Asqarxoʻjayeva Movluda Saidmuxammadzokir qizi — Oʻzbekiston Respublikasi Maktabgacha va maktab ta’limi vazirligi huzuridagi Maktabgacha ta’lim agentligi Axborot xizmati rahbari.
Asqarxoʻjayeva Movluda 1981-yilda Toshkent viloyatining Chinoz tumanida tugʻilgan, millati oʻzbek, oliy maʼlumotli. 2003-yilda Oʻzbekiston davlat jahon tillari universitetini hamda 2009-yilda Oʻzbekiston Respublikasi Prezidenti huzuridagi Davlat va Jamiyat qurilishi Akademiyasini tamomlagan. Shuningdek, 2020-yilda Oʻzbekiston jurnalistika va ommaviy kommunikatsiyalar universitetida magistr darajasiga ega boʻlgan.
2003-2004-yillarda — “Ruxshon MZM” masʼuliyati cheklangan jamiyat direktor;
2004-2004-yillarda — Oʻzbekiston Respublikasi Sport qoʻmitasi huzuridagi Respublika oliy mahorat maktabi tarjimoni;
2004-2004-yillarda — Badiiy gimnastika federatsiyasi ijrochi direktori;
2005-2007-yillarda — “Koinot qurilish” xususiy korxonasi kompyuter operatori;
2008-2009-yillarda — Madaniyat va sport ishlari vazirligiga qarashli Universal sport saroyi maʼmuri, direktor oʻrinbosari;
2009-2011-yillarda — Vazirlar Mahkamasi huzuridagi “Oʻzarxiv” agentligi “Hujjatlardan foydalanish va axborot xizmati” boʻlimi boshligʻi;
2011-2013-yillarda — Oʻzbekiston kino, surat va ovozli hujjatlar markaziy davlat arxivi direktor oʻrinbosari;
2013-2017-yillarda — Madaniyat va sport ishlari vazirligi Ijodkor yoshlar bilan ishlash boshqarmasi boshligʻi oʻrinbosari;
2017-2017-yillarda — Oʻzbekiston Respublikasi Madaniyat vazirligi Ijodkor yoshlar bilan ishlash boshqarmasi boshligʻi oʻrinbosari;
2017-2019-yillarda — Oʻzbekiston Respublikasi Madaniyat vazirligi Matbuot kotibi;
2019-2019-yillarda — Oʻzbekiston Respublikasi tashqi iqtisodiy faoliyat milliy banki Axborot xizmati boshligʻi;
2019 — 2020-yillarda — Oʻzbekiston Respublikasi Madaniyat vazirligi Axborot xizmati rahbari;
2020-2023-yillarda Oʻzbekiston Respublikasi Maktabgacha taʼlim vazirligi Axborot xizmati rahbari lavozimida faoliyati yuritgan.
2023-yildan Oʻzbekiston Respublikasi Maktabgacha va maktab ta’limi vazirligi huzuridagi Maktabgacha ta’lim agentligi Axborot xizmati rahbari.