Bugun Samarqand viloyati Maktabgacha va maktab ta’limi boshqarmasi tomonidan Bulung‘ur tumanidagi davlat xususiy sherikchilik asosidagi "Dilafruz" nomli maktabgacha ta’lim tashkilotida press-tur o'tkazildi.
Media tadbir O‘zbekiston Respublikasi Prezidentining 2022-yil 14-iyuldagi PQ-322-sonli “Maktabgacha ta’lim sohasida davlat-xususiy sheriklikni yanada rivojlantirish bo‘yicha qo‘shimcha chora-tadbirlar to‘g‘risida”gi qarori ijrosini ta’minlash bo‘yicha amalga oshirilayotgan ishlar ijrosi yuzasidan tashkil qilindi hamda unda ommaviy axborot vositalari vakillari ta’lim muassasasida yaratilgan sharoitlar bilan yaqindan tanishish imkoniyatiga ega bo'ldilar.
Mazkur muassasaning quvvati 100 o‘ringa mo‘ljallangan bo'lib, hozirda 3 ta guruhga 60 nafar tarbiyalanuvchi qamrab olingan. Binoning qurilish loyihasi qiymati 4 milliard 600 million so‘mni tashkil etgan.
Ma'lumot uchun, Samarqand viloyatida 2018-2024-yillar davomida 64 ta xususiy nodavlat, 140 ta davlat-xususiy sheriklik asosidagi va 3 460 ta oilaviy nodavlat maktabgacha ta’lim tashkilotlari faoliyati yo'lga qo'yilgan hamda ularga 97 mingga yaqin bog'cha yoshidagi bolalar qamrab olingan.
