Buxoroda yangi maktabgacha ta'lim tashkiloti o'z faoliyatini boshladi
Bolalik - beg‘ubor fasl. Unda kelgusi hayot uchun muhim zahiralar yaratiladi. Bu davrda inson umri davomida olajak bilim va ko‘nikmalarning salmoqli qismi olinadi. Agarda bu uchun muhim sharoitlar yaratilgan bo‘lsa. Kuni kecha Buxoro viloyati, Shofirkon tumanining Denov MFYda 34-sonli DMTT zamonaviy talablar asosida yangidan rekonstruksiya qilinib, foydalanishga topshirildi. Ushbu tantana qishloq ahli uchun haqiqiy bayramga aylandi. Tadbirda so‘zga chiqqan tuman hokimi N.Rahmonov maktabgacha taʼlim yo‘nalishida amalga oshirilayotgan chora-tadbirlar, foydalanishga topshirilayotgan zamonaviy maktabgacha taʼlim tashkilotlarining ahamiyatiga to‘xtalib, mazkur taʼlim maskani hududdagi qamrovning ortishi, bolajonlarning har tomonlama komil inson bo‘lib voyaga yetishlarida “maktab” bo‘lishini taʼkidladi. Mazkur MTT 150 o‘ringa mo‘ljallangan bo‘lib, ‘'Obod mahalla‘' dasturi asosida yo‘naltirilgan 2 milliard 322 ming so‘m mablag‘ evaziga “Shofirkon Jo‘ynav Qurilish” MCHJ bunyodkorlari tomonidan 4 oy davomida rekonstruktsiya qilindi. Zamon talablariga to‘la javob beradigan mazkur tashkilotda bolajonlar uchun barcha sharoitlar yetarli.
Samarqanddagi bog'chada "Ilg'angan nigoh" mavzusida seminar bo'lib o'tdi.
Samarqand shahar 60-DKTIMTTda "Ilg'angan nigoh" mavzusida seminar bo'lib o'tdi. Seminarda autizm belgilari va xususiyatlari haqida, Autizm sabablari va statistik ma'lumotlar haqida shifokorlar tomonidan taqdimot qilindi. Hozirgi kunda Samarqand shahar 60-DKTIMTTda 110 nafar tarbiyalanuvchilardan 20 nafari Autik spektrli bolalardir. Ular bilan olib boriladigan yangi texnologiyalar: ABA, XENLI, DENVER, FLOUR TIME kabi terapiyalarning qo'llanishi, ish tajribalari haqida tashkilot defektologlari ma'lumot berishdi. Hozirgi zamon asr muammosi bo'lib borayotgan autizm spektrli bolalar bilan olib boriladigan korreksion ishlar borasida savol-javoblar bo'ldi. Seminar yakunida ishtirok etgan mehmonlar o'z fikr-mulohazalarini bildirib, tashkil etilgan seminardan yangi bilim, nazariy va amaliy tajribalar olganliklarini bildirishdi.
Agentlikda navbatdagi huquqiy savodxonlik soati oʻtkazildi.
2023-yil 14-aprel kuni Maktabgacha taʼlim agentligi markaziy apparati xodimlari uchun navbatdagi huquqiy savodxonlik soati oʻtkazildi. Unda o‘tayotgan haftada qabul qilinib, e’lon qilingan muhim qonunchilik hujjatlari batafsil tushuntirildi. Huquqiy savodxonlik soati yakunida Oʻzbekiston Respublikasi Prezidenti huzuridagi Davlat xizmatini rivojlantirish agentligi tomonidan tayyorlangan haftaning muhim voqealari hamda davlat xizmatchilari uchun dolzarb mavzular haqida maʻlumot berib boruvchi “Siyosiy-maʻrifat soati” namoyish etildi.
Toshkent pedagogika kollejida "Ochiq dars" bo‘ldi
Kuni kecha Toshkent pedagogika kollejida “Maktabgacha ta’lim pedagogika” si fanidan ochiq dars bo‘lib o‘tdi. Unda agentlik xodimlari hamda kollej pedagoglari ishtirok etishdi. Ochiq dars mavzusi “Bola huquqlari to‘g‘risidagi konvensiya” bo‘lib, unda bo‘lajak pedagoglar, ya’ni kollej o‘quvchilari bola huquqlari va uni MTT faoliyatida qo‘llash, voyaga yetmagan bolalarning huquqiy manfaatlari qonun hamda xalqaro konvensiya bilan mustahkamlanganligi kabi bilimlarga ega bo‘lishdi. Ochiq dars yakunida erishilgan natijalar va dars jarayonidagi kamchiliklar haqida dars kuzatuvchilari tomonidan fikr va tavsiyalar berildi. Ma’lumot uchun: Ta’lim muassasasida hozirgi vaqtda 931 nafar o‘quvchi 5 ta kasb bo‘yicha kunduzgi, sirtqi, kechki, dual ta’lim shakllarida ta’lim olishmoqda.
QORAKO'L TUMANIDA BIR YO'LA 2 TA MAKTABGACHA TA'LIM TASHKILOTI FOYDALANISHGA TOPSHIRILDI
Kuni-kecha, Buxoro viloyati Qorako'l tumanida bir yo'la 2 ta maktabgacha ta'lim tashkiloti foydalanishga topshirildi. Binolarni foydalanishga topshirish marosimlarida O‘zbekiston Respublikasi Oliy Majlis Senatining Byudjet va iqtisodiy islohotlar masalalari qo‘mitasi raisi E.Gadoyev hamda tuman hokimligi va keng jamoatchilik vakillari ishtirok etishdi. Tumandagi Mirzaqal’a mahallasida 120 o‘ringa mo‘ljallangan 42-sonli DMTT yangidan barpo etildi, unda zamon talablari darajasida tibbiyot xonasi, oshxona, universal zal, yotoqxonalar hamda yozgi ayvonchalar bolajonlar uchun xizmat qilishga shay holatga keltirilgan. Quvonarlisi, ushbu ta’lim tashkilotning ish boshlashi bilan 25 ta yangi ish o‘rni yaratildi. Shu kunning o‘zida tumandagi 15-sonli DMTTning ham ochilish marosimi bo'lib o'tdi. Qulonchilik mahallasidagi bolajonlar quvonchiga quvonch qo‘shgan ushbu maktabgacha ta’lim tashkiloti o‘tgan yilgi “Tashabbusli budjet” loyihasi doirasida ajratilgan mablag‘ hisobiga mukammal ta’mirlandi. Avval 90 o‘rinli bo‘lgan eski bog‘cha mukammal ta’mirdan so‘ng 120 o‘rinli zamonaviy tashkilotga aylanib, guruhlar soni ham 3 tadan 4 taga yetkazildi. Shunday qilib tumanda faoliyat olib borayotgan davlat maktabgacha ta’lim tashkilotlari soni 42 taga yetdi. Xususiy maktabgacha ta’lim muassasalari soni bilan qo‘shib aytganda bu raqam 132 taga yetadi. Bugungi kunda yana 4 ta maktabgacha ta’lim tashkilotlarida qurilish ishlari olib borilmoqda. Eslatib o‘tamiz, bundan 5-6 yil avval tumanda maktabgacha ta’lim tashkilotlariga bolalarning qamrov darajasi bor-yo‘g‘i 18% ni tashkil qilgan bo‘lsa, bugungi kunda ushbu ko‘rsatgich 67 foizga yetdi. Joriy yil yakuni bilan bolalar qamrovini 80 foizdan oshirish bo‘yicha ishlar olib borilmoqda.
Maktabgacha ta'lim agentligi va O'zbekistondagi KOICA vakillari o'rtasida uchrashuv bo'lib o'tdi.
Joriy yilning 18-aprel kuni Maktabgacha ta'lim agentligida O'zbekistondagi KOICA vakillari va loyiha boshqaruvi bo'yicha koreys maslahatchilari bilan uchrashuv bo'lib o'tdi. Uchrashuvning maqsadi - "Toshkent shahrida koreys modeli bo'yicha kadrlar tayyorlash, o'qitish va rivojlantirish bo'yicha Kompleks markaz hamda Innovatsion davlat maktabgacha ta'lim tashkilotini qurish" loyihasini amalga oshirish masalalarini muhokama qilish bo'ldi. Uchrashuv davomida Koreya tomoni Maktabgacha ta'lim agentligi rahbariyatini qurilishi rejalashtirilgan obyektlar uchun qo'llanilishi mumkin bo'lgan dizayn variantlari bilan tanishtirdi. Mazkur loyiha doirasida O'zbekiston va Koreyaning ixtisoslashgan mutaxassislaridan iborat maktabgacha ta'lim Kengashini shakllantirish zarurligi alohida qayd etildi.
ISLOM TARAQQIYOT BANKI bilan hamkorlikdagi loyiha UMUMIY XARIDLAR HAQIDA E’LON DAVLAT: O‘zbekiston Respublikasi LOYIHA NOMI: Nodavlat maktabgacha ta’lim muassasalari tarmog‘ini davlat-xususiy sheriklik asosida rivojlantirish SEKTOR: Ta'lim Moliyalashtirish usuli: Installment sale Moliyalashtirish raqami № UZB1018 O‘zbekiston Respublikasi “Nodavlat maktabgacha ta’lim muassasalari tarmog‘ini davlat-xususiy sheriklik asosida rivojlantirish” loyihasini amalga oshirish uchun Islom taraqqiyot bankidan 30,0 million AQSh dollariga teng mablag‘lar uchun ariza berdi. Loyiha doirasida mablag‘ning bir qismi tovarlar, ishlar, tegishli xizmatlar va konsalting xizmatlar xaridi uchun qo‘llaniladi. Ushbu loyiha Islom taraqqiyot banki tomonidan moliyalashtiriladi. Loyiha quyidagi tarkibiy qismlarni o'z ichiga oladi: 1-komponent. Maktabgacha ta'lim qamrovini kengaytirish. Ushbu komponent bo'yicha xususiy hamkorlar o'rnatilgan mahalliy amaliyotiga muvofiq tanlanadi. Komponent 2. Maktabgacha ta'lim sifatini oshirish tizimi va salohiyatini oshirish. Birlashgan Millatlar Tashkiloti Agentligi ushbu komponent uchun yagona manba tanlash (SSS) asosida jalb qilinadi. Komponent 3. Loyiha boshqaruvini qo'llab-quvvatlash. Ushbu komponent bo'yicha jihozlar, mebellar va transport vositalarini yetkazib berish uchun pudratchilar “shopping” tartibi orqali tanlanadi. Komponent 4. Moliyaviy audit bo'yicha maslahatchi. Ushbu Komponent bo'yicha maslahat xizmatlari mahalliy qisqa ro'yxatga kiritilgan konsalting firmalari orasidan eng kam xarajat tanlash (LCS) usuli orqali tanlanadi. Komponent 5. Texnik ko'rib chiqish va monitoring bo'yicha maslahatchi. Ushbu Komponent bo'yicha maslahat xizmatlari mahalliy qisqa ro'yxatga kiritilgan konsalting firmalari orasidan eng kam xarajat tanlash (LCS) usuli orqali tanlanadi. Islom taraqqiyot banki tomonidan moliyalashtiriladigan kontraktlarni xarid qilish Islom taraqqiyot banki loyihalarini moliyalashtirish doirasida tovarlar, ishlar va tegishli xizmatlarni xarid qilish bo‘yicha yo‘riqnomada (2019-yil aprel nashri) belgilangan tartiblar bo‘yicha amalga oshiriladi va barcha yo'riqnomada ko'rsatilganidek, tender ishtirokchilari uchun ochiqdir. Konsalting xizmatlari Islom taraqqiyot banki loyihalarini moliyalashtirish doirasida maslahatchi xizmatlarini xarid qilish bo‘yicha yo‘riqnomaga (2019-yil aprel nashri) muvofiq tanlanadi. Konsalting xizmatlarini koʻrsatish boʻyicha shartnomalar boʻyicha qiziqish bildirish soʻrovi (REOI) ular mavjud boʻlganda Oʻzbekiston Respublikasi Maktabgacha taʼlim va maktab taʼlimi vazirligining rasmiy veb-saytida hamda O'zbekiston Respublikada tirajlanadigan bitta gazetada eʼlon qilinadi. Yuqorida qayd etilgan loyiha boʻyicha tovarlar, ishlar va konsalting xizmatlarini taqdim etishda ishtirok etish istagida boʻlgan yoki qoʻshimcha maʼlumotga muhtoj boʻlgan manfaatdor firma va jismoniy shaxslar Benefisiarga quyidagi manzil boʻyicha murojaat qilishlari kerak: O‘zbekiston Respublikasi Maktabgacha va maktab ta’limi vazirligi F.I.Sh. va lavozimi: Oyattillo Raxmatillayev, (direktor birinchi o‘rinbosari) Manzil: 100070, Toshkent shahri, Mirobod tumani, Amir Temur ko'chasi, 17-uy. Telefon: +998 71- 207-04-07 E-mail: devon@mpe.uz Veb-sayt: www.mpe.uz
Tasdiqlangan yillik xarajatlar smetasi va uning 2023-yil I chorak ijrosi
Тасдиқланган 2023 йил 1-чорак харажатлар сметаси ва ижроси (ПҚ-6247).xlsx Тасдиқланган 2023 йил 1-чорак харажатлари сметаси ва ижроси (3299).xlsx
Maktabgacha ta'lim agenligining 2023-yil I chorak moliyaviy hisobotlari
Молиявий ҳисобот 2023 й 1-чорак.pdf МТТ учун бюджетдан молиялаштирилган маблағлар 4.pdf МТТ учун бюджетдан молиялаштирилган маблағлар 5.pdf
МТТ учун бюджетдан молиялаштирилган маблағлар 1.pdf МТТ учун бюджетдан молиялаштирилган маблағлар 2.pdf МТТ учун бюджетдан молиялаштирилган маблағлар 3.pdf