Tender oʻtkazish toʻgʻrisida eʼlon
Tender nomi: Davlat maktabgacha taʼlim tashkilotlariga mebel va boshqa jihozlarni elektron shaklda xarid qilish. Tender predmeti (tovar) – 2022-yilda Davlat maktabgacha taʼlim tashkilotlarini mebel va boshqa jihozlar bilan taʼminlashni tashkil etish. Tender tashkilotchisi: Maktabgacha taʼlim vazirligi. Tenderda mulkchilik shaklidan qatʼiy nazar, mebel va boshqa jihozlarni ishlab chiqarish va/yoki buyurtmachiga sifati va bahosi jihatidan maʼqul tarzda hamda lot boʻyicha koʻrsatilgan miqdorlarda ishlarni bajarish imkoniyati va tajribasiga ega barcha mahalliy va xorijiy korxona va tashkilotlar ishtirok etishlari mumkin. Tender savdolari ishtirokchisi: Oʻzbekiston Respublikasi qonunlari talablariga javob beradigan, ishlarni bajaruvchi obekti hisoblangan yuridik shaxs boʻlishi; Shartnoma tuzish huquqiga ega boʻlishi; Shartnomani bajarish uchun yetarli moliyaviy resurslarga ega boʻlishi hamda eng yaxshi taklifni tashlash hujjatlarida koʻrsatilgan talablarni bajarishi kerak. Tender ishtirokchilari maxsus axborot portaliga (https://etender.uzex.uz/home) joylashtirilgan elektron shakldagi tender hujjatlarini yuklab olishlari va unda koʻrsatilgan talablar bilan tanishib chiqqan holda oʻz takliflarini topshirishlari lozim. Tenderda takliflarning shakli va topshirish shartlari tender hujjatida koʻrsatilgan. Tender takliflari elektron shaklda taqdim etiladi, tender hujjatlarida koʻrsatilgan 1–shaklga muvofiq tenderda ishtirok etishga ariza bilan qabul qilinadi. Avans toʻlov amalga oshirilgan kundan boshlab 90 (toʻqson) kalendar kun muddatda jihozlarni tasdiqlangan roʻyxat boʻyicha davlat maktabgacha taʼlim tashkilotiga yetkazish va oʻrnatish ishlarini amalga oshirish Tender gʻoliblaridan talab etiladi. Tender jarayonlari va tartibi haqida qoʻshimcha maʼlumot olish istagida boʻlgan tender ishtirokchilari, eʼlon nashr qilingan sanadan boshlab (haftaning shanba va yakshanba kunlaridan tashqari) har kuni soat 10:00dan 17:00ga qadar Maktabgacha taʼlim vazirligining quyidagi manzili boʻyicha murojaat qilishlari mumkin: Manzil: Toshkent shahar, Mirobod tumani, Amir Temur shoh koʻchasi 17-uy, tel: (998 71) 207-04-08 (808), (+99891 010-71-77). e-mail : equip@mpe.uz Masʼul: J.Mamanazarov, B.Nabixoʻjayev Tender takliflari zakalat koʻrinishida: mahalliy va xorijiy korxonalar boʻlgan tender ishtirokchilari tomonidan tender taklifi bermoqchi boʻlgan lotning cheklangan qiymatidan 0,5 foiz miqdoridagi pul mablagʻlarini naqdsiz shaklda maxsus hisob raqamiga oʻtkazishi shart. Zakalat summasi toʻliq boʻlmagan holda tender takliflari Xarid komissiyasi tomonidan koʻrib chiqilmaydi. Tender ishtirokchisi mahsulot namunalarini eʼlon muddati tugagunga qadar (shanba va yakshanba kunlaridan tashqari) taqdim etishi lozim. Manzil: Toshkent shahar, Yashnobod tumani, Oqdaryo koʻchasi 122-uy. Tel.: (+99891 010-71-77) Tender takliflari maxsus axborot portalida koʻrsatilgan sanadan kechiktirilmagan holda elektron shaklda taqdim etilishi lozim. 2022-yilda davlat maktabgacha taʼlim tashkilotlari uchun xarid qilinishi rejalashtirilgan mebel va boshqa jihozlarning eng yuqori summasi Лот рақами Лот номи Жиҳозлар сони Энг юқори суммаси Бўнак суммаси( 0,5% ) Жами: 124 366 341 933 621 831 710 Лот № 1 Қорақалпоғистон Республикасидаги давлат мактабгача таълим ташкилотлари учун мебеллар Рўйхат бўйича 5 798 904 422 28 994 522 Лот № 2 Андижон вилоятидаги давлат мактабгача таълим ташкилотлари учун мебеллар Рўйхат бўйича 10 509 340 381 52 546 702 Лот № 3 Бухоро вилоятидаги давлат мактабгача таълим ташкилотлари учун мебеллар Рўйхат бўйича 4 940 556 048 24 702 780 Лот № 4 Жиззах вилоятидаги давлат мактабгача таълим ташкилотлари учун мебеллар Рўйхат бўйича 5 818 853 303 29 094 267 Лот № 5 Қашқадарё вилоятидаги давлат мактабгача таълим ташкилотлари учун мебеллар Рўйхат бўйича 8 997 967 372 44 989 837 Лот № 6 Навоий вилоятидаги давлат мактабгача таълим ташкилотлари учун мебеллар Рўйхат бўйича 6 942 918 377 34 714 592 Лот № 7 Наманган вилоятидаги давлат мактабгача таълим ташкилотлари учун мебеллар Рўйхат бўйича 9 499 256 312 47 496 282 Лот № 8 Самарқанд вилоятидаги давлат мактабгача таълим ташкилотлари учун мебеллар Рўйхат бўйича 10 079 041 193 50 395 206 Лот № 9 Сурхондарё вилоятидаги давлат мактабгача таълим ташкилотлари учун мебеллар Рўйхат бўйича 7 761 173 036 38 805 865 Лот № 10 Сирдарё вилоятидаги давлат мактабгача таълим ташкилотлари учун мебеллар Рўйхат бўйича 2 239 239 246 11 196 196 Лот № 11 Тошкент вилоятидаги давлат мактабгача таълим ташкилотлари учун мебеллар Рўйхат бўйича 9 113 323 079 45 566 615 Лот № 12 Фарғона вилоятидаги давлат мактабгача таълим ташкилотлари учун мебеллар Рўйхат бўйича 7 219 753 903 36 098 770 Лот № 13 Хоразм вилоятидаги давлат мактабгача таълим ташкилотлари учун мебеллар Рўйхат бўйича 6 324 520 233 31 622 601 Лот № 14 Тошкент шаҳридаги давлат мактабгача таълим ташкилотлари учун мебеллар Рўйхат бўйича 3 222 489 148 16 112 446 Лот № 15 Давлат мактабгача таълим ташкилотлари учун болалар кўрпа ва чойшаблари тўплами Рўйхат бўйича 6 194 452 350 30 972 262 Лот № 16 Гиламлар (Республика бўйича) Рўйхат бўйича 5 444 907 300 27 224 537 Лот № 17 Ошхона ва тиббиёт хоналари учун жиҳозлар (Республика бўйича) Рўйхат бўйича 5 355 245 000 26 776 225 Лот № 18 Идиш-товоқлар (Республика бўйича) Рўйхат бўйича 3 058 800 000 15 294 000 Лот № 19 Электротехникалар (Республика бўйича) Рўйхат бўйича 5 845 601 230 29 228 006
Ғолиб корхоналар.xlsx
I. Davlat-xususiy sheriklik asosida tuzilgan bitimlar boʻyicha monitoring olib borishni tashkil etish yoʻnalishida. 2018-2019-yillarda bitimi imzolangan va imtiyozli kredit mablagʻlari bilan moliyalashtirilgan biroq qurilish va jihozlash ishlari muddatida bajarilmagan loyihalar soni yil boshiga 76 tani tashkil qilgan. Imtiyozli kredit mablagʻlari bilan moliyalashtirilgan biroq qurilish, rekonstruksiya va jihozlash ishlari oʻz muddatida yakunlanmagan bitimlar boʻyicha Xususiy sheriklar tomonidan bitim majburiyatlarini bajarilishi jarayoni ustidan Samarqand, Qashqadaryo, Buxoro, Navoiy va Sirdaryo viloyatlarida monitoring olib borilib, natijada jami 19 ta loyihalar boʻyicha xususiy sheriklarga nisbatan qurilish ishlarini oʻz muddatida yakunlamaganliklari uchun bitimning 6.2-bandiga asosan ularga nisbatan jami 2 279,9 mln.soʻm penya hisoblandi va talabnomalar yuborildi. Bugungi kunda qurilish ishlari yakunlanmagan loyihalar soni60 tani tashkil qiladi. 2.Bitim majburiyatlarini oʻz vaqtida bajarmagan 9 ta loyihalar boʻyicha oldin yuborilgan talabnomalar boʻyicha sudlarga daʼvo arizalari kiritilgan, shu jumladan Qoraqalpogʻiston Respublikasidagi 2 ta, Xorazm viloyatidagi 5 ta, Jizzax viloyatidagi 2 ta loyihalar boʻyicha iqtisodiy sud ishi jarayonlarida qatnashildi, sud qarori boʻyicha vazirlik foydasiga 279,8 mln. soʻm penya undirish yuzasidan qarorlar chiqdi. Qashqadaryo viloyati Koson tumanidagi “BILAGʼON SITI” NTMga 1780,0 mln.soʻm imtiyozli kredit mablagʻi toʻliq ajratilgan boʻlib, Xususiy sherik tomonidan qurilish ishlari boshlanmagan, mazkur holat yuzasidan monitoring hujjatlari qonuniy chora koʻrish uchun Bosh Prokuraturaga yuborildi. Muammoli loyihalar boʻyicha tegishli tuman va shahar hokimligi, prokuraturasi va ichki ishlar boʻlimlariga xatlar yuborilib, loyihalar oʻz vaqtida ishga tushishini nazoratga olinishida amaliy yordam soʻraldi. Qurilish ishlari umuman boshlanmagan jami 11 ta loyihalar boʻyicha Xususiy sheriklarga qurilish ishlarini boshlash choralarini koʻrishliklari aks holda bitim bekor qilinishi mumkinligi toʻgʻrisida ogohlantirish xatlari yuborildi. II. Hukumat qarorlarida belgilangan vazifalar ijrosini taʼminlash yoʻnalishida. 1. Oʻzbekiston Respublikasi Prezidentining “Maktabgacha taʼlim sohasida davlat-xususiy sheriklikni rivojlantirishga doir qoʻshimcha chora-tadbirlari toʻgʻrisida”gi 2021-yil 12-apreldagi PQ-5071-son qarori ijrosi yuzasidan 2018-2019-yillarda bitimi imzolangan qurilish ishlari 25 va undan ortiq foizlarda bajarilgan quvvati 12940 taga moʻljallangan jami 115 ta davlat-xususiy sheriklik loyihalarini moliyalashtirilishi va ularda amalga oshirilgan ishlar yuzasidan choraklik monitoring olib borildi. Tijorat banklari tomonidan jami 115 ta loyihalarga bitim boʻyicha ajratilishi lozim boʻlgan kredit mablagʻlari 256 182,0 mln.soʻm boʻlib, haqiqatda 50 ta loyihalarga jami 162 462,4 mln.soʻm kredit mablagʻlari ajratilgan. Qolgan 93 719,8 mln.soʻm kredit mablagʻlari 8 ta Xususiy sheriklar tomonidan kredit mablagʻlari olishni rad qilinganligi, 2 ta loyiha boʻyicha bitimlar bekor qilinganligi, 12 ta loyihalar boʻyicha garov taʼminoti taʼminlanmaganligi, 33 ta loyihalar boʻyicha hujjatlarni rasmiylashtirish ishlari olib borilayotganligi sababli moliyalashtirilmaganligi aniqlandi. Bugungi kunda jami 113 ta loyihalardan 6 tasi ishga tushirilgan, qolgan 107 ta loyihalar boʻyicha qurilish ishlari davom etmoqda. Bu haqida Vazirlar Mahkamasiga 2022-yil 27-iyundagi 02-02/3-1534-sonli xat bilan maʼlumotnoma berildi. 2. Oʻzbekiston Respublikasi Prezidentining “Qamrov darajasi past boʻlgan tumanlarda maktabgacha taʼlim tashkilotlari tarmogʻini kengaytirish boʻyicha qoʻshimcha chora-tadbirlar toʻgʻrisida”gi 2021-yil 10-iyundagi PQ-5144-son qarorida belgilangan vazifalar ijrosi yuzasidan Qoraqalpogʻiston Respublikasida, Xorazm va Toshkent viloyatida jami 24 loyihalar boʻyicha Xususiy sheriklar tomonidan bitim majburiyatlarini bajarilishi va ularni kredit mablagʻi bilan moliyalashtirilishi yuzasidan monitoring ishlari olib borildi. Shuningdek monitoring davrida tegishli bank muassasalari va tuman hokimliklari bilan hamkorlikda ishlar olib borildi, ishlarni jadallashtirish yuzasidan tarmoq grafiklari ishlab chiqildi. III. Ijro intizomini taʼminlash yoʻnalishida. 1.Joriy yil 6 oy davomida jami 337 ta yuridik va jismoniy shaxslar tomonidan davlat-xususiy sheriklik asosida bitim tuzish, imtiyozli kredit ajratish, subsidiya ajratilishi va boshqa masalalar yuzasidan yozma va ogʻzaki murojaatlari kelib tushgan Mazkur murojaatlarning 318 tasiga javob xatlari yuborildi va tushuntirish ishlari olib borildi, 19 tasi ish jarayonida. Shuningdek, tadbirkorlar tomonidan bitim muddatini uzaytirish, tashkilot quvvatini oshirish, tashkilot manzilini oʻzgartirish va yangi bitim tuzish, 12-bob boʻyicha bitim tuzish, bitimni bekor qilish yuzasidan taqdim qilingan Samarqand viloyati boʻyicha jami 128 ta hujjatlar, Fargʻona viloyati boʻyicha jami 36 ta, Toshkent viloyati boʻyicha jami 216 ta va Namangan viloyati boʻyicha jami 72 ta, hammasi boʻlib 482 ta hujjatlar oʻrganib chiqilib, natijasi boʻyicha bitimga qoʻshimcha kelishuv tuzish uchun 452 tasi taqdim qilindi, 30 ta hujjatlar ularda kamchilik mavjudligi yoki qamrov darajasi 100 foizdan oshiqligi sababli, 12-bob boʻyicha mulkka egalik huquqi jismoniy shaxs nomida boʻlganligi uchun qaytarildi. IV. Mavjud muammolar. 1.Bugungi kunda davlat-xususiy sheriklik asosida tuzilgan bitimlar boʻyicha jami 60 ta loyihalarda qurilish, rekonstruksiya va jihozlash ishlari oʻz muddatida bajarilmay kelinmoqda. Davlat-xususiy sheriklik asosida tuzilgan bitimlarning4.1. va 5.2.8-bandlarida xususiy sheriklar davlat sherigiga har chorakda bitim boʻyicha majburiyatlarini bajarilishi yuzasidan maktabgacha taʼlim hududiy boshqaruv organlari orqali hisobot topshirishlari belgilangan. Shunga asosan, har bir xususiy sherikka tegishli axborot va hisobotlarni taqdim qilishlari toʻgʻrisida yozma ravishda maʼlum qilishlari va ushbu axborot va hisobotlarni vazirlikka taqdim qilishlari yuzasidan hududiy maktabgacha taʼlim boshqarmalariga vazirlikning 2021-yil 22-fevralda 03-03/2-357-sonli hamda2021-yil 8-iyuldagi 02-03/2-2052-sonli koʻrsatma xatlari yuborilgan boʻlsada, ushbu topshiriq hududiy maktabgacha taʼlim boshqarmalari tomonidan bajarilmasdan kelinmoqda. Investitsiya majburiyatini bajarmay kelayotgan barcha Xususiy sheriklarga ogohlantirish xatlari va talabnomalar yuborildi, barcha tegishli sektor rahbarlaridan amaliy yordam soʻrab xatlar joʻnatildi, sudga daʼvo arizalari kiritildi. Biroq shunga qaramay ayrim Xususiy sheriklar tomonidan obyektni foydalanishga topshirish choralari koʻrilmay kelinmoqda. Shu sababli yuqorida qayd etilgan 60 ta loyihalardan 18 tasi boʻyicha Xususiy sheriklar tomonidan obyektlar tashlab ketilganligi, oʻz mablagʻlarini sarflashni xohlashmayotganliklari sababli tegishli tartibda bitimlar bekor qilinishi, 6 ta bitimlar boʻyicha tashkilot taʼsischisini oʻzgartirish choralari koʻrilishi tavsiya qilinadi. V. Yil yakuniga qadar bajarilishi rejalashtirilgan vazifalar 1. Oʻzbekiston Respublikasi Prezidentining “Qamrov darajasi past boʻlgan tumanlarda maktabgacha taʼlim tashkilotlari tarmogʻini kengaytirish boʻyicha qoʻshimcha chora-tadbirlar toʻgʻrisida” 2021-yil10-iyundagi PQ-5144-son qarorining ikkinchi ilovasi 6.3-bandi ijrosi yuzasidan choraklik monitoring olib borish. 2. Davlat-xususiy sheriklik shartlari asosida faoliyatini oʻz muddatida boshlamagan Andijon viloyatidagi 1 ta, Jizzax viloyatidagi 1 ta, Surxondaryo viloyatidagi 1 ta, Toshkent viloyatidagi 2 ta va Namangan viloyatidagi 2 ta loyihalar boʻyicha joyiga chiqqan holda monitoringini olib borish. 3. Jismoniy va yuridik shaxslardan kelib tushadigan murojaatlarni oʻrganib chiqib, oʻz vaqtida javob xatlarini yoʻllash. 4. Vazirlik rahbariyati tomonidan beriladigan topshiriqlarni bajarish.
Maktabgacha taʼlim vazirligi Ichki audit xizmatining 2022-yil 6 oylik hisoboti
Ichki audit xizmati tomonidan 2022-yil 6 oyligi davomida hududiy maktabgacha taʼlim boʻlimlari va maktabgacha taʼlim tashkilotlarida 135 ta nazorat tadbirlari oʻtkazildi, shundan moliyaviy xoʻjalik faoliyati toʻliq oʻrganish -25 ta, mavzuli tekshirishlar – 110 ta. Oʻtkazilgan nazorat tadbirlarida jami 26,6 mlrd.soʻmlik moliyaviy xato va kamchiliklar aniqlandi. Jumladan, noqonuniy xarajat va kamomadlar 7,5 mlrd.soʻmni (28%); Davlat xarid qonunchiligi talablarini buzilishi 1,1 mlrd.soʻmni (4%); Davlat xususiy sherikchilik asosida nodavlat maktabgacha taʼlim tashkilotlari faoliyati uchun byudjetdan ajratilgan subsidiya mablagʻlaridan 8,7 mlrd.soʻm (33%); byudjet va tashkilot hhisobiga qoʻshimcha hisoblangan daromadlar1,7 mlrd.soʻm (6%)ni tashkil etdi. Oʻtkazilgan profilaktika natijasida 25,3 mlrd.soʻmlik tovar moddiy boyliklari va pul mablagʻlarining talon-taroj qilinishi oldi olindi. Noqonuniy xarajat va kamomadlar asosan quyidagi yoʻnalishlarda yoʻl qoʻyilmoqda. 1) Ish haqi va unga tenglashtirilgan toʻlovlarga ajratilgan mablagʻlarning noqonuniy sarflanishi jami noqonuniy xarajat va kamomadlarning 33,3%ni tashkil etgan. Tekshirilgan maktabgacha taʼlim boʻlimi va maktabgacha taʼlim tashkilotlari tomonidan xodimlarning oylik ish haqi va ragʻbatlantirish mablagʻlaridan 2,5 mlrd.soʻm noqonuniy va ortiqcha toʻlovlarga yoʻl qoʻyilgan. Tahlillar shuni koʻrsatmoqdaki, ish haqiga ajratilgan mablagʻlar asosan: 94 ta “oʻlik jonlar”ga ish haqi yozish orqali 1,5 mlrd.soʻm noqonuniy hisobdan chiqarilgan; ish hajmini toʻliq bajarmagan xodimlarga ortiqcha ish haqi toʻlash; moddiy ragʻbatlantirish jamgʻarmasini noqonuniy sarflash; plastik kartalarga noqonuniy pullarni oʻtkazish orqali oʻzlashtirish; toʻlov qaydnomalarida qayd etilgan naqd pullarni bermaslik; oʻrindoshlik asosida ishlovchilarga hamda mehnat taʼtillarini notoʻgʻri hisoblash va boshqa holatlarda ortiqcha toʻlovlarga yoʻl qoʻyilgan. 2) Oziq-ovqat xarajatlariga ajratilgan mablagʻlarni noqonuniy sarflashi jami noqonuniy xarajat va kamomadlarning 70,3%ni tashkil etgan. Oziq-ovqat mahsulotlarini asossiz hisobdan chiqarish, kamomad va meʼyorga nisbatan ortiqcha hisobdan chiqarilishi kabi holatlar orqali 4,7 mlrd.soʻm notoʻgʻri sarflangan. Tahlillar shuni koʻrsatmoqdaki, oziq-ovqat xarajatlariga ajratilgan mablagʻlar asosan: oziq-ovqat mahsulotlarining ombor va oshxonadagi kamomadi; meʼyorga nisbatan oziq-ovqatlarni ortiqcha hisobdan chiqarish; taomnomaga nisbatan hisobotlarda ortiqcha hisobdan chiqarish; yetkazib berilgan mahsulotga nisbatan ortiqcha mablagʻ oʻtkazish va boshqalar. Davlat xususiy sherikchilik asosida nodavlat maktabgacha taʼlim tashkilotlari faoliyati uchun byudjetdan ajratilgan subsidiya mablagʻlaridan 8,7 mlrd.soʻmi noqonuniy ajratilgan. Vazirlar Mahkamasining 19.05.2018-yildagi 378-son qarori bilan tasdiqlangan “Davlat-xususiy sherikchilik shartlari asosida faoliyat yuritadigan nodavlat maktabgacha taʼlim tashkilotlariga Oʻzbekiston Respublikasi Davlat byudjeti mablagʻlaridan subsidiyalar ajratish tartibi toʻgʻrisida Nizom” talablariga amal qilmagan holda Oilaviy NMTTlariga 3 yoshga toʻlmagan va 7 yoshdan katta bolalar uchun subsidiya ajratish; Bitim imzolanmagan davr uchun subsidiya ajratish; Umuman va vaqtincha faoliyat yuritmagan davr uchun subsidiya ajratish; Moliya organlari tomonidan subsidiya olish uchun NTMMlar tomonidan buyurtmanomani tuman (shahar) maktabgacha taʼlim boʻlimlari bilan kelishmagan boʻlsalarda subsidiya ajratish kabi holatlarga yoʻl qoʻyilgan. Xaridlarning raqobatga asoslangan usullarini chetlab oʻtib, “Davlat xaridlari toʻgʻrisida”gi qonun talablariga zid ravishda 1,1 mlrd.soʻmlik shartnomalar tuzilgan. Ayrim holatlarda auksion xaridlar oʻrniga toʻgʻridan-toʻgʻri shartnomalar tuzish yoki maxsus axborot portaliga eʼlonlarni joylashtirmasdan xarid qilingan. Manfaatlar toʻqnashuviga yoʻl qoʻyilib komissiya aʼzolariga tegishli tadbirkorlik subyektidan xaridlar amalga oshirilgan. Byudjet va tashkilot hisobiga qoʻshimcha hisoblangan daromadlar1,7 mlrd.soʻmni tashkil etdi. ortiqcha boyliklarni kirim qilish, asossiz hisoblanmagan badal toʻlovlarini hisoblash, asossiz hisoblangan kreditor qarzdorliklarni kamaytirish, asossiz hisobdan chiqarilgan mulkni qayta kirim qildirish, mulkni sotishdan tushgan mablagʻlarni 50%ni mahalliy byudjetga yoʻnaltirish kabi yoʻllar bilan byudjet va maktabgacha taʼlim tashkiloti foydasiga qoʻshimcha hisoblandi. Bundan tashqari, oʻtkazilgan profilaktika natijasida25,3 mlrd.soʻm moliyaviy kamchiliklarni oldi olindi. 2022-yil uchun tuzilgan shtatlar jadvali va smeta xarajatlariga18,2 mlrd.soʻmlik ortiqcha rejalashtirish bartaraf etilishi bilan ish haqi ortiqcha toʻlovlariga chek qoʻyildi. 2,4 mlrd.soʻmlik subsidiya mablagʻlari noqonuniy toʻlanishi oldi olindi. Maktabgacha taʼlim vazirligi tomonidan 2022-yil 6 oyligi davomida26,3 mlrd.soʻmlik 101 ta tashkilotlarda oʻtkazilgan nazorat tadbiri hujjatlari qonuniy chora koʻrish uchun prokuratura organlariga taqdim etildi. Vazirlik byudjet mablagʻlarini oqilona sarflanishini taʼminlash, korrupsiyaga qarshi kurashish talon-tarojliklarni aniqlash va oldini olish boʻyicha Oʻzbekiston Respublikasi Hisob palatasi, Oʻzbekiston Respublikasi Bosh prokuraturasi, Bosh prokuratura huzuridagi iqtisodiy jinoyatlarga qarshi kurashish departamenti, Moliya vazirligining moliyaviy nazorat departamenti bilan uzviy xamkorlikda ish olib borildi. “Ijro.gov.uz«ijro intizomi idoralararo yagona elektron tizimi orqali topshiriq va vazifalar ijrosining taʼminlanishi. Ichki audit xizmatiga 2022-yilning 6 oyi davomida “Ijro.gov.uz” orqali140 ta xat va hujjatlar kelib tushgan boʻlib, shundan: - 58 ta turli vazirlik va idoralardan kelgan xat va hujjatlar; - 22 tasi maktabgacha taʼlim vazirining asosiy faoliyatga doir buyruqlari; - 15 tasi Maktabgacha taʼlim vazirligi hududiy boshqaruv idoralari tomonidan kelib tushgan xatlar; - 11 tasi vazirlik rahbariyati koʻrsatmalari bilan tushgan bildirgilar (Fishka hujjat); - 9 tasi yuqori tashkilot va idoralardan kelib tushgan xat va hujjatlar; - 8 tasi vazir huzurida oʻtkazilgan majlis bayonlari (Hayʼat, videoselektor, markaziy apparat yigʻilishlari… ); - 6 tasi hukumat qarorlari (PQ, PF, VQ …); - 5 tasi xizmat doirasida foydalanish uchun (XDFU) hujjat; - 4 tasi faoliyatga doir ichki hujjatlar; - 2 tasi chora-tadbirlar. Bugungi kun holatiga 121 ta xat va hujjatlarning ijrosi taʼminlanib, 19 tasining ijrosi ish jarayonida. Jismoniy va yuridik shaxslarning murojaatlarini koʻrib chiqish. Ichki audit xizmatiga 2022-yilning yanvar-iyun oylarida jami74 ta murojaatlar kelib tushdi: - Qoraqalpogʻiston Respublikasidan 4 ta; - Andijon viloyatidan 10 ta; - Buxoro viloyatidan 3 ta; - Jizzax viloyatidan 3 ta; - Qashqadaryo viloyatidan 15 ta; - Navoiy viloyatidan 1 ta; - Namangan viloyatidan 7 ta; - Samarqand viloyatidan 7 ta; - Surxondaryo viloyatidan 1 ta; - Toshkent viloyatidan 5 ta; - Fargʻona viloyatidan 9 ta; - Xorazm viloyatidan 3 ta; - Toshkent shahridan 6 ta. Mazkur murojaatlarni masalalar kesimida tahlil qiladigan boʻlsak: - Davlat xususiy sherikchilik asosida (xususiy) MTM tashkil etish masalasida – 6 ta; - Maktabgacha taʼlim tashkiloti rahbar va xodimlariningxatti-harakatlaridan noroziligi toʻgʻrisida – 42 ta; - Maktabgacha taʼlim tashkilotidagi noqonuniy ishlar toʻgʻrisida –20 ta; - Ish bilan taʼminlash toʻgʻrisida – 1 ta; - Taʼlim muassasasiga farzandini joylashtirish masalasida – 1 ta; - Boshqa har xil masalalar toʻgʻrisida – 4 ta. Murojaatlarni oʻrganish jarayonida mualliflar ishtiroki ham taʼminlanib, oʻrganish natijalari maʼlum qilinib, tegishli javob xatlari yuborildi. Shuningdek, 3 nafar murojaatchilar tomonidan Ichki audit xizmati xodimlari faoliyatidan qanoatlanganligi boʻyicha Maktabgacha taʼlim vaziri nomiga tashakkurnomalar kelib tushdi. II yarim yillikda amalga oshiriladigan ustuvor vazifalar: 1. Ichki audit xodimlarini Moliya vazirligi huzuridagi Moliya organlari hamda byudjet tashkilotlarining moliya-hisob boʻlinmalari xodimlarini tayyorlash va qayta tayyorlash oʻquv markazida tashkil etiladigan malaka oshirish kurslariga jalb etish. 2. Hududiy maktabgacha taʼlim boshqarma va boʻlimlar hamda davlat maktabgacha taʼlim tashkilotlarining moliyaviy-xoʻjalik faoliyatini tartibga soluvchi normativ-huquqiy hujjatlar ijrosini oʻrganish. 3. Byudjet mablagʻlarini oqilona hamda ortiqcha sarflanishini oldini olish yuzasidan profilaktika ishlarini olib borish.
Аxborot xizmati tomonidan 2022-yil I yarim yillik davomida respublika boʻyicha umumiy hisobda 10 219 ta material ommaviy axborot vositalarida eʼlon qilindi. Shundan: 853 ta telekoʻrsatuvdagi chiqishlar; 22 ta matbuot anjumani; 17 ta press tur; 28 ta brifing; 22 ta ochiq muloqot 1089 ta elektron nashrlarda; 504 ta bosma nashrlarda; 120 ta radioeshittirish; 156 ta sohaga oid tanqidiy materialga rasmiy munosabat bildirildi; 7 408 ta vazirlik va hududlarning rasmiy vеb-sayti, tеlеgram va fеysbukdagi sahifalarida matn va videorolik shaklida materiallar joylashtirib borildi. Аxborot xizmati tomonidan 2022-yil I yarim yillikda quyidagi ishlar amalga oshirildi: “Oʻzbekiston-24”, “Madaniyat va maʼrifat”, “Yoshlar”, “Oʻzbekiston”, “Mahalla”, “UzReport”, OʻzEOАVMА tarkibidagi telekanallar (“Mening yurtim”, “Sevimli”), “Zoʻr TV”, “Milliy TV”, “Ishonch TV” telekanallari, xorijiy kanallar TRT, hududiy MTRKlarida 853 ta koʻrsatuv va lavhalar, maxsus reportajlar efirga uzatildi. Faoliyat yuzasidan hamda Oʻzbekiston Respublikasi Prezidenti Аdministratsiyasi huzuridagi Аxborot va ommaviy komunikatsiyalar agentligi bilan hamkorlikda 22 ta matbuot anjumani, 17 ta press tur, 28 ta brifing, 22ta ochiq muloqot tashkil etildi. “Xalq soʻzi”, “Narodnoe slovo”, “Yangi Oʻzbekiston”, “Pravda Vostoka”, “Аngor yogʻdusi”, “Xalq irodasi”, “Namangan haqiqati” “Toshkent haqiqati” gazetalari, “Maktabgacha taʼlim metodikasi va nazariyasi”, “Ilk qadam”, “Bolalar sporti” jurnallarida 504 ta maqola chop etildi. Oʻzbekiston Milliy axborot agentligining rasmiy sayti (uza.uz), kun.uz, daryo.uz, gazeta.uz, xabar.uz, korrespondent.uz, anhor.uz, qalampir.uz, teznews.uz, effect.uz, zarnews.uz, kruz.uz, makan.uz, journalist.uz, uznews.uz, zamin.uz, xpress.uz, review.uz, uz24.uz, aniq.uz, yuz.uz, hordiq.uz, everyday.uz, jahon.uz, hudud24.uz, sputniknews-uz.com, norma.uz, xs.uz, darakchi.uz, repost.uz kabi saytlar hamda internet nashrlarida 1 089 ta shuningdek tashkilotning rasmiy veb-sayti va ijtimoiy tarmoqlarida faoliyatga oid 7 408 ta yangiliklar eʼlon qilindi. “Poytaxt”, “Grand”, “Oʻzbegim taronasi”, “Oʻzbekiston 24”, “Oriat dono”, “Oriat FM”, “Vodiy sadosi”, “Navroʻz”, “Maksima”, “Diydor”, “Ruxsor FM”, “Muloqot FM”, “S-Iqbol FM”, “Nukus FM”, “Аvtoradio”, “Istiqlol FM” “Oltin zamin”, “Samarqand sadosi”, “Samarqand inform”, “Yoshlar ovozi” radiostantsiyalari orqali 120 ta radioeshittirish jonli efirga uzatildi. Oʻzbekiston Respublikasi Prezidenti Аdministratsiyasi huzuridagi Аxborot va ommaviy kommunikatsiyalar agentligining har oy yakuni boʻyicha faoliyatga doir oʻtkazadigan monitoringida aniqlangan 156 ta tanqidiy materialga rasmiy munosabat bildirildi.
Ishga oʻz vaqtida kelib-ketildi, ichki mehnat, odob-axloq qoidalari, jamoa shartnomasi hamda boshqarmaning Nizomiga toʻliq rioya qilindi. Belgilangan tartibda Ishlar boshqarmasi boshligʻi rahbarligi ostida ish olib borildi hamda yuklatilgan vazifalar oʻz vaqtida ijro etildi. Ishlar boshqarmasining asosiy vazifasi vazirlik ishchi xodimlariga mehnat qilishlari uchun qulay shart-sharoit yaratish, binoni tozaligini saqlash, binoda issiqlik tizimi faoliyatini nazorat qilish hamda zarur konselyariya mollari va boshqa jihozlar bilan taʼminlashdan iborat. Boshqarmadagi umumiy vazifalardan tashqari quyidagi ishlar amalga oshirildi: - vazirlikning 2022-yil 7-iyundagi 135-sonli buyrugʻiga asosan tovar moddiy boyliklarini sanoqdan oʻtkazish yaʼni, inventarizatsiya qilish ishlari komissiya aʼzolari tomonidan olib borilmoqda va vazirlik balansida boʻlgan tovar-moddiy boyliklar toʻliq sanoqdan oʻtkazilib, hisobotini nihoyasiga yetkazish ishlari amalga oshirilmoqda; - vazirlik binosi va bino uchun xarid qilingan asosiy vositalarni quruvchidan qabul qilib olish ishlari boʻyicha “Infratuzilmani rivojlantirish boʻyicha injenering kompaniyasi” DUK va pudratchi oʻrtasidagi hisobot nihoyasiga yetmayotganligi sababli Ishlar boshqarmasi tomonidan kirim qilish ishlari kechiktirilmoqda. Chunki, buyruqda buyurtmachi pudratchidan qabul qilib olishi belgilangan; - vazirlik binosi yoz mavsumiga toʻliq tayyor holga keltirildi. Bugungi kunda chiller sovitish tizimi nuqsonsiz ishlamoqda; - kommunal xizmatlar boʻyicha suv, svet, gaz va maxsus trans xizmatlari uchun oylik hisobotlari tayyorlanib, oʻz vaqtida tegishli tashkilotlarga taqdim etildi. - vazirlik ehtiyojlari uchun 2022-yilga moʻljallangan xarajatlar smetasida koʻrsatilgan tovarlarni talabnoma asosida xarid qilish masalalari boʻyicha jami 234 ta talabnoma kelib tushgan boʻlib, barchasi ijobiy hal etilgan va tovarlar xodimlarga taqdim etilgan hamda hisob-kitobi yuritilib tovar-moddiy boyliklari hisoboti Buxgalteriya hisobi va hisoboti boshqarmasiga taqdim etilgan. Vazirlikning tegishli boshqarma va boʻlimlari tomonidan taqdim qilingan buyurtmalar buyruq asosida davlat xaridlari portaliga joylashtirildi. Jumladan, - Maktabgacha taʼlim vazirining 2022-yil 28-fevraldagi “Maktabgacha taʼlim vazirligining faoliyatiga doir hisoboti - 2021-yil natijalari, 2022-yilda rejalashtirilgan vazifalar” mavzusida matbuot anjumani hamda “Zamonaviy media muhitda yangi PR trendlar” mavzusida oʻquv-seminar oʻtkazish toʻgʻrisida» gi 35-sonli buyrugʻining 2-ilovasiga asosan tadbir harakatlari uchun 17 900 000 soʻmlik; - 2022-yil 25-martdagi “Xalqaro Yer kuni munosabati bilan «Tabiat bolalar nigohida” mavzusida maktabgacha yoshdagi bolalar tomonidan chizilgan rasmlar tanlovini oʻtkazish hamda respublika koʻrgazmasini tashkil etish toʻgʻrisida»gi 67-sonli buyrugʻining 4-ilovasiga asosan tadbir harakatlari uchun 34 738 000 soʻmlik; - 2022-yil 13-maydagi “1-iyun–Xalqaro bolalarni himoya qilish kuni” bayrami munosabati bilan Samarqand shahrida velomarafonini oʻtkazish toʻgʻrisida»gi 110-sonli buyrugʻining 2-ilovasiga asosan tadbir harakatlari uchun 71 750 000 soʻmlik; - 2022-yil 24-maydagi “Maktabgacha taʼlim tashkilotlari faoliyatini boshqarish yuzasidan jamoatchilik nazoratini takomillashtirishda Kuzatuv kengashlari faoliyatining oʻrni” mavzusidagi amaliy seminarni oʻtkazish toʻgʻrisida»gi 122-sonli buyrugʻining 4-ilovasiga asosan tadbir harakatlari uchun 24 000 000 soʻmlik; - Maktabgacha taʼlim vazirining 2022-yil 7-iyundagi “Maktabgacha taʼlim vazirligi huzuridagi Jamoatchilik kengashi yigʻilishi hamda 27-iyun - Matbuot va ommaviy axborot vositalari xodimlari kuni munosabati bilan matbuot anjumanini tashkil etish toʻgʻrisida»gi 134-sonli buyrugʻining 2-ilovasiga asosan tadbir harakatlari uchun 54 650 000 soʻmlik mahsulotlar xarid qilingan boʻlib tadbir tashkilotchilariga talabnoma asosida topshirildi. Bundan tashqari maktabgacha taʼlim vazirligi xodimlarini chet davlatlarga xizmat safariga borib-kelishlari uchun aviachiptalar va uchrashuvda vazirlik tomonidan taqdim qilinadigan hadyalar uchun jami 47 mln soʻmlik esdalik sovgʻalari xarid qilindi hamda xodimlarga taqdim etildi. Bugungi kunga kelib yuqorida koʻrsatilgan vazirlik tomonidan tashkil etilgan tadbirlar va chet el xizmat safariga ketishlari uchun jami 22 ta shartnomalar rasmiylashtirildi. Vazirlik balansidagi mavjud xizmat avtomashinalarining texnik ahvoli oʻrganildi, avtotransport vositalarini oʻrganish jarayonida taʼmirlash ishlarini tashkil etildi. Jumladan, davlat raqami 01 232 DAV xizmat avtomashinasining old oyna qismi shikastlanganligi, 01 013 GFA xizmat avtomashinasining tormoz qismi (kolotka) yemirilganligi, 01 996 WYA xizmat avtomashinasining tormoz qizmi, amortizatsiyasining yaroqsiz holga kelganligi sababli yangisiga almashtirildi hamda barcha xizmat avtomashinalarining motor moylari almashtirildi, xizmatga tayyorgarligi taʼminlandi. Favqulodda vaziyatlarning oldini olish va oqibatlarini bartaraf etish masalalari boʻyicha qilingan ishlar: - Oʻzbekiston Respublikasi Fuqaro muhofazasi boshligʻining “Oʻzbekiston Respublikasi aholisi va hududlarni favqulodda vaziyatlardan muhofaza qilish, fuqaro muhofazasi va yongʻin xavfsizligini taʼminlash boʻyicha 2021-yilda bajarilgan ishlar yakuni va 2022-yildagi asosiy vazifalar toʻgʻrisida” 2022-yil11-yanvardagi 1-son buyrugʻi ijrosini taʼminlash hamda Oʻzbekiston Respublikasi Maktabgacha taʼlim vazirligi va uning tizimidagi tashkilotlarda favqulodda vaziyatlarning oldini olish, fuqaro muhofazasi va yongʻin xavfsizligini taʼminlash boʻyicha 2022-yilda amalga oshiriladigan asosiy vazifalar toʻgʻrisida buyruq loyihasi ishlab chiqildi va amaliyotga qaratildi (Maktabgacha taʼlim vazirining 2022-yil 24-fevraldagi 8-son buyrugʻi); - vazirlik xizmat, maishiy va yertoʻla xonalari yongʻin xavfsizligi talablari boʻyicha yoʻriqnoma vazir oʻrinbosari tomonidan 17-fevral kuni imzolanib va barcha masʼul xodimlarga imzo ostiga yetkazilishi taʼminlandi (barcha xona, yertoʻla va h.klariga tegishliligi boʻyicha oʻrnatildi), shuningdek, Oʻzbekiston Respublikasi Vazirlar Mahkamasining 2020-yil 20-oktyabrdagi 649-son qarori talablari asosida Maktabgacha taʼlim vazirligi xodimlari va moddiy boyliklarini favqulodda vaziyatlar hamda yongʻin sodir boʻlganda evakuatsiya qilish rejasi qaytadan ishlab chiqildi (barcha qavatlar, yertoʻla va h.klariga tegishliligi boʻyicha oʻrnatildi), shuningdek, vazirlik binosi yongʻin xavfsizligini taʼminlash maqsadida hamda Mirobod tumani favqulodda vaziyatlar boʻlimi tomonidan berilgan tavsiyasiga koʻra birlamchi yongʻin oʻchirish vositalari belgilangan tartibda xarid qilinib koʻrsatib oʻtilgan joylarga oʻrnatildi; - Oʻzbekiston Respublikasi Maktabgacha taʼlim vazirning 2022-yil 24-yanvardagi 8-son buyrugʻi 2-ilovasi talablari asosida 14-18-mart, 28-martdan-01-aprelgacha, 04-15-aprel, 18-29-aprel, 02-06-may, 16-27-may hamda 20-24-iyun kunlari Maktabgacha taʼlim vazirligi hududiy boʻlinmalar va idoraviy mansub tashkilotlar xodimlarini Favqulodda vaziyatlar vazirligi Akademiyasi huzuridagi Fuqaro muhofazasi institutida oʻqish rejasiga muvofiq fuqaro muhofazasi boʻyicha mutaxassis (masʼul xodim)lar oʻqitilishi taʼminlandi; - favqulodda vaziyatlarning oldini olish va ularni bartaraf etish boʻyicha Hukumat komissiyasining 2022-yildagi chora – tadbirlar rejasiga asosan aprel-may oylari mobaynida fuqaro muhofazasi oyligini tashkil qilish va oʻtkazish maqsadida, Oʻzbekiston Respublikasi Favqulodda vaziyatlar vazirligi Akademiyasi huzuridagi Fuqaro muhofazasi institutidan 2022-yilning 20-may kuni vazirlik markaziy apparati xodimlari bilan favqulodda vaziyatlarda toʻgʻri harakatlanishni, birlamchi oʻt oʻchirish vositalar va ulardan samarali foydalanishni hamda birinchi yordam koʻrsatishni oʻrgatish boʻyicha amaliy mashgʻulot tashkil etildi. Unda favqulodda vaziyatlarning oldini olish - oldindan oʻtkaziladigan hamda favqulodda vaziyatlar roʻy berishi xavfini imkon qadar kamaytirishga, bunday vaziyatlar roʻy bergan taqdirda esa, odamlarning hayotini asrab qolish va sogʻligʻini saqlashga, atrof tabiiy muhitga yetkaziladigan zarar va moddiy talafotlar miqdorini kamaytirishga qaratilgan tadbirlar kompleksi, favqulodda vaziyatlarni bartaraf etish - favqulodda vaziyatlar roʻy berganda oʻtkaziladigan hamda odamlarning hayotini asrab qolish va sogʻligʻini saqlashga, atrof tabiiy muhitga yetkaziladigan zarar va moddiy talafotlar miqdorini kamaytirishga, shuningdek favqulodda vaziyatlar roʻy bergan zonalarning kengayishiga yoʻl qoʻymaslikka hamda xavfli omillar taʼsirini tugatishga qaratilgan qutqaruv ishlari va kechiktirib boʻlmaydigan ishlar kompleksi haqida maʼlumot berildi. Arxiv ishlari masalalari boʻyicha: - Oʻzbekiston Milliy arxivining 2022-yil asosiy ish rejasiga muvofiq arxiv hujjatlarining saqlanish holatini oʻrganish hamda uslubiy yordam koʻrsatish ishlari amalga oshirildi; - vazirlikning boshqarma va boʻlimlarida saqlanayotgan hujjatlar idoraviy arxivga qabul qilinib, turkumlashtirildi (Nazorat tahlil boshqarmasi-devonxonadan 2019-yilgi, Pedagog kadrlar sifatini oshirish va pedagog kollejlar faoliyatini muvofiqlashtirish boshqarmasidan 2020-yilgi, Davlat-xususiy sheriklik asosidagi maktabgacha taʼlim tashkilotlari faoliyatini tashkil etish boshqarmasi, Ichki audit, moliyaviy va huquqiy nazorat xizmatidan 2018-2020-yilgi hamda Yuridik boshqarmadan 2017-2020-yilgi hujjatlari). 2022-yilning I chorak holatiga mdo.ijro.uz tizimi orqali boshqarmaga jami 204 ta xat kelib tushgan boʻlib, shulardan 2 tasini yuridik fuqarolar tomonidan kelib tushgan taklif va murojaatlar tashkil etadi. Boshqa vazirlik, idora va tashkilotlardan kelib tushgan hatlar jami 202 tani tashkil etsa, shulardan 47 ta xat ish jarayonida boʻlib, 107 tasi oʻz vaqtida nazoratdan olinishi taʼminlandi. Har kuni ertalab xizmat xonalari farroshlari va hovli supuruvchilar tomonidan xizmat xonalari va yoʻlaklar, mebel va jihozlar, zinalar, hojatxonalar, eshiklar, lift kabinalari hamda vazirlik binosi tozaligi nazoratga olindi. Vazirlikning xoʻjalik ishlari boʻyicha oʻtkazilgan tadbirlarda faol ishtirok etildi.
Boshqarma tomonidan joriy yil tomonidan 6 oy davomida quyidagi ishlar amalga oshirildi: Maʼnaviy-maʼrifiy yoʻnalish boʻyicha 2022-yil uchun “Maktabgacha taʼlim vazirligi tizimida maʼnaviy-maʼrifiy ishlarning yangi tizimini yaratish boʻyicha ishlab chiqilgan «Yoʻl xaritasi” doirasida amalga oshiriladigan ishlar belgilanib, berilgan vazifalar ijrosi oʻz muddatida amalga oshirilib, Respublika Maʼnaviyat va maʼrifat markaziga maʼlumot taqdim etib kelinmoqda. 1. Maktabgacha taʼlim vazirligi tomonidan Oʻzbekiston Respublikasi Vazirlar Mahkamasining 2021-yil 9-iyundagi 305-F-son farmoyishi bilan tasdiqlangan “Iqlim oʻzgarishining Oʻzbekistondagi oqibatlarini yumshatish boʻyicha qisqa (2021-2023-yillar) va oʻrta (2023-2025-yillar) muddatli chora-tadbirlarni amalga oshirish rejasi”ning 44-bandi hamda Maktabgacha taʼlim vazirligining 2022-yil I yarim yillik ish rejasida belgilangan vazifalar ijrosini taʼminlash maqsadida Maktabgacha taʼlim vazirining 2022-yil 25-mart “Xalqaro Yer kuni munosabati bilan “Tabiat bolalar nigohida” mavzusida maktabgacha yoshdagi bolalar tomonidan chizilgan rasmlar tanlovini oʻtkazish hamda respublika koʻrgazmasini tashkil etish toʻgʻrisida»gi 67-son buyrugʻi qabul qilindi. Buyruq bilan “Xalqaro Yer kuni munosabati bilan maktabgacha taʼlim tashkilotlarining tarbiyalanuvchilari oʻrtasida «Tabiat bolalar nigohida” mavzusida maktabgacha yoshdagi bolalar tomonidan chizilgan rasmlar tanlovlarini oʻtkazish hamda respublika koʻrgazmasini tashkil etish toʻgʻrisida»gi Nizom tasdiqlandi. Mazkur Nizomga asosan tanlov va koʻrgazmaning: davlat maktabgacha taʼlim tashkiloti 1-bosqichi 10-20-mart kunlari; tuman (shahar) 2-bosqichi 20-30-mart kunlari; hududiy boshqarma 3-bosqichi 1-10-aprel kunlari oʻtkazildi. 2022-yilning 27-aprel kuni vazirlik binosida komissiya aʼzolari ishtirokida “Tabiat bolalar nigohida” mavzusida bolalar rasmlari tanlovining Respublika bosqichiga maktabgacha taʼlim tashkilotlarining tarbiyalanuvchilari tomonidan taqdim etilgan (14 ta hududdan 3 tadan yuborilgan umumiy 42 ta rasmlar) rasmlarni saralash hamda I, II, III oʻrin gʻoliblari aniqlash maqsadida, “Xalqaro Yer kuni munosabati bilan «Tabiat bolalar nigohida” mavzusida maktabgacha yoshdagi bolalar tomonidan chizilgan rasmlar tanlovining respublika bosqichi baholash mezonlari va ballari koʻrib chiqildi. Komissiya xulosasiga koʻra, I, II va III oʻrin va oʻziga xosligiga koʻra turli xil nominatsiya gʻoliblari aniqlandi (roʻyxat ilova qilinadi). Joriy yilning 29-aprel kuni Mirobod tumanida joylashgan 34-son davlat maktabgacha taʼlim tashkilotida rasmlar tanlovining Respublika bosqichi koʻrgazmasi boʻlib oʻtdi. Koʻrgazmada gʻolib va ishtirokchilar vazirlikning esdalik sovgʻalari bilan taqdirlanadi. Oʻtkazilgan koʻrgazma OAV va vazirlikning veb saytida yoritildi. 2. 1-iyun “Xalqaro bolalarni himoya qilish kuni” 1925-yil Jenevada bolalar farovonligiga bagʻishlangan Butunjahon konferensiyasida taʼsis etilgan va 1950-yildan beri bayram sifatida nishonlab kelinadi. Respublikamizda bolalarning sanʼat va madaniyatga boʻlgan qiziqishlarini yanada oshirish, iqtidorli yoshlarni aniqlash, ularni tasviriy sanʼatga, badiiy ijodga boʻlgan qiziqish va eʼtiborini mustahkamlash maqsadida Oʻzbekistonda SHHT Xalq diplomatiyasi markazi tashabbusi bilan respublikamizdagi maktabgacha taʼlim tashkilotlari tarbiyalanuvchilari va umumtaʼlim maktablari oʻquvchilari oʻrtasida “Zaminda tinchlik - bizning qoʻlimizda” mavzusida bolalar rasmlari koʻrgazmasi tashkil etdi. Mazkur koʻrgazma joriy yilning 30-mayidan 2-iyun kuniga qadar “Yoshlar ijod saroyi”da oʻtkazildi. Koʻzgazmada maktabgacha taʼlim tashkilotlarining tarbiyalanuvchilari tomonidan chizilgan 280 dan ortiq jajji rassomlar tomonidan chizilgan rasmlar ishtirok etdi. Tarbiyalanuvchilar oʻzlarining ijod namunalari bilan ona zaminda tinchlik, Vatan ravnaqi va xalq farovonligi haqidagi tushunchalari va tasavvurlarini rasmlarlar orqali ifodalashga harakat qilganlar. Koʻrgazmaning ochilish marosimida Yunusobod tumanida joylashgan 304-sonli davlat maktabgacha taʼlim tashkiloti tarbiyalanuvchilari tomonidan musiqa va raqs dasturlari namoyish etildi. Koʻrgazma 2022-yilda Shanxay hamkorlik tashkilotining Oʻzbekistonda oʻtkaziladigan sammiti oldidan hamda Xitoyning Uxan shahrida boʻlib oʻtadigan Xalqaro bolalar rasmlari koʻrgazmasida ham ekspozitsiya qilinadi. 3. Oʻzbekiston Respublikasi Prezidentining 2021-yil 24-sentabrdagiPQ-5251-son qarori bilan tasdiqlangan Velosport turlarini 2021-2022-yillardarivojlantirish dasturining 6-bandi hamda Oʻzbekiston Respublikasi maktabgacha taʼlim vazirligining 2021-yil 30-sentabrdagi 190/1-son buyrugʻi bilan tasdiqlangan 2021-2022-yillarda maktabgacha taʼlim tizimida velosportni ommalashtirish dasturining 3-bandlari ijrosini taʼminlash maqsadida Oʻzbekiston Respublikasi maktabgacha taʼlim vazirligining 2022-yil 28-aprelda “Namangan, Surxondaryo, Xorazm viloyatlari maktabgacha taʼlim tashkilotlari tarbiyalanuvchilari oʻrtasida bolalar velomarafonini tashkil etish toʻgʻrisida” 100-son buyrugʻi qabul qilindi. Mazkur buyruq bilan Maktabgacha taʼlim tashkilotlarining tarbiyalanuvchilari oʻrtasida bolalar velomarafoni(keyingi oʻrinlarda - velomarafon)ni oʻtkazish boʻyicha Nizom (keying oʻrinlarda - Nizom) ilovaga muvofiq tasdiqlandi. Nizomga asosan Namangan, Surxondaryo, Xorazm viloyatlari maktabgacha taʼlim tashkilotlari tarbiyalanuvchilari oʻrtasida bolalar velomarafoni tashkil etildi. 4. Respublika Maʼnaviyat va maʼrifat markazi hamda “Maʼrifat” targʻibotchilar jamiyati bilan hamkorlikda joriy yilning 13-iyun kuni Mirobod tumanida joylashgan 482-son davlat maktabgacha taʼlim tashkilotida “Zukko bolajon!” loyihasi doirasida “Zukko Bolajon” foto-albomi taqdimotiga bagʻishlangan, badiiy-musiqali bayram tadbiri oʻtkazildi. Loyihaning kelgusidagi asosiy maqsadi etib: Maktabgacha taʼlim tashkilotlarida “Zukko bolajon!” albomi asosida devoriy lavhalar bilan bezatish; “Zukko bolajon!” fotoalbomining taqdimoti va tavsiyaviy targʻibot ishlarini olib borish; “Zukko bolajon!” loyihasi doirasida milliy anʼanalari asosida bezatilmagan maktabgacha taʼlim tashkilotlarini devoriy surʼatlar milliy qadriyatlarimizga mos tarzda bezash boʻyicha mutaxassislar bilan hamkorlikda tavsiya ishlab chiqish belgilangan. 5. “Yangi Oʻzbekiston” ijtimoiy-siyosiy gazetasining 2022-yil 6-apreldagi 68 (590)-sonida “Bolalar bogʻchasi — ilk moslashuv davrasi”, “Maktabgacha taʼlim tashkilotlari qanday bezatilishi kerak?”, “Milliy ertaklar — oʻzlikka yetaklar”, “Nurota tajribasi nega ommalashtirilyapti?”, “Tarbiyachining oʻzi tarbiyalangan boʻlishi kerak” sarlavhali maqola chop etildi. 6. Oʻzbekiston Respublikasi Prezidentining 2021-yil 14-yanvardagi “Shaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora-tadbirlari toʻgʻrisida”gi PQ-4954-son qarori bilan tasdiqlangan “Shaxmatni 2025-yilgacha rivojlantirish davlat dasturini 2021-yilda amalga oshirish boʻyicha «Yoʻl xaritasi”ning 2-bandiga muvofiq “Maktabgacha taʼlim tashkiloti tarbiyalanuvchilari oʻrtasida Oʻzbekiston birinchiligi musobaqalarini tashkil etish” vazifasi belgilangan. Shu munosabat bilan, Maktabgacha taʼlim vazirining “Oʻzbekiston Respublikasi maktabgacha taʼlim vazirining «Maktabgacha taʼlim tizimi xodimlari va maktabgacha taʼlim tashkilotlari tarbiyalanuvchilari oʻrtasida «Shaxmat kunlar”ni oʻtkazib borish toʻgʻrisida» 2021-yil 27-apreldagi 69-son buyrugʻiga oʻzgartirish va qoʻshimchalar kiritish toʻgʻrisida» 2022-yil 1-iyundagi 131-son buyrugʻiga hamda “Maktabgacha taʼlim tashkilotlari tarbiyalanuvchilari oʻrtasida shaxmat boʻyicha musobaqalarni oʻtkazish toʻgʻrisidagi nizom”ga muvofiq maktabgacha taʼlim tashkiloti tarbiyalanuvchilari oʻrtasida shaxmat boʻyicha “Oʻzbekiston birinchiligi” musobaqasining davlat maktabgacha taʼlim tashkiloti boshqichi joriy yilning 5-8-iyun kunlari, tuman (shahar) bosqichi 12-16-iyun kunlari, viloyat bosqichi 19-22-iyun kunlari oʻtkazildi. Maktabgacha taʼlim tashkilotlarining tarbiyalanuvchilari oʻrtasida shaxmat boʻyicha “Oʻzbekiston birinchiligi” musobaqasining Respublika bosqichi, viloyat bosqichida gʻolib boʻlgan 28 nafar maktabgacha taʼlim tashkilotlarining oʻgʻil va qiz bola tarbiyalanuvchilari oʻrtasida joriy yilning 28-iyun kuni oʻtkazilishi rejalashtirilgan. II. Maktabgacha taʼlim tashkilotlari attestatsiyasi Oʻzbekiston Respublikasi Vazirlar Mahkamasining 2019-yil 7-iyundagi “Davlat taʼlim muassasalari hamda nodavlat taʼlim tashkilotlarini attestatsiyadan va davlat akkreditatsiyasidan oʻtkazish tartibini takomillashtirish toʻgʻrisida” qarori bilan “Davlat taʼlim muassasalari hamda nodavlat taʼlim tashkilotlarini attestatsiyadan va davlat akkreditatsiyasidan oʻtkazish tartibi toʻgʻrisidagi nizom”ga muvofiq vazirlik tizimida 2022-yil I-yarim yil rejaga asosan respublikada 1103 ta maktabgacha taʼlim tashkilotlari attestatsiyaga jalb etilgan. Joriy yilning yanvar-aprel oylarida reja asosida 876 MTTlar jalb etildi, ulardan 55 MTTlar oʻtmadi deb etirof etildi. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi tomonidan may oyining bayonnomasi taqdim etilmagani sababli yanvar-aprel oylari natijalariga koʻra quyidagi tahlilliy maʼlumotlar aniqlandi. Jami yanvar-aprel oylarida 876 MTTlar jalb etilib, ulardan 773 (88,2%) MTTlar “oʻtdi” deb eʼtirof etildi. Jami “oʻtmadi” deb eʼtirof etilgan 103 MTTlardan 48 (4,6%) MTTlar turli, oʻzlariga bogʻliq boʻlmagan sabablarga koʻra oʻtmadi, 55 (6,2%) MTTlarga esa Nizomga muvofiq choralar koʻrildi. III. Oʻquv, metodik va didaktik materiallar bilan taʼminlash boʻyicha Oʻzbekiston Respublikasi Prezidentining PQ-5144 Qarori ijrosini taʼminlash maqsadida oilaviy, nodavlat, davlat maktabgacha taʼlim tashkilotlariga oʻquv-uslubiy va didaktik materiallar ehtiyojlarini tasdiqlangan manzilli roʻyxat asosida barcha maktabgacha taʼlim tashkilotlariga yetkazildi. Oʻquv-uslubiy va didaktik materiallarni taʼlim-tarbiya jarayonida samarali qoʻllash boʻyicha hududiy masʼul xodimlar tomonidan kaskad usulida amaliy seminar-treninglar oʻtkazildi. MTTlarga zarur boʻlgan oʻquv-uslubiy va didaktik materiallar ehtiyoji aniqlanib, ular asosida Maktabgacha taʼlim vazirligi qoshidagi axborot va pedagogik texnologiyalar innovatsion markazi MCHJ ga oʻquv-didaktik materiallarni texnik topshiriqlar va maketlarini ishlab chiqish boʻyicha topshirigʻi berilgan. “Maktabgacha yoshdagi bolalarda sport bilan shugʻullanishga sogʻlom, kuchli va taʼsirchan motivatsiyani shakllantirish” oʻquv-uslubiy qoʻllanmasi vazirlikning internet jahon axborot tarmogʻida rasmiy veb-saytiga joylashtirildi. «Maktabgacha yoshdagi bolalarda ilk tasavvurlarlarini shakllantirish» nomli maktabgacha taʼlim tashkilot pedagoglari uchun oʻquv-uslubiy qoʻllanmasi tayyorlanib, nashrga tavsiya etildi. Oʻzbekiston Respublikasi Prezidentining «Oila va xotin-qizlarni tizimliqoʻllab-quvvatlashga doir ishlarni yanada jadallashtirish chora-tadbirlaritoʻgʻrisida» 2022-yil 7-martdagi PF-87-son farmoni bilan tasdiqlangan“2022 - 2026-yillarda xotin qizlarning mamlakat iqtisodiy, siyosiy va ijtimoiy hayotining barcha jabhalarida faolligini oshirish boʻyicha Milliy dasturni 2022-2023-yillarda amalga oshirishga qaratilgan kompleks chora-tadbirlar rejasi”ning 93-bandi ijrosi yuzasidan hamkor tashkilotlarning vakillaridan iborat ishchi guruhi shakllantirilib, maktabgacha yoshdagi bolalarda oila muqaddasligi, ota-onani hurmat qilish, keksalarni eʼzozlash kabi fazilatlarni shakllantirishga qaratilgan “Men va mening oilam” uslubiy qoʻllanmasi tayyorlandi.. 2-3 yosdagi maktabgacha taʼlim tashkilot tarbiyalanuvchilari uchun namunaviy taʼlim-tarbiyaviy dasturi va uni amaliyotda qoʻllash yuzasidan tarbiyachi pedagoglar uchun taqdimot materiallari seminar uchun tayyorlandi. Oʻzbekiston Respublikasi Maktabgacha taʼlim vazirligiga Gretsiyaning “MM-publication» nashriyoti bilan hamkorlikda ishlab chiqilgan 20 ming nusxa darsliklarni maktabgacha taʼlim tashkilotlarida ingliz tilini oʻrganish uchun «Hi Kids! For Uzbekistan» toʻplami (Hi Kids! Studentʼs book, Hi Kids! Workbook va Hi Kids! Teacherʼs book) taqdim etildi va seminar-treninglar oʻtkazildi. Hozirgi kunda maktabgacha taʼlim tashkilotlarida ingliz tili pedagoglarining oʻquv yili yakuni boʻyicha fikr va hulosalari umumlashtirilmoqda. Oʻzbekiston Respublikasi Vazirlar Mahkamasining 2021-yil 10-fevraldagi 61-son qarori bilan tasdiqlangan “Lotin yozuviga asoslangan oʻzbek alifbosiga bosqichma-bosqich toʻliq oʻtishni taʼminlash boʻyicha «Yoʻl xaritasi”ning 10-bandiga muvofiq «Maktabgacha yoshdagi bolalarning lotin yozuviga asoslangan oʻzbek alifbosi va yangi imlo qoidalari boʻyicha savodxonligini shakllantirishga moʻljallangan turli koʻrgazmali va tarqatma materiallar tayyorlash» vazifasi belgilangan. Mazkur band ijrosini taʼminlash maqsadida vazirlik mutaxassislari tomonidan “Ilk qadam” maktabgacha taʼlim tashkilotining davlat oʻquv dasturiga mufoviq oy mavzularida duch keladigan, kundalik muloqotda kam ishlatiladigan soʻzlardan tarkib topgan «Mening ilk izohli lugʻatcham» nomli maktabgacha taʼlim tashkilotlarining tarbiyalanuvchilari uchun izohli lugʻatcha (rasmli-bezakli) ishlab chiqilib hulosa olish uchun mutaxassislarga yuborildi. IV. Xalqaro loyihalarda ishtroki “MELQO” «Maktabgacha taʼlim sifatini baholash tizimini ishlab chiqish va tadbiq etishga koʻmaklashish» loyihasi doirasida «Oʻzbekistonda bolalarni erta yoshdan rivojlantirishni takomillashtirish loyhasi» orqali erta yoshdagi bilim sifati va natijalarini baholash (MELQO) vositalarini yakuniy koʻrinishga keltirish boʻyicha harakatlar rejasi, mazkur vositalar birlamchi sinovdan oʻtkazilib va milliy darajada joriy etish jarayoni boʻyicha loyihasi ishlab chiqildi. Instansiyaning 2021-yil 9-iyuldagi 2021-yil 27-iyuldagi 11-RA 2-4459-son koʻrsatmasiga asosan Oʻzbekiston Respublikasi Maktabgacha taʼlim vazirligi hamda Sanitariya-epidemiologik osoyishtalik va jamoat salomatligi xizmati va “Mehribonlik korpusi”ning Oʻzbekistondagi filiali oʻrtasida “Oʻzbekistonda taʼlim va bolalar ovqatlanishi uchun oziq-ovqatlar” loyihasini Oʻzbekiston Respublikasida amalga oshirish boʻyicha uch tomonlama hamkorlik memorandumi imzolandi. Memorandum doirasida 2021-2024-yillarda “Mehribonlik korpusi” tomonidan Qoraqalpogʻiston Respublikasi va Surxondaryo viloyati davlat maktabgacha taʼlim tashkilotlari shart-sharoitlarini yaxshilash uchun Kitobxonlik burchaklarini yaratish hamda jihozlash yuzasidan rejaga asosan tashkiliy ishlar davom etmoqda. “Bolalik akademiyasi”(www.bolakadem.uz)- raqamli platformasi yetakchi taʼlim sohasining ilgʻor mutaxassislari Oʻzbekiston Respublikasi Maktabgacha taʼlim vazirligi, UNICEF va “Bilim makon” Axborot va pedagogika texnologiyalari innovatsion markazi hamkorligida yaratilgan qulay va moslashtirilgan raqamli platforma. Raqamli platforma uzluksiz taʼlimni qoʻllab-quvvatlash, anʼanaviy taʼlim tizimlariga raqamli texnologiyalarni joriy etish, Oʻzbekiston maktabgacha taʼlim sohasidagi pedagoglar va mutaxassislarga, shuningdek ota-onalar va maktabgacha yoshdagi bolalarga yordam berish uchun moʻljallangan boʻlib mazmuniy jihatdan takomillashtirilib borilmoqda. 2021-yil 24-mart kuni Oʻzbekiston Respublikasi Maktabgacha taʼlim vazirligi va Oʻzbekiston-Koreya biznes uyushmasi oʻrtasida hamkorlik toʻgʻrisidagi memorandum imzolangan boʻlib, uning asosida Koreyaning EDULINK kompaniyasi tomonidan ishlab chiqilgan S-board mobil ilovasi tanlanma asosida 2021-yil sentabr oyidan boshlab Bektemir tumanidagi davlat maktabgacha taʼlim tashkilotlariga (DTM) eksperimental (pilot) asosida joriy etildi va MTV mutaxassislari tomonidan berilgan tavsiyalar asosida takomillashtish ishlari olib borilmoqda. V. Amaliy seminar-treninglar va oʻrganishlar Qoraqalpogʻiston Respublikasi, Qashqadaryo viloyati , Toshkent viloyati, Namangan viloyatlarida oʻrganishlar olib borilgan boʻlib, kamchiliklari yuzasidan amaliy seminarlar oʻtkazilgan. Iyun oyida Taʼlim sifati jarayonini taʼminlash va innovatsion pedagogik texnologiyalarni joriy etish hududiy masʼul xodimlari ishtrokida onlayn tarzda Taʼlim sifatini oshirishga qaratilgan ZOOM yigʻilishi boʻlib oʻtdi. VI. Ijro intizomi boʻyicha 1. Taʼlim jarayoni sifatini taʼminlash va innovatsion pedagogik texnologiyalarni joriy etish boshqarmasiga http://mf.ijro.uz/ portali orqali 2022-yilning 6 oyi davomida jami 26 ta murojaatlar kelib tushgan boʻlib, ushbu murojaatlarning barchasini ijrosi belgilangan muddatda taʼminlandi. 2. Taʼlim jarayoni sifatini taʼminlash va innovatsion pedagogik texnologiyalarni joriy etish boshqarmasiga http://mf.ijro.uz/ portali orqali 2022-yilning 6 oyi davomida jami 479 ta hujjatlar kelib tushgan boʻlib, ushbu hujjatlarning 394 tasining ijrosi taʼminlandi. 85 ta hujjatlar ish jarayonida. Belgilangan muddatlarda ijrosi taʼminlanadi. 3. “app.ijro.uz” tizimi orqali jami 157 ta hujjatlar loyihalari kelishildi yoki ishlab chiqildi. Shundan 117 ta hujjatlar boshqarma boshligʻiga boshqarma xodimlari yoki boshqarma boshliqlari tomonidan kelishishga kiritilgan. Shu bilan birga boshqarma boshligʻi tomonidan 40 ta hujjat loyihasi ishlab chiqilgan (loyihalar raqamlari ilova qilinadi). 4. Ekspertizadan oʻtkazish yoki kelishish uchun taqdim etilgan normativ-huquqiy hujjatlar loyihalariga (project.gov.uz, app.ijro.uz va boshqalar) mustaqil yoki boshqa tuzilmalar bilan birgalikda 12 ta xulosalar tayyorlandi. VII. Muammolar 1. Boshqarmada ish hajmini koʻpligi, xususan jismoniy tarbiya va sport yoʻnalishi boʻyicha mutaxassis yoʻqligi, maʼnaviy-maʼrifiy ishlar boʻyicha 1 nafar mutaxassis shugʻullanayotganligi muammolarni keltirib chiqarmoqda. Yechimi: Boshqarmada kamida 2 ta qoʻshimcha shtat ajratish va unga jismoniy tarbiya va sport boʻyicha hamda maʼnaviy-marifiy ishlar boʻyicha qoʻshimcha mutaxassislarni ishga qabul qilish. VIII. 2022-yilning ikkinchi yarmida rejalashtirilgan asosiy vazifalar. 1. Maktabgacha taʼlim tizimida “Anʼanaviy avgust kengashini” oʻtkazishda tegishli boshqarmalar bilan hamkorlik qilish. 2. 2022/2023 oʻquv yilida maktabgacha taʼlim tashkilotlari uchun ishlab chiqilayotgan oʻquv-metodik va didaktik materiallarni ishlab chiqilishida Axborot va pedagogika texnologiyalari innovatsion markazi bilan hamkorlik qilish. 3. Maktabgacha taʼlim tizimida taʼlim sifatini samarali tashkil etish boʻyicha tizimli seminar-treninglarni tashkil etish. 4. Maktabgacha taʼlim tizimida maʼnaviy-maʼrifiy ishlarni tashkil etish boʻyicha seminar oʻtkazish.
1. Oʻzbekiston Respublikasi Vazirlar Mahkamasining “Davlat maktabgacha taʼlim muassasalarida sogʻlom ovqatlantirish tizimini yanada takomillashtirish toʻgʻrisida” 2019-yil 25-iyuldagi 626-son qaroriga oʻzgartirish va qoʻshimchalar kiritish haqida”gi qarori loyihasi tayyorlanib vazirlik va idoralar bilan kelishilib Vazirlar Mahkamasiga kiritildi. 2. Oʻzbekiston Respublikasi Maktabgacha taʼlim vazirligining tomonidan Qoraqalpogʻiston Respublikasi, Qashqadaryo viloyati va Toshkent shahridagi davlat maktabgacha taʼlim tashkilotlarida oʻrganishlar oʻtkazildi. Davlat maktabgacha taʼlim tashkilotlari sogʻlom va xavfsiz ovqatlantirishni toʻgʻri tashkil etmaganligi hamda funksional vazifalariga masʼuliyatsizlik bilan yondashganligi uchun: - Qoraqalpogʻiston Respublikasi Maktabgacha taʼlim vazirligining Maktabgacha taʼlim tashkilotlari sogʻlom va xavfsiz ovqatlanishini taʼminlash boʻlimi xodimi; - Qashqadaryo viloyati 3 ta tuman maktabgacha taʼlim boʻlimlari mudirlari; - Toshkent shahridagi 9 ta davlat maktabgacha tashkilotlari direktorlariga nisbatan hayfsan intizomiy jazo chora koʻrildi. Shuningdek, Toshkent shahrining 3 ta tuman maktabgacha taʼlim boʻlimlari mudirlari hamda 8 ta davlat maktabgacha tashkilotlari direktorlari bilan tuzilgan mehnat shartnomalari oʻrnatilgan tartibda bekor qilindi. 3. Tarbiyalanuvchilarining sogʻlom ovqatlantirishni tashkil etish ishlarini yanada takomillashtirish, belgilangan sanitariya qoidalari, normalari va gigiyena normativlariga muvofiq holda ovqatlantirishni tashkil etish orqali bolalarning sogʻlom va barkamol oʻsishini taʼminlash, sogʻlom ovqatlantirishning zamonaviy usullarini joriy etgan holda taʼlim-tarbiya sifati va samaradorligini oshirish uchun keng imkoniyatlar yaratish maqsadida joriy yilning aprel oyidan Qoraqalpogʻiston Respublikasi Toʻrtkoʻl tumanidagi 6 ta davlat maktabgacha tashkilotlarida tajriba- sinov tariqasida “Keytering” asosida sogʻlom ovqatlantirish tashkil etildi. 4. Oʻzbekiston Respublikasi Maktabgacha taʼlim vazirligi Oʻzbekiston Respublikasi Sanitariya epidemiologik osoyishtalik va jamoat salomatligi xizmatining 2021-yil 30-sentyabrdagi “Maktabgacha taʼlim tashkilotlarida tarbiyalanuvchilarni sogʻlom ovqatlantirishni tashkil etish uchun mavsumiy namunaviy taomnomalarni tasdiqlash va amaliyotga joriy qilish toʻgʻrisida”gi 14/22-sonli qoʻshma qaroriga asosan yagona mavsumiy taomnomalar tayyorlandi. 5.“Oʻzbekiston Ryespublikasi maktabgacha taʼlim tashkilotlarida tarbiyalanayotgan bolalarni xavfsiz va sifatli ovqatlanishini tashkil etilishiga oid gigiyenik talablar” 0016-21-son SanQvaMga qoʻshimchalar kiritish yuzasidan takliflar ishlab chiqilib, Oʻzbekiston Respublikasi Sanitariya epidemiologik osoyishtalik va jamoat salomatligi xizmatiga kiritildi. 6. Oʻzbekiston Respublikasi Prezdenti Administratsiyasining 2022-yil 14-maydagi 08-1247-sonli topshirigʻiga hamda Oʻzbekiston Respublikasi Maktabgacha taʼlim vazirining 2022-yil 16-maydagi 142-x-sonli buyruqa asosan, joriy yilning 17-31-may kunlari hududlardagi davlat maktabgacha taʼlim tashkilotlaridagi ovqatlantirish tizimi tahliliy va kompleks tarzda Samarqand, Namangan, Toshkent, Andijon va Sirdaryo viloyatlarida monitoring oʻtkazildi. 7. Qoraqalpogʻiston Respublikasi, Qashqadaryo viloyatidagi davlat maktabgacha taʼlim tashkilotlarida oʻrganish yakunlari boʻyicha bayonlardagi topshiriq ijrosini taʼminlash maqsadida chora-tadbirlar rejasi tasdiqlandi. 8. Toshkent shahridagi Davlat maktabgacha taʼlim tashkilotlarida sogʻlom va xavfsiz ovqatlantirishni tashkil etishda oziq-ovqat mahsulotlari va tayyorlanayotgan taomlar, shuningdek, ularda foydalaniladigan texnologik jihozlarning sanitariya qoidalari, normalari va gigiyena normativlariga mosligi, oshxonalar xodimlari tomonidan sanitariya-gigiyena tadbirlari bajarilishiga rioya etilishi yuzasidan ovqatlantirishga maʼsul boʻlgan xodimlarga oʻquv seminarlar tashkil etildi.
2022-yilning dastlabki yarim yilligida maktabgacha taʼlim sohasiga davlat byudjetidan 4,8 trln. soʻm mablagʻ ajratilib, hisobot davrida ijrosi 4,4 trln. soʻmga (92%) bajarildi. Xususan, respublika byudjetidan 3,7 trln. soʻm mablagʻ ajratilib, ijrosi 3,4 trln. soʻmga (93%), mahalliy byudjetlardan 1,1 trln. soʻm mablagʻ ajratilib, ijrosi 995 mlrd. soʻmga (88,5%) bajarildi. Respublika byudjetidan ajratilgan mablagʻlar doirasida: davlat maktabgacha taʼlim tashkilotlarining ish haqi va unga tenglashtirilgan toʻlovlarga 2,376 trln. soʻm mablagʻ ajratilib, ijrosi 2,27 trln. soʻmga (95,5%); davlat xususiy sherikchilik asosida tashkil etilgan maktabgacha taʼlim tashkilotlariga subsidiyalar uchun 1,048 trln. soʻm ajratilib, ijrosi 1,037 trln. soʻmga (99%); Maktabgacha taʼlimni rivojlantirish jamgʻarmasiga 58 mlrd. soʻm ajratilib, ijrosi 58 mlrd. soʻmga (100%); markazlashgan mablagʻlar hisobidan jihozlashga 148,8 mlrd. soʻm ajratilib, ijrosi 10,4 mlrd. soʻmga (7%); kadrlar tayyorlar va malaka oshirish xarajatlariga 33,4 mlrd. soʻm ajratilib, ijrosi 29,4 mlrd. soʻmga (88%); vazirlik markaziy apparati xarajatlari uchun 5,8 mlrd. soʻm ajratilib, ijrosi 4,9 mlrd. soʻmga (84,5%) bajarilgan. Mahalliy byudjetlardan ajratilgan mablagʻlar doirasida: Hududiy maktabgacha taʼlim boʻlinmalarini saqlash xarajatlariga 130 mlrd. soʻm ajratilib, ijrosi 122 mlrd. soʻmga (94%); davlat maktabgacha taʼlim tashkilotlarini saqlash xarajatlariga 995 mlrd. soʻm ajratilib, ijrosi 873 mlrd. soʻmga (88%) bajarilgan. Jumladan, oziq-ovqat xarajatlariga 576 mlrd. soʻm ajratilib, ijrosi 489 mlrd. soʻmga (85%); sanitariya-gigiyena vositalari xarid qilishga 15 mlrd. soʻm ajratilib, ijrosi 13,5 mlrd. soʻmga (90%) bajarilgan. Maktabgacha taʼlimni moliyalashtirish boʻyicha rejalashtirilgan ishlar: 1) 2022 yil 1-sentyabrdan biometrik identifikatsiya qilish texnologiyasi orqali maktabgacha taʼlim tashkilotlari xodimlari va tarbiyalanuvchilarining davomatini mobil ilova yordamida yuritishni yoʻlga qoʻyish. Mazkur tizim 2022-yilning 1-aprelidan boshlab Sirdaryo viloyatida, 1-iyundan boshlab respublikaning boshqa hududlarida joriy etilgan. 2022-yil 1-sentyabrdan boshlab mobil ilova orqali davomat yuritilgan xodimlar va tarbiyalanuvchilar uchun byudjet mablagʻlari ajratish koʻzda tutilmoqda. 2) 2023-yilga qadar “Bolalar bogʻchasi” va “Nodavlat maktabgacha taʼlim tashkilotlarini boshqarish” (NMTTB) axborot tizimlari orqali hisob jarayonini avtomatlashtirish. Jumladan: - maktabgacha taʼlim tashkilotlarining shtatlar jadvali tashkilotning pasport maʼlumotlari, guruh va bolalar sonidan kelib chiqqan holda avtomatik shakllantiriladi. Xodimlarning haqiqatda kelgan - mobil ilova orqali qayd etilgan kunlari soniga mutanosib ravishda ish haqi hisoblanadi; - Namunaviy mavsumiy taomnoma boʻyicha oziq-ovqat xarajati hisobini yuritish. Namunaviy mavsumiy taomnoma kalkulyatori joriy etilib, mobil ilova orqali qayd etilgan bolalar soniga mutanosib ravishda kunlik taomnoma shakllantirish uchun zarur oziq-ovqat mahsulotlari hisobi avtomatik yuritiladi; - Nodavlat maktabgacha taʼlim tashkilotlariga subsidiya. Bunda, mobil ilova orqali qayd etilgan bolalar uchun belgilangan miqdorda byudjet subsidiyasi ajratish yoʻlga qoʻyiladi. 3) 2022-2023-yillarda davlat maktabgacha taʼlim tashkilotlari rahbar va pedagog xodimlarining lavozim maoshlarini mos ravishda umumtaʼlim maktablari direktori va oʻqituvchilari lavozim maoshlariga tenglashtirish boʻyicha taklif ishlab chiqish.
Maktabgacha taʼlim tashkilotlari uchun 2021-yilda xarid qilingan jihozlarni manzilli roʻyxat asosida joylarga yetkazilishi toʻgʻrisida monitoring olib borildi. Monitoring natijasiga koʻra belgilangan davlat maktabgacha taʼlim tashkilotlariga jihozlar toʻliq yetkazib berildi. Maktabgacha taʼlim tashkilotlari uchun 2022-yilda jihozlar xarid qilish maqsadida hududiy boshqarmalardan joylardagi qoʻshimcha jihozlarga boʻlgan ehtiyojlar toʻgʻrisida maʼlumotlar olinib, tahlil qilindi. Oʻzbekiston Respublikasi Prezidentining 2022-yil 22-yanvardagi “2022-2024-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida”gi PQ 98-son qarori hamda Oʻzbekiston Respublikasi Vazirlar Mahkamasining 2020-yil 9-martdagi “Bolalarni boshlangʻich taʼlimga majburiy bir yillik tayyorlash tizimini yanada rivojlantirish chora-tadbirlari toʻgʻrisida”gi 132-son qarori ijrosini taʼminlash yuzasidan vazirning “Davlat maktabgacha taʼlim tashkilotlarini mebel va boshqa jihozlar bilan taʼminlash maqsadida tender (tanlash) savdolarini tashkil etish toʻgʻrisida” 2022-yil 11-martdagi 59-sonli buyrugʻi tasdiqlandi. Davlat maktabgacha taʼlim tashkilotlarini 2022-yilda jihozlash uchun ajratilgan mablagʻlar doirasida Investitsiya dasturi asosida 2022-yilda jihozlanadigan davlat maktabgacha taʼlim tashkilotlarining va hududlardan olingan 2022-yilda davlat maktabgacha taʼlim tashkilotlarini qoʻshimcha jihozlarga boʻlgan ehtiyojlari hamda 2022-yilda bolalarni majburiy maktabgacha taʼlim bilan qamrab olish boʻyicha obyektlardan ajratilgan xonalarni jihozlashning manzilli roʻyxat loyihalari tayyorlandi. Davlat maktabgacha taʼlim tashkilotlari uchun mebel va boshqa jihozlarni xarid qilish maqsadida meʼyoriy hujjatlar asosida tender oʻtkazish boʻyicha tender xujjati loyihasi ishlab chiqildi hamda komissiya aʼzolari bilan kelishildi. Vazirning “Davlat maktabgacha taʼlim tashkilotlarini 2022-yilda jihozlar bilan taʼminlash toʻgʻrisida” 2022-yil 13-apreldagi 81-sonli bilan tasdiqlandi. Ushbu buyruq bilan davlat Investitsiya dasturi doirasida 2022-yilda jihozlanadigan davlat maktabgacha taʼlim tashkilotlarining manzilli roʻyxati, 2022-yilda qoʻshimcha jihozlanadigan davlat maktabgacha taʼlim tashkilotlarining manzilli roʻyxati, shuningdek, 2022-yilda bolalarni majburiy maktabgacha taʼlim bilan qamrab olish boʻyicha obyektlardan ajratilgan xonalarni jihozlashning manzilli roʻyxatlari tasdiqlandi. Tender hujjati loyihasi Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” Davlat unitar korxonasiga kiritilib, markazning xulosasi olindi. Vazirning “Davlat maktabgacha taʼlim tashkilotlari uchun markazlashtirilgan holda jihozlarni xarid qilish boʻyicha komissiya hamda baholash guruhlari tarkibini tasdiqlash toʻgʻrisida” 2022-yil 10-maydagi 108-sonli buyrugʻi tasdiqlandi. Joriy yilning 27-may kuni 2022-yilda maktabgacha taʼlim tashkilotlari uchun xarid qilinadigan jihozlar boʻyicha tender hujjatlari https://etender.uzex.uz/ elektron platformasiga joylashtirilib, 14-iyun hujjat topshirishning oxirgi kuni etib belgilandi. Eʼlon yakuniga koʻra jami 50 ta talabgor korxona tomonidan 94 ta taklif hujjatlar taqdim etildi. Ishtirokchilarning malakaviy hujjatlarni baholash boʻyicha Ishchi guruhi hisoboti, Davlat maktabgacha taʼlim tashkilotlari uchun xarid qilinadigan mebel va boshqa jihozlarni texnik baholash boʻyicha ekspert guruhi hisoboti va sinov-laboratoriyalarining xulosalari natijasiga koʻra 25 ta korxona keyingi bosqichga oʻtkazildi hamda gʻoliblar aniqlandi. Shuningdek, oʻtgan davr mobaynida boshqarmaga kelib tushgan Oʻzbekiston Respublikasi Prezidenti Administratsiyasi, Oliy Majlis palatalari va Vazirlar Mahkamasi topshiriqlari, “Ijro.gov.uz” ijro intizomi idoralararo yagona elektron tizimi orqali topshiriq va vazifalar, jismoniy va yuridik shaxslarning murojaatlari boʻyicha ijro intizom ishlari amalga oshirildi.