2020-yilning 6-noyabr kuni Maktabgacha taʼlim vazirligi uyushtirgan press-tur doirasida Toshkent viloyatidagi 4 ta MTT hamda Oʻrta Chirchiq tumanidagi pedagogika kollejiga tashrif buyurildi.Toshkent viloyatida 789 ta maktabgacha taʼlim tashkiloti, jumladan, 481 ta davlat, 26 ta idoraviy, 112 ta xususiy, 18 ta DXSH asosidagi va 152 ta oilaviy maktabgacha taʼlim tashkiloti mavjud. 2020-yilning 3-choragi holatiga koʻra, Toshkent viloyatida maktabgacha taʼlimga bolalarni qamrab olish koʻrsatkichi 49,5% ni tashkil etdi (2017-yilda 27,2%). Joriy yil oxiriga qadar MTV ushbu koʻrsatkichni 57,4% ga oshirishni rejalashtirmoqda. Oʻtgan uch yil mobaynida Toshkent viloyatida maktabgacha taʼlim tashkilotlari soni 1,8 barobar oshdi.“Oltin baliqcha» 12-sonli maktabgacha taʼlim tashkiloti, Toshkent viloyatiKeles shahrida joylashgan 12-sonli «Oltin baliqcha” MTT 2020 da ishga tushirildi. Yangi MTT sobiq tuman sud binosida joylashgan. Mazkur inshoot Maktabgacha taʼlim vazirligi balansiga olinib, “Anglesey Food” YAT MCHJ (korzinka.uz) homiyligida rekonstruksiya qilindi. Quvvati 480 oʻrin, yaratilgan ish oʻrinlari soni 25 tani tashkil etadi. Toʻla vaqtli guruhlardan tashqari, 12-sonli MTTda 6 yoshli bolalarni maktabga tayyorlash boʻyicha bepul qisqa muddatli guruhlar faoliyati tashkil etilgan.MDO va “Anglesey Food” YAT MCHJ oʻrtasidagi hamkorlik bu hayriya faoliyati shaklidagi davlat-xususiy sherikligidir (DXSH).“Aqlvoy” mobil MTT, Yangiyoʻl tumaniYangiyoʻl tumanida “Isuzu” avtobusi vositasida mobil MTT faoliyat yuritadi. Kun davomida, avtobus manzillarga boradi va 3 yoshdan 7 yoshgacha boʻlgan bolalarni qamrab oladi. Oʻqituvchilar oʻquvchilar bilan turli yosh guruhlari uchun moʻljallangan dastur boʻyicha ish olib boradilar, avtobus marshrutining har bir nuqtasi toʻsiqlar, kursi, argʻimchoq, oʻyingoh va bolalar maydonchalari bilan jihozlangan.“Aqlvoy” mobil MTT oddiy maktabgacha taʼlim tashkilotlari boʻlmagan chekka qishloq joylarida faoliyat koʻrsatadi.24-sonli MTT, Quyi Chirchiq tumaniQuyichirchiq tumani 24-sonli MTT idoralararo hamkorlik doirasida Oʻzbekiston davlat bojxona qoʻmitasi koʻmagida qurilgan. MTT quvvati 160 oʻrin, yaratilgan ish oʻrinlari soni 30 tani tashkil etadi.“Erudit kids planet”, Nurafshon shahar“Erudit kids planet” 100 oʻrinli oilaviy maktabgacha taʼlim tashkilotidir. MTTda 15 nafar oʻqituvchi va maʼmuriy xodimlar faoliyat koʻrsatib, toʻgaraklar tashkil etilgan.MTTda barcha belgilangan havfsizlik choralari koʻrilgan: niqob rejimi va ijtimoiy masofa saqlashga rioya etiladi, bolalar va xodimlar ertalab tekshiruvdan oʻtkaziladi hamda harorat kuniga ikki marta oʻlchanadi. Guruhlarda tozalash kuniga 4-marta amalga oshiriladi, binolar jadvalga muvofiq shamollatiladi.Toshkent viloyat pedagogika kollejiToshkent viloyat pedagogika kolleji dual taʼlim joriy etilgan birinchi oʻquv yurti boʻladi. Kollej oʻquvchilari akademik bilim olish bilan parallel ravishda bolalar bilan ishlash boʻyicha amaliy koʻnikmalarni rivojlantiradilar. Shu maqsadda kollejda 240 nafar oʻquvchiga moʻljallangan yangi davlat maktabgacha taʼlim tashkiloti qurildi.Dual taʼlim modelining anʼanaviy taʼlimga nisbatan ustunligi undagi nazariya va amaliyotning mustahkam bogʻliqligidadir. Oʻquvchilar oʻrganayotgan narsalari va olgan maʼlumotlarini oʻz ishlariga qanday tatbiq etish mumkinligini biladilar. Bunday yondashuv natijasida maktabgacha taʼlim tizimi nafaqat pedagogik bilimlarni oʻzlashtirgan, balki bolalar bilan ishlashni biladigan oʻqituvchilarga ham ega boʻladi.MTV mamlakatimiz boʻylab 97 ta pedagogika kollejida dual taʼlim tizimini joriy etmoqda. Kollejlardagi maktabgacha taʼlim tashkilotlari bepul bir yillik maktabga tayyorlov, shuningdek, oʻrnatilgan tartibda boshqa taʼlim xizmatlarini koʻrsatishni amalga oshiradi.
Tashqi qarz mablagʻlari hisobidan barpo etilayotgan maktabgacha taʼlim tashkilotlari
Hukumat qaroriga (PQ-4883, 6 noyabrь, 2020 yil) muvofiq, Oʻzbekiston Respublikasi Maktabgacha taʼlim vazirligiga Islom taraqqiyot banki (ITB), Quvayt Arab Iqtisodiyot Jamgʻarmasi mablagʻlarini jalb qilish evaziga maktabgacha taʼlim sohasida istiqbolli investitsiya loyihalarini amalga oshirish uchun rivojlanish (KFAED) va OPEK Xalqaro taraqqiyot jamgʻarmasi (OPEK jamgʻarmasi) hisobidan amalga oshirish vazifasi yuklatilgan.Ushbu loyihalarni tashqi davlat qarzi hisobidan 70 million AQSh dollari miqdorida amalga oshirish rejalashtirilgan, shundan 30 millioni ITBga, 20 million – KFAED va 20 million – OPEK jamgʻarmasiga toʻgʻri keladi.Ushbu qarz mablagʻlari hisobiga respublika boʻylab davlat-xususiy sheriklik asosida tashkil etilgan nodavlat maktabgacha taʼlim tashkilotlari sonini koʻpaytirish rejalashtirilgan. Shunday qilib, mamlakatimizda umumiy quvvati 28,5 ming oʻrindan ortiq boʻlgan 250 dan ortiq nodavlat maktabgacha taʼlim tashkilotlari quriladi.2021 yil dekabrь holatiga:KFAED bilan hamkorlikdagi loyiha:Loyiha kontseptsiyasi investorlarga taqdim etildi va ular bilan muzokaralar olib borildi. KFAED Direktorlar Kengashi tomonidan loyihani moliyalashtirish maʼqullandi.Hozirgi kunda investorning Oʻzbekistonga tashrifi kutilmoqda. Tashrif davomida loyihani amalga oshirish boʻyicha Qarz bitimi imzolanishi rejalashtirilgan.ITB bilan hamkorlikdagi loyiha:Loyiha kontseptsiyasi investorlarga taqdim etildi va ular bilan muzokaralar olib borildi. Loyihani baholash maqsadida ITB vakillari tomonidan savolnoma yuborildi. MTV tomonidan savolnoma boʻyicha toʻliq maʼlumotlar taqdim etildi.Hozirgi kunda loyihani moliyalashtirish masalasi ITB Direktorlar Kengashi tomonidan oʻrganib chiqilmoqda.OPEK jamgʻarmasi bilan hamkorlikdagi loyiha:Loyiha kontseptsiyasi investorlarga taqdim etildi va ular bilan muzokaralar olib borildi. Loyihani oʻrganish ishlari investor tomonidan 2022 yilda oʻtkazilishi rejalashtirilgan.Barcha XMI/XHMI qarz mablagʻlarini (kredit) jalb qilish boʻyicha olib borilayotgan ishlar Investitsiyalar va tashqi savdo vazirligi bilan hamkorlikda olib borilmoqda.
Taraqqiyot strategiyasida taʼlim sifatini oshirish boʻyicha belgilangan vazifalar doirasida 2022-yilda qator ishlar amalga oshiriladi. Bu haqda “Yangi Oʻzbekistonning 2022–2026-yillarga moʻljallangan taraqqiyot strategiyasi toʻgʻrisida”gi prezident farmoni loyihasida soʻz boradi. Xususan, 1-apreldan boshlab nodavlat maktabgacha taʼlim tashkilotlariga, maktablarga farzandlarini yuborayotgan ota-onalarning 3 million soʻmgacha boʻlgan toʻlovlari daromad soligʻidan ozod etilishi kutilmoqda.Batafsil: http://2022-2026.strategy.uz/farmonuz.php