Sayt test rejimida ishlamoqda

Yangiliklar
Maktabgacha ta'lim vazirligi
O‘zbekiston Respublikasining maktabgacha ta’lim tizimida ekologik ta’limning va ekologik madaniyatning rivojlantirilishini joriy etish bo‘yicha pilot loyiha.

So‘nggi o‘n yilliklarda atrof-muhit bilan bog‘liq muammolar va masalalar tobora muhim ahamiyat kasb etmoqda. Ekologik ta’lim va aholi o‘rtasida ekologik madaniyatni shakllantirish, sog‘lom jamiyat va barqaror davlat siyosatining qurilishida zaruriy qismga aylanib bormoqda. O‘zbekiston Respublikasida ekologik madaniyatni rivojlantirish maqsadida YXHT loyihalari Koordinatorining idorasi, Maktabgacha ta’lim vazirligi, “SVB Advisory” Britaniya-O‘zbekiston barqaror rivojlanish kompaniyasi va “Hashar Week” ijtimoiy loyihasi bilan birgalikda O‘zbekiston Respublikasining maktabgacha ta’lim tizimida ekologik ta’lim va tarbiyani joriy etish dasturini boshlashdi. Loyiha doirasida “Qiziqarli chiqindi” didaktik o‘yinini va o‘qitish metodikasini aprobatsiyasi uchun Toshkent shahrining 13 ta maktabgacha ta’lim tashkilotlari tanlab olindi. YXHT O‘zbekistondagi loyihalar Koordinatori idorasining ko‘magida maktabgacha ta’lim sohasidagi mutaxassislar guruhi va “SVB Advisory” kompaniyasining barqaror rivojlanishga ixtisoslashgan xalqaro ekspertlari hamda O‘zbekistonda ekologik madaniyatni targ‘ib qiluvchi “Hashar week” ijtimoiy loyihasi tomonidan maktabgacha yoshdagi bolalarni turli xildagi chiqindini saralashga, chiqindi bilan to‘g‘ri ishlashni o‘rgatishga, shuningdek kichik motorikani va verbal aql-zakovatini rivojlantirishga qaratilgan dastur ishlab chiqildi. Dastur 3 yoshdan 7 yoshgacha bo‘lgan bolalarning yosh xususiyatlarini inobatga olgan holda ishlab chiqilgan bo‘lib, unda asosiy mezonlar vizual tasvir va amaliy faoliyat imkoniyatidan iboratdir. Maktabgacha ta’lim tashkilotlarida pedagog kadrlarining salohiyatini oshirish maqsadida 2020-yil dekabr oyida Toshkent shahridagi tanlab olingan 13 ta maktabgacha ta’lim tashkilotlarining 50 nafar tarbiyachilari uchun o‘quv-seminarlari o‘tkazildi. Tarbiyachilar maktabgacha yoshdagi bolalarning ekologik ta’limi doirasida xulq-atvor psixologiyasi texnikalariga o‘qitildilar, “Qiziqarli chiqindi” dasturining o‘qitish uslubi bilan tanishdilar va barqaror rivojlanish sohasida bilim oldilar. Loyiha doirasida YXHTning O‘zbekistondagi loyihalar Koordinatorining idorasi tanlab olingan 13 ta maktabgacha ta’lim tashkilotlariga begovel (bolalar pedalsiz velosipedini) taqdim etadi. O'zbekiston Respublikasi velosport federatsiyasi ko'magida pedalsiz velosipedlari maktabgacha yoshdagi bolalar o‘rtasida velosportni ommalashtirish maqsadida qo‘llaniladi. Begovelda minish uslubi loyihasi O'zbekiston Respublikasi sport vazirligi ko'magida Velosport federatsiyasi mutaxassislari tomonidan ishlab chiqilgan. Begovel yordamida bolalarga erta yoshdan boshlab koordinatsiya va muvozanatni ushlashni o‘rgatish mumkin. Ushbu texnikaning afzalligi - bolaning motorik faolligini ta'minlash, oyoq mushakklarini mustahkamlash, shuningdek, velosipedda mashq qilish uchun samarali tayyorgarlik jarayoni imkoniyatlarini oshirishdan iborat. 13 ta maktabgacha ta’lim tashkilotlari asosida o‘tkazilgan pilot loyiha natijalarini hisobga olgan holda, hamkorlar tomonidan (YXHT, Maktabgacha ta’lim vazirligi, “SVB Advisory” va “Hashar Week”) butun Respublika bo‘ylab “Qiziqarli chiqindi” o‘qitish metodikasi va didaktik o‘yinini yanada kengaytirish strategiyasi ishlab chiqiladi, shuningdek maktabgacha ta’lim tizimida ekologiya yo‘nalishida dastur yaratish va uni joriy etish yo‘lga qo‘yiladi. Ma’lumot uchun: 2020-yil noyabr oyida YXHT, Maktabgacha ta’lim vazirligi va Velosport federatsiyasi o‘rtasida memorandum imzolandi, uning doirasida ekologik ta’lim bo‘yicha loyihalar amalga oshiriladi, bu YXHT O‘zbekistondagi loyihalar Koordinatorining idorasi tomonidan hukumatga yashil iqtisodiyot mexanizmlarini joriy qilishda ko‘maklashishning asosiy yo‘nalishlaridan biri hisoblanadi.

Batafsil
Maktabgacha ta'lim vazirligi

Об исполнении средствЗагрузить

Maktabgacha ta'lim vazirligi
O'zbekiston Respublikasi Maktabgacha ta'lim tizimiga 2020 yilning 9 oyi davomida davlat byudjetidan ajratilgan mablag'larning ijrosi to'g'risida

b-a-l-a-n-s-1Скачать kreditorskaya-1Скачать spravka-1-1Скачать

Maktabgacha ta'lim vazirligi
Oʻzbekistonning Koronavirusga qarshi kurash boʻyicha Respublika maxsus komissiyasi qarori toʻgʻrisida

Hurmatli ota-onalar!Ma’lumingizki, Respublika maxsus komissiyasining qaroriga muvofiq, O‘zbekistonda karantin choralarini bosqichma-bosqich yengillashtirishga ruxsat berilmoqda. 15-avgustdan nodavlat ta’lim tashkilotlari, ya’ni xususiy MTT va davlat-xususiy sherikchilik asosida tashkil etilgan MTT faoliyati tiklanadi.Bunda quyidagi talablarga rioya etish zarurligi qayd etilgan:- tana harorati 37 darajadan yuqori hamda koronavirus alomatlari bo‘lgan xodimlar va bolalar MTTga kiritilishi mumkin emas;- xodimlar tibbiy niqoblar taqib yurishi, sanitariya-gigiyena va epidemiyaga qarshi qoidalar hamda xavfsizlik choralariga rioya qilishlari zarur;- MTT xonalari va hududi vaqti-vaqti bilan dezinfektsiya qilinishi, kirish qismi esa, pirometrlar, dezinfektsiya qiluvchi vositalar va gilamchalar bilan jihozlanishi kerak;- bolalar va xodimlar qo‘llarni yuvish yoki antiseptik vositalar bilan qayta ishlash jadvaliga rioya qilishlari kerak;- bolalarning taomdan oldin va keyin kamida 20 soniya mobaynida xodimlar nazoratida qo‘llarini yuvishi ta’minlanishi shart. Hojatxonaga borgach, o‘yinlar va sayrdan keyin ham shunday qilishlari kerak;- imkoniyat darajasida bir guruhdagi bolalar sonini 15 nafargacha qisqartirish tavsiya etiladi, chunki, bir guruhdagi bolalarning tavsiya etilgan soni — 15 nafardan ko‘p emas;- guruhda tarbiyalanuvchilar soni ortishi bilan koronavirusni yuqtirib olish ehtimoli ortadi.Oddiygina harakatlar COVID-19 ni yuqtirishni to‘xtatishi mumkin, murakkab bo‘lmagan qoidalarga rioya qilishingiz sizning va oilangizning sog‘lom qolishiga yordam beradi va farzandlaringizga yaxshi namuna bo‘lib xizmat qiladi:qo‘llaringizni kamida 20 soniya sovun bilan tez-tez yuving yoki antiseptik vositalardan foydalaning;kasallik alomatlari bo‘lgan (aksirayotgan, harorati bor yoki yo‘talayotgan) kishilar bilan muloqot qilmang;jamoat joylarida boshqalardan 2 metr uzoqlikda turing;siz jamoat joyida bo‘lganingizda 2 va undan katta yoshdagi farzandlaringiz yuzlariga yopishib, og‘iz-burunni to‘sib turadigan niqob taqishlari shart;bola salomatligini kuzatib turing, agar u o‘zini yomon his qilsa, harorati ko‘tarilsa, yo‘tal paydo bo‘lsa, nafas olishi qiyinlashsa/nafasi qissa, ko‘krak sohasida og‘riq bo‘lsa, juda uyqusirasa, zudlik bilan shifokor maslahatini oling. Yodda tuting, ayrim insonlarda COVID-19 virusining kam tarqalgan alomatlari: bosh og‘rig‘i, aksirish, mushaklardagi og‘riqlar, ich ketishi, hid va ta’m bilmaslik, terisida toshma paydo bo‘lishi, qo‘l-oyoqlaridagi barmoqlar rangi o‘zgarishi kabi holatlar kuzatilishi mumkin;farzandingizda kasallik alomatlari paydo bo‘lsa, uni MTTga olib kelmang va MTT xodimlarini bundan xabardor qiling.Hurmatli ota-onalar!Yodingizda tuting, COVID-19 pandemiyasi chog‘ida zarurat bo‘lmasa, MTTga bormagan ma’qul!O‘zingiz, farzandlaringiz va yaqinlaringiz salomatligi haqida qayg‘uring, ehtiyotkorlik choralariga rioya qiling, shuningdek, niqob va antiseptik vositalarga beparvo bo‘lmang!

Maktabgacha ta'lim vazirligi
Pandemiya sharoitida MTT larda ish jarayonining tashkil etilishi

Maktabgacha taʼlim tashkilotlarida koronavirus infektsiyasi pandemiyasi sababli toʼxtatilgan faoliyat jarayonini tiklashga tayyorgarlik ishlari olib borilmoqda.Ushbu faoliyatni tiklashdan maqsad, xodimlar va tarbiyalanuvchilar uchun xavfsiz muhitni taʼminlash orqali, bolalarni normal maishiy hayot, oʼyinlar va taʼlim jarayoniga qaytarishdir.Bunda virus tarqalishi va uni yuqtirib olish xavfini bartaraf etish maqsadida joriy etilgan taʼqiq choralarini hisobga olgan holda, qoʼshimcha xavfsizlik choralari ham tatbiq etilishi koʼzda tutilgan.Аmmo, bolalar oʼrtasidagi oraliq masofa, ularning ijtimoiy faolligi, amaliy mashgʼulotlari va rivojlantiruvchi oʼyinlariga halaqit bermasligi lozim.Maktabgacha taʼlim vazirligi BMT Bolalar jamgʼarmasi UNIСEFning koʼmagida pandemiya sharoitida MTT larda ish jarayoni qanday tamoillar asosida tashkil etilishi tasvirlangan videorolik tayyorladi. ?Rolikni pastda berilgan havola orqali tomosha qilishingiz mumkin:

Maktabgacha ta'lim vazirligi
Ijtimoiy tarmoqlarda tarbiyachi o‘z farzandlarini urishayotgani aks etgan videorolik bo‘yicha ma'lumot.

Joriy yil 26 iyul kuni ijtimoiy tarmoqlarda mashgʼulotni tasvirga olishga halaqit berayotgan farzandlarini urishayotgan tarbiyachi aks etgan videorolik tarqadi.Maktabgacha taʼlim vazirligi ushbu holat boʼyicha quyidagilarni maʼlum qiladi:Maktabgacha taʼlim vazirligi tomonidan rolikdagi ayol Namangan viloyati, Chortoq tumani 7-sonli maktabgacha taʼlim tashkiloti tarbiyachisi Hilola Nurmatova ekanligi aniqlandi.H.Nurmatova 1982 yilda tugʼilgan, maʼlumoti oliy.Maktabgacha taʼlim tizimida bir necha yildan beri ishlab keladi. Oʼtgan davr mobaynida u tomonidan hech qanday nojoʼya harakatlar amalga oshirilmagan va ish beruvchi tomonidan ijobiy taʼriflanadi.Karantin sharoitida H.Nurmatova masofadan oʼqitish usulini oʼzlashtirgan holda, bir necha oy mobaynida, haftasiga 4-5 martadan tarbiyalanuvchilar uchun videomashgʼulotlar oʼtib kelgan.Yoz mavsumi boshlanishi MTT larda sogʼlomlashtirish davri hisoblanib, tartibga koʼra bu vaqtda faol taʼlim jarayoni toʼxtatiladi. Аmmo bir necha tashabbuskor tarbiyachilar, ular qatorida H.Nurmatova ham, tarbiyalanuvchilarning boʼsh vaqti mazmunli va foydali oʼtishi uchun videomashgʼulotlarni davom ettirishga qaror qiladilar.Joriy yil 15 iyul kuni uy sharoitida videomashgʼulotni yozib olish jaraуonida H.Nurmatova oʼz farzandlarini tarbiyachi kasbiy etikasiga zid ravishda qoʼpol tarzda koyib tashlaydi . Bu holat aks etgan rolik ,keyin tayyorlangan videomashgʼulot oʼrniga, yanglish ravishda MTT telegram guruhiga joylanadi va tezda oʼchirib tashlanadi.Shunga qaramay yanglish joylanib, oʼchirilgan rolik oradan 11 kun oʼtib ijtimoiy tarmoqlarda tarqalib ketadi.Holatni oʼrganish jarayonida oʼsha kuni H.Nurmatova videomashgʼulotni bir necha marta yozib olishga uringani maʼlum boʼldi.Аmmo ish bilan uy vazifalarini bir vaqtda bajarish majburiyati, jumladan bolalar harxashasi hissiy muvozanatdan chiqib ketishi, natijada nazoratni yoʼqotgan holda ovozini balandlatishiga sabab boʼlgan.Bu voqea Chortoq tumani maktabgacha taʼlim boʼlimi hamda Namangan viloyati Maktabgacha taʼlim Boshqarmasi tomonidan atroflicha oʼrganib chiqildi va maʼlum xulosalarga kelindi.Tarbiyachi H.Nurmatova kasbiy etika qoidalarini buzgani uchun unga nisbatan intizomiy jazo chorasi qoʼllanildi.Karantin yakunlanib , MTT lar faoliyati tiklangach 7-sonli MTT hamda Chortoq tumani maktabgacha taʼlim boʼlimi tomonidan bu tarbiyachining pedagogik faoliyati monitoring qilib borilishi belgilandi.7-sonli MTT rahbariga esa ogohlantirish berildi.Tuman MTB siga oʼziga tegishli hududda masofadan maktabgacha taʼlim xizmatini koʼrsatish jaryoni ustidan kuzatishni kuchaytirish, uning sifatini yaxshilash, maktabgacha taʼlim tizimi xodimlari uchun qulay sharoitlar yaratish boʼyicha tavsiyalar berildi.Hurmatli hamyurtlar! Maktabgacha taʼlim vazirligi bolalarga nisbatan har qanday qoʼpol munosabatga qarshi ekanligini maʼlum qiladi.Shuningdek, aholi orasida koronavirus pandemiyasi natijasida asabiylashish holatlari koʼp kuzatilayotgani sababli barchangizni bir-biringizga nisbatan sabrli boʼlishga chaqiramiz.Shu bilan birga sizlardan oʼzi uchun yangi va noodatiy boʼlgan- masofadan taʼlim jarayonini olib borayotgan pedagoglarimiz sharoiti va holatini tushunishga harakat qilishingizni soʼraymiz.

Maktabgacha ta'lim vazirligi
Autizm nima ?

Bugungi kunda 67 milliondan ortiq autizmli bolalar yashamoqda, 160 nafar bolalardan biri autizm spektri bilan kasallangan.Autizm sindromli bola har xil rivojlanadi va aloqa muammolari, g'ayrioddiy xatti-harakatlari, cheklangan qiziqishlari bilan ajralib turadi. Albert Eynshteyn, Motsart, Charlz Darvin, Isaak Nyutonda ham Autizm belgilari kuzatilgan. Ota-onalar qanday belgi va alomatlarni kuzatishi mumkin? Erta tashxis qo'yish, samarali terapiya va keng qamrovli tibbiy va psixologik reabilitatsiya yordamida bolalar o'zlarining jamiyatdagi imkoniyatlarini amalga oshira oladi. Ota-onalar va mutaxassislarni 20 iyul, dushanba (rus tilida) va 22 iyul chorshanba (o'zbek tilida) soat 18: 05da "Olaviy" telekanalida yosh bolalardagi autizmning holatiga bag'ishlangan "Salomatlik alifbosi" ko'rsatuvida tomosha qilishga taklif qilamiz.

Maktabgacha ta'lim vazirligi
MTTDA BOLALAR TAʹMINOTI UCHUN TO‘LOVLARNI QAYTA HISOBLASH TO‘G‘RISIDA

Hurmatli ota-onalar va MTT xodimlari!O‘zbekiston Respublikasi Maktabgacha ta’lim vazirligi sizlarga shuni ma’lum qiladiki, bolalarning MTTda bo‘lgan davri uchun to‘langan to‘lovlarning qayta hisoblanishi 2016 yil 23 avgustdagi №2821 sonli “Maktabgacha ta’lim tashkilotlari va maktab-internatlarda bolalarning ta’minoti uchun to‘lovni amalga oshirish tartibi to‘g‘risidagi Nizom”ga asosan quyidagicha amalga oshiriladi:— MTTda bolaning ta’minoti uchun olingan to‘lovlar uni ovqatlantirishga yo‘naltiriladi (Nizomning 2-bandi);— agar bola 3 kundan ko‘p muddat mobaynida MTTga bormagan bo‘lsa, bu davr uchun amalga oshirilgan to‘lov bolalarning MTTda bo‘lishi bo‘yicha kelgusi to‘lovlarni amalga oshirishda inobatga olinadi (Nizomning 13-bandi);— bola MTTga borishni to‘xtatgudek bo‘lsa, to‘lov bir oy uchun emas, balki uning MTTda bo‘lgan kuni uchungina amalga oshiriladi (Nizomning 14-bandi). Nizomning yuqoridagi bandlaridan kelib chiqqan holda bolani MTTdagi ta’minoti uchun to‘lovni qayta hisoblashning quyidagi tartibi belgilangan:1. Maktabgacha ta’lim tashkilotini tugatib, maktabga chiqadigan bolalar uchun oldindan kelgusi davrga to‘langan mablag‘lar ota-onasining arizasi asosida qaytarib beriladi.2. 2020/2021-o‘quv yilida maktabgacha ta’lim tashkilotiga qatnashda davom etadigan bolalar uchun oldindan to‘langan mablag‘lar kelgusi oylar uchun to‘lovlarni undirishda inobatga olinadi.

Batafsil
Maktabgacha ta'lim vazirligi
Ertak terapiyasi boladagi muammolarni bartaraf etish usuli sifatida.

Ertak terapiyasi nima? Ertak terapiyasi bola idroki uchun murakkab narsalarni unga yengil shaklda etkazish,u bilan ertak yordamida ishonchli aloqa o‘rnatish , unga yaqin kishiga aylanish usullaridan biridir. Farzandlar ota-onalaridan nima yaxshi va nima yomonligini sorab organsa, oilada ota-onaning bola bilan muloqoti yolga qoyilgan bo'lsa, bu nafaqat bolalarning ahloqiy qadriyatlarini shakllantiradi, balki bolaning ota-onasiga bo'lgan ishonchini ham oshiradi. Ertakterapiya bu ma'lum bir muammoni bola bilan hal qilish usulidir. Uning qayta-qayta o'qib berishni so‘raydigan ertagi bormi? Agar bor bo‘lsa , u bola uchun juda muhim masalalarni yoritgan ertak bo‘ladi. Qadim zamonlardan beri еrtaklar davolaydi, u odamlarga yashashni o'rgatadi. Amaliy psixologiyada bu usul tez-tez ishlatiladi va bizning davrimiz uchun ham u o‘z dolzarbligini yo‘qotmagan."Salomatlik alifbosi" ning navbatdagi sonida ushbu usul haqida so‘z boradi. Bizni chorshanba kunlari soat 18.05 da "Oilaviy" telekanalida ko‘ring

Maktabgacha ta'lim vazirligi
2 iyul - "O'zbekiston Respublikasining davlat gerbi to'g'risida"gi qonun qabul qilingan kun

Maktabgacha ta‘lim vazirligi nomidan mamlakatimiz barcha fuqarolarini O‘zbekiston Respublikasining Davlat gerbi qabul qilingan kun bilan tabriklaymiz!Aynan gerbimiz mamlakatimiz tarixi, buguni va kelajagini o‘zida mujassam etuvchi asosiy davlat ramzlaridan biridir.Barcha vatandoshlarga farovonlik, sog‘liq va ertangi kunga ishonch tilaymiz!

Maktabgacha ta'lim vazirligi
O'zbekiston Respublikasi Matbuot va ommaviy axborot vositalari xodimlari kuni bilan!

O‘zbekiston Respublikasi Maktabgacha ta‘lim vazirligi nomidan barcha matbuot va ommaviy axborot vositalari xodimlarini kasbiy bayramlari bilan tabriklaymiz!Sizlarga doimiy rivojlanish va yangi ijodiy yuksalish, tinchlik va barqarorlik tilaymiz. Sizning professional yo‘lingizga muvaffaqiyat va farovonlik yor bo‘lsin.Muammoli holatlar, dolzarb masalalarni yoritganingiz hamda faoliyatingizdagi xolislik uchun minnatdorchiligimizni bildiramiz! Maktabgacha ta‘lim vazirligi siz bilan muloqot va hamkorlikka har doim tayyor ekanligini eslatib o‘tamiz!

Maktabgacha ta'lim vazirligi
Hurmatli ota -onalar va maktabgacha ta'lim tashkilotlari rahbarlari!

Maktabgacha ta'lim vazirligi O‘zbekiston Respublikasi Koronavirusga qarshi kurash Maxsus komissiyasi qaroriga ko‘ra, bolalar sog‘lig‘i, xavfsizligi bo’yicha barcha choralarni ta'minlash va sanitariya- gigiyena qoidalariga rioya etilishi uchun barcha sharoitlarni yaratish maqsadida, “yashil” va “sariq” hududlardagi maktabgacha ta'lim tashkilotlari( MTT) o‘z faoliyatini 2020-yil 1-avgustdan tiklashini ma'lum qiladi.Ushbu jarayon Maktabgacha ta'lim vazirligi tomonidan tasdiqlanadigan jadvalga ko‘ra, bosqichma- bosqich amalga oshiriladi.Davlat MTT larining Respublika maxsus komissiyasi tomonidan ilgari e'lon qilingan sana 15- iyundan emas, balki 1- avgustdan ochilayotganligiga sabab, MTT faoliyati tiklanganidan so‘ng uning tarbiyalanuvchilari va xodimlari xavfsizligini yuqori darajada ta'minlash uchun qator choralarni ko‘rish bilan bog‘liq bo‘lib, ularga jumladan quyidagilar kiradi:-6000 dan ziyod davlat MTT larini kuchdagi “O‘zbekiston Respublikasida MTT lar faoliyatini tashkil etish, ta'minlash va ish tartibi bo‘yicha Sanitariya - gigiyena talablari” SanPiN 0355-18 norma va qoidalariga ko‘ra yuvish, antiseptik va dezinfeksiya vositalari, shuningdek masofadan ishlovchi pirometrlar va shaxsiy himoya vositalari bilan ta'minlash; -2020 yil martida MTTlar faoliyati to‘xtatilayotgani bois, oziq-ovqat mahsulotlari buzilib qolishining oldini olish maqsadida barcha omborlar bo‘shatilganligini inobatga olgan holda, oziq-ovqat mahsulotlari etkazib berish; -o‘quv yili boshlanishiga MTT larda ta'mirlash, ular hududini obodonlashtirish va ko‘kalamzorlashtirish, MTT lar faoliyati to‘xtagan davrda, u erda ishchilar bo‘lmaganligi sababli qoniqarsiz ko‘rinishga kelib qolgan daraxtlarni butash, ekinlarni parvarishlash, o‘yin maydonchalarini tartibga keltirish;-MTT lar binosi va hududini dezinfeksiya qilish, sanitariya- epidemiologiya osoyishtaligi hududiy Markazlari bilan hamkorlikda ularning tayorgarligini ko‘rikdan o‘tkazish; -karantin davrida moliyalashtirish to‘xtatilganligini inobatga olgan holda, MTT ochilishiga tayyorgarlik ko‘rish uchun zarur bo‘lgan mablag‘larni jalb etish borasidagi ishlarni rejaviy amalga oshirish; -MTT larga qaytayotgan xodimlar va tarbiyalanuvchilarning tibbiy ko‘rikdan o‘tishi uchun sharoit yaratish; - “qizil” hududlarda yashovchi tarbiyalanuvchilarning kelishi va xodimlarning ishga jalb etilishi bilan bog‘liq xatarlarni pasaytirish( aholi va MTT xodimlari uchun noqulayliklar minimal darajada bo‘lishi sharti bilan)borasidagi masalalarni hal qilish.Maktabgacha taʼlim vazirligi avvalo bolalar manfaatlari yoʼlida va ular rivojlanishi uchun bexatar muhit yaratish maqsadida harakat qilishini yana bir bor eslatib oʼtadi.Аyni damda MTV tomonidan butun Respublika boʼyicha ota-onalar fikri oʼrganilmoqda va shu yoʼl bilan hozirgi epidemiologik holatda bolalarini bogʼchaga yuborishni hohlamayotgan oilalar aniqlanmoqda. Pandemiya sharoitida maʼlum MTT lardagi ota -onalar toʼla tarkibda bolalarini bog’chaga yuborishni istamasalar alohida MTTlarning ushbu ota- onalar aʼzoligidagi Kuzatuv kengashi tomonidan tashkilot faoliyatini tiklashga ehtiyoj yoʼqligi haqida qaror qabul qilinadi. Respublika maxsus komissiyasi tomonidan davlat MTTlaridan farqli oʼlaroq, xususiy bogʼchalar faoliyati tiklanishiga joriy yil 15 iyunidan ruxsat berilishi, maʼlum noroziliklarga sabab boʼlganligi hech kimga sir emas. Bunday qaror qabul qilinishida xususiy MTT larda guruhlar soni chegaralanganligi, guruhlardagi tarbiyalanuvchilar soni kam boʼlib, koʼp sonli bolalarning bir yerda toʼplanib qolmasligi, ularda sanitariya-epidemiologik talablar asosida faoliyatni tezkor yoʼlga qoʼya olish imkoniyati kattaligi inobatga olingan.Shuning bilan birga, ayni vaqtda, Maktabgacha taʼlim va Sogʼliqni saqlash vazirliklari hamkorligi, “ЮНИСЕФ” xalqaro bolalar fondi qoʼllovida ishlab chiqilagan va yakuniy kelishuv bosqichidagi "COVID-19 pandemiyasi sharoitida maktabgacha taʼlim tashkilotlari faoliyatini tashkil etish bo’yicha vaqtinchalik Nizomni tasdiqlash" yakuniy kelishuv bosqichida boʼlib, unga koʼra koronavirusga qarshi kurash Respublika maxsus komissiyasining joriy yil 2- iyundagi 27- sonli majlis protokoliga koʼra quyidagilar ishlab chiqildi :-COVID -19 pandemiyasi davrida MTT lar faoliyatini tashkil etish boʼyicha vaqtinchalik Nizom; -MTT tarbiyalanuvchisining qonuniy vakillari imzosi uchun blanka shakli; -MTTlarda ishlatiladigan yuvish va dezinfeksiya vositalarining ishlatilish normalari; - tonggi filtr uchun jurnal shakli.Ushbu qarorda koʼrsatilgan qoidalarga koʼra davlat va nodavlat MTT larida:-barcha xodimlar sanitariya-epidemiologiya osoyishtaligi hududiy Markazlari xodimlari tomonidan sanitariya-gigiena, epidemiyaga qarshi qoidalar va choralar normasi bilan tanishtirilishi va tayyorgarlikdan o’tishi lozim; -MTT rahbarining bolalar xavfsizligini taʼminlash haqidagi kafolat xati hamda sanitariya- epidemiologiya osoyishtaligi hududiy Markazlarining qarori boʼlgandagina MTT lar faoliyati qayta tiklanishiga ruxsat beriladi;-MTT xodimlari tibbiy niqob taqishi va ijtimoiy masofani saqlashlari shart hisoblanadi;-MTT hududida profilaktik dezinfeksiya ishlari muntazam oʼtkazib turilishi shart;-xodimlar va tarbiyalanuvchilarda tana harorati yuqori boʼlganda, yaʼni u 37˚ dan oshiq boʼlsa, shuningdek oʼtkir resperator infeksiyasi belgilari( tomoq ogʼrishi, yoʼtal, holsizlik va h.k) kuzatilganda ularning MTT ga kelishlari taqiqlanadi-oilada yoki muloqot doirasidagilar orasida COVID-19 aniqlangan bo‘lasa tarbiyalanyvchini MTT ga olib kelmaslik, bu haqda darhol MTT dagilarga xabar berish lozim; -MTT hududiga kirmaslik, bolani mas'ul xodimga topshirish so‘raladi; -MTT joylashgan hududda epidemiologik holat yomonlashgan holatlarda sanitariya- epidemiologiya osoyishtaligi hududiy Markazlari tomonidan MTT faoliyati to‘xtatiladi. Sizlardan talab etilayotgan profilaktik choralarga amal qilish,o‘zingiz yoki farzandingizda koronovirus belgilari kuzatilganda o‘z vaqtida MTT rahbariyati va xodimlariga xabar berish, o‘z sog‘lig‘ingiz xavfsizligini ta'minlash, atrofdagilarni infeksiya yuqishidan asrash uchun darhol shifokorga murojaat qilishga chaqiramiz.

Maktabgacha ta'lim vazirligi
Davlat maktabgacha taʼlim tashkilotlari holatini oʼrganish maqsadida Maktabgacha taʼlim vaziri Buxoro viloyatiga tashrif buyurdi.

Maktabgacha ta'lim vaziri Agrippina SHin ishchi tashrifi bilan 17-iyun kuni Buxoro viloyatiga tashrif buyurdi. Tashrif davomida vazir viloyat maktabgacha ta'lim tizimida amalga oshirilayotgan ishlar bilan yaqindan tanishdi, viloyatdagi qator davlat maktabgacha ta'lim tashkilotlari holatini o'rgandi, 1- avgustdan faoliyatini tiklayotgan MTT larda ko‘rilayotgan hozirlik ishlarini ko‘zdan kechirdi. Dastlab vazir, Buxoro shahridagi 52- sonli maktabgacha ta’lim tashkilotiga tashrif buyurdi. 1982 yilda qurilgan ushbu MTT, 2019 yilda kapital ta’mirdan chiqarilgan bo‘lib, 300 o‘ringa mo‘ljallangan. Ayni kunda bu maskanda 180 bolakay tarbiyalanmoqda. Vazir bu yerda bolalar o‘sib-unishi uchun yaratilgan sharoitlarni ko‘zdan kechirib, karantindan keyin MTT o‘z faoliyatni tiklashi uchun kerakli topshiriqlarni berdi. SHu bilan birga vazir shahardagi 350 o‘ringa mo‘ljallangan 51-conli maktabgacha ta’lim tashkilotidaham bo‘ldi. Buxoro shahridagi namunali bog‘cha sifatida e’tirof etilgan bu ta’lim maskanida, ayni kunda 324 nafar bola tarbiyalanmoqda. MTTda 22 nafar pedagog xodim bolalar ta'lim va tarbiyasi bilan shug‘ullanadi. Vazir Buxoro shahrida joylashgan Pedagogika kollejiga ham bo‘ldi. 2004 yilda kapital ta’mirlangan ushbu kollejda 895 nafar yoshlar 6 yo‘nalish bo‘yichatahsil oladi. Ta’lim dargohida Turkmaniston Respublikasidan kelgan talabalar ham o‘qimoqda. "Buxoro shahridagi Pedagogika kollejini kapital ta’mirlab, bo‘sh turgan binolarga namuna sifatida davlat - xususiy sherikchiligi asosida maktabgacha ta’lim tashkilotini joylashtiramiz" - dedi Agrippina Shin. Vazir kollejga chet ellik talabalarni o‘qishga jalb etish bo‘yicha ko‘rsatmalar ham beridi. Shuningdek vazir 27-28 aprel kunlari Turkmaniston hududidan kirib kelgan kuchli shamol oqibatida zarar ko‘rgan Olot va Qorako‘l tumanlaridagi maktabgacha ta’lim tashkilotlarining holatini ham o‘rgandi. Olotdagi 1-2 -3- sonli maktabgacha ta’lim tashkilotlari holatini o‘rganicsh natijasida aniqlangan kamchiliklarni bartaraf etish,ularni kapital ta’mirlash borasida mutasaddilarga ko‘rsatmalar berdi. Qorako‘l tumanidagi Pedagogika kolleji ham kapital ta’mirlanishiva uning bo‘sh turgan binosidamaktabgacha ta’lim tashkiloti ochish bo‘yicha taklif berildi. "Qorako‘l tumani matematika bo‘yicha yuqori o‘rinda turadi. Kollejni ta’mirlagandan keyin, ta’lim muassasasida matematika fani bo‘yicha qayta tayyorlov kurslarini tashkil etish kerak"- dedi vazir. Vazir tashrif buyurgan yana bir obyekt 18- sonli MTT bo‘lib, uni o‘rganish davomida aniqlangan holatlar bo‘yicha aniq chora-tadbirlar belgilab olindi. Ma’lumot o‘rnida shuni aytish joizki, bugungi kunda viloyatda jami 1041 ta maktabgacha ta’lim tashkiloti bo‘lib, ulardan 409 tasi davlat, 632 tasi esa nodavlat maktabgacha ta’lim tashkilotilaridir. Viloyat bo‘yicha 3-7 yoshdagi bolalar soni 145 893 nafarni tashkil etmoqda. Ulardan 84711 nafari maktabgacha ta’lim bilab qamrab olingan. Maktabgacha ta’lim vazirining Buxoro viloyatiga tashrifi davomida viloyatdagi maktabgacha ta’lim yoshidagi bolalarni MTT lar bilan qamrab olish, karantindan so‘ng maktabgacha ta’lim tashkilotlari o‘z faoliyatlarini qanday davom ettirishlari bo‘yicha aniq rejalar ishlab chiqildi. Buxoro viloyati MTB Axborot xizmati.

Maktabgacha ta'lim vazirligi
Oʼzbekiston Respublikasi Maktabgacha taʼlim vazirligining rasmiy maʼlumoti.

Аndijon viloyati, Baliqchi tumanidagi 11- sonli MTT mudirasi G.Xoʼjaqulovaning oʼz joniga qasd qilganligi holatini oʼrganish natijalari .Oʼzbekiston Respublikasi Maktabgacha taʼlim vaziri buyrugʼiga koʼra tuzilgan Ishchi guruhi Аndijon viloyati, Baliqchi tumani Maktabgacha taʼlim boshqarmasi (MTB) faoliyati hamda ushbu tumandagi 11- sonli maktabgacha taʼlim tashkiloti( MTT )rahbari G.Xoʼjaqulovaning oʼz joniga qasd qilishi tufayli oʼlimi holatini oʼrganish natijalariga koʼra quyidagilarni maʼlum qiladi: Joriy yil 4 may kuni soat 15.00 da 25.07.1967 yilda tugʼilgan G. Xoʼjaqulova yashab turgan manzilida oʼz joniga qasd qilgan, tan jarohati olgan va shifoxonaga yotqizilgan. Shifokorlar tomonidan uning hayotini saqlab qolishga qilingan barcha harakatlarga qaramay, 17.05.2020 yilda shifoxonada vafot etgan. G.Xoʼjaqulova Baliqchi tumanidagi 11-sonli davlat maktabgacha taʼlim tashkilotida 11.11.2010 yildan buyon mudira lavozimida ishlab kelgan.Baliqchi tumani prokuraturasi tomonidan oʼtkazilgan tergovga qadar tekshiruvga koʼra marhuma G.Xoʼjakulova sogʼligʼi hamda ishi bilan bogʼliq muammolar tufayli ruhiy holatidagi oʼzgarishlar natijasida oʼz joniga qasd qilgani aniqlangan(suitsid). Tuman prokuraturasi tomonidan tayinlangan sud psixiatrik-psixologik ekspertizasi xulosasida koʼrsatilishicha bu salbiy holatga ichki qalbiy ziddiyatlar natijasidagi hissiy hayajon turtki boʼlgan,uning natijasida yuzaga kelgan hissiy beqarorlik joniga qasd qilish holatiga turtki boʼlgan boʼlishi mumkinligi koʼrsatib oʼtilgan. Ekspertiza xulosasi asosida tuman prokuraturasi tomonidan ushbu holat boʼyicha tegishli qaror qabul qilingan.Maktabgacha taʼlim vazirligi Ishchi guruhi tomonidan olib borilgan tekshiruv xulosasiga koʼra Baliqchi tumani MTB rahbari S.Xonkeldievaning oʼz xizmat vazifasiga masʼuliyat bilan yondashmaganligi natijasida MTBda nosogʼlom muhit yuzaga kelgan.Shuningdek, tekshiruv davomida Baliqchi tumanidagi 11- sonli davlat MTT da qurilish - taʼmirlash ishlarini olib borgan “Milano qurilish” MChJ rahbari N.Z.Rasulov tomonidan rasmiy hujjatlarga soxta maʼlumotlar kiritilib, qalbaki hujjatlardan foydalanish orqali byudjet mablagʼlari oʼzlashtirilganligi,qurilish-taʼmirlash ishlarining oʼzi sifatsiz bajarilganligi aniqlangan. Аniqlangan ushbu holat yuzasidan tuman prokuraturasi tomonidan jinoiy ish qoʼzgʼatilgan.Shuningdek Ishchi guruhi, Baliqchi tumani MTBsida ishlar tizimli yoʼlga qoʼyilmagani; rahbar xizmat vazifalarini lozim darajada bajarmaganligi; idoraviy nazorat susaytirib yuborilgani va natijada aholi orasida maktabgacha taʼlim tizimiga nisbatan norozilik kayfiyati paydo boʼlganligini aniqladi.Yuqoridagilardan kelib chiqqan holda Аndijon viloyati, Baliqchi tumani MTBsi mudiri S.Xonkeldieva bilan tuzilgan mehnat shartnomasi 2020 yil 26 iyun kuni bekor qilindi.Maktabgacha taʼlim vazirligi marxum G.Xoʼjaqulovaning qizi va oila aʼzolariga uning oʼlimi munosabati bilan taʼziya va hamdardlik buldiradi.Oʼzbekiston Respublikasi maktabgacha taʼlim vazirligi axborot xizmati

Maktabgacha ta'lim vazirligi
​​Sovg‘alar vaqti keldi!

«Aqlvoy o‘zi kim?» tanlovi nihoyasiga yetdi va bizning g‘olibimizni e’lon qilish fursati yetib keldi! Barcha ishtirokchilarimiz o‘z iste’dodlarini namoyon etdilar va juda rang-barang, yorqin ishlarini bizga yubordilar. Shu sababli, tanlovda ishtirok etgan va tartib raqami olgan barcha 858 ta yosh rassomlarimizga, Aqlvoydan sovg‘alarni taqdim etamiz! Bizning aktiv va kreativ bolajonlarimiz! Sizlarga tanlovda ishtirokingiz va ajoyib rasmlaringiz uchun minnatdorchilik bildiramiz. Aqlvoy bilan birga bo‘ling, bizning ijodiy tanlovlarimizda ishtirok eting va bizlarni o‘zlaringizning yorqin va betakror g‘oyalaringiz bilan xursand qiling!

Batafsil
Maktabgacha ta'lim vazirligi
Hurmatli ota onalar va MTT xodimlari!

Maktabgacha ta'lim vazirligi Koronavirusga qarshi kurash bo’yicha Respublika Maxsus komissiyasi sariq va yashil xududlarda, MTT raxbariyati va xodimlari tomonidan zarur havfsizlik choralarini ta’minlangan holda, ushbu tashkilotlar faoliyatini qayta tiklashga ruxsat berilishi haqida qaror qabul qilinganligini ma’lum qiladi. Ayni vaqtlarda Maktabgacha ta’lim vazirligi, Respublika Sog’liqni Saqlash vazirligi huzuridagi Sanitarija-epidemiologiya osoyishtaligi Agentligi, xalqaro tashkilotlar, UNICEF va Jaxon sog’liqni saqlash tashkiloti vakillaridan iborat ishchi guruhi tomonidan MTTlar faoliyatini tiklash borasida qo’yiladigan talablar tartibini o’z ichiga olgan nizom ishlab chiqilmoqda. MTTlar faoliyatini tiklash borasidagi tartibi haqida Maktabgacha ta’lim vazirligi o’zining rasmiy saytida yana qo’shimcha tarzda ma’lumot beradi. Talab etiluvchi xavfsizlik choralarini ta’minlab bera oluvchi xususiy MTTlar 2020 yil 15 iyundan faoliyatlarini boshlashlari mumkin. Ayni damda Maktabgacha ta’lim vazirligi MTTlar faoliyati havfsizligini ta’minlash maqsadida barcha sharoitlarni yaratish, jumladan, ularda tarbiyalanuvchilar ovqatlinishini tashkil etish uchun oziq-ovqatlarni xarid qilish, himoya vositalarini sotib olish, o’rnatish va dezinfeksiya qilish, MTT hodimlarini mehnat ta’tilidan ishga chaqirish bo’yicha tegishli rasmiylashtirish bo’yicha tashkiliy ishlarni amalga oshirmoqda. Hozirgi vaqtda barcha MTT rahbariyati va hodimlari oldidagi eng muhim vazifasi- bu bolalar havsizligini ta’minlashdir. Shundan kelib chiqqan holda, Maktabgacha ta’lim vazirligi MTT tarbiyalanuvchilari uchun havfsiz sharoit yaratish borasidagi ishlarni amalga oshirishga ma’lum vaqt talab etishi bilan bog’liq vaziyatga to’g’ri baho berishingiz va tushunishingizni so’raydi. Maktabgacha ta’lim vazirligi barcha holatlarni inobatga olib Davlat MTTlari faoliyating havfsiz va sifatliligini ta’minlash maqsadida ayni vaqtlarda ishlab chiqayotgan jadvali asosida DMTTlarning faoliyati 15 iyundan 1 iyulgacha amalga oshiriladi. Ushbu jadval Maktabgacha ta’lim vazirligining rasmiy manbalarida e’lon qilinadi. Karantin choralari yumshatilishidan qat’iy nazar Sizlarni hushyorlikni yo’qotmaslik, koronavirusga qarshi kurash Respublika Maxsus komissiyasi talablariga to’la rioya qilish, o’zingiz va yaqinlaringizni asrashga chaqiramiz. Sizlardan o’zingiz yoki farzandingizda tana harorati ko’tarilishi, nafas qisilishi, quruq yo’tal, holsizlik belgilari paydo bo’lgan zahoti shifokorga darhol murojaat qilish va bu haqida MTT xodimlariga xabar berishingizni so’raymiz.

Maktabgacha ta'lim vazirligi
Maktabgacha ta'lim vaziri Agrippina Shin va Xalq ta'limi vaziri Sherzod Shermatov Xalqaro bolalarni himoya qilish kuni munosabati bilan Sirdaryo viloyatida bo'ldi

Maktabgacha ta'lim vaziri Agrippina Shin hamda Xalq ta'limi vaziri Sherzod Shermatovboshchiligidagivazirliklar xodimlari 1 iyun - Xalqaro bolalarni himoya qilish kuni munosabati bilan Sirdaryo viloyatidagi ta'lim muassasalarida bo'lib, bolalajonlarni bayram bilan tabrikladilar va sovg'alar topshirdilar. O'tkazilgan tadbirlar va sovg'alarni topshirish jarayoni karantin qoidalariga qat'iy rioya qilgan holda amalga oshirildi. Ikki vazirlik vakillari kunning birinchi yarmida Yangiyer Pedagogika kolleji, Yangiyer Akademik litseyi va Guliston Olimpiya zaxiralari kollejiga tashrif buyurishdi. Agrippina Shin Xalqaro bolalarni himoya qilish kuni munosabati bilan yo'llagan tabrik nutqida : «Mamlakatimiz rahbari Shavkat Miromonovich Mirziyoyev tomonidan bolalarga doimiy g'amxo'rlik ko'rsatib kelinmoqda. Farzandlarimiz - bu bizning hayotimiz, kelajagimiz va baxtimiz. Har biringizning oilalaringizda va maktabgacha ta'lim muassasalarida e'tibor va g'amho'rlik ko'rsatilayotgan bu bolajonlar kelajakda hayotimizga yanada g'ayrat, ma'no va mazmun bag'ishlayversin, biz kattalarni yangi ijodiy muvaffaqiyatlarga etaklasin» Tashrif davomida Maktabgacha ta'lim vazirligi xodimlari Xalqaro bolalarni himoya qilish kuni munosabati bilan Sirdaryo viloyatining Mirzaobod, Sardoba va Oqoltin tumanlarida joylashgan MTTlar ihtiyoriga tarbiyalanuvchilar uchun bolalar velosipedlarini sovg'a qildilar. Maktabgacha ta'lim vazirligi tomonidan 1302 nafar uy ho'jaliklariga vaqtincha joylashtirilgan maktabgacha yoshdagi kichkintoylarga o'yinchoqlar, shirinlik va kiyim kechaklar,jumladan132 nafar maktab yoshidagi tarbiyalanuvchilarga bola uchun foydali va rivojlantiruvchi sovg'alar topshirildi. "Biz sizga nafaqat 1-iyun kuni, balki sizni har kuni himoya qilishga va mehr ko'rsatishga va'da beramiz. Bugun 1-iyun - "Ilk kadam" dasturiga binoan yozgi sog'lomlashtirishdam olish tadbirlari boshlanadigan kun hisoblanadi. Bugun Xalq ta'limi vazirligi bilan hamkorlikda har biringizni tabriklashga harakat qildik: kitoblar, yozgi kiyimlar, velosiped va televizorlar. Bularning barchasisiz uchun yozgi mashg'ulotlarimiznimasofadatomosha qilib shug'ullana olishingiz, shuningdek, bardam va sog'lom bo'lgan holda sentyabr oyida yana jonajon bog'chalaringizga qaytishingiz uchundir. Xalqaro bolalarni himoya qilish kunida vazirlik xodimlari Sirdaryo viloyatining 16 ta hududida joylashgan ta'lim tashkilotlarida bo'lib, bolalarni bayramlari bilan tabrikladilar va sovg'alarni egalariga etkazdilar.

Maktabgacha ta'lim vazirligi
O‘zbekiston Respublikasi Maktabgacha ta‘lim vazirligi barchangizni Xalqaro bolalarni himoya qilish kuni bilan tabriklaydi!

Bolalar sevgi va g‘amxo‘rlik muhitida voyaga yetishlari, davlatimiz va ota-onalarining qo‘llovida ulkan orzulari sari ilk qadamlaridayoq muvaffaqiyatlarga erishishlarini tilaymiz.Har bir bola qayerda bo‘lishidan qat'iy nazar o‘zini xavfsiz his qilsin, ko‘zlari baxt-saodatdan porlasin, har bir yangi kun esa qiziqarli va mehrga to‘la bo‘lsin! Farzandlarga bo‘lgan mehr-muhabbat, ota-onalar hayotini yangi ma‘no va shodlik bilan limmo-lim to‘ldirsin ,ular qalbini ajoyib hislar bilan boyitib, ko‘ngillariga ilhom baxsh etsin.Bayramingiz muborak bo‘lsin!

Maktabgacha ta'lim vazirligi
1 iyun nafaqat Xalqaro bolalarni himoya qilish, balki Butunjahon ota-onalar kuni hamdir!

Maktabgacha ta'lim tizimi uchun bu eng muhim sanalardan biri hisoblanadi. O‘tgan yillari biz ushbu sanaga bolalar va ota-onalar uchun alohida tadbirlar tashkil etar edik. Bu yil esa ma'lum holatlar tufayli rejalarimizga o‘zgartirishlar kiritishimizga to‘g‘ri kelmoqda va biz bolajonlarni tabiat qo‘yniga, istirohat bog‘lari va o‘yin maydonchalariga chorlay olmayapmiz. Bu yil bolajonlarimiz uchun multfilm qahramonlari bilan birgalikda yayrab o‘ynash, o‘zaro musobaqalashib, mukofotlarga ega bo‘lish imkonyati chegaralangan. Havfsizlik choralari tufayli ular uyda bo‘lishlari lozim. Ammo, hatto shunday holat ham, biz bu kunni bayram sifatida nishonlashimizga xalaqit bera olmaydi! Maktabgacha ta'lim vazirligi "UzReport" telekanali, Xalq ta'limi vazirligi va Toshkent shahar hokimligi bilan hamkorlikda Xalqaro bolalarni himoya qilish kuniga bag‘ishlab onlayn-loyiha o‘tkazmoqda. 1- iyun soat 10.00 da "UzReport" telekanalida loyihamizni tomosha qiling!  

Maktabgacha ta'lim vazirligi
​Maktabgacha ta’lim vazirligi nomidan Sizlarni Ramazon Hayiti bilan tabriklaymiz!

Yaratgan hayotingizni baxt-saodat, qalbingizni surur bilan to‘ldirsin. Xonadoningiz farovon bo‘lsin!

Maktabgacha ta'lim vazirligi
​TOSHKENT SHAHRI, MIROBOD TUMANIDAGI 489-SONLI MTT dagi HOLAT BO‘YICHA BAYONOT.

Maktabgacha ta'lim vazirligiga karantin choralari amalda ekanligiga qaramay ,Toshkent shahri,Mirobod tumanidagi 489-МТТ hududini tartibga keltirish uchun xodimlar jalb etilganligi haqida xabar kelib tushdi. SHu munosabat bilan MTV majburiy mehnatning har qanday ko‘rinishiga qarshi ekanligini ma'lum qiladi. Maktabgacha ta'lim vazirligi mas'ul davlat organlari bilan hamkorlikda bu holat tafsilotlarini har tomonlama o‘rganib chiqdi.Karantin choralarini buzganlik va xodumlarni ta'qiqlarga qaramay MTT hududiga kiritganligi uchun 489-sonli MTT mudirasiga nisbatab intizomiy jazo chorasi qo‘llanganligi va xayfsan berilganligini ma'lum qilamiz. Hurmatli MTT xodimlari va ota-onalar! Mamlakat rahbaruyatining joriy yil 16-martdagi barcha shakldagi MTT lar faoliyatini vaqtincha to‘xtatish haqidagi qaroriga ko‘ra,karantin vaqtida MTT hududida xodimlar,tarbiyalanyvchilar va boshqa shaxslar bo‘lishi qat'iy man etilganligini eslatib o‘tamiz. Karantin choralari buzilganligi aniqlangan taqdirda, buni amalga oshirgan shaxslarga nisbatan qonuniy jazo choralari ko‘rilishi belgilangan. Barchangizni o‘zingiz va yaqinlaringiz calomatligini muhofaza qilish, koronovirus infeksuyasi yuqishining oldini olish maqsadida davlat tomonidan belgilangan choralarga qat'iy rioya qilishga chaqiramiz!

Batafsil
Maktabgacha ta'lim vazirligi
Online BOG'CHA ILK qadam. Luckin English 1-mashg'ulot

Maktabgacha ta'lim vazirligi
Ravon nutq. 3-mashg'ulot

Maktabgacha ta'lim vazirligi
Ravon nutq. 2-mashg'ulot

Maktabgacha ta'lim vazirligi
Mental arifmetika. 6-mashg'ulot

Maktabgacha ta'lim vazirligi
Mental arifmetika. 5-mashg'ulot

Maktabgacha ta'lim vazirligi
Mental arifmetika. 2-mashg'ulot

Вид сайта
Размер шрифта