Sayt test rejimida ishlamoqda

Yangiliklar
Maktabgacha ta'lim agentligi
Maktabgacha ta’lim agentligi direktorining birinchi o‘rinbosari Farrux Boboyev va bir guruh Agentlik xodimlari Navoiy viloyatidagi maktabgacha ta'lim tashkilotlarida bo'lishdi

Maktabgacha ta’lim agentligi direktorining birinchi o‘rinbosari Farrux Boboyev va bir guruh Agentlik xodimlari Navoiy viloyatiga xizmat safari davomida bolalarni maktabgacha ta’lim bilan qamrab olinishi, ta’lim-tarbiya jarayoni sifati, ma’naviy-ma’rifiy ishlar samaradorligini oshirish borasida amalga oshirilayotgan ishlar va mavjud muammolar bilan tanishdi. Tashrif davomida bolalarni maktabgacha ta’lim bilan qamrov darajasi kamaygan 42 ta tumanlardan biri bo‘lgan Uchquduq tumanida qamrov ko‘rsatkichining 93,9 foizdan 92,9 foizga tushib ketish sabablari tuman hokimi S.F.Hamroyev bilan birgalikda o‘rganilib, maktabgacha ta’lim tashkilotlarida olib borilayotgan ta’lim-tarbiya va ma’naviy-ma’rifiy ishlar bilan tanishildi hamda amalga oshirilishi zarur bo‘lgan masalalar birgalikda muhokama qilindi. Tumandagi mavjud muammolarni o‘z vaqtida bartaraf etish maqsadida “Navoiy viloyati Uchquduq tumanida 2024-yilda maktabgacha ta’lim tashkilotlari faoliyatini samarali tashkil etish hamda qamrov darajasini oshirish yuzasidan yo‘l xaritasi” ishlab chiqilib, bir qator vazifalar belgilab olindi. Shuningdek, tashrif davomida maktabgacha ta’lim tashkilotlari faoliyatini samarali tashkil etish yuzasidan uslubiy ko‘rsatma va tavsiyalar berildi.    

Batafsil
Maktabgacha ta'lim agentligi
Mintaqaviy Ta'limni Rejalashtirish Markazi direktori bilan uchrashuv

Rasmiy tashrifning uchinchi kunida Maktabgacha va maktab ta'limi vazirligi delegatsiyasi vakillari Mahra Xilal Almutvey xonim bilan uchrashuv o'tkazdilar. Toshkent shahrida YUNESKO shafeligida ikkinchi toifadagi Mintaqaviy markazni tashkil etishda MTRM'ning konsultativ yordami kun tartibining asosiy masalasiga aylandi. Uchrashuvda Almutvey xonim 2003-yilda MTRM/RCEP tashkil etilishining tarixiy faktlari bilan o'rtoqlashdi, shuningdek tashkiliy tuzilma, moliyaviy siyosat, loyihalar portfoliosi, xalqaro sheriklik va mintaqaviy miqyosda ilgari surilgan tashabbuslar to'g'risida to'liq ma'lumot berdi.  MTRM direktori O'zbekistonda ta'lim sohasida amalga oshirilgan islohotlarni yuqori baholadi. Toshkent deklaratsiyasining ahamiyati hamda yetakchi tamoyil va strategiyalar majmuini kasb etuvchi kichik yoshdagi bolalarning tarbiyasi va ta'limiga o'zgacha yondashish manfaatlarini ko'zlab chora-tadbirlar ko'rish majburiyati ta'kidlandi. Kichik yoshdagi bolalarga ta’lim-tarbiya berish II Jahon konferensiyasi esa O'zbekiston Respublikasi rahbariyatining ushbu sohadagi kuchli siyosiy irodasidan dalolat berishi e’tirof etildi. Mintaqaviy Ta'limni Rejalashtirish Markazi (MTRM/RCEP) 2003-yil 17-oktabrda BIRLASHGAN ARAB AMIRLIKLARI hukumati va BMT'ning ta'lim va ilmiy madaniyat tashkiloti (YUNESKO) o'rtasida imzolangan kelishuvga binoan tashkil etilgan. MTRM/RCEP rasmiy ochilishi 2007-yil noyabr oyida bo'lib o'tgan.  Markazning maqsadi Fors ko'rfazi mamlakatlari hamkorlik kengashi, Shimoliy Afrika va Yaman davlatlariga alohida e'tibor qaratgan holda ta'lim vazirliklarida tarmoq miqyosidagi siyosat va ta'limni rejalashtirish salohiyatini rivojlantirishni qo'llab-quvvatlashdan iborat.  Uchrashuv yakunida Almutvey xonim markaz bo'limlari va xodimlari faoliyati bilan tanishish maqsadida mehmonlarni markazga ekskursiya uchun taklif qildi.  Uchrashuv yakunida tomonlar ikki tomonlama munosabatlarni qo'llab-quvvatlashga tayyor ekanliklari, shuningdek, xalqaro hamjihatlik va BRM-4 yutuqlari uchun ta'limni targ'ib qilish orqali tinchlik madaniyatini yaratishga o'z hissalarini qo'shish tarafdori bo'lishlarini bildirdilar.

Maktabgacha ta'lim agentligi
“Pedagogning maqomi to'g'risida”gi Qonun imzolandi

901.ppt

Maktabgacha ta'lim agentligi
“Tuproqni muhofaza qilish va uning unumdorligini oshirish to'g'risida”gi Qonun (O'RQ–903-son, 02.02.2024-y.) Prezident tomonidan imzolandi.

903.ppt Yangi bino qurishdan avval tuproqning unumdor qatlami sidirib olinishi kerak “Tuproqni muhofaza qilish va uning unumdorligini oshirish to'g'risida”gi Qonun (O'RQ–903-son, 02.02.2024-y.) Prezident tomonidan imzolandi. Qonun bilan tuproqni muhofaza qilish va uning unumdorligini oshirish sohasidagi asosiy prinsiplar, sohani davlat tomonidan tartibga solish, tuproq unumdorligini oshirish asoslari va tartibi belgilandi. Qishloq xo'jaligi vazirligi tuproqni muhofaza qilish va uning unumdorligini oshirish sohasidagi yagona davlat siyosatini amalga oshiradi. Yer egalari Tuproqshunoslik va agrokimyoviy tadqiqotlar institutidan o'ziga tegishli yer uchastkasidagi tuproqning sifatini baholash to'g'risida axborot olish huquqiga ega. Yer egalari shaharsozlik faoliyatini, geologik qidiruvni va foydali qazilmalarni qazib olishni, shuningdek qishloq xo'jaligiga oid bo'lmagan boshqa faoliyatni amalga oshirishda tuproqning mavjud unumdor qatlamini sidirib olishi va saqlashi shart. Sidirib olingan tuproqning unumdor qatlamini qurilish tashkilotlari hokimliklar tomonidan belgilangan joylarga saqlash uchun olib chiqadi. Tuproqning unumdor qatlami sidirib olinmaganligi va saqlanmaganligi fakti aniqlanganda, yetkazilgan zararning o'rni mahalliy byudjetga qoplanadi. Mazkur pul mablag'laridan qishloq xo'jaligida foydalanilmayotgan sug'oriladigan yerlarni foydalanishga kiritish va yerlarning meliorativ holatini yaxshilash uchun foydalaniladi. Tuproqni o'rganish Qishloq xo'jaligi, Suv xo'jaligi, Ekologiya, atrof-muhitni muhofaza qilish va iqlim o'zgarishi vazirliklarining vakolatli tashkilotlari tomonidan amalga oshiriladi.

Maktabgacha ta'lim agentligi
Sirdaryo viloyatidagi davlat maktabgacha ta’lim tashkilotlarida ma’naviy-ma’rifiy ishlar samaradorligini oshirish yuzasidan ishchi guruh hududlarda o'rganish ishlari olib bormoqda

Sirdaryo viloyatida 203 ta davlat maktabgacha ta’lim tashkilotlari mavjud bo‘lib, ularga 57 299 nafar (80%) bolalar qamrab olingan. Jumladan, joriy yilning 10-fevral kuni Sirdaryo viloyatidagi 203 ta davlat maktabgacha ta’lim tashkilotlaridan 51 tasida (25,2%) bolalarni maktabgacha ta’lim bilan qamrov darajasini tashkil etilishi, ma’naviy ishlar samaradorligini oshirish, davlat tilida ish yuritish, ta’lim-tarbiya jarayonini tashkil etish uchun yaratilgan sharoitlar o‘rganildi. Jumladan, Boyovut tumanida 3 ta (5,27,29-sonli DMTT), Guliston tumanida 4 ta (5,8,14,22-sonli DMTT), Mirzaobod tumanida 5 ta (2,3,6,9,12-sonli DMTT), Oqoltin tumanida 3 ta (3,4,11-sonli DMTT), Sayxunobod tumanida 4 ta (4,7,10,11-sonli DMTT), Sardoba tumanida 5 ta (1,3,4,10,14-sonli DMTT), Sirdaryo tumanida 2 ta (11,29-sonli DMTT), Xovos tumanida 5 ta (5,6,8,14,16-sonli DMTT), Guliston shahrida 6 ta (5,6,7,17,18,20-sonli DMTT), Yangiyer shahrida 7 ta (1,2,4,6,9,11,12,13-sonli DMTT), Shirin shahrida 6 ta (1,2,3,4,5,6-sonli)DMTT o‘rganildi. O‘rganish jarayonida maktabgacha ta’lim tashkilotlarida ma’naviy muhitning tahlili, guruh xonalarining jihozlanishi, faollik markazlarida bolalar mustaqil faoliyati uchun yaratilgan sharoitlar, ko‘rgazmali va tarqatma materiallardan foydalanish holati, qo‘shimcha pullik xizmat tashkil etilganligi bo‘yicha amalga oshirilgan ishlar bilan tanishildi.  

Maktabgacha ta'lim agentligi
“O‘zbekiston Respublikasining Jinoyat, Jinoyat-protsessual kodekslariga hamda O‘zbekiston Respublikasining Ma’muriy javobgarlik to‘g‘risidagi kodeksiga o‘zgartirish va qo‘shimchalar kiritish haqida”gi Qonunning mazmun-mohiyatini tushuntirishga qaratilgan annotatsiya

Prezident tomonidan imzolangan Qonun (O‘RQ–899-son, 19.01.2024-y.) bilan bir qator kodekslarga o‘zgartirish va qo‘shimchalar kiritildi. Jumladan, Ma’muriy javobgarlik to‘g‘risidagi kodeksga kiritilgan qo‘shimchaga ko‘ra, quyidagilarga nisbatan javobgarlik belgilandi: – Mobil qurilmaning xalqaro o‘ziga xos identifikatsiya kodini qonuniy ishlab chiqaruvchining ruxsatisiz o‘zgartirish, xuddi shuningdek ushbu maqsadda maxsus dasturlarni ishlab chiqish, tarqatish yoki ulardan foydalanish  BHMning 15 baravaridan 20 baravarigacha miqdorda jarima solishga sabab bo‘ladi. Bunda huquqbuzarlik sodir etish quroli musodara qilinadi. – Abonent qurilmasining identifikatsiyalash modulini qonuniy ishlab chiqaruvchining yoki uning qonuniy egasining ruxsatisiz o‘zgartirish yoki uning nusxasini yaratish huquqbuzarlik sodir etish qurolini musodara qilib, BHMning 20 baravarigacha miqdorda jarima solishga sabab bo'ladi.   – Kripto-aktivlarni qonunga xilof ravishda olish, o‘tkazish yoki ayirboshlash, litsenziya olmasdan kripto-aktivlar aylanmasi sohasidagi xizmatlar provayderlari faoliyatini amalga oshirish 15 sutkagacha ma’muriy qamoqqa olishga yoki ma’muriy qamoq qo‘llanilishi mumkin bo‘lmagan shaxslarga BHMning 20 baravaridan 30 baravarigacha miqdorda jarima solishga sabab bo‘ladi. Bunda kripto-aktivlarni hamda mazkur huquqbuzarliklarni sodir etish qurollari musodara qilinadi. – Kripto-aktivlar aylanmasi sohasidagi xizmatlar provayderlari tomonidan anonim kripto-aktivlar bilan operatsiyalarni amalga oshirish mansabdor shaxslarga BHMning 30 baravaridan 40 baravarigacha miqdorda jarima solishga sabab bo‘ladi. – Mayning faoliyatini belgilangan tartibni buzgan holda amalga oshirish, mazkur huquqbuzarlikni sodir etish qurollarini musodara qilib, 5 sutkagacha ma’muriy qamoqqa olishga yoki ma'muriy qamoq qo'llanilishi mumkin bo'lmagan shaxslarga BHMning 20 baravaridan 30 baravarigacha miqdorda jarima solishga sabab bo‘ladi. – Anonim kripto-aktivlar mayningi bilan shug‘ullanish, kripto-aktivlarni hamda huquqbuzarlik sodir etish qurollarini musodara qilib, mansabdor shaxslarga BHMning 30 baravaridan 40 baravarigacha miqdorda jarima solishga sabab bo‘ladi.   Shuningdek, Jinoyat kodeksga kiritilgan qo‘shimchaga ko‘ra, quyidagilarga nisbatan javobgarlik kuchaytirildi: “Tovlamachilik, ya’ni jabrlanuvchiga yoki uning yaqin kishilariga zo‘rlik ishlatish, mulkiga shikast yetkazish yoki uni nobud qilish yoxud jabrlanuvchining axborot resursini yo‘q qilish, o‘zgartirish, egallab olish yoki to‘sib qo‘yish yoki jabrlanuvchi uchun sir saqlanishi lozim bo‘lgan ma’lumotlarni oshkor qilish, uni sharmanda qiladigan uydirmalar tarqatish bilan qo‘rqitib o‘zgadan mulkni yoki mulkiy huquqni topshirishni, mulkiy manfaatlar berishni yoxud mulkiy yo‘sindagi harakatlar sodir etishni talab qilish yoxud jabrlanuvchini o‘zining mulkini yoki mulkka bo‘lgan huquqini berishga majbur qiladigan sharoitga solib qo‘yish uchun jinoiy javobgarlik belgilandi. Yangi qo‘shimcha kiritildi: Kripto-aktivlarni qonunga xilof ravishda olish, o‘tkazish yoki ayirboshlash, belgilangan tartibda litsenziya olmasdan kripto-aktivlar aylanmasi sohasidagi xizmatlar provayderlari faoliyatini amalga oshirish yoxud kripto-aktivlar aylanmasi sohasidagi xizmatlar provayderlari tomonidan anonim kripto-aktivlar bilan operatsiyalarni amalga oshirish shunday harakatlar uchun ma’muriy jazo qo‘llanilganidan keyin sodir etilgan bo‘lsa, — bazaviy hisoblash miqdorining 100 baravarigacha miqdorda jarima yoki 2 yildan 3 yilgacha axloq tuzatish ishlari yoxud 1 yilgacha ozodlikni cheklash yoki 1 yilgacha ozodlikdan mahrum qilish bilan jazolanadi.     Asos: O‘zbekiston Respublikasining O‘RQ–899-son Qonuni, 19.01.2024-y.  

Maktabgacha ta'lim agentligi
Osiyo taraqqiyot bankining Oʻzbekistonda DXSh boʻyicha mamlakat (aloqalar o‘rnatish va maslahatchilar bilan tanishish) missiyasi doirasida kelgan hamkorlar va Maktabgacha ta’lim agentligi direktori o‘rinbosari N.Muslitdinov bilan bo‘lib o‘tgan uchrashuv bo‘yicha 

2024-yil 13-fevral kuni Maktabgacha ta’lim agentligida Maktabgacha ta’lim agentligi direktori o‘rinbosari N.Muslitdinov va Osiyo taraqqiyot bankining Oʻzbekistonda DXSh boʻyicha mamlakat (aloqalar o‘rnatish va maslaxatchilar bilan tanishish) missiyasi doirasida kelgan hamkorlar o‘rtasida uchrashuv bo‘lib o‘tdi.    Missiyaning maqsadi – Iqtisodiyot va Moliya vazirligining davlat-xususiy sheriklik (DXSh) loyihalari yuzasidan maslahat xizmatlarini ko‘rsatishga qaratilgan vakolatlarini Iqtisodiyot va Moliya vazirligining DXShni rivojlantirish boshqarmasi va tegishli soha vazirliklari bilan muhokama qilishdan iborat. Bundan tashqari, mamlakatdagi davlat sektori institutlari bilan barqaror moliya amaliyoti va ESG tamoyillarini amalga oshirishda rejalashtirilgan yordamni muhokama qilish. Mazkur uchrashuvda tomonlar hamkorlikda "O‘zbekistonda maktabgacha taʼlim muassasalari DXSh asosida qurish va rekonstruksiya qilish" loyihasini amalga oshirishga oid ishlar bo‘yicha muhokama qildilar. Shuningdek, Loyiha direktori (missiya rahbari) janob Muhammad Azim Hoshimiy Osiyo taraqqiyot banki tomonidan tender hujjatlari shakllantirilayotganini va loyiha guruhi mutaxassislariga tegishli ma’lumotlarni taqdim qilishda amaliy yordam berishni so‘radi. Agentlik tomonidan mazkur xafta oxiriga ma’lumotlar o‘rnatilgan tartib va shaklda berilishi ma’lum qilindi.    Shu bilan birga, Dhaval Jamb tomonidan O‘zbekistonda amalga oshirilayotgan DXSh asosida shunga o'xshash bo‘lgan loyiha bo‘yicha ma’lumotlar berildi va u loyihada uchragan qiyinchiliklarni qaytarmaslik uchun choralar ko‘rilishini ta’kidladi.    Uchrashuv so‘ngida tomonlar tender e’lon qilishga yaqin qolganda xalqaro investorlarni jalb qilish maqsadida Buyuk Britaniyada maxsus  “Road Show” tashkil qilishga kelishishdi.  Uchrashuvda Osiyo taraqqiyot banki tomonidan Muhammad Azim Hoshimiy, Bozorni rivojlantirish bo‘yicha maslahat departamenti direktori ishtirok etdi.   Vazirlik tomonidan Maktabgacha ta’lim agentligi direktori oʻrinbosari N. Muslitdinov ishtirok etdi.   Umuman olganda, uchrashuv samarali o‘tdi va tomonlarga O‘zbekistonda ta’limni rivojlantirish sohasidagi hamkorlik istiqbollarini belgilash imkonini berdi. Ikkala tomon ham kelgusida tezkor ravishda ishlarni tashkil qilishga kelishdi.

Batafsil
Maktabgacha ta'lim agentligi
Pedagogika kollejlari direktorlari uchun seminar bo'lib o'tdi

Toshkent shahridagi Puchon universitetida Koreya Respublikasidagi Puchon universiteti o‘rtasida o'zaro anglashuv memorandumida nazarda tutilgan Maktabgacha ta’lim agentligi tasarrufidagi pedagogika kollejlari bilan "2+2" ta'lim dasturini amalga oshirish maqsadida pedagogika kollejlari direktorlari uchun o‘quv-seminar bo'lib o'tdi.         Seminar davomida Maktabgacha ta’lim agentligining boshqarma boshlig‘i o‘rinbosari F.G‘affarov hamda Toshkent shahridagi Puchon universiteti rektori V.V.Namlar tomonidan ushbu ta'lim dasturini joriy etishning maqsad va vazifalarini hamda bu borada pedagogika kollejlari bilan hamkorlikda amalga oshirilishi lozim bo‘lgan ishlar to‘g‘risida ma’lumot berildi. Shuningdek, Toshkent shahridagi Puchon universiteti professor-o‘qituvchilari hamda pedagogika kollej direktorlari tomonidan "2+2" o'quv dasturining taqdimoti namoyon etilib, loyihaning maktabgacha ta'lim tizimi uchun kadrlar tayyorlash imkoniyatlarini batafsil ochib berildi.         Tashrif davomida mehmonlarga universitet faoliyati bilan tanishish, Koreya Respublikasidan taklif etilgan xorijiy mutaxassislar va professor-o‘qituvchilarning dars mashg‘ulotlarini kuzatishdi.         Uchrashuv yakunida tomonlar "2+2" ta'lim dasturini amalga oshirishga qaratilgan qo'shma harakatlar to‘g‘risida kelishib oldilar.

Maktabgacha ta'lim agentligi
Pedagoglar uchun trenerlarni tayyorlash (ToT) dasturining yopilish marosimi

“O‘zbekistonda pedagog kadrlarni tayyorlash, o‘qitish va rivojlantirish Kompleks markazini tashkil etish orqali maktabgacha taʼlim sohasida faoliyat yuritayotgan pedagoglarning kasbiy kompetensiyalarini oshirish” bo‘yicha Maktabgacha taʼlim agentligi va KOICA (Koreya) o‘rtasidagi loyiha Pedagoglar uchun trenerlarni tayyorlash (ToT) dasturining yopilish marosimi Joriy yining 25-yanvar kuni Maktabgacha taʼlim agentligi va KOICA (Koreya) o‘rtasidagi “O‘zbekistonda pedagog kadrlarni tayyorlash, o‘qitish va rivojlantirish Kompleks markazini tashkil etish orqali, maktabgacha taʼlim sohasida faoliyat yuritayotgan pedagoglarning kasbiy kompetensiyalarini oshirish” qo‘shma loyiha doirasida Pedagoglar uchun trenerlarni tayyorlash (ToT) dasturining yopilish marosimi bo‘lib o‘tdi. 2024-yil 10-yanvardan boshlab 2 hafta muddat ichida master-trenerlar va koreyalik mutaxassislar ishtirokida 35 nafar trenerlar ToT trening dasturi asosida o‘qitildi. Mazkur trening dasturi o‘z ichiga quyidagilarni qamrab oldi: ·       O‘yin orqali taʼlim olish, bola shaxsiga yo‘naltirilgan maktabgacha taʼlim o‘quv dasturining taʼlim va tarbiyaviy ahamiyatini tushunish; ·       Pedagoglarda o‘quv dasturlar asosida taʼlim-tarbiya jarayonini olib borish qobiliyatini kuchaytirish; ·       Tarbiyalanuvchilar bilan muloqot qilish qobiliyatini yaxshilash; ·       Maktabgacha taʼlimda ota-onalar va jamiyatning faolligini oshirish. Shu bilan birga, o‘quv modullarni tanlash maqsadida maktabgacha taʼlim tashkiloti pedagog-kadrlari tomonidan anketa-so‘rovlar o‘tkazilib, mehnat faoliyatida kasbiy kompetensiyalarini rivojlantirishdagi muammolar tahlili natijasida xorijiy mutaxassislarni jalb etgan holda, o‘quv dasturi ishlab chiqildi. Ikki bosqichda amalga oshiriladigan o‘quv kurslarining yakunida tayyorlangan trenerlar o‘zlari faoliyat olib borayotgan maktabgacha taʼlim tashkilotlari pedagoglarini o‘qitadilar. Marosim yakunida ishtirokchilar trening kurslarni tamomlaganligi haqida sertifikatlar hamda esdalik sovg‘alari bilan taqdirlandilar.

Maktabgacha ta'lim agentligi
O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida

Slayd 884, 887, 888-son.pdf

Maktabgacha ta'lim agentligi
“O‘zbekiston Respublikasining ayrim qonun hujjatlariga saylov va referendum o‘tkazish tartibini yanada takomillashtirishga qaratilgan o‘zgartirish va qo‘shimchalar kiritish to‘g‘risida”gi Qonun mazmun-mohiyati

“O‘zbekiston Respublikasining ayrim qonun hujjatlariga saylov va referendum o‘tkazish tartibini yanada takomillashtirishga qaratilgan o‘zgartirish va qo‘shimchalar kiritish to‘g‘risida”gi Qonunning (O‘RQ–883-son, 18.12.2023-y.)  mazmun-mohiyatini yoritish bo‘yicha ANNOTATSIYA Prezident tomonidan imzolangan Qonun (O‘RQ–883-son, 18.12.2023-y.) bilan bir qator qonunchilik hujjatlariga o‘zgartirish va qo‘shimchalar kiritildi. Jumladan, Saylov kodeksiga kiritilgan o‘zgartish va qo‘shimchalarga ko‘ra: ➖ Qonunchilik palatasi deputatlari saylovini o‘tkazish uchun 75 ta hududiy bir mandatli saylov okrugi tuziladi; ➖ Qonunchilik palatasi deputatligiga siyosiy partiyalar tomonidan ko‘rsatilgan nomzodlar ro‘yxati asosida Qonunchilik palatasiga saylov o‘tkazish uchun O‘zbekistonning butun hududi yagona saylov okrugi hisoblanadi; ➖ Partiya ro‘yxati Markaziy saylov komissiyasi tomonidan ro‘yxatga olinganidan keyin, ushbu ro‘yxatga kiritilganlar deputatlikka nomzod maqomini oladi va ularga guvohnoma beriladi; ➖ Partiya ro‘yxatiga kiritilgan nomzodlar ushbu siyosiy partiyaning a’zolari yoki partiyasiz bo‘lishi mumkin. Boshqa siyosiy partiyaning a’zolari ushbu ro‘yxatga kiritilishi mumkin emas; ➖ deputatlikka nomzodlarni tanlash tartibi siyosiy partiyalar tomonidan belgilanadi; ➖ ayollarning soni bir mandatli saylov okruglari bo‘yicha, shuningdek partiya ro‘yxati asosida siyosiy partiyadan ko‘rsatilgan deputatlikka nomzodlar sonining kamida 40 foizini tashkil etishi kerak. Bunda partiya ro‘yxatidagi ketma-ketlikda kamida har 5 nafar nomzodning ikki nafari ayol kishi bo‘lishi lozim. Shuningdek, yagona saylov okrugi bo‘yicha saylanadigan Qonunchilik palatasining deputatlik o‘rinlari ushbu saylovda ishtirok etgan saylovchilar ovozlarining 7 va undan ko‘proq foizini to‘plagan siyosiy partiyalar o‘rtasida taqsimlanadi. Agar saylovda ishtirok etgan saylovchilar ovozlarining 7 va undan ko‘proq foizini faqat bitta siyosiy partiya to‘plagan bo‘lsa, unda deputatlik o‘rinlari saylovda saylovchilarning eng ko‘p ovozini to‘plagan ikkinchi siyosiy partiyaga ham taqsimlanadi. Markaziy saylov komissiyasi deputatlik mandatlarini siyosiy partiyalar o‘rtasida taqsimlash to‘g‘risida bayonnoma tuzadi. Partiya ro‘yxati bo‘yicha saylangan deputatlar o‘rtasida deputatlik mandatlarini taqsimlash Markaziy saylov komissiyasi tomonidan ro‘yxatga olingan partiya ro‘yxatiga kiritilgan deputatlikka nomzodlar ketma-ketligiga muvofiq amalga oshiriladi. Shuningdek, “O‘zbekiston Respublikasi Oliy Majlisi Qonunchilik palatasining Reglamenti to‘g‘risida”gi Qonunga kiritilgan o‘zgartirishlarga ko‘ra,  Qonunchilik palatasining kamida 5 nafar deputati fraksiya tuzish huquqiga ega (ilgari kamida 9 nafar edi). Manba: O‘zbekiston Respublikasining O‘RQ–883-son Qonuni, 18.12.2023-y. 

Maktabgacha ta'lim agentligi
2024-yil uchun O‘zbekiston Respublikasining Davlat budjeti to‘g‘risida

886.pdf

Maktabgacha ta'lim agentligi
Belarus Respublikasining O'zbekiston Respublikasidagi Favqulodda va Muxtor Elchisi L. A. Marinich bilan maktabgacha ta'lim sohasidagi o'zaro hamkorlikni muhokama qilishga bag'ishlangan uchrashuv

Maktabgacha va maktab ta'limi vazirining birinchi o'rinbosari - O'zbekiston Respublikasi Maktabgacha ta'lim agentligi direktori A. V. Shinning Belarus Respublikasining O'zbekiston Respublikasidagi Favqulodda va Muxtor Elchisi L.A. Marinich bilan uchrashuvi bo'lib o'tdi. Mazkur uchrashuvning maqsadi maktabgacha ta'lim sohasidagi ikki tomonlama hamkorlik masalalarini muhokama qilishdan iborat edi. Xususan, innovatsion metodologiyalar, raqamli texnologiyalarni qo'llash va boshqa o'qitish metodikalarini qollashni nazarda tutuvchi pedagog kadrlar malakasini oshirish kabi yo'nalishlar ta'kidlandi. Ikkala tomon ham maktabgacha ta'lim sohasidagi o'quv dasturlari va qo'llanmalarini ishlab chiqish bo'yicha o'z tajribalarini taqdim etishlari va doimiy qo'llab-quvvatlash ishlarini olib borishlari kutilmoqda. Uchrashuv yakunida tomonlar istiqbolli hamkorlik doirasida amalga oshirilishi ko'zda tutilgan barcha zarur tadbirlar yuzasidan kelishuvga erishdilar.

Batafsil
Maktabgacha ta'lim agentligi
Maktabgacha ta’lim agentligida navbatdagi “Huquqiy savodxonlik soati” o‘tkazildi

Tadbirda Prezidentimizning “Tadbirkorlik sohasidagi majburiy talablarni qisqartirish hamda lisenziyalash va ruxsat berish tartib-taomillarini soddalashtirish chora-tadbirlari to‘g‘risida”, “Sud hujjatlari va boshqa organlar hujjatlarini ijro etish tizimini isloh etish va sohani raqamlashtirish bo‘yicha qo‘shimcha chora-tadbirlar to‘g‘risida” Farmonlari hamda “Farmasevtika tarmog‘ini yanada rivojlantirish va investisiya loyihalarini amalga oshirishni jadallashtirish bo‘yicha qo‘shimcha chora-tadbirlar to‘g‘risida”gi, “Chiqindilarni boshqarish tizimini takomillashtirish va ularning ekologik vaziyatga salbiy ta’sirini kamaytirish bo‘yicha chora-tadbirlar to‘g‘risida”gi, ayrim normativ huquqiy hujjatlarga o‘zgartirish va qo‘shimchalar kiritish to‘g‘risidagi Qarorlari, shuningdek Hukumatning “Qayta tiklanuvchi energiya manbalari asosida energiya ta’minotini tashkil etish sohasini tartibga solish va rivojlantirish to‘g‘risida”gi, "Oliy ta’lim tashkilotlari talabalarining iqtisodiyot tarmoqlari korxonalarida haq to‘lanadigan ishlab chiqarish amaliyotini tashkil etish tartibi to‘g‘risidagi nizom tasdiqlash to‘g‘risida"gi Qarorlarining mazmun-mohiyati batarfsil tushuntirib berildi.  Bundan tashqari, 2024-yil 1-yanvardan qonunchilik hujjatlari bilan kiritilgan o‘zgartirishlar haqida ham ma’lumot berildi. Shuningdek, Inson resurslarini rivojlantirish bo‘limi boshlig‘i Botirbek Abduvoxobovich Bashirov xodimlarni o‘z vaqtida ishga kelib-ketishlari haqida, Nazorat-tahlil va murojaatlar bilan ishlash bo‘limi boshlig‘i Abror Axmatjon o‘g‘li Odilov edo.ijro.uz tizimi orqali kiritilayotgan, kelib tushgan hujjatlarni o‘z vaqtida ijro etilishi to‘g‘risida yana ma’lumot berdi. Tadbir yakunida, Prezident huzuridagi Davlat xizmatini rivojlantirish agentligining topshirig‘i bilan bugungi kunning eng muhim va dolzarb mavzulari haqida ma’lumot berib boruvchi “Siyosiy-ma’rifat soati” namoyish etildi.

Maktabgacha ta'lim agentligi
“O‘zbekistonda kadrlar tayyorlash, o‘qitish va rivojlantirish kompleks markazini qurish orqali maktabgacha taʼlim pedagog kadrlari salohiyatini oshirish loyihasi" doirasida maktabgacha taʼlim tizimi pedagog kadrlari uchun qisqa muddatli malaka oshirish kurslariga start berildi

O‘zbekiston va Koreya davlatlari o‘rtasidagi “O‘zbekistonda kadrlar tayyorlash, o‘qitish va rivojlantirish kompleks markazini qurish orqali maktabgacha taʼlim pedagog kadrlari salohiyatini oshirish loyihasi” doirasida tashkil etilgan Koreya xalqaro hamkorlik agentligi (KOICA)ning mutaxassislarni jalb etgan holda maktabgacha taʼlim tizimi pedagog kadrlari uchun qisqa muddatli malaka oshirish kurslariga start berildi. 2024-yil 10-yanvardan boshlab 2 hafta muddat ichida master-trenerlar va koreyalik mutaxassislar ishtirokida 35 nafar trenerlar TOT trening dasturi asosida o‘qitiladi. Mazkur trening dasturi o‘z ichiga quyidagilarni qamrab olgan: O‘yin orqali taʼlim olish, bola shaxsiga yo‘naltirilgan maktabgacha taʼlim o‘quv dasturining taʼlim va tarbiyaviy ahamiyatini tushunish; Pedagoglarda o‘quv dasturlar asosida taʼlim-tarbiya jarayonini olib borish qobiliyatini kuchaytirish; Tarbiyalanuvchilar bilan muloqot qilish qobiliyatini yaxshilash; Maktabgacha taʼlimda ota-onalar va jamiyatning faolligini oshirish. Shu bilan birga, mazkur o‘quv kurslari dasturini ishlab chiqishda, qamrab olingan modullarni tanlash bo‘yicha maktabgacha taʼlim tashkiloti pedagog-kadrlari tomonidan anketa-so‘rovlar o‘tkazildi hamda ularga xorijiy mutaxassislarni jalb etgan holda mehnat faoliyatida kasbiy kompetensiyalarini rivojlantirishdagi muammolar o‘rganib tahlil qilib chiqilganligi asosida ishlab chiqildi. Ikki bosqichda amalga oshiriladigan o‘quv kurslarining 2-bosqichida tayyorlangan trenerlar o‘zlari faoliyat olib borayotgan maktabgacha taʼlim tashkilotlari pedagoglarini jalb etgan holda o‘qitishadi. Press-reliz.docx

Maktabgacha ta'lim agentligi
MAKTABGACHA TAʼLIM SOHASIDA FAOLIYAT YURITAYOTGAN TADBIRKORLAR DIQQATIGA!

So‘ngi kunlarda ayrim davlat-xususiy sheriklik asosidagi, shu jumladan oilaviy maktabgacha taʼlim tashkilotlari (nodavlat MTTlar) tomonidan subsidiya to‘lovlari to‘xtatilganligidan norozi bo‘lib, Maktabgacha taʼlim agentligi va boshqa davlat idoralariga murojaat qilinmoqda. Ushbu muammoning ildizi nimada? Gap shundaki, ko‘plab nodavlat MTTlar tomonidan g‘arazli maqsadlar bilan subsidiya hajmini sunʼiy ravishda oshirib, Davlat byudjetidan noqonuniy pul mablag‘larini olish maqsadida tarbiyalanuvchilar va xodimlarning davomati to‘g‘risida soхta maʼlumotlarni Nodavlat maktabgacha taʼlim tashkilotlarini boshqarish axborot tizimi (NMTTBAT)ga yubormoqda hamda qonunchilikka xilof ravishda ushbu soхta maʼlumotlar asosida subsidiya to‘lanishini talab qilmoqda. Hammalaringizga maʼlumki, davomat to‘g‘risida maʼlumotlar tegishli nodavlat MTT joylashgan hududdan (shahar yoki tumandan) jo‘natiladi. Biroq, ko‘plab holatlarda bir hududda joylashgan nodavlat MTTlarning maʼlumotlari boshqa hududlardan NMTTBATga jo‘natilmoqda. Misol uchun, faqatgina 2023 yil 25-29 dekabr kunlari maxsus dasturiy yoki apparat vositalaridan foydalangan holda: 1. Namangan viloyatining Kosonsoy tumanidan turib, kompyuter orqali respublikaning barcha hududlarida joylashgan yuzlab nodavlat MTTlar nomidan 5 kun ichida 5 300 marotaba NMTTBATga soxta davomat maʼlumotlari yuborilgan. Shu jumladan: Farg‘ona viloyati (jami 1 306 marotaba) Rishton tumanida joylashgan nodavlat MTTlar uchun 122 marotaba, Quva tumani bo‘yicha 112 marotaba, Marg‘ilon shaxri bo‘yicha 111 marotaba, O‘zbekiston tumani bo‘yicha 105 marotaba, Qo‘shtepa va Oltiariq tumani bo‘yicha 101 marotaba, Bog‘dod tumani bo‘yicha 100 marotaba, Qo‘qon shaxri bo‘yicha 96 marotaba, Toshloq tumani bo‘yicha 87 marotaba, Dang‘ara tumani bo‘yicha 81 marotaba (boshqa tumanlar bo‘yicha ham mavjud); Qashqadaryo viloyati (jami 1 072 marotaba) Chiroqchi tumanida joylashgan nodavlat MTTlar uchun 154 marotaba, Yakkabog‘ tumani bo‘yicha 132 marotaba, Qarshi tumani bo‘yicha 113 marotaba, Shahrisabz shaxri bo‘yicha 96 marotaba, Shahrisabz tumani bo‘yicha 94 marotaba, Dehqonobod tumani bo‘yicha 64 marotaba, G‘uzor tumani bo‘yicha 63 marotaba (boshqa tumanlar bo‘yicha ham mavjud); Andijon viloyati (jami 706 marotaba) Andijon tumanida joylashgan nodavlat MTTlar uchun 86 marotaba, Andijon shaxri bo‘yicha 60 marotaba, Asaka tumani bo‘yicha 83 marotaba, Oltiko‘l tumani bo‘yicha 67 marotaba, Shahrixon tumani bo‘yicha 62 marotaba, Baliqchi tumani bo‘yicha 57 marotaba (boshqa tumanlarda ham mavjud); Surxondaryo viloyati (jami 476 marotaba) Sho‘rchi tumanida joylashgan nodavlat MTTlar uchun 100 marotaba, Qo‘mqo‘rg‘on tumani bo‘yicha 90 marotaba, Denov tumani bo‘yicha 77 marotaba, Saraosiyo tumani bo‘yicha 69 marotaba (boshqa tumanlarda ham mavjud) soxta davomat maʼlumotlari yuborilgan. Kosonsoy tumanida turib, respublikaning qolgan barcha hududlaridagi nodavlat MTTlar uchun soxta davomatni NMTTBATga yuborish holatlari ham aniqlandi. 2. Samarqand viloyatida turib, kompyuter orqali 8 ta hududlardagi nodavlat MTTlar nomidan 5 kun ichida 3 464 marotaba NMTTBATga soxta davomat maʼlumotlari yuborilgan. Shu jumladan: Xorazm viloyati (jami 568 marotaba) Hazorasp tumanida joylashgan nodavlat MTTlar uchun 92 marotaba, Urganch tumani bo‘yicha 71 marotaba, Shovot tumani bo‘yicha 62 marotaba, Gurlan tumani bo‘yicha 57 marotaba, Qo‘shko‘pir tumani bo‘yicha 47 marotaba (boshqa tumanlar bo‘yicha ham mavjud); Qashqadaryo viloyati (jami 556 marotaba) Yakkabog‘ tumanida joylashgan nodavlat MTTlar uchun 81 marotaba, Qarshi shaxri bo‘yicha 75 marotaba, Shahrisabz shaxri bo‘yicha 63 marotaba (boshqa tumanlar bo‘yicha ham mavjud); Buxoro viloyati (jami 532 marotaba) G‘ijduvon va Shofirkon tumanlarida joylashgan nodavlat MTTlar uchun 86 marotabadan, Peshku tumani bo‘yicha 75 marotaba, Romitan tumani bo‘yicha 51 marotaba, Jondor tumani bo‘yicha 45 marotaba, Kogon tumani bo‘yicha 49 marotaba (boshqa tumanlar bo‘yicha ham mavjud); Bunday soxtakorlik ishlar Qoraqalpog‘iston Respublikasining Xo‘jayli tumanida (jami 1 262 marotaba), Qashqadaryo viloyatining Qarshi shaxrida (jami 1 106 marotaba) hamda boshqa xududlarda turib, kompyuter uskunalari orqali amalga oshirilayotganligi aniqlandi. Ushbu holatlar bo‘yicha to‘plangan hujjatlar, aybdorlarga qonuniy choralar ko‘rish uchun, tegishli huquqni muxofaza qilish organlariga taqdim etilib borilmoqda. HURMATLI TADBIRKORLAR ! Pul evaziga tarbiyalanuvchilar va xodimlar davomati to‘g‘risida soxtalashtirilgan yolg‘on axborotni NMTTBATga kiritishni vaʼda qiluvchi shaxslarga ISHONMANG !!!. ESLATIB O‘TAMIZKI, O‘zbekiston Respublikasining Jinoyat Kodeksining 2784-moddasiga asosan “Kompyuter tizimiga bir guruh shaxslar tomonidan oldindan til biriktirib, bila turib yolg‘on axborotni kiritish sodir etilgan bo‘lsa, uch yilgacha ozodlikdan mahrum qilish bilan jazolanadi.”. SOXTA MAʼLUMOTLAR ALBATTA FOSH BO‘LISHI VA JAZO MUQARRARLIGI TAʼMINLANISHINI UNUTMANG.   Maktabgacha taʼlim agentligi

Maktabgacha ta'lim agentligi
RASMIY MUNOSABAT

Internet tarmogʻidagi Youtube videohostingidagi “HAQIQAT OVOZI” rasmiy kanalida 2023-yil 27-dekabrda e’lon qilingan “MAKTABGACHA TALIM VAZIRLIGIDAN NOROZI TADBIRKOR XASRATI!” nomi ostida Navoiy viloyati Xatirchi tumani, “Xumdon” MFYda yashovchi fuqaro M.Toʻychiyevaning murojaati bo‘yicha quyidagilar ma’lum qilinadi. O‘zbekiston Respublikasi Vazirlar Mahkamasining 2022-yil 2-avgustdagi “Maktabgacha ta’lim sohasida davlat-xususiy sheriklik munosabatlarini zamonaviy raqamli texnologiyalar yordamida soddalashtirish chora-tadbirlari to‘g‘risida” 426-son qarori qabul qilingan. Unga ko‘ra 2022-yil 1-sentabrdan boshlab Oilaviy MTT shaklidagi davlat-xususiy sheriklik loyihasini amalga oshirish uchun yakka tartibdagi tadbirkor davlat sherigiga Nodavlat maktabgacha ta’lim tashkilotlarini boshqarish axborot tizimida (NMTTBAT) orqali elektron shaklda ariza bilan murojaat qilishi belgilangan. M.Toʻychiyevaning oilaviy MTT shaklidagi davlat-xususiy sheriklik loyihasini amalga oshirish bo‘yicha  bitim  2019-yil 12-avgust imzolangan va uning amal qilish muddati 3-yil etib belgilangan. Imzolangan bitim shartlariga muvofiq, tadbirkor, bitimning amal qilish muddati tugashidan qoida tariqasida 2 oy oldin bitimning amal qilish muddatini uzaytirish istagi borligi haqida xabardor qilishi kerakligi ko‘rsatib o‘tilgan. M.Toʻychiyeva tomonidan 2022-yil 1-sentabrga qadar (avvalgi tartib bo‘yicha yozma shaklda murojaati) amaldagi bitimning amal qilish muddatini uzaytirish istagi borligi haqida ariza kelib tushmagan. M.Toʻychiyeva 2022-yil 1-sentabrdan (amaldagi tartib bo‘yicha elektron shaklda) NMTTBAT orqali elektron shaklda bitimning amal qilish muddatini uzaytirish bo‘yicha faqatgina bir marotaba, mavjud bitim shartlariga rioya etilmagan holda, ya’ni 2022-yil 5-oktabrda (12.08.2019 yilda tuzilgan 4148-0/07 - sonli bitimni amal qilish muddati nihoyasiga yetgandan so‘ng) ariza kelib tushgan va ushbu ariza Sanitariya-epidemiologik osoyishtalik va jamoat salomatligi xizmati hamda davlat yong‘in xavfsizligi nazorati organlari tomonidan 7, 12-oktabr holatiga ko‘ra oilaviy MTTni joylashtirish uchun tanlangan manzil yong’in hamda sanitariya qoida va meʼyor talablariga mos kelmasligi toʼgʼrisida xulosa berilgan. Shundan so‘ng (bitimni amal qilish muddati nihoyasiga yetgandan so‘ng, unga o‘zgartirish kiritilmasligi bois), M.Toʻychiyeva tomonidan 2022-yil 21-noyabrda Oilaviy MTT shaklidagi davlat-xususiy sheriklik loyihasini amalga oshirishga ariza berilgan hamda Sanitariya-epidemiologik osoyishtalik va jamoat salomatligi xizmati hamda davlat yong‘in xavfsizligi nazorati organlarining elektron xulosalari olingandan so‘ng, 2022-yil 15-dekabr sanasida oilaviy MTT tashkil etilishi maqsadga muvofiqligi bo‘yicha xulosa berilgan hamda bitim imzolangan.

Maktabgacha ta'lim agentligi
TADBIRKORLAR DIQQATIGA !

Nodavlat maktabgacha ta’lim tashkilotlarini boshqarish axborot tizimi (NMTTBAT)ga kelayotgan elektron ma’lumotlar tahlil qilinganda, ayrim DXSH asosida MTTlar, o‘rtada turuvchi shaxslar yordamidan foydalanib, 2023 yil sentyabr, oktyabr va noyabr oylarida begona maxsus dasturiy yoki apparat vositalaridan foydalanilgan holda: - o‘zi joylashgan manzili (geolokatsiya) ma’lumotlarini sun’iy o‘zgartirish; - kompyuterlarda virtual mobil qurilmani yaratish orqali haqiqatda MTTga kelmagan tarbiyalanuvchilar va xodimlarning davomatini soxtalashtirib, NMTTBATga bila turib, tarbiyalanuvchilar va xodimlar davomati to‘g‘risida soxtalashtirilgan yolg‘on axborotni kiritish harakatlari aniqlanmoqda. Bu holatlar bo‘yicha tegishli tadbirkorlarga ogohlantirish xatlari berilmoqda va subsidiya to‘lovlari to‘xtatilmoqda. Mazkur ma’lumotlar bilan NMTTBATning “Qayta hisob” menyusidagi “Tekshiruvda” sahifasida tanishishingiz mumkin. Tadbirkorlar NMTTBAT orqali davomat ma’lumotlarini qayta ko‘rib chiqish uchun ariza berish imkoniyatiga ega. NMTTBATda foydalanuvchilarning harakatlari to‘g‘risida barcha ma’lumotlar aks ettiriladi va saqlanadi. Qonun buzilishi aniqlangan har bir holat huquqni muhofaza qilish idoralarga taqdim etilishi davom ettiriladi. O‘zbekiston Respublikasi Jinoyat Kodeksining 2784-moddasida “Kompyuter tizimiga bir guruh shaxslar tomonidan oldindan til biriktirib, bila turib yolg‘on axborotni kiritish sodir etilgan bo‘lsa, uch yilgacha ozodlikdan mahrum qilish bilan jazolanishi” belgilanganligini eslatib o‘tamiz.

Maktabgacha ta'lim agentligi
MAKTABGACHA TA’LIM SOHASIDA FAOLIYAT YURITAYOTGAN TADBIRKORLAR DIQQATIGA !

Yangi O‘zbekistonda qonun ustuvor, jinoyatga jazo muqarrar bo‘lishi shart.  Va albatta shunday bo‘ladi”.             Sh.M. Mirziyoyev   MAKTABGACHA TA’LIM SOHASIDA FAOLIYAT YURITAYOTGAN TADBIRKORLAR DIQQATIGA ! Maktabgacha ta’lim agentligi tomonidan Nodavlat maktabgacha ta’lim tashkilotlarini boshqarish axborot tizimi (NMTTBAT)ga kelayotgan elektron ma’lumotlar tahlil qilinganda, ayrim DXSH asosida, shu jumladan oilaviy MTTlar, pul evaziga o‘rtada turuvchi turli shaxslar bilan TIL BIRIKTIRGAN HOLDA, maxsus dasturiy yoki apparat vositalaridan foydalanib, tarbiyalanuvchi va xodimlarning davomatini soxtalashtirib, yolg‘on axborotni NMTTBATga kiritish holatlari aniqlanmoqda. Bu orqali g‘arazli maqsadlar bilan subsidiya hajmini sun’iy ravishda oshirib, Davlat byudjetidan noqonuniy pul mablag‘larini olish harakatlari mavjud. Ushbu holatlar bo‘yicha to‘plangan hujjatlar, shuningdek o‘rtada turuvchi shaxslar harakatlari to‘g‘risidagi ma’lumotlar tegishli huquqni muxofaza qilish organlariga taqdim etilmoqda. HURMATLI TADBIRKORLAR !  DAVOMAT TO‘GʻRISIDA MA’LUMOTLARNI SOXTALASHTIRMANG. FIRIBGARLIK HOLATLARIGA YO‘L QO‘YMANG. Pul evaziga tarbiyalanuvchilar va xodimlar davomati to‘g‘risida soxtalashtirilgan yolg‘on axborotni NMTTBATga kiritishni va’da qiluvchi shaxslarga ISHONMANG !!!. NMTTBATda FOYDALANUVCHILARNING barcha HARAKATLARI to‘g‘risida ma’lumotlar aks ettirilishi va saqlanishini eslatib o‘tamiz. Qonun buzilishi aniqlangan har bir holat huquqni muxofaza qilish idoralarga taqdim etilishi davom ettiriladi. ESLATIB O‘TAMIZKI, O‘zbekiston Respublikasining Jinoyat Kodeksining 2784-moddasiga asosan “Kompyuter tizimiga bir guruh shaxslar tomonidan oldindan til biriktirib, bila turib yolg‘on axborotni kiritish sodir etilgan bo‘lsa, uch yilgacha ozodlikdan mahrum qilish bilan jazolanadi.”. SOXTA MA’LUMOTLAR ALBATTA FOSH BO‘LISHI VA JAZO MUQARRARLIGI TA’MINLANISHINI UNUTMANG.

Maktabgacha ta'lim agentligi
RASMIY MUNOSABAT

Kuni kecha “BASTION” telegram kanalida "Shahrixon tumanida davlat maktabgacha taʼlim tashkiloti xodimlari majburiy obunaga jalb etilyapti" mazmunida post joylandi. Ijtimoiy tarmoq vakilining joylagan mazkur postiga Agentlik Axborot xizmati quyidagicha javob beriladi. Maktabgacha taʼlim tizimida davlat standarti bo‘yicha taʼlim beriladi. Shuningdek, bu standartlar "Ilk qadam" Davlat dasturiga asosan olib boriladi. Tizimda mazkur o'quv dastur bo‘yicha yetarlicha tarqatma material bo‘lmaganligi sababli hozirda "Ilk qadam" didaktik jurnali maktabgacha taʼlim tashkilotlariga qo'llanma sifatida tavsiya etilmoqda. Shu bois hozirda Respublika bo‘yicha targ‘ibot ishlari olib borilmoqda.  Tizimda xodimning saviyasini oshirish, uning bilim darajasini tenglashtirish, o‘qitish ko‘nikmasini shakllantirish uchun uzluksiz tarzda chora-tadbirlar olib borilmoqda. "Ilk qadam" didaktik jurnali ham ana shu maqsadda Maktabgacha ta'lim agentligi qoshida nashr etiladi. U Agentlikning yagona tarqatma materiali hisoblanadi.  Xodimlarni o‘qitish, bilim darajasini zamon talabiga yetkazish uchun malaka oshirish o‘quv kurslari, turli xil seminarlar, trening jarayonlari o‘tkazilmoqda. Biroq ular maʼlum vaqt oralig‘ida tashkil etiladi va xodim bilan doimo birga bo‘lolmaydi. Didaktik jurnal esa ularning doimiy hamrohi bo‘lishi mumkin. Qo‘lida tizim bo‘yicha qo‘llanma bo‘lgan tashkilot xodimi taʼlim jarayonini ham aynan shu tarzda o‘tishi maqsadga muvofiq bo‘ladi. Respublika bo'yicha oilaviy bog'chalar ham ko'payib borayotgani quvonarlidir. Biroq ularning qanchasi ta'lim sifati bo'yicha qoniqarli ekanligi savol ostida. Aynan shu xildagi bog'chalar didaktik tarqatma materiallarga muhtojdir. Shu o‘rinda, hozirda targ‘ibot ishlari ana shunday nodavlat maktabgacha taʼlim tashkilotlari o‘rtasida ham olib borilmoqda. Bunga sabab nodavlat taʼlim tashkilotida ishlovchi xodimlarning bilim va tajriba darajasini tashkilot rahbarining o‘zi belgilashidir. Yaʼni, bunday xodimlar Agentlik tomonidan hech qanday tarzda sinovdan o‘tmaydi. Shunday ekan, nodavlat maktabgacha taʼlim tashkilotida ishlovchi xodimlarning qanchalik darajada bilimi yetarli ekanligini bilish qiyin. Aynan bu kamchilikni bartaraf etish uchun ham "Ilk qadam" didaktik jurnali targ‘ib qilinmoqda. Bunda esa tashkilot rahbari xodimlardan ushbu jurnalni muntazam o'qib borishni talab qilishi zarur. Chunki, birinchi o'rinda, rahbar bolaga sifatli tarbiya berishga mas'uldir. Xabaringiz bor, ijtimoiy tarmoqlarda tarbiyachilarning bolalar bilan qilayotgan qo‘pol muomalalari tez-tez ko'zga tashlanmoqda. Buning sababi ularda bilim yo‘qligi, saviyasi yetarli emasligidir. Afsuski, birgina xodimning mana shunday bilimsizlik bilan yondashuvi butun bir tizimni ayblashga asos bo‘ladi. Shu maqsadda ham bunday targ‘ibot ishlarni o‘tkazish, tarqatma materiallar tavsiya etib, ularning bilim saviyasini oshirish asosli va o'rinlidir. Ma'lumot uchun, 2024-yildan boshlab "Ilk qadam" didkatik jurnali elektron shakl hamda QR-kodli ko'rinishda nashr etiladi. Maktabgacha ta'lim agentligi Axborot xizmati

Batafsil
Maktabgacha ta'lim agentligi
UNICEF va Maktabgacha ta’lim agentligi o‘rtasida imzolangan maktabgacha ta’limni universal qamrab olishga qaratilgan shatnoma xususida

Xabaringiz bor, mazkur hamkorlik to‘g‘risidagi bitimni UNICEFning O‘zbekistondagi vakolatxonasi rahbari vazifasini bajaruvchi Alberto Byankoli va Maktabgacha ta’lim va maktab ta’limi vazirining birinchi o‘rinbosari – Maktabgacha ta’lim agentligi direktori Agrippina Shin imzolashgan edi. Unga asosan, O‘zbekistonda pedagodlarning malakasini oshirish bo‘yicha 14 ta hududiy klaster markazlari tashkil etiladi. Ushbu markazlar Islom taraqqiyot banki tomonidan qo‘llab-quvvatlangan “O‘zbekiston Respublikasida sifatli maktabgacha ta’limdan foydalanish imkoniyatlarini kengaytirish” loyihasi doirasida ochilishi rejalashtirilgan. Loyihaning maqsadi maktabgacha ta’lim sifatini oshirish va undan foydalanish imkoniyatlarini kengaytirishdan iborat. Hamkor tashkilotlar bolalar bog‘chalarida, jumladan, mamlakatimizning chekka hududlaridagi ta’lim muhitini sifat jihatidan yaxshilash bo‘yicha hamkorlik qiladi. Loyiha doirasida UNICEF maktabgacha ta’lim xizmatlarining sifat standartlariga javob berishini ta’minlash bo‘yicha jahon tajribasidan foydalangan holda Agentlikni qo‘llab-quvvatlaydi. Hamkor tashkilotlar o‘z sa’y-harakatlarini maktabgacha ta’lim tashkilotlari pedagog va rahbarlarining malakasini oshirishga, shuningdek, malaka oshirish tizimini isloh qilishga qaratadi.

Maktabgacha ta'lim agentligi
15-dekabr kuni Toshkent shahridagi Turkiston san'at saroyida "Ma’naviyat fidoyisi" koʼkrak nishoni hamda "Eng namunali vazirlik va idora" tanlovining g'oliblarini tantanali taqdirlash marosimi bo’lib o’tdi

Oʼzbekiston Respublikasi Prezidentining «Maʼnaviy-maʼrifiy ishlar samaradorligini oshirish boʼyicha qoʼshimcha chora-tadbirlar toʼgʼrisida» 2019-yil 3-maydagi PQ-4307-son qaroriga muvofiq “Maʼnaviyat fidoyisi” koʼkrak nishoni taʼsis etilgan edi. Tadbirda Respublika Maʼnaviyat va maʼrifat markazi, Madaniyat vazirligi, Oʼzbekiston Yozuvchilar uyushmasi va hamkor tashkilotlardan tuzilgan komissiya qaroriga asosan mamlakatimizda maʼnaviy-maʼrifiy ishlarni amalga oshirish, ijtimoiy-maʼnaviy muhitni sogʼlomlashtirish borasida fidokorona mehnatlari uchun bir qator yurtdoshlarimiz “Maʼnaviyat fidoyisi” koʼkrak nishoni bilan taqdirlandilar. Shu o’rinda Maktabgacha ta’lim vazirining birinchi oʻrinbosari-Maktabgacha ta’lim agentligi direktori Shin Agrippina Vasilyevna ham "Ma’naviyat fidoyisi" koʼkrak nishoni bilan taqdirlandilar. Shuningdek, Respublika Maʼnaviyat va maʼrifat markazi tomonidan maʼnaviy-maʼrifiy va tarbiyaviy ishlarni namunali yoʻlga qoʻyish boʻyicha anʼanaviy tarzda oʻtkaziladigan “Eng namunali vazirlik va idora” tanlovida Maktabgacha ta'lim agentligi 4-o’ringa munosib deb topildi.  

Maktabgacha ta'lim agentligi
UNICEF hamda Maktabgacha ta’lim agentligi maktabgacha ta’lim bilan universal qamrovga erishish yo'lida hamkorlik qilish to’g’risidagi shartnomani imzoladi

TOSHKENT, 2023 yil 15 dekabr - Bugun UNICEFning O‘zbekistondagi vakolatxonasi rahbari vazifasini bajaruvchi Alberto Biankoli va Maktabgacha ta’lim va maktab ta’limi vaziri o‘rinbosari, Maktabgacha ta’lim agentligi direktori Agrippina Shin Islom taraqqiyot banki tomonidan qo‘llab-quvvatlangan “O‘zbekiston Respublikasida sifatli maktabgacha ta’limdan foydalanish imkoniyatlarini kengaytirish” loyihasini amalga oshirish to’g’risidagi shartnomani imzoladilar. Loyihaning maqsadi maktabgacha ta’lim sifatini oshirish va O‘zbekistondagi maktabgacha yoshdagi bolalar uchun ushbu xizmatlardan foydalanish imkoniyatlarini kengaytirishdan iborat. Hamkor tashkilotlar maktabgacha ta’lim tashkilotlari, jumladan mamlakatning chekka hududlaridagi ta’lim-tarbiya muhitini sifat jihatidan yaxshilash bo‘yicha birgalikda ish olib boradilar. Maktabgacha ta’lim tashkilotlarining turli modellarini joriy etish bo‘yicha O‘zbekistondagi muvaffaqiyatli tajribaga asoslanib, maktabgacha ta’lim tashkilotlarining milliy tarmog‘ini kengaytirish rejalashtirilmoqda. Jumladan, ushbu tadbirlarni xususiy sektorni qo‘llab-quvvatlash nazarda tutiladi. Olis hududlarda suv ta’minoti, sanitariya-gigiyena ob’ektlarining sifati va xavfsizligini ta’minlashga alohida e’tibor qaratiladi. UNICEF va Maktabgacha taʼlimi Agentligi Islom taraqqiyot bankining ushbu loyihaga kiritgan yangi sarmoyasini yuqori baholaydi. Bu Oʻzbekistonning 2030-yilga borib maktabgacha taʼlimning universal qamroviga erishishga qaratilgan strategiyasini amalga oshirishga xizmat qiladi. Loyiha doirasida maktabgacha ta’lim xizmatlarining sifat standartlariga javob berishini ta’minlash uchun UNICEF o‘zining jahon miqyosidagi tajribasidan foydalangan holda  Maktabgacha ta’lim agentligining sa’y-harakatlarini qo’llab-quvvatlaydi. Hamkor tashkilotlar maktabgacha ta’lim tashkilotlari pedagog va rahbarlarining malakasini oshirish tizimini isloh qilishga e’tibor qaratadilar. Pedagog kadrlar malakasini oshirish bo‘yicha 14 ta hududiy klaster markazlari tashkil etilib, ular to‘liq jihozlanadi. UNICEF maktabgacha ta’lim muassasalari pedagoglarini malakasini oshirish dasturini modernizatsiya qiladi.

Maktabgacha ta'lim agentligi
Maktabgacha ta’lim tizimini yangi bosqichga olib chiqish, yaratilgan sharoitlar hamda qamrov darajasini oshirish borasida amalga oshirilgan ishlar bo‘yicha matbuot anumani bo'lib o'tdi

Bugungi kunda respublika bo‘yicha maktabgacha ta’lim tashkilotlari soni 33 942 tani tashkil etmoqda (6 780 tasi davlat va 27 162 tasi nodavlat). Nodavlat maktabgacha ta’lim tashkilotlarining 847 tasi xususiy, 1 388 tasi davlat-xususiy sherikchilik asosidagi va 24 927 tasi oilaviy nodavlat maktabgacha ta’lim tashkilotlarini tashkil etadi. Ma’lumot uchun aytib o’tish lozimki, bugungi kunda Respublika bo‘yicha 2 930 844 nafar 3-7 yoshli bolalarning 2 168 825 nafari yoki 74,0 foizi maktabgacha ta’lim bilan qamrab olingan. Joriy yilning 1 yanvar holatiga ko’ra esa 29 420 ta maktabgacha ta’lim tashkilotlarga 2 103 752 nafar (71,8%) bolalar qamrab olinib, yil boshiga nisbatan maktabgacha ta’lim tashkilotlari soni yangi qurilgan va yangi tashkil etilgan davlat-xususiy sheriklik asosidagi nodavlat maktabgacha ta’lim tashkilotlari hisobiga 3 982 taga ortganligini, ularga qo‘shimcha 65 ming nafarga yaqin bolalar qo‘shimcha qamrab olinganligini ko‘rsatmoqda. Shuningdek, YUNISEF tashkiloti bilan hamkorlikda Namangan va Xorazm viloyatlarida maktabgacha ta’limning muqobil shakli bo‘lgan  20 ta “Turli xil yoshdagi maktabgacha ta’lim guruhlari” (o‘yin guruhlari) tashkil etilib, ularga jami 496 nafar bolalar qamrab olindi. Jahon banki bilan hamkorlikda “Bolani erta rivojlantirish” loyihasi doirasida Namangan va Samarqand viloyatlarida “Ilk rivojlanish markazlari” 3 ta model bo‘yicha faoliyati yo‘lga qo‘yildi. Bunda, birinchi model (6 yoshgacha qamrab olinmagan bolalari bo‘lgan oilalarga tashrif) bo‘yicha jami 634 ta bolalar, ikkinchi model (o‘yin guruhlari) bo‘yicha 861 nafar bolalar, uchinchi model (sog‘ligi tufayli imkoniyati cheklangan 2 yoshdan 6 yoshgacha bolalari bo‘lgan oilalarga tashrif) bo‘yicha 87 ta bolalar qamrab olingan. Ta’kidlash lozimki, Surxondaryo viloyatining Termiz shahar, Termiz va Muzrabot tumanlaridagi Afg‘oniston davlatidan o‘tib kelgan oilalar farzandlari uchun 10 ta davlat maktabgacha ta’lim tashkilotlarida  400 nafar bolalarga Yunisef Xalqaro bolalar tashkiloti Yevropa Ittifoqining moliyaviy ko‘magi yordamida “Ko‘p tilli inklyuziv ta’lim guruhlari”  tashkil etildi. Albatta, tizimda yangi bo’sh o’rinlari ham yaratilmoqda. Hozirda barcha maktabgacha ta’lim tashkilotlarida 160 381 nafar (oliy ma’lumotlilar ulushi 34,1 foiz) rahbar va pedagoglar faoliyat yuritmoqda. Ularning 117 435 nafari (73,3 foiz) davlat va 42 946 nafari (26,7 foiz) nodavlat maktabgacha ta’lim tashkilotlarida faoliyat yuritib kelmoqda. Tizimda uzluksiz o’sish jarayonlari olib borilmoqda. Jumladan, 6 yoshli bolalarni maktabga tayyorlov tizimi bilan qamrab olish darajasini 92 foizga yetkazish yuzasidan quyidagi choralar ko‘rildi: -  Maktabgacha ta’lim bilan qamrab olingan 661 945 nafar (93 %) 6 yoshli bolalarning 170 721 nafari 7 560 ta boshlang‘ich ta’limga bir yillik bepul majburiy tayyorlov guruhlariga, 456 769 nafari 13 055 ta to‘liq kunlik tayyorlov guruhlariga, 33 429 nafari 3 298 ta qisqa muddatli tayyorlov guruhlariga qamrab olindi. -  Joriy yil davomida 98 ta to‘liq kunlik, 271 ta qisqa muddatli, 1 384 ta majburiy bepul tayyorlov guruhlari tashkil etilishi natijasida jami 711 768 nafar 6 yoshli bolalarning 661 945 nafari, yoki 93,0 foizi qamrab olindi. -  Mazkur guruhlar 9 turdagi mebel va boshqa jihozlar, 36 nomdagi o‘quv-metodik vositalar, didaktik qo‘llanmalar, ko‘rgazmali materiallar, o‘yin va o‘yinchoqlar to‘plamlari bilan ta’minlandi. Maktabgacha ta’lim agentligi Axborot xizmati

Maktabgacha ta'lim agentligi
Maktabgacha ta’lim agentligida Toshkent shahridagi maktabgacha ta’lim tashkilotlari direktorlari uchun seminar bo'lib o'tdi

Seminarni agentlik direktorining o‘rinbosarlari savol javob tarzida tashkil etib, MTTda bolalar davomatini elektron shaklida olib borilishi borasida  tushunchalar berishdi.   Shu bilan birga, bolalar ovqatlanish tizimini raqamlashtirilgan holda olib borilishi haqida ham ma’lumotlar berib o'tildi. Yig'ilish davomida ovqatlantirishni tashkil etish bo'yicha ham masalalar muhokama qilindi, mavjud muammo va kamchiliklarni bartaraf etish bo'yicha mas'ullarga ko'rsatmalar berildi.  Davlat maktabgacha taʼlim tashkilotlarida tarbiyalanuvchilarni sogʻlom ovqatlantirishni tashkil etish ishlarini yanada takomillashtirish, belgilangan sanitariya qoidalari, normalari va gigiyena normativlariga muvofiq holda ovqatlantirishni tashkil etish orqali bolalarning sogʻlom va barkamol oʻsishini taʼminlash, sogʻlom ovqatlantirishning zamonaviy usullarini joriy etgan holda taʼlim-tarbiya sifati va samaradorligini oshirish uchun keng imkoniyatlar yaratish maqsadida 2019-yildan boshlab maktabgacha taʼlim tashkilotlarida ovqatlantirish xizmati tadbirkorlar tomonidan autsorsing usulida amalga oshirilib kelinmoqda. Bugungi kunda respublikada 6 759 ta davlat maktabgacha taʼlim tashkilotlari mavjud boʻlib, ularning 1 172 tasida 83 nafar tadbirkorlar tomonidan autsorsing xizmatlari yoʻlga qoʻyilgan. Qolgan 5 587 ta davlat maktabgacha taʼlim tashkilotlarida anʼanaviy usulda ovqatlantirish tashkil etilgan. Hozirda Oʻzbekiston Respublikasi Vazirlar Mahkamasining 2019-yil  25-iyuldagi  “Davlat maktabgacha taʼlim tashkilotlarida sogʻlom ovqatlantirish tizimini yanada takomillashtirish toʻgʻrisida”gi 626-son qaror hamda Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining Oʻzbekiston Respublikasi maktabgacha taʼlim tashkilotlarida tarbiyalanayotgan bolalarni xavfsiz va sifatli ovqatlanishini tashkil etilishiga oid gigiyenik talablarga (0016-21-son SanQvaN) asosan qator tashkiliy ishlar amalga oshirilmoqda. Jumladan,  Oʻzbekiston Respublikasi Bosh vaziri A.Aripov raisligida  2023-yil 23-mart kuni oʻtkazilgan 47-son yigʻilish bayonining 4-bandi ijrosi yuzasidan davlat va nodavlat maktabgacha tashkilotlarida tarbiyalanuvchilarning sogʻlom, xavfsiz va sifatli ovqatlanishini taʼminlash maqsadida Oʻzbekiston Respublikasi Maktabgacha va maktab ta’limi vazirligi huzuridagi Maktabgacha ta’lim agentligi hamda  O‘zbekiston Respublikasi Sanitariya-epidemiologik osoyishtalik va jamoat salomatligi qoʻmitasining 2023-yil 23-maydagi “Maktabgacha ta’lim tashkilotlarida tarbiyalanuvchilarni sog‘lom ovqatlantirishni tashkil etish uchun yagona mavsumiy taomnomalarni tasdiqlash va amaliyotga joriy qilish to‘g‘risida”gi 1/12-son qo‘shma qarori qabul qilindi.   Mazkur qo‘shma qaror bilan maktabgacha ta’lim tashkilotlari uchun yagona mavsumiy taomnoma tasdiqlandi hamda joriy yilning 1-iyunidan boshlab Toshkent shahridagi, 2023-yil 1-sentyabrdan esa respublikaning barcha hududlaridagi davlat maktabgacha ta’lim tashkilotlarida “Aqlvoy-oshpaz, bog‘chalar uchun taomlar retsepti ” to‘plamidan foydalangan holda tuzilgan yagona mavsumiy taomnoma asosida tarbiyalanuvchilarni ovqatlantirish tashkil etildi.  Seminar-treninglar davomida tarbiyalanuvchilarni sogʻlom ovqatlantirishni sanitariya-gigiyena talablariga qatʼiy rioya qilgan holda tashkil etish, oshpazlar tomonidan taom tayyorlash jarayonida texnologiya va texnika xavfsizligi qoidalariga amal qilinishi, taom tayyorlash, oziq-ovqat mahsulotlarini sifatli qabul qilish, saqlash uchun zarur sharoitlar yaratish, taomnomaga muvofiq mahsulotlar toʻliq yetkazilishi va sarflanishini taʼminlash choralarini koʻrish hamda maktabgacha taʼlim tashkilotlarida oziq-ovqat mahsulotlari va taomlar sifatini oʻrganish boʻyicha tashkil etilgan brakeraj komissiyasi faoliyatiga doir masalalar muhokama qilindi. Bundan tashqari, Oʻzbekiston Respublikasi Maktabgacha taʻlim vazirligi, Oʻzbekiston Respublikasi Sanitariya-epidemiologik osoyishtalik va jamoat salomatligi xizmati va “Mercy Corps” xalqaro nodavlat tashkilotining Oʻzbekistondagi filiali oʻrtasida imzolangan anglashuv Memorandum asosida Qoraqalpog‘iston Respublikasi hamda Surxondaryo viloyatidagi maqsadli tanlab olingan davlat maktabgacha ta’lim tashkilotlari direktor, tarbiyachi, hamshira, oshpaz va xo‘jalik mudirlari uchun “Maktabgacha taʼlim tashkilotlari tarbiyalanuvchilarining oʻqish va yozish, hamda gigiena va sogʻlom turmush tarzi koʻnikmalarini oshirish”, “Maktabgacha taʼlim tashkilotlarida tarbiyalanuvchilarning o‘sishi va rivojlanishini monitoring qilish, ularning to‘g‘ri ovqatlanishi va gigiyenasi bo‘yicha hamshiralarning amaliy ko‘nikmalarini rivojlantirish”, “Oʻzbekiston Respublikasi maktabgacha taʼlim tizimida bolalarning ilk yoshidan savodxonlik, ratsional ovqatlanish, gigiyena va sogʻlom turmush tarzi koʻnikmalarini shakllantirishda kompetensiyaviy yondashuvni joriy etish” mavzularida malaka oshirish seminarlari o‘tkazildi.

Вид сайта
Размер шрифта