Rossiya va O‘zbekiston ta'lim vazirlari A.I. Gersen universitetining Toshkent filialida bo‘lishdi

2022-yil 31-oktabr kuni A.I. Gersen nomidagi Rossiya davlat pedagogika universitetining Toshkentdagi filialiga Rossiya Federatsiyasi ta'lim vaziri tashrif buyurdi.

Tashrif davomida Rossiya Federatsiyasi ta’lim vaziri Sergey Sergeevich Kravsov, O’zbekiton xalq ta’lim vaziri Baxtiyor Odilovich Saidov hamda Maktabgacha ta’lim vaziri Agrippina Vasilevna Shin universitet rahbariyati hamda talabalari bilan uchrashishdi.

Uchrashuvda A.I. Gersen nomidagi Rossiya davlat pedagogika universitetida Oʻzbekiston madaniyatiga bagʻishlangan yoʻnalish ochilishi alohida ta’kidlandi.

“Biz Sankt-Peterburgdagi Gersen universitetida O‘zbekiston madaniyati va an’analari bo‘yicha yo‘nalish ochishga kelishib oldik. Bundan maqsad, yoshlarimizga, talabalarimizga O‘zbekiston madaniyati va tarixi haqida ko‘proq ma’lumotga ega bo‘lishdir”, — deydi Kravsov.

Uchrashuv jarayonida tomonlar o’rtasida yaqin hamkorlikni yanada rivojlantirish bo‘yicha rejalar kelishib olindi. Jumladan, 2023-yil boshida Sankt-Peterburgda o‘qituvchilar ta’limiga bag‘ishlangan forum o‘tkazilishi shular sirasiga kiradi.

Maktabgacha ta'lim vazirligi Axborot xizmati

4-noyabr 2022-y Maktabgacha ta'lim agentligi

Ijtimoiy tarmoqlarda baham ko'ring:

Mavzuga doir

14-iyun 2024-y Maktabgacha ta'lim agentligi

Kitob tumanidagi chekka hududlardan birida zamonaviy maktabgacha ta'lim tashkiloti ochildi

Kitob tumanining chekka hududlaridan biri hisoblangan "Zarafshon" MFYda davlat xususiy sherikchilik asosida yana bir nodavlat maktabgacha ta'lim tashkiloti faoliyat boshladi. 40 yillik mehnat tajribasiga ega, "Sog‘lom turmush" medali sohibasi Munavvar Tursunova tomonidan tashkil etilgan "Boychechak" nomli 100 o'ringa mo'ljallangan mazkur muassasada bolajonlarning ta'lim-tarbiya olishi uchun barcha sharoitlar yaratilgan. Bino ochilish marosimida Kitob tumani hokimligi, tuman prokuraturasi, mahalla faollari, nuroniylar, bolajonlar hamda ularning ota-onalari ishtirok etdi. Tadbir qatnashchilari tarbiyalanuvchilar uchun yaratilgan sharoitlar bilan yaqindan tanishishdi.

12-iyun 2024-y Maktabgacha ta'lim agentligi

Bog'cha bolalariga quvonch ulashildi

Davlatobod tumanida joylashgan sog'ligida nuqsoni bor bolalar tarbiyalanuvchi maxsus maktabgacha taʼlim tashkilotida "Xayr bog'cham" tadbiri o'tkazildi. Tadbirda Namangan viloyati Yoʻl harakati xavfsizligi boshqarmasi va Davlatobod tumani YHXG xodimlari ishtirok etib, bolajonlarning quvonchiga quvonch qoʻshishdi. Tarbiyalanuvchilar tomonidan ijro etilgan kuy va qo'shiqlar barchaga ko'tarinkilik bagʻishladi. Tadbir yakunida YPX inspektorlari tomonidan bolajonlarga esdalik sovgʻalari topshirildi.

6-iyun 2024-y Maktabgacha ta'lim agentligi

Agrippina Shin Yashnobod tumanidagi maktabgacha taʼlim tashkilotlari holatini oʻrgandi

Shu kunlarda Davlatimiz rahbarining Yashnobod tumaniga kutilayotgan tashrifiga tayyorgarlik yuzasidan Oʻzbekiston Respublikasi maktabgacha va maktab taʻlimi vazirining birinchi oʻrinbosari, Maktabgacha taʻlim agentligi direktori Agrippina Shin tumandagi maktabgacha taʼlim tashkilotlarida boʻlib, ish jarayonlari holatini koʻzdan kechirdi. Jumladan, tumanning “Dilbogʻ” mahallasida joylashgan 86-, 93- hamda 306-sonli davlat maktabgacha taʼlim tashkilotlarida bolalarga berilayotgan taʼlim-tarbiya va muassasa holatini oʻrgandi. Shuningdek, tarbiyalanuvchilar uchun yaratilgan shart-sharoitlar, yozgi sogʻlomlashtirish mavsumiga tayyorgarlik, moddiy-texnik baza kabi bir qancha yoʻnalishlarda ayni kundagi vaziyat bilan yaqindan tanishdi. Oʻrganishlar davomida aniqlangan kamchiliklar yuzasidan tegishli mutasaddilarga aniq koʻrsatma va metodik tavsiyalar berildi.

Rossiya va O‘zbekiston ta'lim vazirlari A.I. Gersen universitetining Toshkent filialida bo‘lishdi

Mavzuga doir

Вид сайта

Размер шрифта