Nurota tumani Gʻafur Gʻulom nomidagi MFYda 10-sonli davlat MTT foydalanishga topshirildi. Mazkur 150 oʻrinli MTT Investitsiya dasturi asosida 2 mlrd 575 mln soʻm mablagʻ sarflanib, toʻliq rekonstruksiya qilindi. Hozirda tashkilot davlat taʼlim-tarbiya standartlariga toʻla javob beradi va tarbiyalanuvchilarni maktab taʼlimiga sifatli tayyorlash uchun yetarli shart-sharoitlarga ega. Maʼlumot uchun. Nurota tumanida 84 ta MTT boʻlib, ulardan 19 tasi davlat, 59 tasi oilaviy va 6 tasi DXSH asosidagi MTTlardir. Hozirda tumandagi 3-7 yoshli bolalarning 69,3 %i maktabgacha taʼlim bilan qamrab olingan. Joriy yil soʻngiga qadar bu koʻrsatkichni 72,5 %gacha yetkazish maqsad qilingan. Eslatib oʻtamiz, Oʻzbekiston Respublikasi Prezidentining 2020-yil 28-dekabrdagi “2021-2023 yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida”gi 4936-sonli Qaroriga asosan 2021-yil Investitsiya dasturiga kiritilgan 2 ta yangi davlat MTT qurish hamda 8 ta maktabgacha taʼlim tashkilotlarini rekonstruksiya qilish rejalashtirilgan edi.

ilova-2Скачать

2022-yil 9-yanvar kuni “Kompromatuzb” telegramm kanali va Feysbuk ijtimoiy tarmoqlarda aks ettirilgan «Agripinna Shinxonim quyi tizimni kapital tozalash kerak» sarlavhasi ostida chiqqan maqola yuzasidan quyidagilarni maʼlum qilamiz. Oʻzbekiston Respublikasi Vazirlar Mahkamasining 2021-yil30-iyundagi “Davlat maktabgacha taʼlim tashkilotlarida sogʻlom ovqatlantirish tizimini takomillashtirishning qoʻshimcha chora-tadbirlari toʻgʻrisida”gi 407-sonli qarori qabul qilingan. Mazkur qaror bilan Davlat maktabgacha taʼlim tashkilotlarida autsorsing usulida sogʻlom ovqatlantirish Oʻzbekiston Respublikasi Maktabgacha taʼlim vazirligi tomonidan oʻtkaziladigan tanlov natijalariga koʻra tashkil qilinishi belgilangan. Tanlovda tashabbuskor tadbirkorlar qatnashishlari uchun bir oy oldin Maktabgacha taʼlim vazirligining mdo.uz saytiga eʼlon joylashtirilib, barcha turdagi tadbirkorlar ishtirok etishlari uchun imkon yaratilgan. Qarorning 1-ilovasida “Davlat maktabgacha taʼlim tashkilotlarida autsorsing usulida ovqatlantirishni tashkil etish boʻyicha tanlov komissiyaning namunaviy tarkibi” tasdiqlangan. Andijon viloyati maktabgacha taʼlim boshqarmasining birinchi oʻrinbosari namunaviy komissiya tarkibiga kiritilmagan. Oʻz navbatida, 2021-yil 23-noyabrda Oʻzbekiston Respublikasi Maktabgacha taʼlim vazirligining “Davlat maktabgacha taʼlim tashkilotlarida sogʻlom ovqatlantirishni autsorsing usulida tashkil etish boʻyicha komissiyasi yigʻilishning 24-sonli bayonnomasi” tasdiqlangan. Oʻzbekiston Respublikasi Maktabgacha taʼlim vazirligi tomonidan oʻtkazilgan tanlov ijtimoiy tarmoqlarda oshkoralik va shaffoflik asosida tashkil etilgan. Maktabgacha taʼlim vazirligining 24-sonli tasdiqlangan bayonnomasida “Universal autsorsing MCHJ” gʻolib boʻlganligi haqida maʼlumotlar mavjud emas.

2021-yilda maktabgacha taʼlim tashkilotlari sonini oshirish va qamrovni kengaytirish yoʻnalishidagi ishlar haqida brifing boʻlib oʻtdi. Unda Maktabgacha  taʼlim vazirligi tomonidan 2021-yilgi ijtimoiy va ishlab chiqarish infratuzilmasini rivojlantirish dasturi doirasida MTTlarni loyiha- smeta va qurilish-montaj ishlari olib borilganligi toʻgʻrisida maʼlumot berildi. Oʻzbekiston Respublikasi Prezidentining “2021-2023-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida” 2020-yil 28-dekabrdagi PQ-4936-son qaroriga muvofiq, 2021-yilda jami 38 205 quvvat (oʻrin)ga ega 222 ta maktabgacha taʼlim tashkilotlari obyektlarini (22 ta yangi quriladigan va 200 ta rekonstruksiya qilinadigan) qurish va rekonstruksiya ishlarini amalga oshirish uchun jami 900,0 mlrd.soʻm mablagʻ ajratilishi rejalashtirilgan edi. Oʻzbekiston Respublikasi Vazirlar Mahkamasining 2021-yil27-apreldagi 52-son Rayosati majlisi bayoniga muvofiq Boʻstonliq tumanidagi 14-sonli maktabgacha taʼlim tashkiloti dasturdan chiqarilgan. Shuningdek, Olmazor tumanidagi 4-son sobiq MTT hamda Mirobod tumanidagi sobiq arxitektura-qurilish kolleji negizidagi MTT tashkil etish obyektlariga Toshkent shahar hokimligi tomonidan yer maydoni ajratilmaganligi sababli Vazirlar Mahkamasining 2021-yil 11-avgustdagi 118-son Rayosati majlisi bayoniga muvofiq davlat dasturidan chiqarildi. Tasdiqlangan manzilli dasturga muvofiq 222 ta obyektdan: - 23 ta obyektlar yildan-yilga oʻtuvchi boʻldi; - 199 ta esa toʻliq foydalanishga topshirildi. 2021-yil 30-dekabr holatiga koʻra Investitsiya dasturi doirasidagi maktabgacha taʼlim tashkiloti obyektlariga jami 743 mlrd. 783 mln soʻmlik qurilish-montaj ishlari bajarildi. Jumladan, jami 199 ta obyektlarda qurilish-taʼmirlash ishlari yakunlanib, qoʻshimcha ravishda ularda 9440 oʻrin (quvvat) yaratildi. Shundan Qoraqalpogʻiston Respublikasida 13 ta obyektlarda 43 mlrd. 267 mln.soʻm mablagʻ moliyalashtirilib, qurilish-taʼmirlash ishlari yakunlandi; Andijon viloyatida 13 ta obyektda 46 mlrd. 783 mln.soʻm Buxoro viloyatida 12 ta obyektda 41 mlrd. 719 mln.soʻm Jizzax viloyatida 10 ta obyektda 35 mlrd.990 mln.soʻm    Qashqadaryo viloyatida 16 ta obyektda 51 mlrd. 634 mln.soʻm Navoiy viloyatida 10 ta obyektda 25 mlrd.197 mln.soʻm Namangan viloyatida 12 ta obyektda 44 mlrd.146 mln.soʻm Samarqand viloyatida 16 ta obyektda 57 mlrd. 800 mln.soʻm Surxondaryo viloyatida 15 ta obyektda 47 mlrd. 338  mln.soʻm Sirdaryo viloyatida 13 ta obyektda 47 mlrd. 597 mln.soʻm Toshkent viloyatida 30 ta obyektda 101 mlrd. 360 mln.soʻm Fargʻona viloyatida 18 ta obyektda 71 mlrd. 433 mln.soʻm Xorazm viloyatida 8 ta obyektda 31 mlrd. 745 mln.soʻm Toshkent shahrida 13 ta obyektda 65 mlrd. 371 mln.soʻm mablagʻ moliyalashtirilib, qurilish-taʼmirlash ishlari yakunlandi. 2022-yil Investitsiya dasturi doirasida belgilangan limitlarni oʻzlashtirish imkoniyati mavjud boʻlmagan  23 ta MTT obyektlarini (Buxoro viloyatida-2 ta, Toshkent viloyatida-15 ta, Toshkent shahrida-6 ta) yildan-yilga oʻtuvchi obyekt sifatida 2022-yil Investitsiya dasturiga kiritish yuzasidan takliflar vakolatli organ Iqtisodiy taraqqiyot va kambagʻallikni qisqartirish vazirligiga kiritildi.

“BABY LAND” xususiy bogʻchasida suratdagi bolakayga zulm qilishgan, uni urib badanining turli joylariga shikast yetkazishganligi yuzasidan ijtimoiy tarmoqlarda tarqatilgan maʼlumotlar yuzasidan oʻrganish ishlari olib borildi. Samarqand tumani “Buxoriy” MFY hududida joylashgan Baby Land (Kids academy) xususiy maktabgacha taʼlim tashkiloti Oʻzbekiston Respublikasi Vazirlar Mahkamasi huzuridagi taʼlim sifatini nazorat qilish davlat inspeksiyasi tomonidan 2020-yil 09-mart kuni “Bexruzjon Intelekt” xususiy korxonasi tomonidan xususiy maktabgacha taʼlim tashkilotini tashkil etish boʻyicha litsenziya (№MT 1248 soni) asosida faoliyat olib bormoqda. Holat yuzasidan dastlabki oʻrganish natijalariga koʻra kichik guruh tarbiyachisi I.D. tomonidan 2022-yil 24-mart kuni 2019-yilda tugʻilgan tarbiyalanuvchi U.F. ga tan jarohatini yetkazilganligi yuzasidan tarbiyalanuvchining onasi fuqaro I.Sh. tomonidan Samarqand tumani IIBga yozma ravishda murojaat qilingan, hozirgi kunda tuman IIBsi tomonidan surushtiruv ishlari olib borilmoqda. Tadbirkor tomonidan tarbiyachi I.D bilan tuzilgan mehnat shartnomasi bekor qilingan. Maktabgacha taʼlim vazirligi bunday holatlarda xususiy bogʻchalarni litsenziyasini bekor qilish masalasini ilgari soʻradi, Har bir tadbirkor tashkil etayotgan bolalar bogʻchalariga tarbiyachi koʻnikmalari va mutaxassislarni jalb qilishi lozim.   Vazirlik tadbirkorlar eslatma ravishda qoʻyidagilarni bildiradi: Oʻzbekiston Respublikasi Vazirlar Mahkamasining 2022-yil 21-fevraldagi “MAXSUS ELEKTRON TIZIM ORQALI AYRIM FAOLIYAT TURLARINI LITSENZIYALASH TARTIBI TOʻGʻRISIDAGI YAGONA NIZOMNI TASDIQLASH HAQIDA”gi 80-sonli qarori bilan tasdiqlangan Nizomning 2 ilovasidagi 9 bandi «v» xatboshida belgilangan tartiblar asosida litsenziya olgan tadbirkor litsenziya shartlarini qoʻpol ravishda buzganligi toʻgʻrisida koʻrsatib oʻtilgan, unga koʻra litsenziya shartnomasi bekor qilinadi. (v) taʼlimning majburiy ravishda dunyoviy xarakterda boʻlishi, taʼlim jarayonida urushni, zoʻravonlikni targʻib qilishdan foydalanishga, fuqarolarning konstitutsiyaviy huquqlari va erkinligi kamsitilishiga, taʼlim oluvchilar jinsiga koʻra ajratib oʻqitilishiga (qonunchilikda ayrim oʻquv fanlarni ajratib oʻqitish boʻyicha belgilangan holatlar bundan mustasno), mamlakatdagi xavfsizlik va ijtimoiy-siyosiy barqarorlikka, jamiyatning huquqiy va maʼnaviy asoslari, fuqarolar osoyishtaligiga, millatlararo va dinlararo totuvlikka raxna solinishiga, Oʻzbekiston Respublikasi toʻgʻrisida notoʻgʻri axborotlar tarqatilishiga hamda uning tarixiy, madaniy va maʼnaviy qadriyatlari buzib koʻrsatilishiga yoʻl qoʻymaslik*)

Toshkent viloyatidagi maktabgacha taʼlim tashkilotlarida “Men va mening oilam” kuni tadbirlari boʻlib oʻtdi. Ushbu tadbir maktabgacha taʼlim tashkilotlari bilan ota-onalarning oʻzaro hamkorligini yoʻlga qoʻyish, oila, mahalla va taʼlim tashkilotlari hamkorligini oshirish maqsadida tashkil etildi. Tadbir davomida tanlov oʻtkazildi. Shartlar davomida ishtirokchilarning iqtidorlarini namoyon qilishga erishildi.Maktabgacha taʼlim tashkilotlari tarbiyalanuvchilari va ularning ota-onalari, bobo-buvilari, amaki-togʻalari hamda akalari ishtirokida “Otam, onam va men” sportchilar oilasi sport musobaqasi, “Kitobxon oila” koʻrik-tanlovi, “Bu mening oilam” mavzusidagi rasmlar tanlovi, “Hunarmand oila” koʻrgazmalari, “Oilada farzand tarbiyasiga eʼtibor”, “Mening farzandim — Vatanim faxri!” mavzularida psixologik treninglar olib borildi. Shuningdek, “Bir bolaga yetti qoʻshni – ota-ona”, “Bola aziz, odobi undan aziz”, “Farzand tarbiyasida ota-onaning oʻrni va masʼuliyati” kabi mavzulardagi oila-mahalla-taʼlim tashkilotlari hamkorligida davra suhbatlari oʻtkazildi.Ayniqsa, tarbiyachi-pedagoglar tomonidan “Men va mening oilam”, “Mening oilam-mening baxtim!” mavzularida tarbiyalanuvchilar ishtirokida olib borilgan ochiq mashgʻulotlardan bolajonlar oʻzgacha zavq oldi. “Zumradoylar davrasi» toʻgaragi aʼzolari ishtirokida buvijonlar bilan “Buvijonim oʻgitlari”, “Ona allasida mehr mujassam”, “Onam aytgan allalar” kabi mavzularda tadbirlar tashkillashtirildi. “Men va mening oilam” kunining yakunlari boʻyicha jarayonlarda faol ishtirok etgan ota-onalar, bobo-buvilar, amaki-togʻalar hamda akalari oʻrtasida turli xil nominatsiyalar boʻyicha gʻoliblik aniqlanib, ularga faxriy yorliq hamda esdalik sovgʻalari topshirildi.

Bugun, 23-dekabr kuni Maktabgacha taʼlim vazirligi xodimlari oʻrtasidagi shaxmat musobaqasi oʻtkazildi. Musobaqaga M.Toshmatov va I.Mirxosilov hakamlik qildi. Musobaqa koʻtarinki ruhda kechdi. Gʻolib deb topilgan xodimlarga esdalik sovgʻalari topshirildi. Mazkur musobaqada ayol xodimlar orasidan: 1-oʻrin U.Ziyayevaga; 2-oʻrin N.Umirzakovaga; 3-oʻrin Sh.Teshaboyevaga. Erkak xodimlar orasidan: 1-oʻrin A.Abdusalomovga; 2-oʻrin S.Xodjiyevga; 3-oʻrin Sh.Kamolovga nasib etdi.

Toshkent viloyatining Zangiota tumanida maktabgacha yoshdagi bolalar, pedagoglar va ota-onalar uchun 6 ming dona kitob nashr etildi. Kitoblar uchun viloyat hokimligi tomonidan mablagʻ ajratildi. Ushbu kitoblar maktabgacha yoshda ingliz, rus tillarini oʻrganishga moʻljallangan. Toʻplamda inglizcha — oʻzbekcha, inglizcha — ruscha, ish daftarchasi, reja, nutqni rivojlantirish ensiklopediyasi va bolalar psixologiyasiga oid kitoblar mavjud. Har bir kitob “Ilk qadam” davlat dasturi va maktabgacha taʼlim muassasalari oʻqituvchilari, shuningdek, maktabgacha yoshdagi bolalarning ota-onalari uchun uslubiy yordamga mos keladi.  Shuningdek, konsepsiya maktabgacha yoshdagi bolalar uchun ingliz — tojik, ingliz — qoraqalpoq va ingliz — qozoq tillari, shuningdek, tabiatni asrashga oid belgilar bilan eko-kitoblarni oʻrgatuvchi kitoblarni chiqarishni ham oʻz ichiga oladi.

Oʻzbekiston Respublikasi Maktabgacha ta’lim vazirligi va Koreya Respublikasi Maktabgacha ta’lim tashkilotlari assotsiatsiyasi oʻrtasida Memorandum imzolandi. Memorandumning maqsadi nodavlat maktabgacha ta’lim tashkilotlari pedagoglarini malakasini oshirish sohasida qoʻshma oʻquv dasturlarini amalga oshirish, maktabgacha ta’limda innovatsion yondashuvlarni joriy etish, oʻquv jarayoni sifatini oshirish va Oʻzbekiston Respublikasida yuqori malakali mutaxassislar tayyorlash orqali Oʻzbekiston Respublikasida maktabgacha ta’lim tizimini takomillashtirish. Shuningdek, oʻquv-uslubiy materiallar va adabiyotlarni birgalikda ishlab chiqish, MT tizimiga axborot-kommunikatsiya texnologiyalarini joriy etish, Oʻzbekiston va Koreya olimlari, metodistlari, oʻqituvchilari ishtirokida qoʻshma xalqaro ilmiy-amaliy konferensiya va seminarlar oʻtkazish.

Maktabgacha taʼlim vazirligi Koreyaning Bolalarga gʻamxoʻrlik va erta taʼlimni oʻrganish instituti (KICCE) oʻrtasida erta yoshdagi taʼlim tizimini takomillashtirish sohasida hamkorlik Memorandumi imzolandi. Ushbu Memorandumning asosiy maqsadi Koreya Respublikasi mutaxassislari ishtirokida Oʻzbekiston Respublikasi maktabgacha taʼlim tizimining mustahkam ilmiy bazasini yaratish, shuningdek davlat standartlarini takomillashtirish boʻyicha takliflarni birgalikda ishlab chiqishdan iborat.Shu bilan birga Oʻzbekiston Respublikasi maktabgacha taʼlim tizimi uchun pedagog kadrlarini tayyorlash, qayta tayyorlash va ularning malakasini oshirish ishlari ham memorandum doirasida amalga oshiriladi. Memorandumdan quyidagicha natijalar kutilmoqda:- qoʻshma tadqiqotlar oʻtkazish va mustahkam qoʻshma dasturlarni ishlab chiqish;- oʻquv-uslubiy majmualarni ishlab chiqish va maktabgacha yoshdagi bolalarni oʻqitish uchun didaktik materiallar;- Oʻzbekiston Respublikasi maktabgacha taʼlim tashkilotlari xodimlari uchun milliy yoʻnaltirilgan oʻquv-uslubiy tavsiyalar ishlab chiqish.

“Oʻzbekistonda Kadrlar tayyorlash, tarbiyalash va malakasini oshirish kompleks markazini qurish orqali maktabgacha taʼlim muassasalari pedagoglarining salohiyatini oshirish” loyihasini amalga oshirish yuzasidan muhokamalar olib borildi. Unda Maktabgacha taʼlim vaziri Agrippina Shin hamda KOICA Bosh ofisi vitse-prezidenti Im Jong Xi xonim ishtirok etdi. Loyiha doirasida Toshkent shahrining Yunusobod tumanida “Kadrlar tayyorlash, tarbiyalash va malakasini oshirish kompleks markazi va innovatsion davlat maktabgacha taʼlim tashkiloti” qurish rejalashtirilgan. Shuningdek, maktabgacha taʼlim va erta rivojlanishda innovatsion yondashuvlarni joriy etish hamda maktabgacha taʼlimni targʻib qilish ishlari ham koʻzda tutilgan. Maʼlumot uchun: ushbu loyiha 2021-2026-yillarda amalga oshirilishi rejalashtirilgan.

181-buyruqСкачать

145_xarid_komissiyasi_tarkibiСкачать

Bujruq

Maktabgacha ta'lim vazirligi "Rost24.uz" saytida e'lon qilingan jurnalistik surishtiruv yuzasidan quyidagilarni maʼlum qiladi: Andijon viloyatida hozirda 64 ta mahallada bolalar bogʻchasi mavjud emas. Ushbu 64 ta MFY dagi bolajonlarni maktabgacha taʼlimga qamrab olish yuzasidan 2022-2024-yillar davomida oilaviy nodavlat maktabgacha taʼlim tashkilotlari ochish rejalashtirilgan. Shuningdek viloyatda shu kunga qadar 84 ta davlat maktabgacha taʼlim tashkilotlari filiallaridan 71 tasi asosiy davlat tashkilotlariga  aylantirilgan. 13 tasi davlat xususiy sherikchilik asosidagi nodavlat maktabgacha taʼlim tashkilotlari sifatida faoliyat koʻrsatishi uchun tadbirkorlarga berilgan. Barcha DMTTlar sovutgichlar bilan taʼminlangan. 2022-yil davlat dasturiga 17 ta (1 ta yangi qurilish, 16 ta rekonstruksiya) DMTTlar kiritildi va 2023-yil uchun 25 tasini dasturga kiritish takliflari ishlab chiqildi. Shuningdek, hozirda 16 ta (Asakada  4 ta, Boʻstonda 1 ta, Ulugʻnorda           1 ta, Paxtaobodda 4 ta, Shaxrixonda 6 ta) bogʻchaga ichimlik suvi tashib keltiriladi,  18 ta tashkilotning qisman atrofi oʻralmagan. Bundan tashqari, bugungi kunda viloyatdagi barcha maktabgacha taʼlim tashkilotlarida musiqa mashgʻulotlari oʻtish uchun sharoit yaratilgan hamda barchasida kichik kutubxonalar (kitobxonlik burchagi) tashkillashtirilgan. Oʻzbekiston Respublikasi Prezidenti Sh. M. Mirziyoyevning “Qamrov darajasi past boʻlgan tumanlarda maktabgacha taʼlim tashkilotlari tarmogʻini kengaytirish boʻyicha qoʻshimcha chora-tadbirlar” toʻgʻrisidagi qaroriga asosan mamlakatimizdagi 53 ta tumanda 2021-2022-yillarda maktabgacha taʼlim qamrovini oshirish yuzasidan chora-tadbirlar belgilab berilgan. Xususan, 1991-yilda Oʻzbekiston Respublikasida jami   10 134  ta maktabgacha taʼlim tashkilotlari boʻlgan. Aholining oʻsish suratlari boʻlishiga qaramay MTTlar soni 2016-yilda 4 916 ta boʻlgan. 2017-yilda MTTlar soni  5 211 tani (4961 ta davlat va 250  ta nodavlat) tashkil etgan boʻlsa, bugunga qadar ularning soni, yaʼni 2021-yil sentyabr oyi holatiga koʻra 24 922 taga (6 382 ta davlat va 18 540  ta nodavlat) yetdi. Shuningdek, maqolada “Yangihayot tumanidagi   248, 99, 21, 24, 53, 204, 206-bogʻchalar qurilishi hali bitmagan”i taʼkidlangan. Aslida 248-DMTT Olmazor tumanida joylashgan boʻlib, tashkilotni rekonstruksiya qilish Oʻzbekiston Respublikasi Prezidentining 2018-yil 19-dekabrdagi Investitsiya dasturi toʻgʻrisidagi PQ-4067-sonli qaroriga asosan tasdiqlangan. Obyektda qurilish-montaj ishlari bajarilayotgan vaqtida loyiha-smeta hujjatlarida koʻzda tutilmagan qoʻshimcha ish hajmlari borligi sababli pudratchi tashkilot tomonidan qoʻshimcha mablagʻ talab etilmoqda. Vazirlar Mahkamasining 2021-yil 2-noyabrdagi 159-sonli Rayosat bayoniga asosan 900,0 mln. soʻm qoʻshimcha mablagʻ ajratilganligi va bugungi kunda mazkur obyektni rekonstruksiya qilish boʻyicha (2 bosqich ishlari uchun) tegishli vazirlik va idoralarga 2021-yildan 2022 yilga oʻtuvchi obyekt boʻlib Rayosat bayoniga kiritilishi boʻyicha takliflar berilgan. Yunusobod tumanidagi rekonstruksiya qilinishi lozim boʻlgan 99-sonli MTT Oʻzbekiston Respublikasi Prezidentining 2020-yil 28-dekabrdagi PQ-4936-sonli qaroriga asosan 2020-yildan 2021-yilga oʻtuvchi obyekt boʻlib Investitsiya dasturiga kiritilgan. Mazkur obyektning pudratchi tashkilotiga nisbatan Yunusobod tuman prokuraturasi tomonidan jinoiy ish qoʻzgʻatilgan va hozirda prokuratura tomonidan qoʻzgʻatilgan jinoiy ish boʻyicha oʻrganish ishlari olib borilmoqda. Obyektni bugungi kunga qadar foydalanishga topshirilmaganligi va qurilish ishlari yakunlanmaganligi hamda qurilish normalariga zid ravishda qurganligi sababli pudrat tashkiloti bilan tuzilgan pudrat shartnomasi bir tomonlama bekor qilingan. Obyektni qurilish ishlari 2021-yildan 2022-yilga oʻtishi boʻyicha tegishli vazirlik va idoralarga takliflar kiritilgan. Shayhontoxur tumanidagi 21-sonli MTTni rekonstruksiya qilish Oʻzbekiston Respublikasi Prezidentining 2020-yil 28-dekabrdagiPQ-4936-sonli qaroriga asosan 2020-yildan 2021-yilga oʻtuvchi obyekt boʻlib Investitsiya dasturiga kiritilgan. Mazkur obyektning yer maydoni Fransiya elchixonasining hududiga tegishli boʻlganligi sababli qurilish ishlari toʻxtatilgan edi. Hozirgi kunda qurilish ishlariga ruxsat berilib, qurilish ishlari (tashqi obodonlashtirish, pardozlash, besetka, beton stayashka ishlari) amalga oshirilib, joriy yil yakuniga qadar foydalanishga topshiriladi. Chilonzor tumanidagi 24-sonli MTTni rekonstruksiya qilish boʻyicha Oʻzbekiston Respublikasi Prezidentining 2020-yil 28-dekabrdagiPQ-4936-sonli qaroriga asosan 2021-yil Investitsiya dasturiga kiritilgan. Mazkur obyektda rekonstruksiya qilish binosining qurilish ishlari yakunlangan, qoʻshimcha qurilish (oshxona) binosi va tashqi obodonlashtirish ishlari jadallik bilan amalga oshirilmoqda, joriy yil yakuniga qadar toʻliq foydalanishga topshiriladi Yunusobod tumanidagi 53-sonli MTTni rekonstruksiya qilish boʻyicha Oʻzbekiston Respublikasi Prezidentining 2020-yil 28-dekabrdagi PQ-4936-sonli qaroriga asosan 2020-yildan 2021-yilga oʻtuvchi obyekt boʻlib Investitsiya dasturiga kiritilgan. Mazkur obyektda qurilish ishlari (tashqi obodonlashtirish, binoni ichki qismida rang berish ishlari) amalga oshirilib, joriy yil yakuniga qadar foydalanishga topshiriladi. Chilonzor tumanidagi 204-sonli MTT Oʻzbekiston Respublikasi Prezidentining 2020-yil 28-dekabrdagiPQ-4936-sonli qaroriga asosan 2020-yildan 2021-yilga oʻtuvchi obyekt boʻlib Investitsiya dasturiga kiritilgan. Mazkur obyektda qurilish ishlari (kafel terish, laminat, tashqi obodonlashtirish) amalga oshirilmoqda, joriy yil yakuniga qadar foydalanishga topshiriladi. Yunusobod tumanidagi 206-sonli MTT Oʻzbekiston Respublikasi Prezidentining 2020-yil 28-dekabrdagiPQ-4936-sonli qaroriga asosan 2020-yildan 2021-yilga oʻtuvchi obyekt boʻlib Investitsiya dasturiga kiritilgan. Mazkur obyektning qurilish ishlari (kafel terish, laminat, tashqi obodonlashtirish) ishlari amalga oshirilmoqda. Joriy yil yakuniga qadar foydalanishga topshiriladi. Koson tumanidagi “Zamin” MFYda 1976-yil,    “Binafsha” nomli sobiq 17-sonli MTM qurilgan boʻlib, bola qamrovi past boʻlganligi sababli 2014-yilda faoliyati toʻxtatilgan. 2022-yilda Oʻzbekiston Respublikasining Investitsiya manzilli dasturiga kiritib rekonstruksiya qilish va davlat maktabgacha taʼlim muassasasi tashkil etish boʻyicha taklif berilgan. Hozirgi kunda loyihalash ishlari ketyapti. Namangan viloyati Chust tuman “Yangi yer” MFY hududida joylashgan 63-soni MTT 1971-yilda qurilgan. Quvvati 50-oʻrinli. Moslashtirilgan binoda faoliyat yuritadi. Hozirgi kunda ushbu tashkilotga 66 nafar tarbiyalanuvchi qamrab olingan. Bugungi kunga qadar tashkilotning asosiy binosining isitish tizimi, hojatxonasi va qoʻrgʻon devori tuman MTB tashabbusi hamda jalb etilgan homiylar koʻmagida taʼmirlangan. Bundan tashqari, joriy haftaning dastlabki kunlarida tashkilot hovlisidagi mavjud yoʻlaklar asfaltlab berildi.  Tashkilotda kapital rekonstruksiya ishlarini 2022-2025-yillar davomida “Investitsiya” davlat dasturi asosida amalga oshirish  rejalashtirilgan. Maktabgacha taʼlim va tarbiya toʻgʻrisidagi OʻRQ-595 sonli qarorning                  9-moddasida koʻra, Taʼlim sifatini nazorat qilish davlat inspeksiyasiga Nodavlat maktabgacha taʼlim tashkilotlariga maktabgacha taʼlim va tarbiya sohasida litsenziyalar berish vakolati yuklatilgan. Shu sababli, mazkur xususiy maktabgacha taʼlim tashkilotlari oʻzlarining belgilagan Nizomiga koʻra, bolalar badal pulini tadbirkor oʻzi ixtiyoriy tartibda belgilaydi. Shuningdek, davlat maktabgacha taʼlim tashkilotlarida oziq-ovqat masalasi boʻyicha, unda shaffoflikni oshirish yuzasidan bir qancha amaliy ishlar olib borilmoqda. “Bolalar bogʻchasi” maktabgacha taʼlimni boshqarish axborot tizimini takomillashtirish loyihasi Toshkent shahri  Bektemir tumanida tajriba-sinov qismi boshlandi. Hozirda maktabgacha taʼlim tashkilotlarida tarbiyalanuvchilarga sifatli taʼlim  berish maqsadida “Ilk qadam” davlat oʻquv dasturi ishlab chiqilgan. Shuningdek, Gersen nomidagi Moskva davlat Pedagogika Universitetining Toshkent shahri filiali hamda Maktabgacha taʼlim muassasalari rahbar va mutaxassislarini qayta tayyorlash va ularning malakasini oshirish institutida onlayn va offlayn tarzda soha muttaxassislari qayta tayyorlanmoqda. Bugungi kunda Investitsiya dasturi asosida viloyatlardagi eng chekka hududlarida maktabgacha taʼlim tashkilotlari qad rostlamoqda. Prezidentimiz tashabbusi bilan chekka hududlardagi maktabgacha taʼlim tashkilotlarida bolalar badal puli 8 ta viloyatning 50 ga yaqin tumanlarida 50% chegirma qilindi. Bu esa mazkur hududdagi bolajonlarni maktabgacha taʼlim qamrovi kengayishiga xizmat qilmoqda. Maktabgacha taʼlim vazirligi maqolada keltirilgan maʼlumotlar va raqamlarning xato ekanligini qayd etadi. Xususan 2021-yilga kelib bogʻcha yoshidagi 2,8 million nafar bolaning 64,9 foizi maktabgacha taʼlimga bilan qamrab olinganini maʼlum qilamiz.  Xususan,  maqolada MTTlar soni ortmayotgani taʼkidlangan. Ushbu vajni rad etgan holda, aniq raqamlarni keltirsak: Oʻzbekistonda 35 mln. aholi istiqomat qilib, shundan 2,8 mln.ni 3 yoshdan 7 yoshgacha boʻlgan bolalar boʻlib, bunda aholining yillik oʻsishi 800 ming bolaga toʻgʻri keladi. Mamlakatimizda 3-7 yoshdagi bolalarni maktabgacha taʼlim tashkilotlariga qamrab olish borasida keng koʻlamli ishlar amalga oshirilmoqda. Bugungi kunda 3-7 yoshli bolalarning umumiy sonidan (2,8 mln.) 1 829 328 bola (2017-yilda – 708 247; 2018-yilda – 932 310; 2019-yilda – 1 413 290; 2020-yilda – 1 699 566 bola) yoki maktabgacha yoshdagi aholining 64,9 foizi maktabgacha taʼlim bilan qamrab olindi (2017-yilda – 27,7%; 2018-yilda – 37,7%; 2019-yilda – 52,3%; 2020-yilda –60,9%). Shu bilan birga 2021-yil 3 chorak yakuniga koʻra, Oʻzbekiston Respublikasida 24 922 ta maktabgacha taʼlim tashkiloti (2017-yilda – 5 211 ta; 2018-yilda – 7 104 ta; 2019-yilda – 13 530 ta; 2020-yilda – 18 254 ta), shu jumladan 6 382 ta davlat va 18 540  ta nodavlat, shu jumladan 803 ta xususiy, 16 646 ta oilaviy va DXSH doirasida 1 091 ta nodavlat MTT faoliyat koʻrsatmoqda. Yuqoridagi maʼlumotlar esa, foizlar koʻrsatkichi yildan-yilga ortib borganini koʻrsatadi. Bundan tashqari, “Oʻzbekiston Respublikasi Maktabgacha taʼlim tizimini 2030-yilgacha rivojlantirish konsepsiyasini tasdiqlash toʻgʻrisida”gi Oʻzbekiston Respublikasi Prezidentining qaroriga muvofiq, 2030-yilga kelib maktabgacha taʼlimga bolalarning 80,8 foizini qamrab olish rejalashtirilgan. Statistika qoʻmitasining maʼlumotida qayd etilishicha, 2021-yil yanvar holatiga koʻra, maktabgacha taʼlim tashkilotlarida tarbiyalanayotgan bolalar jami  2.8 million nafarni tashkil etadi. Bu esa bugungi kunda bogʻcha yoshidagi bolalarning 64,9 foizi maktabgacha taʼlim bilan qamrab olinganini isbotlaydi. Shuningdek, Statistika qoʻmitasi tomonidan davlat va DXSH maktabgacha taʼlim tashkilotlariga qamrab olingan bolalar soni eʼlon qilingan. Ushbu statistik maʼlumotlarda oilaviy va xususiy MTTlar haqida maʼlumot kiritilmagan. Oʻzbekiston Respublikasi Prezidentining PQ-3571-sonli qarori bilan 2018-yil 1-martdan va 1 sentabrdan boshlab maktabgacha taʼlim tizimi xodimlari oylik maoshlari oshirilish boshlangan. 2018-yil 1 sentabrdan boshlab oʻqituvchilar, oliy maʼlumotga ega boʻlgan tayyorlov guruhi tarbiyachilari, psixologlar, logoped va defekteloglar umumtaʼlim maktablaridagi oʻqituvchilar maoshlariga tenglashtirilgan. 2019-yildan esa umumtaʼlim maktablari oʻqituvchilari malaka toifalariga qarab, oylik maoshlari 10-25% ga qadar oshirildi. Shunda, maktabgacha taʼlim tizimidagi oliy maʼlumotga ega tayyorlov guruhi tarbiyachilari maktablardagi oʻqituvchilarning oylik maoshlariga nisbatan 10-25%ga kam. Maktabgacha taʼlim vazirligi Moliya vazirligiga oliy maʼlumotga ega tarbiyachilarning oylik maoshini maktablardagi oʻqituvchilar maoshi bilan tenglashtirish, oshpazlar maoshini 2 barobar oshirish, xalqaro tajribaga asosan “pedagog statusi” amaliyotini yanada keng qoʻllash va maktabgacha taʼlim tizimi pedagog xodimlari umumtaʼlim maktablardagi oʻqituvchilar bilan bir xil miqdorda oylik maosh olishlari yuzasidan taklif bergan. Dastlabki hisob kitoblarga koʻra, mazkur takliflar ijrosi uchun 1,5 trln. soʻm mablagʻ ketishi hamda mazkur dasturni bosqichma-bosqich amalga oshirish rejalashtirilgan. Shuningdek, mazkur yoʻnalishdagi ishlar toʻxtab qolmasligini vazirlik doimo oʻzining quyi tizimdagi xodimlarni mehnatiga yarasha haq toʻlash borasida reja va dasturlar ishlab chiqilayotganligini maʼlum qilamiz. Maktabgacha taʼlim vazirligi OAV lari uchun doim ochiqdir. Jurnalistlardan tekshirilmagan, aniq asoslarga tayanilmagan, tizimning shaʼniga putur yetkazadigan har qanday maʼlumotlarni OAVda eʼlon qilishdan avval Maktabgacha taʼlim vazirligi Axborot xizmati bilan hamkorlik qilishga chorlaymiz! Maktabgacha taʼlim vazirligi Axborot xizmati

Maktabgacha taʼlim vazirligi ham Mordoviya milliy tadqiqot universiteti vakillari oʻrtasida uchrashuv boʻlib oʻtdi. Unda ikki tashkilotning istiqbolli hamkorlik rejalari muhokama qilindi. Xususan uchrashuvda “Rus tili chet elda: innovatsion yondashuvlar va taʼlimning samarali amaliyotlari” mavzusida xalqaro ilmiy-metodik konferensiya tashkil etish xususida soʻz bordi. Shuningdek Maktabgacha taʼlim vaziri Agrippina Shin Maktabgacha taʼlim siyosatini shakllantirish boʻyicha taʼlim va rivojlanish strategiyalari borasida soʻz yuritdi.Uchrashuvda kelgusi hamkorlik faoliyati borasida ijobiy fikrlar bildirildi.

2022-6-oylik-xarid-2

Transport-jadval-2021Скачать

(One-Envelope Bidding Process) Country:Republic of UzbekistanProject:Promoting Early Childhood Development ProjectContract Title:Providing the State Inspectorate for Supervision of the Quality of Education (SISQE) with ICT equipmentCredit No.:6418-UZRFB Reference No.:ECD-RFBG/4/1 The Republic of Uzbekistan has received financing from the World Bank toward the cost of the Promoting Early Childhood Development Project, and intends to apply part of the proceeds toward payments under the contract for Providing the State Inspectorate for Supervision of the Quality of Education (SISQE) with ICT equipment. For this contract, the Borrower shall process the payments using the Direct Payment disbursement method, as defined in the World Bank’s Disbursement Guidelines for Investment Project Financing, except for those payments, which the contract provides to be made through letter of credit. 2.      The Ministry for Pre-school Education of the Republic of Uzbekistan now invites sealed Bids from eligible Bidders for supply of:          Lot 1. Supply of Interactive whiteboards (smart boards) (8 pcs.)          Lot 2. Supply of Computers (all-in-one units) (172 pcs.)          The Bidders may bid for one or more lots and the lots shall be considered, evaluated and awarded the contract separately, on the lot-by-lot basis. 3.      Bidding will be conducted through international competitive procurement using a Request for Bids (RFB) as specified in the World Bank’s “Procurement Regulations for IPF Borrowers” dated July 2016, revised November 2017 and August 2018 (“Procurement Regulations”), and is open to all eligible Bidders as defined in the Procurement Regulations. 4.      Interested eligible Bidders may obtain further information from the Ministry for Pre-school Education of the Republic of Uzbekistan, Promoting Early Childhood Development Project Implementation Unit, Mr. Dilshod Gafarov – Project Coordinator, and inspect the bidding document during office hours 09:00 to 18:00 hours (Tashkent time) at the address given below. 5.      The bidding document in English and/or Russian may be downloaded in PDF format through the portal tender.mift.uz after the mandatory free registration, in accordance with the Instructions specified at this link, or may be received by interested Bidders upon the submission of a written application to procurement.ecdp@gmail.com  or to the address below. The document will be sent via e-mail indicated by bidders. 6.      Bids must be delivered to the address below on or before 15:00 o’clock (Tashkent time) on January 25, 2022. Electronic Bidding will be permitted. Late Bids will be rejected. Bids will be publicly opened in the presence of the Bidders’ designated representatives and anyone who chooses to attend at the address below on 15:00 o’clock (Tashkent time) on January 25, 2022.          Electronic Bidding will be permitted following instructions in the BDS. 7.      All Bids must be accompanied by a Bid Security of Lot 1: USD 1 000 (one thousand). Lot 2: USD 3 000 (three thousand). 8.      Attention is drawn to the Procurement Regulations requiring the Borrower to disclose information on the successful bidder’s beneficial ownership, as part of the Contract Award Notice, using the Beneficial Ownership Disclosure Form as included in the bidding document. 9.      The address referred to above is: Project Implementation Unit under the Ministry for Preschool Education of the Republic of Uzbekistan. 17, Amir Temur Street, Tashkent 100070, Uzbekistan Phone: +998 71 207 04 08 (ext.:730) Email: procurement.ecdp@gmail.com   Web page: www.mdo.uz 

Ijtimoiy tarmoqlarda “Maktabgacha taʼlim vazirligi tomonidan Gʻazalkent shahridagi bolalar bogʻchasi qurilishi tugallanishi uchun tadbirkorga ajratilgan imtiyozli kredit summasi toʻxtatib qoʻyilgan”i toʻgʻrisidagi videomurojaat tarqaldi. Ushbu videomurojaatdagi vajlarni rad etgan holda Maktabgacha taʼlim vazirligi Axborot xizmati quyidagilarni maʼlum qiladi: Fuqaro Toʻlivay Ashirov 2019-yilning 13-noyabr kuni Maktabgacha taʼlim vaziri Agrippina Shinning qabulida boʻlib, Toshkent viloyati, Boʻstonliq tumani hududida DXSH asosida 120 oʻrinli “Ortiq ota bogʻchasi”  MCHJni tashkil etish maqsadida oʻz murojaatini bayon etgan. Suhbat jarayonida tadbirkor nodavlat maktabgacha taʼlim tashkilotini 1 mlrd. soʻmga barpo etishini maʼlum qilib,  1 mlrd. soʻm miqdorda kredit  ajratilishini soʻrab murojaat qilgan. Qabul davomida vazir tomonidan ushbu loyiha 1 mlrd. soʻmga bitmasligi, shuning uchun oʻrnatilgan tartibda loyihaga kredit ajratilishi tavsiya qilingan. Sababi rekonstruksiya qilish uchun bir bolaga 16 mln. soʻm ajratilishi lozimligi  inobatga olinib, 120 oʻringa 1,920 mlrd soʻm ajratilishiga rozilik berilgan. Qolgan qismi tadbirkor tomonidan qoplanishi lozimligi tushuntirilgan va tadbirkor tomonidan rozilik bildirilgan. Bitim namunasi tadbirkorga taqdim etilgan va tadbirkor tomonidan barcha shartlar oʻrganib chiqilgan. Shundan soʻng bitim tadbirkorning roziligi bilan imzolanib Maktabgacha taʼlim vazirligiga 2 nusxada taqdim etilgan. Vazirlikka taqdim etgandan soʻng ikkinchi tomon, yaʼni vazirlik tomonidan 2019-yil 25-noyabrda Maktabgacha taʼlim vazirligi hamda “ORTIQ OTA BOGʻCHASI” MCHJ oʻrtasida № 0451-944/11- sonli bitim imzolangan. Ushbu bitim shartnomasida jami loyixa qiymati 4,032 mlrd soʻmni tashkil etib, shundan 1,920 mlrd soʻm imtiyozli kredit mablagʻlari, 2,112 mln soʻm esa tashabbuskor mablagʻi hisobidan amalga oshirilib borilishi belgilangan. Bitim-shartnoma imzolanib, muhr bosilib, shnurlanib tadbirkorga bitim-shartnomaning bir asl nusxasi taqdim etilgan, ikkinchi asl nusxasi tegishli tartibda arxivga olingan. Ushbu arxivlangan bitimda shuni aniq koʻrish mumkinki, tadbirkor T.Ashirov 12 kun ichida bitim shartnomasini vazirlik bilan imzolayabdi. Oʻzbekiston Respublikasi Prezidentining 2020-yil 30-yanvardagi “Maktabgacha taʼlim sohasida davlat-xususiy sheriklikni yanada rivojlantirish chora-tadbirlari toʻgʻrisida”gi PQ-4581-son qarorining 1-bandi 4-xatboshida 420 ta imzolangan bitimlarning 100 dan ortigʻida 25 va undan ortiq foiz hajmda qurilish ishlari bajarilganligi maʼlumot uchun qabul qilingan. Qarorning 3 “a” bandiga koʻra 2019-yil 1-dekabrga qadar maktabgacha taʼlim tashkilotlarini qurish ishlari 25 foizdan kam boʻlmagan xajmda bajarilgan bitimlar boʻyicha kreditlarni moliyalashtirish uchun zarur boʻlgan 182 mlrd. soʻm mablagʻlar Moliya vazirligi tomonidan 2020-yil 1-martga qadar 1 foizli ustama boʻyicha ajratilishi belgilangan. Shunga asosan “ORTIQ OTA BOGʻCHASI” MCHJ tomonidan obyektda olib borilgan qurilish demontaj ishlari ham oʻrganildi va 2020-yil 10-yanvar holatiga koʻra rekonstruksiya ishlari 22% ga amalga oshirilganligi belgilandi va tadbirkor ishtirokida rasmiylashtirildi. 2020-yilning fevral oyida qayta oʻrganish jarayonida sotib olingan qurilish jihozlari va qoʻshimcha qilingan ishlar inobatga olinib, rekonstruksiya ishlari 25,2% ga koʻtarildi va 25% yuqori ish hajmi bajargan loyihalar roʻyxatiga kiritilgan. 2020-yil 19-oktyabrida ushbu tadbirkorga imtiyozli kredit ajratilishi uchun Maktabgacha taʼlim vazirligining 01-0318-266 sonli xati orqali Moliya vazirligiga yuborilgan. Bugungi kunda, 2019-yil 25-noyabrda Maktabgacha taʼlim vazirligi hamda “ORTIQ OTA BOGʻCHASI” MCHJ oʻrtasida №0451-944/11-sonli imzolangan bitimda koʻrsatilgan 1,920 mlrd soʻm imtiyozli kredit mablagʻlari tadbirkorga tegishli tartibda toʻliq moliyalashtirilib berilgan.  Videomurojaatda vazirlik xodimi Abdugʻulom Hakimov umumiy loyihaning 10%ini pora sifatida tadbirkor Toʻlivay Ashirovdan soʻraganligi yuzasidan keltirilgan vajga izoh: Ushbu tadbirkor vazirlikka kelganida qabul jarayonlarini tashkil etishda bitta mutaxassis qabul qilmagan, balki tadbirkorning barcha tashriflarida vazirlikning mutaxassislari bilan birgalikda qabul tashkil etilgan. Shu bois bu kabi korrupsion holatga yoʻl qoʻyilishi mumkin emas, qolaversa tadbirkorning ushbu vajlariga asosli (audio, video, foto) dalillar keltirilmagan. Bitim-shartnoma soxtalashtirilganligiga oid masala yuzasidan: Tadbirkor Toʻlivay Ashirovning taʼkidlashicha, bitim Aloqabank va vazirlik tomonidan soxtalashtirilgan. Holat yuzasidan Oʻzbekiston Respublikasi Bosh prokuraturasi tomonidan oʻrganish olib borilib natijasi tadbirkor Toʻlivay Ashirovga maʼlum qilingan. Unda  Maktabgacha taʼlim vazirligi tomonidan bitim-shartnomani soxtalashtirish alomatlari aniqlanmaganligi (Ilova qilinadi) yuzasidan maʼlumot berilgan.  Endi oʻrinli bir savol tugʻiladi, xoʻsh ushbu bitim-shartnoma Maktabgacha taʼlim vazirligi xodimlari tomonidan soxtalashtirilganligi qonuniy oʻz isbotini topmadi, demak ushbu bitim-shartnoma gʻaraz niyatda kim tomonidan amalga oshirildi ekan??? Quyida soxtalashtirilgan shartnoma hamda vazirlik arxivida saqlanayotgan ikkinchi asl bitim-shartnomaning nusxasi: Tabiiyki, ushbu bitim-shartnomalardagi mablagʻ miqdorlari har xilda ekanligi yaqqol koʻrinib turibdi. Asl nusxada davlat tomonidan ajratiladigan kredit mablagʻi 1 mlrd. 920 mln.soʻm miqdorida imtiyozli kredit mablagʻlarini tashkil etmoqda, soxtalashtirilgan bitim-shartnomada esa 3 mlrd.16 mln. soʻm miqdorida imtiyozli kredit mablagʻlarini tashkil etmoqda. Bitim-shartnomani soxtalashtirishdan qanday naf borligi bizga maʼlum emas. Raqamlar oʻrtasidagi tafovutga eʼtibor qaratsak, 1 mlrd. 920 mln.soʻm va 3 mlrd.16 mln. soʻm farq esa 1 mlrd. 96 mlnni tashkil etmoqda. Demak xulosa shuni koʻrsatmoqdaki, bitim-shartnomani soxtalashtirish, yaʼni aynan mablagʻ miqdoridagi oʻzgarishda (eʼtibor bering bitim-shartnomadagi boshqa imtiyozlar yoki huquq va majburiyatlarda oʻzgarish mavjud emas lekin aynan mablagʻ raqamlarida oʻzgarish mavjud) moddiy manfaat koʻzlanganligi yaqqol namoyon boʻlib turibdi. Vazirlik arxivlangan bitim shartnomasini tegishli ekspertiza tashkilotlariga taqdim etadi, shu bilan bir qatorda boshqa niyatlarni amalga oshirmoqchi boʻlgan “tadbirkor”ni asl maqsadlarini namoyon qilishi mumkinligini eslatib oʻtadi. Tadbirkor Toʻlivay Ashirov 2021-yil 7-oktyabr kuni oʻzini “Pravozashitnik Aliyans Uzbekistana” deb tanishtirgan S.Ahmedova (tasdiqlovchi hujjatni taqdim etmagan) bilan Oʻzbekiston Respublikasi Maktabgacha taʼlim vazirining qabulida boʻldi. Qabul jarayonida Maktabgacha taʼlim vazirining birinchi oʻrinbosari, Davlat xususiy sherikchilik asosida maktabgacha taʼlim muassasalari faoliyatini tashkil etish boshqarmasi boshligʻi, Yuridik boshqarmasi boshligʻi, Jismoniy va yuridik shaxslarning murojaatlari bilan ishlash boʻlimi boshligʻi hamda Davlat xususiy sherikchilik asosida maktabgacha taʼlim muassasalari faoliyatini tashkil etish boshqarmasi yetakchi mutaxassislari ishtirok etgan.            Qabul davomida Toʻlivay Ashirov Toshkent viloyati, Boʻstonliq tumani xududidada DXSH asosida 120 oʻrinli “Ortiq ota bogʻchasi”  MCHJni tashkil etish uchun jami loyiha qiymati 4 mlrd. 32 mln. soʻm belgilanganligini, 1 mlrd. 920 mln.soʻm miqdorida imtiyozli kredit mablagʻlarini toʻliq olganligini, oʻzi 1 mlrd. 16 mln.soʻm miqdorida investitsiya kiritganligini maʼlum qilib,  loyiha smeta xujjatlarida belgilangan mablagʻdan qolgan 1 mlrd. 96 mln. soʻm miqdoridagi imtiyozli kreditni ajratilishida amaliy yordam koʻrsatilishini soʻraydi hamda Bitimning nusxalarini taqdim etib, uni soxtalashtirilganligini bayon etadi. Tadbirkor Toʻlivay Ashirovdan bitim-shartnomaning asl nusxasi soʻralganda uni taqdim eta olmaydi. Tadbirkor Toʻlivay Ashirovga vazirlik mutasaddilari va oʻzini “Pravozashitnik Aliyans Uzbekistana” deb tanishtirgan S.Ahmedova ishtirokida bitimning ikkinchi asl nusxasi  taqdim etiladi va bitim-shartnomaning qaysi bandi soxtalashtirilganligi holati boʻyicha izoh soʻralganida ham javob bera olmaydi. Shu bilan birga, tadbirkor Oʻzbekiston Respublikasi Prezident virtual qabulxonasiga hujjatlar sohtalashtirilganligi yuzasidan murojaatini yoʻllaydi. Oʻrnatilgan tartibda ishni oʻrganish yuzasidan ushbu masala yuzasidan Respublika Prokuraturasi tomonidan surishtiruv ishlari olib boriladi.  Oʻzbekiston Respublikasi Bosh prokuraturasining 2021-yil 8-oktyabr kuni 9-15-21-4-753135—sonli xatiga asosan tadbirkor tomonidan notoʻgʻri maʼlumot koʻrsatib oʻtilganligi toʻgʻrisida xat taqdim qilingan. Tadbirkor Toʻlivay Ashirov tomonidan “Koʻpchilik tadbirkorlar ham shunday holatda” deb videomurojaatda keltirilgan vajga izoh: Oʻzbekiston Respublikasi Prezidentining 2020-yil 30-yanvardagi “Maktabgacha taʼlim sohasida davlat-xususiy sheriklikni yanada rivojlantirish chora-tadbirlari toʻgʻrisida”gi PQ-4581-son qarorining 1-bandi 4-xatboshida 420 ta imzolangan bitimlarning 100 dan ortigʻida 25 va undan ortiq foiz xajmda qurilish ishlari bajarilgan tadbirkorlarga imtiyozli kredit ajratilishi belgilangan. Qarorga koʻra 101 loyixalarni moliyalashtirish yuzasidan topshiriq berilganligini inobatga olgan holda, ushbu 101 loyihadan dastlabki 76 loyiha moliya vazirligiga moliyalashtirish uchun tavsiya qilinib, 25 loyixa garov taʼminoti boʻlmaganligi uchun roʻyxatdan tushirib qoldirilgan. Qolgan loyihalar oʻrganilib, 25 va undan ortiq foiz xajmda qurilish ishlari bajarilgan tadbirkorlarga oʻrnatilgan tartibda yuqori turuvchi tashkilotlardan rozilik olingandan soʻng 2020-yil 19-oktyabrida imtiyozli kredit ajratilishi uchun Maktabgacha taʼlim vazirligining 01-0318-266 sonli xati orqali Moliya vazirligiga yuborilgan. Yuqorida keltirilgan maʼlumotlar tadbirkor tomonidan Maktabgacha taʼlim vazirligiga asoslanmagan nooʻrin ayblovlarning qoʻyganligini koʻrsatmoqda, vaholanki ushbu tadbirkorga vazirlik tomonidan qonunda belgilangan barcha amaliy yordamlar berilib kelinmoqda. Shu oʻrinda, qonunchilikda yolgʻon axborot tarqatganlik, tuhmat maʼlumotlarni tarqatish uchun javobgarlik belgilangan boʻlib, unga koʻra shaxsning qadr-qimmati kamsitilishiga yoki uning obroʻsizlantirilishiga olib keladigan yolgʻon axborotni OAV va internet tarmoqlarida tarqatish uchun javobgarlik mavjud ekanligini eslatib oʻtamiz. Biz jurnalistlarni xolislik, ochiqlik, shaffoflik doirasidagi faoliyatini qadrlaymiz va doimo hamkorlikka tayyormiz. Maktabgacha taʼlim vazirligi Axbort xizmati

2021 yil 3 dekabr Xalqaro ko‘ngillilar kuni arafasida Koreya xalqaro hamkorlik agentligining (KOICA) O‘zbekistondagi vakolatxonasi tomonidan «Xalq ertaklari» kitoblari to‘plami bepul sovg‘a qilindi. Har bir to‘plam 16 ta kitobdan (8 tasi o‘zbek tilida, 8 tasi rus tilida) iborat bo‘lib, ularda bolalarning chuqurroq idrok etishi uchun keng illyustrativ materiallardan foydalanilgan. 70 ta davlat maktabgacha ta’lim tashkilotiga «Xalq ertaklari» kitoblari to‘plami tarqatiladi.Toshkent shahar Shayxontohur tumanidagi 484-sonli DMTT sovg‘alarni topshirish marosimi bo‘lib o‘tdi. Tadbirda KOICAning O‘zbekistondagi vakolatxonasi direktori Pak Sunjin xonim so‘nggi bir necha yil ichida O‘zbekiston Respublikasi maktabgacha ta’lim tizimida ro‘y bergan ijobiy o‘zgarishlarini e’tirof etdi va hamkorlik aloqalari kelgusida ham davom etishini ta’kidladi. Eslatib o‘tamiz, 2021-2026-yillarda KOICA bilan hamkorlikda amalga oshirilayotgan istiqbolli loyihalar doirasida Toshkent shahrida bolalarni rivojlantirish kompleks markazi hamda Koreya tajribasi bo‘yicha innovasion davlat maktabgacha ta’lim tashkilotini qurish ko‘zda tutilgan.

Oʼzbekiston Respublikasi Vazirlar Mahkamasining 2020 yil 22 dekabrdagi “Maktabgacha taʼlim va tarbiyaning davlat standartini tasdiqlash toʼgʼrisida”gi 802-sonli qaroriga asosan tasdiqlangan Oʼzbekiston Respublikasi Maktabgacha taʼlim vazirligi tomonidan tizimdagi davlat maktabgacha taʼlim tashkilotlari uchun markazlashtirilgan holda jihozlarni xarid qilish komissiya tarkibi BatafsilСкачать