Riskulova Kamola Djummayevna - Oʻzbekiston Respublikasi Maktabgacha taʼlim vazirligi Maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi. Riskulova Kamola 1984-yilda Toshkent shahrida tugʻilgan, millati oʻzbek, oliy maʼlumotli. 2004-yilda Oʻzbekiston davlat jahon tillar universitetini tamomlagan. 2003-2006-yillarda - Toshkent pedagogika kollejida ingliz tili oʻqituvchisi; 2010-2011-yillarda - Oydin hayot Respublika sogʻlom turmush tarzini targʻib qilish markazi ilmiy xodimi; 2011-2014-yillarda - Oʻzbekiston davlat jahon tillari universiteti ingliz tili fonetikasi va fonologiyasi kafedrasi dotsenti; 2015-2017-yillarda - Oʻzbekiston davlat jahon tillari universiteti, pedagogika va psixologiya kafedrasi katta ilmiy xodim izlanuvchisi; 2017-2020-yillarda - Oʻzbekiston davlat jahon tillari universiteti ingliz tilini oʻqitish metodikasi kafedrasi dotsenti; 2020-yildan hozirga qadar Oʻzbekiston Respublikasi Maktabgacha taʼlim vazirligi Maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi. ✅ Riskulova Kamola Djummayevna? (71) 207-04-08 (818)? k.risqulova@mpe.uz
✅Ten Elena Gerasimovna?(71) 207-04-08 (700)?boshqarma@mdo.uz
Samiyev Shaxzod Olimjon oʻgʻli - Oʻzbekiston Respublikasi Maktabgacha taʼlim vazirligi Statistika boʻlimi boshligʻi. Samiyev Shaxzod 1993-yilda Jizzax viloyatida tugʻilgan, millati oʻzbek, oliy maʼlumotli. 2017-yilda Toshkent davlat agrar universitetini tamomlagan. 2012-2013-yillarda - Jizzax viloyati Jizzax shahri “Mohir quruvchi lyuks” xususiy korxonasi ish boshqaruvchisi; 2018-2018-yillarda - Toshkent shahar statistika boshqarmasi Sanoat statistikasi boʻlimi 1-toifali mutaxassisi; 2018-2019-yillarda - Statistika faoliyatini tashkil etish va yigʻma axborot-tahliliy ishlar boʻlimi yetakchi mutaxassisi; 2019-2019-yillarda - Toshkent shahar statistika boshqarmasi Sanoat statistikasi boʻlimi boshligʻi oʻrinbosari vazifasini bajaruvchisi; 2019-2019-yillarda - Investitsiya va qurilish statistikasi boʻlimi boshligʻi vazifasini bajaruvchisi; 2020-2020-yillarda - Toshkent shahar statistika boshqarmasi Sanoat statistikasi boʻlimi boshligʻi; 2020-2021-yillarda Oʻzbekiston Respublikasi Maktabgacha taʼlim vazirligi Statistika boʻlimi bosh mutaxassisi; 2021-yildan hozirga qadar Oʻzbekiston Respublikasi Maktabgacha taʼlim vazirligi Statistika boʻlimi boshligʻi . ✅ Samiyev Shaxzod Olimjon o'g'li? (71) 207-04-08 (706)? stat@mdo.uz
Korrupsiyaga qarshi kurashish komplaens-nazoratini amalga oshirish boʻlimi boshligʻi
Aminov Farrux Farhodovich - Oʻzbekiston Respublikasi Maktabgacha taʼlim vazirligi Komplayens-nazorat boʻlimi boshligʻi. Aminov Farrux 1989-yilda Buxoro viloyatida tugʻilgan, millati oʻzbek, oliy maʼlumotli. 2013-yilda Toshkent davlat iqtisodiyot universitetini tamomlagan. 2013-2014-yillarda - Uzmilliybank, Toshkent viloyati boʻlimi, Amaliyot boshqarmasi, Kredit boʻlimi 2-toifali mutaxassis; 2014-2014-yillarda - Uzmilliybank, Toshkent viloyati boʻlimi, Amaliyot boshqarmasi, Kredit boʻlimi 1-toifali mutaxassis; 2014-2016-yillarda - Oʻzmilliybank, Toshkent viloyati boʻlimi, Amaliyot boshqarmasi, Kredit boʻlimi Yetakchi mutaxassis; 2016-2016-yillarda - Oʻzmilliybank, Toshkent viloyati boʻlimi, Amaliyot boshqarmasi, Kredit boʻlimi Bosh mutaxassis; 2016-2017-yillarda - Oʻzmilliybank, Toshkent viloyati boʻlimi, Kredit portfelini boshqarish va investitsiya loyihalarini ekspertiza qilish boʻlimi, Paxta va gʻalla yetishtirishda transh toʻlovlarini va imtiyozli kreditlashni monitoring va tahlil qilish shoʻbasi Shoʻba mudiri; 2017-2017-yillarda - Oʻzmilliybank, Toshkent viloyati Boʻl., Toshkent viloyati boʻlimi, Kredit portfelini boshqarish boʻlimi Boʻlim boshligʻi; 2017-2017-yillarda - Oʻzmilliybank, IAD, Ichki audit xizmati, Buxgalteriya, operatsion va maʼmuriy nazorat tizimlari adekvatligini baholash boʻlimi Bosh mutaxassis; 2017-2017-yillarda - Oʻzmilliybank, IAD, Bank boʻlimlari va filiallari auditi boshqarmasi, Kredit operatsiyalari auditi boʻlimi Bosh mutaxassis; 2017-2018-yillarda - Oʻzmilliybank, Respublika apparati, IAD, Bank boʻlimlari va filiallari auditi boshqarmasi, Kredit operatsiyalari auditi boʻlimi Boʻlim boshligʻi; 2018-2019-yillarda - Oʻzbekiston Respublikasi Vazirlar Mahkamasi huzuridagi Oʻzbekiston Respublikasining rivojlanish davlat dasturlarini moliyalashtirish jamgʻarmasi Loyihalarni Xalqaro moliya institutlari va Xorijiy hukumat moliya tashkilotlari mablagʻlari hisobiga moliyalashtirish boʻlimi boʻlim boshligʻi; 2019-2019-yillarda - Oʻzbekiston Respublikasi Maktabgacha taʼlim vazirligi Davlat-xususiy sheriklik loyihalari monitoringi boʻlimi boshligʻi; 2019-2021-yillarda - Oʻzbekiston Respublikasi Maktabgacha taʼlim vazirligi Davlat-xususiy sherikchilik asosidagi maktabgacha taʼlim tashkilotlari faoliyatni tashkil etish boshqarmasi boshligʻi oʻrinbosari; 2021-yildan hozirgi vaqtga qadar Oʻzbekiston Respublikasi Maktabgacha taʼlim vazirligi Komplayens-nazorat boʻlimi boshligʻi. ✅ Aminov Farrux Farhod oʻgʻli? (71) 207-04-08 (828)? komplaens@mdo.uz
Berdiyeva Lola Alisherovna - Oʻzbekiston Respublikasi Maktabgacha taʼlim vazirligi Nazorat-tahlil boshqarmasi boshligʻi. Berdiyeva Lola Alisherovna 1986-yilda Buxoro viloyatida tugʻilgan, millati oʻzbek, oliy maʼlumotli. 2006-yilda Buxoro davlat universitetini tamomlagan. 2007-2010-yillarda - Buxoro viloyati Romitan 3-umumiy oʻrta taʼlim maktabi iqtisodiy bilim asoslari fani oʻqituvchisi; 2010-2017-yillarda - Respublika taʼlim markazi Nazorat-tahlil boshqarmasi boshligʻi; 2017-2018-yillarda - Oʻzbekiston Respublikasi Maktabgacha taʼlim vazirligi Jismoniy va yuridik shaxslarning murojaatlari boʻyicha nazorat va tahlil boʻlimi boshligʻi; 2018-yildan hozirga qadar - Oʻzbekiston Respublikasi Maktabgacha taʼlim vazirligi Nazorat-tahlil boshqarmasi boshligʻi. ✅Berdiyeva Lola Alisherovna ?(71) 207-04-08 (811) ? nazorat@mpe.uz ? devon@mpe.uz
Xakimov Abdugʻulom Soyibjonovich - Oʻzbekiston Respublikasi Maktabgacha taʼlim vazirligi Davlat-xususiy sheriklik asosidagi maktabgacha taʼlim muassasalari faoliyatni tashkil etish boshqarmasi boshligʻi. Xakimov Abdugʻulom 1982-yilda Andijon viloyatida tugʻilgan, millati oʻzbek, oliy maʼlumotli. 2004-yilda Oʻzbekiston milliy universitetida bakalavr va 2006-yilda Oʻzbekiston milliy universitetida magistratura bosqichini tamomlagan. 2006-2009-yillarda -Respublika OITSga qarshi kurash markazi moliyaviy menedjeri; 2009-2011-yillarda - Respublika OITSga qarshi kurash markazi moliyaviy mutaxassisi; 2011-2015-yillarda - Respublika OITSga qarshi kurash markazi moliyaviy yordamchi; 2016-2017-yillarda - Respublika OITSga qarshi kurash markazi iqtisodchi; 2018-2018-yillarda - Oʻzbekiston Respublikasi Maktabgacha taʼlim vazirligi maktabgacha taʼlim muassasalari faoliyatni tashkil etish bosh boshqarmasi boshligʻi oʻrinbosari; 2018-yildan hozirga qadar - Oʻzbekiston Respublikasi Maktabgacha taʼlim vazirligi Davlat-xususiy sheriklik asosidagi maktabgacha taʼlim muassasalari faoliyatni tashkil etish boshqarmasi boshligʻi. ✅Xakimov Аbdugʼulom Soyibjonovich ? (71) 202-04-08 (808) ? dxsh@mpe.uz
Kompaniya va firmalar rahbarlarining diqqatiga!
O'zbekiston Respublikasi Maktabgacha ta'lim vazirligi o'quv adabiyotlari, o'quv-uslubiy va didaktik majmualar, didaktik o'yinlar va o'quv o'yinchoqlari, shuningdek, o'quv adabiyotlari bo'yicha marketing tadqiqotlari va narxlarni ishlab chiqish bo'yicha xizmat ko'rsatuvchi provayderning ishi narxini aniqlash bo'yicha tender / tanlov savdolarini tashkil etish va o'tkazish bo’yicha marketing tadqiqotlarini olib boradi. Tijorat takliflari quyidagi manzilda qabul qilinadi: 100070, Toshkent shahri, Mirobod tumani, Amir Temur ko'chasi, 17-uy, Telefon: (+998) 71 207-04-08 (808). Tovarlarning nomi va miqdori, shuningdek texnik ko'rsatkichlar 1-ilovada ko'rsatilgan. Takliflarni qabul qilish 2021 yil 16-iyul, soat 17:00 gacha (Toshkent vaqti bilan) amalga oshiriladi. mail: jixozlash@mdo.uz; Сайт: www.mdo.uz ilova-3Скачать
Joriy yilning 6 iyulida "Korrupsiyaga qarshi kurashish faoliyatini samarali tashkil etishga doir qo'shimchachora-tadbirlar to'g'risida"gi Prezident qarori qabul qilindi.Qarorga muvofiq, 2021 yil 1 sentyabrdan davlat organlari va tashkilotlari xodimlari onlayn ochiq tanlov asosida ishga qabul qilinadi.2021 yil 1 oktyabrgacha korrupsiya, manfaatlar to'qnashuvi asosida tuzilgan shartnomalarni haqiqiy emas deb topish, davlat xizmatchilari tomonidan tadbirkorlikda qatnashishi huquqiy oqibatlarini belgilovchi qonun loyihasi ishlab chiqiladi. 2021 yil 1 oktyabrdan barcha davlat organlari va tashkilotlari, viloyat hokimliklarida korrupsiyaga qarshi ichki nazorat tuzilmalari faoliyati yo'lga qo'yiladi.2021 yil 1 avgustdan davlat xaridlari sohasidagi tenderlar natijalari ochiq e'lon qilinadi.Davlat xaridlarida hamkorlar (kontragentlar)ni tekshirish tartibi ishlab chiqiladi.Korrupsiyaga qarshi kurashish agentligi tomonidan 2021 yil 1 dekabrdan har yil yakuni bo'yicha korrupsiyaga qarshi kurashish ishlarining samaradorligini baholovchi reyting e'lon qilib boriladi.2021 yil 1 dekabrgacha daromad va mol-mulk deklarasiyalari bo'yicha ma'lumotlar bazasi shakllantiriladi.2021 yil 1 oktyabrgacha davlat mablag'lari hisobiga qurilish-pudrat shartnomasi uchun o'tkaziladigan tanlovlar "shaffof qurilish" tizimi ma'lumot almashinuvini ta'minlagan holda davlat xaridlari bo'yicha maxsus axborot portalida elektron tarzda amalga oshiriladi.2022 yil 1 yanvargacha avtomobil yo'llari sohasiga tegishli ma'lumotlarni o'z ichiga oladigan "SHAFFOF YO'L" onlayn axborot platformasi ishga tushiriladi.2022 yil 1 yanvardan boshlab "halollik vaktsinasi" tamoyili asosida davlat xizmatchilari muntazam korrupsiyaga qarshi kurashish bo'yicha o'qitiladi.
Maktabgacha ta’lim sohasida Yuneskoning hamkorligi
Joriy yilning 15-iyul kuni O'zbekiston Respublikasi Maktabgacha ta'lim vaziri Agrippina Shin hamda Yunesko Bosh direktorining ta'lim bo'yicha o'rinbosari Stefaniya Djannini bilan uchrashdi va ta'lim sohasidagi masalalarni muhokama qildi. Uchrashuv doirasida maktabgacha ta'lim tizimidagi islohotlarni amalga oshirish va erishilgan ilg'or natijalar, shuningdek kelgusi yillarda maktabgacha ta'lim sohasida rivojlanishning istiqbolli yo'nalishlari bo'yicha masalalar muhokama qilindi. “Maktabgacha yoshdagi bolalarga taʼlim va tarbiya berish davlatning ustuvor yoʼnalishlaridan biridir. Oʼzbekiston barqaror rivojlanish maqsadlarining 4.2 bandiga muvofiq 2030-yilga kelib barcha oʼgʼil-qizlar boshlangʼich taʼlimga tayyor boʼlishlari uchun yosh bolalarni rivojlantirish, parvarishlash va maktabgacha taʼlim olish uchun sifatli tizimlardan foydalanish imkoniyatiga ega boʼlishlarini taʼminlash borasida ijobiy natijalarga erishdik. Respublika boʼyicha maktabgacha taʼlimga qamrab olish koʼrsatkichlari 2017 yili 27% dan 2021 yilga kelib 62% gacha oshishi natijasida, bugungi kunga kelib 1,7 mln. dan ortiq maktabgacha yoshdagi bolalar maktabgacha taʼlim olish imkoniyatiga ega boʼldilar, qolaversa Oʼzbekistonda 2019 yildan boshlab barcha bolalar uchun boshlangʼich taʼlimda teng imkoniyatlar yaratish maqsadida maktabga borishdan bir yil oldin majburiy maktabgacha taʼlim tizimi joriy etildi. Bugungi kunda maktabga chiqish yoshidagi bolalarning 77 %i maktabgacha taʼlim tizimiga qamrab olindi, 2025 yilga borib ularning barchasini bir yillik majburiy bepul taʼlim tizimiga qamrab olinishi rejalashtirilganmiz” deya ta’kidladi, Maktabgacha ta'lim vaziri Agrippina Shin . “O’zbekiston qisqa muddat ichida bolalarni maktabgacha ta’lim tizimiga qamrab olish darajasini deyarli 2,5 barobarga oshirishi, bir yillik majburiy ta’limga qamrab olish esa 77% ga yetgani, “Ilk Qadam” davlat o’quv dasturi va pedagoglarni malakasini oshirish bo’yicha qilingan ishlar tahsinga sazovordir”-dedi Yunesko Bosh direktorining ta'lim bo'yicha o'rinbosari Stefaniya Djannini. Uchrashuv jarayonida 2022 yilning kuzida Toshkent shahrida ilk yoshdagi bolalarga tarbiya va ta’lim berish bo‘yicha II Butunjahon konferensiyasini o‘tkazish masalasi muhokama qilindi. Eslatib o‘tamiz, 2010 yil 27-29 sentyabr kunlari Moskvada Yuneskoning Birinchi ilk yoshdagi bolalarni erta rivojlantirish va ta’limi bo‘yicha Butunjahon konferensiyasi bo‘lib o‘tgan, unda, uch kun davomida konferensiya ishtirokchilari butun dunyo bo‘ylab bolalar huquqlari va manfaatlarini himoya qilishning dolzarb masalalarini muhokama qilishgan. Maktabgacha ta’lim vazirligi Axborot xizmati
А.I. Gersen nomidagi Rossiya davlat pedagogik universitetining Toshkent shahridagi filialida kirish sinovlari boshlandi. Sinovlar onlayn tarzda belgilangan grafik asosida oʼtkazilmoqda. Dastlabki sinovlar Toshkent shahridagi Puchon universiteti bazasida oʼtkazildi. Viloyatlardagi universitetlar bazasida sinovlar oʼtkazilishi uchun alohida jihozlangan xonalar tayyorlangan. Аbiturientlar tanlagan yoʼnalishlari boʼyicha kirish sinovlarining birinchi bosqichidan oʼtmoqdalar. Eslatib oʼtamiz, filialga belgilangan 8 ta taʼlim yoʼnalishi boʼyicha abiturientlardan hujjatlar qabuli davom etmoqda. Batafsil maʼlumotlarni saytimizdan olishingiz mumkin. https://www.herzen.uz/ https://t.me/herzenuz Maktabgacha ta’lim vazirligi Axborot xizmati