov ishiga individual yondashish; mazkur qoidalarning 3-bandida koʻrsatilgan Tanlov shartlariga mos kelmagan ishlarni muallifni ogohlantirmasdan Tanlovda ishtirok etishdan chetlashtirish. 6.4. Tanlovning tashkiliy qoʻmitasi tanlov ishlarini jamoatchilik eʼtiboriga taqdim etish va tanlov jarayonini ommaviy axborot vositalarida yoritish maqsadida muallifni xabardor qilmasdan va ularga haq toʻlamasdan har qanday tanlov ishlarini toʻliq yoki qisman nashr etish huquqiga ega. 7.Tanlovni oʻtkazish shartlari va tartibi 7.1. Tanlov ikki bosqichda oʻtkaziladi: 1-bosqich: saralash bosqichi; 2-bosqich: yakuniy bosqich. 7.2. Saralash bosqichida Tanlov tashkiliy qoʻmitasi ishlarni texnik talablarga mosligini tekshirib, yakuniy bosqichga oʻtkazish uchun munosib ishlar boʻyicha taklif kiritadi. 7.3. Eng yaxshi ishlar vazirlikning Axborot xizmatidan foydalangan holda koʻkrak nishoni nomi va uning koʻrinishi, tavsifi, guvohnomasi loyihasi uchun kontrafaksiyaga tekshiriladi. 7.4. Kontrafaksiyaga yoʻl qoʻygan ishlar Tanlovdan chetlashtiriladi. 7.5. Tanlov ishlari 2022-yil 7-iyundan 17-iyungacha (shu kuni ham) qabul qilinadi. 7.6. 2022-yil 14-iyundan keyin kelib tushgan ariza va ishlar Tanlovda ishtirok etishiga ruxsat berilmaydi. 7.7. Tanlovda ishtirok etish Tanlov shartlari bilan tanishib chiqqanlikva ularga toʻliq rioya etilishiga rozilikni anglatadi. 7.8. Gʻoliblarni tanlash quyidagi tartibda amalga oshiriladi: tanlov ishlari 2022-yil 19-iyundan 29-iyungacha tashkiliy qoʻmita tomonidan baholanadi va eng yaxshi ish aniqlanadi; mazkur qoidalarning 3-bandida koʻrsatilgan tanlov shartlariga mos kelmaydigan tanlov ishlari tashkiliy qoʻmita tomonidan koʻrib chiqilmaydi; tashkiliy qoʻmitaning baholash natijalariga koʻra, ijobiy xulosa berilgan ishlar orasidan tanlov gʻolibi aniqlanadi; tanlov jarayonlari va natijalari boʻyicha shikoyatlar/appelyatsiyalar qabul qilinmaydi; agar gʻolib aniqlanmasa, tashkiliy qoʻmita tanlovni bekor qilish toʻgʻrisida qaror qabul qilish huquqiga ega. Tanlov gʻolibi vazirlik rasmiy veb-sayti va ijtimoiy sahifalarida eʼlon qilinadi. 7.9. Gʻoliblar quyidagi tartibda taqdirlanadi: koʻkrak nishoni nomi uchun 10 000 000 (oʻn million) soʻm; koʻkrak nishoni koʻrinishi dizayni, tavsifi va guvohnomasi uchun 10 000 000 (oʻn million) soʻm. 8. Mualliflik huquqlari 8.1. Oʻzbekiston Respublikasining “Mualliflik huquqi va turdosh huquqlar toʻgʻrisida”gi Qonunga rioya etilishiga, tanlovda ishtirok etish uchun oʻz ishini topshirgan ishtirokchi shaxsan javobgardir. 8.2. Mazkur qonunga asosan, tanlov doirasida ishtirokchilarning “Koʻkrak nishoni nomi, uning koʻrinishi dizayni, tavsifi va guvohnomasi” loyihasidan uning roziligisiz Vazirlik tomonidan foydalanishi (kontrafaksiyaga tekshirishi, keng jamoatchilik eʼtiboriga taqdim etishi va bosma OAVda chop etishi) mumkin. 8.3. Tanlovda muallif tomonidan boshqa shaxslarning yaratgan ishlari bilan yoki ulardan foydalangan holda ishtirok etishiga yoʻl qoʻyilmaydi va uningoʻz shrifti (yangi element) bilan yaratilgan ishlar qabul qilinadi. 8.4. Vazirlik tomonidan “Koʻkrak nishoni nomi, uning koʻrinishi dizayni, tavsifi va guvohnomasi” rasman qabul qilinayotganda “Koʻkrak nishoni nomi, uning koʻrinishi dizayni, tavsifi va guvohnomasi” loyihasiga oʻzgartishlarva qoʻshimchalar kiritilishi mumkin. 8.5. Mazkur tanlov natijasiga koʻra, gʻolib dep topilgan “Koʻkrak nishoni nomi, uning koʻrinishi dizayni, tavsifi va guvohnomasi” loyihasining barcha huquqlari Vazirlikka oʻtadi va mutlaq huquq Vazirlikka tegishli boʻladi.

Maktabgacha ta'lim agentligi
Namanganda velomarafon boʻlib oʻtdi

Kuni kecha Namangan viloyati Namangan shahridagi Barkamol avlod sport majmuasida start olgan velomarafon Namanganda 1-iyun – Xalqaro bolalarni himoya qilish kunini boshlab berdi. Maktabgacha taʼlim vazirligi hamda Namangan viloyat Maktabgacha taʼlim boshqarmasi tashabbusi bilan amalga oshirilgan “Baxtli bolalik” velomarafoni koʻtarinki ruhda boʻlib oʻtdi. Tadbirni Oʻzbekiston Respublikasi madhiyasining yangroq va jarangdor sadosi ochib berdi. Velomarafon qatnashchisi boʻlgan 58 nafar jajji velosportchiga tadbir nishonlari, shuningdek, bayram sovgʻalari topshirildi. Tarbiyalanuvchilar tomonidan taqdim etilgan badiiy dastur bayram shukuhining unutilmas onlari boʻlib qoldi.

Maktabgacha ta'lim agentligi
Sirdaryo viloyatida “Maktabgacha taʼlim tizimida Kuzatuv kengashi faoliyatini samarali tashkil etish” mavzusidagi Respublika seminari

Joriy yilning 2-3-iyun kunlari Sirdaryo viloyatida “Maktabgacha taʼlim tizimida Kuzatuv kengashi faoliyatini samarali tashkil etish” mavzusidagi Respublika seminari boʻlib oʻtdi. Birinchi kuni Qoraqalpogʻiston Respublikasi, Toshkent shahri va viloyatlardan tashrif buyurgan seminar ishtirokchilari kutib olindi.  Ikkinchi kuni ishtirokchilar Guliston tumanida “Maktabgacha taʼlim tashkilotlari faoliyatini boshqarish yuzasidan jamoatchilik nazoratini takomillashtirishda Kuzatuv kengashlari faoliyatining oʻrni” haqidagi maʼlumotlar bilan tanishish maqsadida “Terakzor” MFYdagi 15-sonli davlat maktabgacha taʼlim tashkilotiga tashrif buyurdi. Tashkilot Kuzatuv kengashining amaldagi faoliyati (meʼyoriy ish hujjatining yuritilishi, amaliy jarayonlar, taqdimotlar, treninglar, davra suhbatlari) haqida ishtirokchilarga maʼlumot berildi.  Dastlab ishtirokchilar ushbu tashkilotda Kuzatuv kengashi tomonidan yaratilgan «Eko bogʻ» va bolalarga yaratilgan sharoitlar bilan tanishdilar. Oʻzbekiston Respublikasi Maktabgacha taʼlim vazirligi vakillari tadbirni ochib berishdi.  Soʻngra mehmonlarga  Kuzatuv kengashi faoliyatiga oid taqdimot namoyish etildi. Shuningdek, shubalarga boʻlinib, amaliy faoliyat jarayonlari kuzatildi. 1-shubada Maktabgacha taʼlim tashkilotida Kuzatuv kengashi faoliyatini tashkil etishning dastlabki bosqichlari, 2-shubada Kuzatuv kengashining davlat maktabgacha taʼlim tashkilotining moddiy texnik bazasini mustahkamlashdagi roli, 3-shubada esa Kuzatuv kengashining asosiy faoliyat bosqichlari toʻgʻrisida maʼlumotlar berildi. Ushbu jarayonlar yakunida ishtirokchilar fikr-mulohazalari tinglandi hamda oʻzaro tajriba almashildi. Ikkinchi yoʻnalish Guliston tumanidagi “Beshbuloq” MFY dagi 13-sonli davlat maktabgacha taʼlim tashkilotida “kuzatuv kengashi va jamoat tashkilotlari hamkorligida bolalarga milliy urf-odatlar, anʼanalar va qadriyatlarni singdirish borasida amalga oshirilgan ishlar” mavzusidagi seminarga tashrif buyurildi. Dastlab 13-sonli davlat maktabgacha taʼlim tashkiloti “Koʻzmunchoq” nomli milliy musiqiy dastasining musiqiy dasturi namoyish etildi. Seminar davomida Guliston shahridagi 15-sonli davlat maktabgacha taʼlim tashkilotida Kuzatuv kengashi bilan hamkorlikda tashkil etilgan “Pedagog ustaxonasi” faoliyati va pullik taʼlim-tarbiya xizmatlari koʻrsatilishi toʻgʻrisidagi ish-tajribalarni oʻrganish maqsadida ushbu tashkilotga tashrif buyurildi. Shuningdek, ushbu tashkilotda Kuzatuv kengashi bilan hamkorlikda tashkil etilgan pedagog ustaxona faoliyati va pullik taʼlim-tarbiya xizmatlari koʻrsatish boʻyicha taqdimot koʻrsatildi. Bundan tashqari tashkilotning Kuzatuv kengashi bilan hamkorlikda tashkil etilgan pullik taʼlim-tarbiya xizmatlarining yoʻlga qoʻyilganligi boʻyicha amaliy mashgʻulotlar kuzatildi. “Pedagog ustaxonasi” faoliyatiga oid master-klass oʻtkazildi. Tadbir soʻnggida tarbiyalanuvchilar ijrosida “Ozod yurtim kelajagi” nomli musiqiy dastur namoyish etildi.Press reliz Sirdaryo Respublika seminari.docx

Maktabgacha ta'lim agentligi
Bayram tuhfasi: Xorazmda 5 ta bogʻcha ish boshladi

1-iyun - Xalqaro bolalarni himoya qilish kuni munosabati bilan Bogʻot, Shovot, Xiva tumanlarida va Urganch shahrida bittadan davlat xususiy sherikchiligi asosidagi maktabgacha taʼlim tashkilotlari faoliyati yoʻlga qoʻyildi. Gurlan tumanidagi «Oyilma» mahallasida esa 120 oʻringa moʻljallangan davlat maktabgacha taʼlim tashkiloti “Obod qishloq” davlat dasturi doirasida 2 yarim milliard soʻm mablagʻ evaziga yangidan qurildi. Urganch shahridagi 38-sonli mahallada ham yana bir «Shaxzoda» nomi bilan yangi DXSH asosidagi nodavlat MTT 100 nafar bola quvvatida faoliyat yurita boshladi. Loyihaning jami qiymati 3 mlrd 100 million soʻm boʻlib, shundan tadbirkorga 2 mlrd 300 million soʻm kredit ajratildi. Ushbu nodavlat bogʻchaning ochilishi natijasida Urganch shahridagi bolalarning maktabgacha taʼlimga qamrovi 100 foizga yetdi. Xiva tumanida yana bir yangi foydalanishga topshirildi. “Indavak” mahallasidagi bolalarning endilikda 295 nafari maktabgacha taʼlimga qamrab olindi. Buning hisobiga tumanda bolalar qamrovi 61.3 foizga yetdi. Yangi ochilgan davlat xususiy sherikligi asosidagi ushbu maktabgacha taʼlim tashkiloti 100 nafar bolajon uchun xizmat qiladi. Loyihaning jami qiymati 3 mlrd 446 million soʻm boʻlib, shundan tadbirkorga 2 mlrd 300 million soʻm kredit ajratildi.

Maktabgacha ta'lim agentligi
Samarqand shahrida Xalqaro bolalarni himoya qilish kuniga bag‘ishlangan maktabgacha yoshdagi bolalar o‘rtasida II velomarafon

2022-yil 30-may kuni Samarqand shahrida O‘zbekiston Respublikasi Maktabgacha ta’lim vazirligi YXHTning O‘zbekistondagi loyihalari koordinatori ofisi, Sport vazirligi, Velosport federatsiyasi bilan hamkorlikda 6 yoshli bolalar o‘rtasida II velomarafon o‘tkazildi. Ta’kidlash joizki, bolalar va o‘smirlarni ekologik, jismoniy tarbiya va sportga ommaviy jalb qilish masalalari O‘zbekiston Respublikasi hukumatining doimiy e’tiborida bo‘lib kelmoqda. 2021-yilda maktabgacha taʼlim tizimiga ekologik taʼlim-tarbiyani hamda bolalar uchun begovel haydash metodikasini joriy etish boʻyicha loyiha ishga tushirildi, bu esa maktabgacha yoshdagi bolalarning ekologik taʼlim va begovel haydash texnikasi boʻyicha bilimlarini oshirish imkonini berdi. Buning uchun 13 ta pilot davlat maktabgacha ta'lim tashkiloti 400 ta begovel bilan ta’minlandi. 2021-yil 1-iyun kuni Toshkent shahridagi markaziy ekobog‘da birinchi bolalar velomarafoni bo‘lib o‘tdi, unda 6 yoshli 65 nafar bola, shuningdek, o‘qituvchilar, velosportchilar ishtirok etdi. 2022-yilda loyiha doirasida 20 ta davlat maktabgacha ta’lim tashkiloti tanlab olinib, ularga 500 ta begovel taqdim etildi. Bolalar velomarafonining asosiy maqsadi atrof-muhitni muhofaza qilish va yashil transport turidan foydalanish sohasida barqaror ko‘nikmalarni rivojlantirish, shuningdek, maktabgacha yoshdagi bolalar o‘rtasida velosportni ommalashtirish, sog‘lom turmush tarzini targ‘ib qilish va xulq-atvor madaniyatini oshirish, yo‘l harakati xavfsizligi qoidalariga rioya qilishga o‘rgatishdan iborat. Velomarafonda ishtirok etgan bolalar esdalik medallari, sovg‘alar bilan taqdirlandilar, shuningdek, ular uchun ko‘ngilochar dastur tashkil etilib, san’atkorlar bilan birgalikda turli tanlov va o‘yinlarda ishtirok etildi.

Вид сайта
Размер шрифта