Sayt test rejimida ishlamoqda

Qibraydagi “Imkon”ga A.I.Gersen nomidagi Rossiya davlat pedagogika universiteti rahbariyati tashrif buyurdi

news-detail

Avvalroq xabar berganimizdek, Oʻzbekistonga A.I.Gersen nomidagi Rossiya davlat pedagogika universiteti rahbariyati tashrif buyurgan.192.jpg

Bugun mehmonlar Maktabgacha taʼlim vazirligi tasarrufidagi Toshkent viloyatining Qibray tumanida joylashgan “Imkon” reabilitatsiya markaziga ega boʻlgan koʻptarmoqli ixtisoslashtirilgan davlat maktabgacha taʼlim tashkiloti faoliyati bilan tanishishdi.193.jpg

Toshkent viloyatining Qibray tumanida joylashgan “Imkon” reabilitatsiya markaziga ega boʻlgan koʻptarmoqli ixtisoslashtirilgan davlat maktabgacha taʼlim tashkiloti 150 quvvatga ega boʻlib, bugungi kunda 100 nafarga yaqin - nutqida ogʻir nuqsonlari boʻlgan bolalar, eshitishida ogʻir nuqsonlari boʻlgan bolalar, koʻrishida ogʻir nuqsonlar boʻlgan bolalar, psixik rivojlanishda kechikayotgan bolalar, aqli zaif boʻlgan bolalar, tayanch harakatida nuqsoni boʻlgan bolalarda sogʻlomlashtirish ishlari hamda taʼlim-tarbiya ishlari olib borilmoqda.194.jpg Ushbu MTTda 2 yoshdan 7 yoshgacha boʻlgan maxsus ehtiyojli bolalar hafta davomida

5 kun, 24 soat davomida shifokorlarning doimiy nazorati ostida sogʻlomlashtirish ishlari hamda “Ilk qadam” davlat oʻquv dasturi boʻyicha taʼlim-tarbiya olishmoqda.195.jpgBugungi kunda 150 nafar tarbiyalanuchilarga moʻljallangan “Imkon” reabilitatsiya markazi ega boʻlgan koʻptarmoqli ixtisoslashtirilgan davlat maktabgacha taʼlim tashkiloti Nukus shahri (Qoraqalpogʻiston Respublikasi) va Toshkent viloyatining Qibray tumanida zamonaviy talablar asosida qurilib faoliyatini boshlagan.

Mehmonlar tashkilotga tashrif davomida tashkilot xodimlari bilan muloqotda boʻlishib, ularning mutaxassisligi va taʼlim olgan oliygohlari bilan qiziqishdi.196.jpg

Bu kabi samimiy muloqotdan maqsad, kelajakda koʻptarmoqli ixtisoslashtirilgan maktabgacha taʼlim tashkilotlari uchun pedagog kadrlar hamda defektolog, logoped kabi mutaxassislarning koʻlamini kengaytirish boʻlsa ne ajab.

Maʼlumot uchun: Ushbu tashkilotda pedagoglar jamoasi 15 nafar tarbiyachi, 16 nafar tarbiyachi yordamchisi, 13 nafar defektolog, 1 nafar psixolog, musiqa xodimi va jismoniy tarbiya oʻqituvchisidan iborat.198.jpgMehmonlarning fikricha, Oʻzbekistonda imkoniyati cheklangan shaxslarning jamiyatda oʻz oʻrniga ega boʻlishi uchun, maktabgacha taʼlim tizimidanoq samarali ishlar boshlangan. Bu albatta quvonarli ekanligini taʼkidlashdi.199.jpg

Maʼlumot oʻrnida shuni taʼkidlash lozimki, hozirgi kunda Oʻzbekistonda yangi avlod maktabgacha taʼlim tashkilotlari hamda koʻp tarmoqli ixtisoslashtirilgan maktabgacha taʼlim tashkilotlari tizimida rivojlanishida orqada qolgan bolalar uchun qulay va xavfsiz muhitni yaratish boʻyicha barcha shart-sharoitlar yaratilgan. Zamonaviy jamiyatning muhim vazifalaridan biri-bu alohida ehtiyojli bolalarga gʻamxoʻrlik qilish va ularga birinchi navbatda inklyuziv taʼlimni joriy etish orqali sifatli taʼlim olishlari uchun zarur shart-sharoitlarni yaratishdir.

 

Maktabgacha taʼlim vazirligi Axborot xizmati

Maktabgacha ta'lim vazirligi
Mavzuga doir
Maktabgacha ta'lim vazirligi
Maktabgacha taʼlim vazirligi va Koreya Respublikasining Puchon universiteti oʻrtasida memorandum imzolandi

Kuni kecha, 24-may kuni Toshkent shahridagi Puchon universitetida “Toshkent shahridagi Puchon universiteti faoliyatini tashkil etish boʻyicha birgalikdagi harakatlarning asosiy tamoyillari toʻgʻrisida”gi memorandumni imzolash marosimi boʻlib oʻtdi. Marosimda Oʻzbekiston Respublikasi Maktabgacha taʼlim vaziri A.Shin, vazirning oʻrinbosari N.Muslitdinov, Koreya Respublikasining Puchon universiteti rektori Xan Djong Sok, shuningdek, Koreya Respublikasining Puchon universiteti va Toshkent shahridagi Puchon universiteti rahbariyati va xodimlari ishtirok etdi. Memorandumning asosiy maqsadi Maktabgacha taʼlim vazirligi hamda universitetning maktabgacha taʼlim, arxitektura, menejment va boshqa ommabop yoʻnalishlar boʻyicha yuqori malakali mutaxassislarni tayyorlashdagi hamkorligini yangi bosqichga olib chiqishdan iborat. Shu bilan birga, hujjatga muvofiq, universitet faoliyatining asosiy ustuvor yoʻnalishlari, xususan: - maktabgacha taʼlim sohasida xalqaro standartlar darajasida taʼlim va tayyorgarlik dasturini taʼminlash; - mamlakatni ijtimoiy-iqtisodiy rivojlantirish istiqbollari va Oʻzbekiston Respublikasini rivojlantirish strategiyasi vazifalariga muvofiq maktabgacha taʼlim, shuningdek, arxitektura, menejment, koreys tili va boshqa ommabop mutaxassisliklar boʻyicha pedagog kadrlarning malakasini oshirish; - zamonaviy taʼlim texnologiyalari asosida oʻquv jarayonini tashkil etishda ilgʻor xorijiy tajribani joriy etish;   - taʼlim dasturini oʻzlashtirish uchun oʻquv profili va individual traektoriyani tanlash imkoniyatini taʼminlash.

Maktabgacha ta'lim vazirligi
Surxondaryo viloyati maktabgacha taʼlim tizimi faoliyati oʻrganilmoqda

Oʻzbekiston Respublikasi Oliy Majlisi Qonunchilik palatasi fan, taʼlim, madaniyat va sport masalalari qoʻmitasining ishchi guruhi Surxondaryo viloyati maktabgacha va xalq taʼlimi tizimida sifat samaradorligini yangi bosqichga olib chiqish hamda vakant boʻlgan xalq taʼlimi boʻlim mudirlari va maktab direktorlik lavozimlarni toʻldirish boʻyicha hududlarda amalga oshirilgan ishlar yuzasidan oʻrganishlarni boshladi. Xususan, joriy yilning 23-may kuni viloyatimizning Sariosiyo va Denov tumanlarida nodavlat maktabgacha taʼlim tashkilotlarining faoliyati, ularda amalga oshirilayotgan taʼlimning sifat samaradorligi,sogʻlom ovqatlantirish tartibi bilan tanishdi. Jumladan, Sariosiyo tumanida “Erkatoylar”va «Zolushka» nomli oilaviy nodavlat maktabgacha taʼlim tashkilotlarida olib borilayotgan taʼlim jarayonlari, tarbiyalanuvchilarga yaratilgan shart-sharoitlar, ularning intellektual salohiyatini rivojlantirish maqsadida tashkil etilgan toʻgaraklar faoliyati oʻrganildi. Denov tumanidagi “Kinderland kids” nomli davlat xususiy sherikchilik asosidagi nodavlat maktabgacha taʼlim tashkilotida tarbiyachilarning “Ilk qadam” davlat oʻquv dasturining mazmun-mohiyati, tarqatma materiallardan unumli foydalanish, ijodkorlik va markazlar faoliyatini muvofiqlashtirish, ish hujjatlarini yuritish holatlari koʻrib chiqildi. Oʻrganish jarayonida tadbirkorlarning nodavlat maktabgacha taʼlim tashkilotlarini tashkil etishdagi muammolari tinglandi hamda ularning taklif-mulohazalari ishchi guruh tomonidan qabul qilindi. Shuningdek, ishchi guruh Surxondaryo viloyati Boysun va Sherobod tumanlarida nodavlat maktabgacha taʼlim tashkilotlarining faoliyati, ularda amalga oshirilayotgan taʼlimning sifat samaradorligi,sogʻlom ovqatlantirish tartibi bilan tanishdi. Jumladan, Sherobod tumanida 19-sonli davlat va 86-sonli oilaviy nodavlat maktabgacha taʼlim tashkilotlarida olib borilayotgan taʼlim jarayonlari, tarbiyalanuvchilarga yaratilgan shart-sharoitlar, ularning intelektual salohiyatini rivojlantirish maqsadida tashkil etilgan toʻgaraklar faoliyati koʻrib chiqildi. Boysun tumanidagi “Kinder baby” nomli davlat xususiy sherikchilik asosidagi nodavlat maktabgacha taʼlim tashkilotida tarbiyachilarning “Ilk qadam” davlat oʻquv dasturining mazmun-mohiyati, tarqatma materiallardan unumli foydalanish, ijodkorlik va markazlar faoliyatini muvofiqlashtirish, ish hujjatlarini yuritish holatlari oʻrganildi.

Maktabgacha ta'lim vazirligi
Toshkent viloyatida boshlangan aholi bilan uchrashuvlarning soʻnggi manzili Boʻstonliq tumani boʻldi

Xabar qilganimizdek, Oʻzbekiston Respublikasi Prezidenti Administratsiyasi masʼul xodimlari boshchiligidagi 20 dan ziyod vazirlik va idoralar rahbarlari hamda mutasaddilari Toshkent viloyatining shahar va tumanlarida yashovchi fuqarolar bilan bevosita uchrashish, ularning muammolarini joyida hal etish, murojaatlarini oʻrganish boʻyicha boshlangan olti kunlik ommaviy sayyor qabullarning soʻnggi oltinchi kuni boʻlib oʻtmoqda. Ayni paytda Boʻstonliq tumani “Xoʻjakent” mahalla fuqarolar yigʻini hududida joylashgan “Xoʻjakent” pansionatida ommaviy sayyor qabullar boʻlib oʻtmoqda. Unda Boʻstonliq, Qibray tumanlari va Chirchiq shahardan  murojaatchilar kelishgan. Sayyor qabulda Oʻzbekiston Respublikasi Maktabgacha taʼlim vazirining oʻrinbosari Uzoqboy Begimqulov Oʻzbekiston Respublikasi Maktabgacha taʼlim vazirligining Taʼlim sifatini taʼminlash va innovatsion texnologiyalarni joriy etish boshqarmasi boshligʻi oʻrinbosari N.Ubaydullayeva, Davlat-xususiy sherikchiligi asosidagi loyihalarni monitoring qilish boʻlimi bosh mutaxassisi S.Xadjiyev, Toshkent viloyati Maktabgacha taʼlim boshqarmasi boshligʻi S.Baratova hamda maktabgacha taʼlim tizimi mutasaddilari fuqarolarni qabul qilishmoqda. Hozirgi vaqtgacha maktabgacha taʼlim sohasiga doir masalalar doirasida 7 nafardan oshiq fuqarolar mutasaddilar tomonidan qabul qilindi. Koʻtarilgan masalalar shu joyning oʻzida tegishli rahbarlar ishtirokida hal etilmoqda. Oʻrganish talab etiladigan masalalar tegishli masʼullar nazoratiga yoʻnaltirilib, muddati belgilab olindi. Qabulda Oʻzbekiston Respublikasi Maktabgacha taʼlim vazirining oʻrinbosari Uzoqboy Begimqulov ham ishtirok etib, murojaatchilar bilan yuzma-yuz muloqot qilmoqda hamda koʻtarilgan masalalar ijobiy yechimi yuzasidan tezkor choralar koʻriladigan boʻldi. Respublika miqyosida hal boʻladigan arzlar ham nazoratga olinib, qisqa vaqtda hal etish boʻyicha koʻrsatmalar berildi.   Bu kabi ommaviy sayyor qabullar davomida Davlatimiz rahbari tomonidan odamlarning murojaatlariga quloq tutish har bir mutasaddi rahbarning oldida turgan eng muhim vazifalardan biri sifatida qoʻyilayotganida chuqur maʼno va xalqning turmushini yaxshilashga qaratilgan ezgu maqsad mujassam ekanligi oʻz ifodasini topmoqda.

Вид сайта
Размер шрифта