9-oylik-hisobot
Tender № 2021/2 Mahsulot nomi: Davlat maktabgacha taʼlim tashkilotlari uchun gilamlar. Xarid qilinadigan mahsulot nomi, tenderning maksimal qiymati va garov summasi quyidagicha: Xarid qilinadigan mahsulot nomiSoniTenderning maksimal qiymatiGarov maksimal summasii( 0,5% )Gilamlar (butun Respublika bo’ylab)Xarid qilinadigan tovarlar ro’yxati4 484 976 000,022 424 880,0 Tender oʻtkazilish manzili: Oʻzbekiston Respublikasi, Toshkent shahri, Mirobod tumani, Amir Temur xiyoboni, 17-uy, tel.: (90) 126-52-21 Qatnashuvchilarga qoʻyiladigan talablar: Mahsulot yetkazib berish tajribasiga ega boʻlgan ishlab chiqaruvchilar (yetkazib beruvchilar) tenderda ishtirok etishlari mumkin. Tenderning ishchi organi: “VALSTATЕX” MCHJ. Ishchi organ xodimi bilan aloqa raqami: I. M. Mavlyanova, tel.: (+998 93) 399-33-53 e-mail: info@valstatex.uz. Tender hujjatlari boʻyicha toʻliq maʼlumotlarni http://xarid.uz/fillingform. portali orqali olishingiz mumkin. Takliflarni taqdim etishning oxirgi muddati va sanasi: Tender takliflari ishchi organi tomonidan maxsus axborot portalida koʻrsatilgan muddatga qadar qabul qilinadi. Tender eʼlon qilingandan soʻng ishtirokchi bir donadan tovar naʼmunasi topshirishi kerak. Namuna topshiri manzili: Toshkent shahar, Yashnabod tumani, Oqdaryo koʻchasi 122 uy. Belgilangan muddatga qadar namunalarni topshirmagan ishtirokchilar tenderdan chetlashtiriladi (diskvalifikatsiya) qilinadi. Tender taklifini loyihalashga qoʻyiladigan talablar: - tender ishtirokchisi faqat bitta tender taklifini taqdim etishi mumkin; - tender taklifiga kiritilgan barcha hujjatlar rus yoki oʻzbek tillarida tayyorlanishi kerak; - tender taklifi quyidagi manzil boʻyicha taqdim etiladi: 100015, Toshkent shahar, Mirobod tumani, Nukus koʻchasi, 89-uy, “VALSTATEX” MChJ. Qabul uchun masʼul Mavlyanov I.M., tel.: (+998 93) 399-33-53. Tender hujjatlarining elektron versiyasi maxsus axborot portalida joylashtirilgan.
Puchon Universiteti qabul komissiyasi sirtqi bo’limga abituriyentlar qabulini o’tkazadi
2021-yil 22-noyabrdan 10-dekabrgacha Toshkent shahridagi Puchon Universiteti qabul komissiyasi sirtqi bo’limga abituriyentlar qabulini o’tkazadi. №Fakultet nomiShartnoma summasiO’qish muddatiTa’lim tili1Maktabgacha ta’lim1 100 $3 yilrus/ o’zbek2Arxitektura1 400 $4 yilrus/ o’zbek3Biznes boshqaruvi1 400 $4 yilingliz Qabul shartlari: Sirtqi bo’limida kirish imtihonlari o’tkazilmaydi. Reyting attestat/diplom baholariga qarab tuziladi. Bir xil baholar yig'ilgan holatda, ustunlik ko’proq ish tajribasiga ega bo'lgan nomzodlarga beriladi. Kerakli hujjatlar: Pasport nusxasi;O'rta ma'lumot to'g'risidagi attestat/diplom nusxasi;Attestat/diplom baholar ilovasi nusxasi; Ish beruvchining tavsiyanomasi (tashkilot blankida, matn erkin shaklda);Mehnat faoliyati to'g'risidagi ЕНСТ (YMMT) dan ko'chirma;3x4 rasm;100.000 so’m ro’yxatdan o’tish to’lovi. Muhim: Hujjatlardan tashqari abituriyentlar tegishli sohada kamida uch yillik ish tajribasiga ega bo‘lishlari kerak. Hujjatlarni qabul qilish shartlari: 1) o’rta ma’lumotning mavjudligi; 2) tanlangan yo’nalish bo’yicha ish tajribasining mavjudligi; 3) tanlangan yo’nalish bo’yicha joriy bandlik. Hujjatlarni topshirish tartibi: Hujjatlarni topshirish offline va online tarzda amalga oshiriladi. Hujjatlarni offline topshirish uchun ushbu manzilga kelishingiz mumkin: Toshkent, Chilonzor tumani, 17-mavze, Qatortol-2 ko’chasi, 38А uy (sobiq Y.Rajabiy nomidagi pedagogika kolleji, mo’ljal: shahar bojxonasi, Singapur menejmentni rivojlantirish instituti). Qabul vaqti: dushanba - shanba, 10:00 - 17:00. Hujjatlarni online topshirish uchun: universitet saytida (www.bucheon.uz) telefon raqamni tasdiqlash;shaxsiy kabinetda ariza to’ldirish va barcha kerakli hujjatlarni yuklash;ro’yxatdan o’tish to’lovini bank, “Apelsin” ilovasi orqali yoki Universitetda amalga oshirish;shaxsiy kabinetga to’lov kvitansiyani joylashtirish. Universitet xodimlari muvaffaqiyatli ro'yxatdan o'tganligi to'g'risida abituriyentga xabar beradi. Arizalarni online yuborish jarayoni 24 soat ishlaydi. Yuborilgan hujjatlarni ko'rib chiqish dushanbadan shanbagacha, soat 10:00 dan 17:00 gacha amalga oshiriladi. Darslarning o’tkazilish tartibi: Darslar yanvar va iyun oylarida offline tarzda o’tadi (3 haftadan, dushanbadan jumagacha). O’qishni tugatish va diplom. Sirtqi bo‘limda o‘qishni muvaffaqiyatli tamomlagan talabalarga Toshkent shahridagi Puchon Universitetining bakalavr diplomi beriladi. Savollar bo’yicha qabul komissiyasiga murojaat qiling: +998781504002, +998951963601.
Ijtimoiy tarmoqlarda Yakkasaroy tumanidagi 100-sonli MTTni rekonstruksiya qilish kechikayotgani haqida xabarlar tarqaldi. Ushbu holat boʻyicha quyidagilarni maʼlum qilamiz: Mazkur obyektlar hududida qurilishi belgilangan yangi binolar oʻrnida jami 32 dona mevali va manzarali daraxtlar mavjudligi aniqlangan. Oʻzbekiston Respublikasi Vazirlar Mahkamasining 2019 yil 17 yanvardagi 43-sonli qarorining 39 bandiga asosan davlat byudjetidan moliyalashtiriladigan maktabgacha taʼlim, umumiy oʻrta va oʻrta maxsus taʼlimi hamda kasb-hunar taʼlimi muassasalarida daraxtlar va butalarni kesish yoki sanitariya maqsadida kesish ishlari mahalliy davlat hokimiyati organlari tomonidan amalga oshirilishi koʻrsatib oʻtilgan. Shuningdek, Oʻzbekiston Respublikasi Prezidentining 2019 yil 30 oktyabrdagi PF 5863-son farmoni hamda joriy yilning avgust oyida oʻtkazilgan videoselektor yigʻilishida berilgan topshirigʻiga koʻra, daraxtlarni kesishga moratoriy 2024 yilga qadar uzaytirishi va javobgarlik keskin kuchaytirilishi hamda viloyat markazlarida ekologiya politsiyasi tashkil etilishi maʼlum qilindi. Ushbu daraxtlarni boshqa joyga koʻchirish va kesish boʻyicha Toshkent shahar hokimligiga hamda Ekologiya va atrof-muhitni muhofaza qilish davlat qoʻmitasining Toshkent shahar boshqarmasiga bir necha marotaba yozma murojaat etilishiga qaramasdan amaliy yordam koʻrsatilmagan. Bundan tashqari MTT binosi yaroqsiz holda boʻlganligi sababli toʻliq buzish(snos) ishlari Maktabgacha taʼlim boshqarmasi tomonidan belgilangan muddatdan 3 oyga kechiktirib bajarilgan. Natijada qurilish-montaj ishlari ishlab chiqilgan tarmoq jadvaliga nisbatan kechiktirib boshlangan.
Oʻzbekiston Respublikasi Maktabgacha taʼlim vazirligi tomonidan davlat koʻp tarmoqli ixtisoslashtirilgan maktabgacha taʼlim tashkilotlarini jihozlash dasturi doirasida Respublikada barcha davlat koʻp tarmoqli ixtisoslashtirilgan maktabgacha taʼlim tashkilotlarini zarur zamonaviy jihozlar bilan jihozlash bosqichma-bosqich amalga oshirilmoqda. Ushbu turdagi maktabgacha taʼlim tashkilotlarining faoliyati nogiron bolalarni, shu jumladan eshitish qobiliyati zaif bolalarni oʻqitish, tarbiyalash va reabilitatsiya qilish uchun shart-sharoitlarni yaratishga qaratilgan. Oʻzbekiston Respublikasi Maktabgacha taʼlim vazirligi hamda “Zamin” xalqaro jamoat fondi tomonidan bolalarning yoshligidanoq eshitish nuqsonlarini oʻz vaqtida tuzatish, eshitish nuqsonlari boʻlgan bolalarni davlat koʻp tarmoqli ixtisoslashtirilgan maktabgacha taʼlim tashkilotlarida oʻqitish va tarbiyalash uchun maqbul shart-sharoitlarni taʼminlash zarurligini inobatga olgan holda Oʻzbekiston Respublikasi Vazirlar Mahkamasi huzuridagi Tibbiy va ijtimoiy xizmatlarni rivojlantirish agentligi va Maktabgacha taʼlim vazirligi hamkorligida “Eshitmoqchiman!” loyihasi amalga oshirilmoqda. Xususan, 2021-yil 23 va 24-noyabr kunlari 442-sonli, 46-sonli, 404-sonli davlat koʻp tarmoqli ixtisoslashtirilgan maktabgacha taʼlim muassasalari tarbiyalanuvchilarini zamonaviy eshitish apparatlari bilan taʼminlash chora-tadbirlari koʻrilmoqda. Oʻzbekiston Respublikasi Vazirlar Mahkamasi huzuridagi Tibbiy-ijtimoiy xizmat koʻrsatishni rivojlantirish agentligi tomonidan “Zamin” xalqaro jamoat fondi koʻmagida yangi avlod eshitish apparatlari xarid qilindi. Shuningdek, ayni paytda Maktabgacha taʼlim vazirligi tomonidan “Zamin” xalqaro jamoat fondi koʻmagida davlat koʻp tarmoqli ixtisoslashtirilgan maktabgacha taʼlim tashkilotlarining audio sinflarini (FM tizimlari) jihozlash uchun ilgʻor yuqori texnologiyali uskunalar xarid qilish jarayoni amalga oshirilmoqda.
Maktabgacha taʼlim vazirligida OAV xodimlari bilan ochiq muloqot boʻlib oʻtdi
Bugun Oʻzbekiston Respublikasi maktabgacha taʼlim vazirligi binosida OАV vakillari uchun “Maktabgacha taʼlim sohasidagi islohotlar samarasi 4 yil ichida” mavzusida ochiq muloqot hamda 9-dekabr “Xalqaro korrupsiyaga qarshi kurashish kuni” munosabati bilan vazirlikda “Ochiq eshiklar kuni” tashkil etildi. Unda maktabgacha taʼlim sohasida 2017-2021 yillar davomida amalga oshirilayotgan islohotlar, sohaga kiritilgan innovatsion pedagogik texnologiyalar, qamrovni oshirish yuzasidan olib borilayotgan samarali ishlarning natijalari nodavlat sektorining ulushi, bir yillik majburiy maktabgacha tayyorlovning maqsadi va natijadorligi hamda hamkorlik doirasida olib borilayotgan islohotlar yuzasidan ommaviy axborot vositalariga bayonot berildi. Oʻzbekistonda 35 mln. aholi istiqomat qilib, shundan 2,8 mln.ni 3 yoshdan 7 yoshgacha boʻlgan bolalar boʻlib, bunda aholining yillik oʻsishi 800 ming bolaga toʻgʻri keladi, mamlakatimizda 3-7 yoshdagi bolalarni maktabgacha taʼlim tashkilotlariga qamrab olish borasida keng koʻlamli ishlar amalga oshirilayotganligi taʼkidlandi. Bugungi kunda 3-7 yoshli bolalarning umumiy sonidan (2,8 mln.) 1 829 328 bola (2017 yilda – 708 247; 2018 yilda – 932 310; 2019 yilda – 1 413 290; 2020 yilda – 1 699 566 bola) yoki maktabgacha yoshdagi aholining 64,9 foizi maktabgacha taʼlim bilan qamrab olindi (2017 yilda – 27,7%; 2018 yilda – 37,7%; 2019 yilda – 52,3%; 2020 yilda –60,9%). Shu bilan birga 2021 yil 3 chorak yakuniga koʻra Oʻzbekiston Respublikasida 24 922 ta maktabgacha taʼlim tashkiloti (2017 yilda – 5 211 ta; 2018 yilda – 7 104 ta; 2019 yilda – 13 530 ta; 2020 yilda – 18 254 ta), shu jumladan 6 382 ta davlat va 18 540 ta nodavlat, shu jumladan 803 ta xususiy, 16 646 ta oilaviy va DXSH doirasida 1 091 ta nodavlat MTT faoliyat koʻrsatmoqda. Yuqoridagi maʼlumotlar esa, foizlar koʻrsatkichi yildan-yilga ortib borganini koʻrsatadi. Bundan tashqari, “Oʻzbekiston Respublikasi Maktabgacha taʼlim tizimini 2030 yilgacha rivojlantirish konsepsiyasini tasdiqlash toʻgʻrisida”gi Oʻzbekiston Respublikasi Prezidentining qaroriga muvofiq, 2030 yilga kelib maktabgacha taʼlimga bolalarning 80,8 foizini qamrab olish rejalashtirilgan. Ochiq muloqotda Korrupsiya agentligining vakili Mamanov Sardorjon ishtirok etib, Maktabgacha taʼlim vazirligi bilan hamkorlikda amalga oshirilayotgan ishlar haqida maʼlumot berdi. Tadbir yakunida OAV vakillari oʻzlarini qiziqtirgan savollarga vazirlik masʼullaridan javoblar olishdi. Maktabgacha taʼlim vazirligi Axborot xizmati
Maktabgacha taʼlim vazirligida onlayn seminar boʻlib oʻtdi
2021-yil 30-noyabr kuni Maktabgacha taʼlim vazirligida “Oʻzbekiston Respublikasi va Koreya Respublikasida shaxsga yoʻnaltirilgan taʼlim va oʻyin oʻrganish amaliyoti” mavzusida onlayn seminar boʻlib oʻtdi. Ushbu seminar KOICAning Oʻzbekistondagi vakolatxonasi koʻmagida Koreya Respublikasining Sunchunxyan ilmiy-tadqiqot markazi va Sunchunxyan oliy taʼlim maktabi professor-oʻqituvchilari hamda taʼlim ekspertlari ishtirokida tashkil etildi. Seminarda Oʻzbekiston maktabgacha taʼlim sohasining 40 dan ortiq vakillari, xususan, vazirlik markaziy apparati xodimlari, hududiy boshqarma va maktabgacha taʼlim boʻlimlari masʼul xodimlari, shuningdek, direktorlar, metodistlar va pedagog xodimlar ishtirok etdi. Seminar yakunida tinglovchilarga tegishli sertifikatlar topshirildi.
Vazirlar Mahkamasining “Davlat maktabgacha taʼlim tashkilotlarida sogʻlom ovqatlantirish tizimini takomillashtirishning qoʻshimcha chora-tadbirlari toʻgʻrisida” 2021-yil 30-iyundagi 407-son qaroriijrosini taʼminlash maqsadida Maktabgacha taʼlim vazirining “Davlat maktabgacha taʼlim tashkilotlarida sogʻlom ovqatlantirish tizimini takomillashtirishning qoʻshimcha chora-tadbirlari toʻgʻrisida” 2021-yil 5-iyuldagi 123-sonli buyrugʻi qabul qilinib tanlov eʼlon qilingan. Yuqorida keltirilgan topshiriqlar ijrosini taʼminlash maqsadida Maktabgacha taʼlim vazirligi tomonidan respublikada 1576 ta davlat maktabgacha taʼlim tashkilotlarida bolalarni ovqatlantirishni autsorsing usulida tashkil etish uchun 342 ta lotlar boʻyicha, xususan Qoraqalpogʻiston Respublikasida 8 ta lotlar (1-8 lotlar) boʻyicha 28 ta davlat maktabgacha taʼlim tashkilotlari uchun tanlov eʼlon qilingan. Tanlovda ishtirok etish uchun joriy yilning 29 oktyabr holatiga respublika boʻyicha jami 310 nafar, xususan Qoraqalpogʻiston Respublikasi boʻyicha 19 nafar tadbirkorlar tomonidan hujjatlar kelib tushgan. Tanlov komissiyasining raisi tomonidan tanlovni oʻtkazish jarayoni Vazirlar Mahkamasining 2021 yil 30 iyundagi 407-son qarori bilan tasdiqlangan Tanlov hujjatlari asosida tashkil etilishi taʼkidlab oʻtildi hamda ishtirokchilarni tanlovni oʻtkazish tartibi bilan tanishtirildi. Qoraqalpogʻiston Respublikasida tanlovga qoʻyilgan 8 ta lotlar (1-8 lotlar) boʻyicha 28 ta davlat maktabgacha taʼlim tashkilotlari hamda tanlovda ishtirok etish uchun hujjat taqdim etgan 19 nafar tadbirkorlar toʻgʻrisida maʼlumot berildi. Tanlovga qoʻyilgan 4-lotga 1 ta, 5-, 6-lotga umuman taklif kelib tushmaganligi sababli lotlar oʻynalmadi. noyabr-kochirmaСкачать
Vazirlar Mahkamasining “Davlat maktabgacha taʼlim tashkilotlarida sogʻlom ovqatlantirish tizimini takomillashtirishning qoʻshimcha chora-tadbirlari toʻgʻrisida” 2021-yil 30-iyundagi 407-son qaroriijrosini taʼminlash maqsadida Maktabgacha taʼlim vazirining “Davlat maktabgacha taʼlim tashkilotlarida sogʻlom ovqatlantirish tizimini takomillashtirishning qoʻshimcha chora-tadbirlari toʻgʻrisida” 2021-yil 5-iyuldagi 123-sonli buyrugʻi qabul qilinib tanlov eʼlon qilingan. Yuqorida keltirilgan topshiriqlar ijrosini taʼminlash maqsadida Maktabgacha taʼlim vazirligi tomonidan respublikada 1576 ta davlat maktabgacha taʼlim tashkilotlarida bolalarni ovqatlantirishni autsorsing usulida tashkil etish uchun 342 ta lotlar boʻyicha, xususan Buxoro viloyati 16 ta lotlar (41-56 lotlar) boʻyicha 59 ta davlat maktabgacha taʼlim tashkilotlari uchun tanlov eʼlon qilingan. Tanlovda ishtirok etish uchun joriy yilning 29 oktabr holatiga respublika boʻyicha jami 310 nafar, xususan Buxoro viloyati boʻyicha 13 nafar tadbirkorlar tomonidan hujjatlar kelib tushgan. Tanlov komissiyasining raisi tomonidan tanlovni oʻtkazish jarayoni Vazirlar Mahkamasining 2021 yil 30 iyundagi 407-son qarori bilan tasdiqlangan Tanlov hujjatlari asosida tashkil etilishi taʼkidlab oʻtildi hamda ishtirokchilarni tanlovni oʻtkazish tartibi bilan tanishtirildi. Buxoro viloyatida tanlovga qoʻyilgan 16 ta lotlar (41-56 lotlar) boʻyicha 59 ta davlat maktabgacha taʼlim tashkilotlari hamda tanlovda ishtirok etish uchun hujjat taqdim etgan 13 nafar tadbirkorlar toʻgʻrisida maʼlumot berildi. Tanlovga qoʻyilgan 47,49,50,51,52,53,54,55,56 lotlarga umuman taklif kelib tushmaganligi sababli lotlar oʻynalmadi. Buxoro-viloyatСкачать