Xalqaro vebinarda “Imkon” va “Umid” tashkilotlari mutaxassislari ishtirok etdi
Joriy yilning 21-iyun kuni Qibray tumani, Nukus va Qarshi shaharlaridagi “Imkon” hamda Zarafshon shahardagi “Umid” reabilitatsiya markazlariga ega davlat koʻp tarmoqli ixtisoslashtirilgan maktabgacha taʼlim tashkilotlari hamda Toshkent shahri va respublikamizning barcha hududlaridagi davlat koʻp tarmoqli ixtisoslashtirilgan maktabgacha taʼlim tashkilotlari rahbarlari va mutaxassislarining milliy tizimini yaratish, shuningdek, imkoniyati cheklangan bolalarga erta aralashuv sohasida malaka oshirish boʻyicha vebinar treningda ishtirok etishdi. Unda xalqaro ekspertlar portugaliyalik filologiya fanlari doktori Ana Mariya Serrano, portugaliyalik tibbiyot fanlari doktori Joze Boavida Fernandesh maʼruzalari bilan ishtirok etishdi. Ushbu vebinar imkoniyati cheklangan bolalar uchun erta aralashuv boʻyicha dalillarga asoslangan amaliyot bilan bogʻliq asosiy tushunchalar va gʻoyalarni joriy etish va taqdim etishga qaratilgan bir qator vebinarlarning uchinchisidir. Ular milliy manfaatdor tomonlar va rivojlanishda kechikishlar hamda nogironligi boʻlgan yosh bolalarga, shuningdek, ularning oilalariga xizmat koʻrsatish bilan shugʻullanadigan turli amaliyotchilar oʻrtasida zamonaviy erta aralashuv amaliyoti va tizimlarining asosiy tamoyillari, shuningdek elementlari haqida xabardorlikni oshirishga qaratilgan. Vebinarlar YUNICEF mintaqaviy byurosi tomonidan erta bolalik aralashuvi boʻyicha Yevropa assotsiatsiyasi (EURLYAID) bilan hamkorlikda erta bolalikka aralashuvning zamonaviy amaliyotlari va tizimlari boʻyicha mintaqaviy va milliy ishlarni ilgari surish boʻyicha salohiyatni oshirish tashabbuslari doirasida tashkil etiladi.
Fargʻonada “Huquqiy savodxonlik oyligi” doirasida davra suhbati oʻtkazildi
Maktabgacha taʼlim tizimi xodimlarining mehnat huquqi, huquqbuzarliklarning oldini olish, shartnomalar va murojaatlar bilan ishlash boʻyicha bilimlarini kuchaytirish maqsadida tizimda, 2022-yilning 14-iyunidan 14-iyuligacha “Huquqiy savodxonlik oyligi” oʻtkazilishi belgilab qoʻyildi. “Huquqiy savodxonlik oyligi” doirasidagi dastlabki davra suhbati Fargʻona vodiysidan boshlandi. Unda Maktabgacha taʼlim vazirligi Yuridik boshqarma boshligʻi, vazirlikning Kadrlar boshqarma boshligʻi, Fargʻona viloyat Adliya boshqarmasi masʼul xodimi, viloyat maktabgacha taʼlim boshqarmasi boshligʻi, Fargʻona, Andijon hamda Namangan viloyatlaridan tashrif buyurgan maktabgacha taʼlim tizimda faoliyat olib borayotgan 500 ga yaqin xodimlar ishtirok etdi. Davra suhbatida maktabgacha taʼlim tizimida faoliyat olib borayotgan xodimlarning huquqiy savodxonligini oshirish, shuningdek shartnomaviy munosabatlarga oid qonunchilik hujjatlari, jismoniy va yuridik shaxslarning murojaatlari toʻgʻrisidagi qonunchilik hujjatlari haqida aniq va batafsil maʼlumotlar berildi. Ochiq, oshkora va samimiy ruhda boʻlib oʻtgan davra suhbatida vodiy viloyatlaridagi maktabgacha taʼlim tizimida faoliyat olib borayotgan xodimlari oʻzlarini qiziqtirgan savollariga vazirlikning Yuridik hamda Kadrlar boshqarmasi boshliqlaridan javob oldilar. Davra suhbatida ommaviy axborot vositalari vakillari ham ishtirok etib, tadbir ishini kuzatib bordi.
Konstitutsion islohotlar muhokama qilindi
Maktabgacha taʼlim vazirligida konstitutsion islohotlar muhokama qilindi. Unda Oʻzbekiston Respublikasi Oliy Majlisi Qonunchilik palatasi spikerining oʻrinbosari, “Milliy tiklanish” partiyasi raisi Alisher Qodirov ishtirok etdi. Muhokamada alohida qayd etilishicha, konstitutsiyaviy qonun loyihasi Konstitutsiyamizning 60 dan ortiq moddalariga 200dan ortiq tuzatishlarni nazarda tutmoqda. Konstitutsiyaga oʻzgartishlar “inson-jamiyat-davlat” prinsipiga asoslangan boʻlib, milliy konstitutsiyaviy oʻzlikni aks ettiradi va amaldagi Konstitutsiyamizning barcha boʻlimlariga tub oʻzgartishlar kiritishni nazarda tutadi. Qayd etilishicha, konstitutsiyaviy tuzatishlar, avvalambor, jamiyatning turli ijtimoiy qatlamlariga mansub boʻlgan fuqarolarning shaxsiy, ijtimoiy, iqtisodiy, siyosiy, madaniy va ekologik huquqlari hamda manfaatlarini taʼminlashga, himoya qilishga qaratilgan toʻgʻridan-toʻgʻri ishlaydigan normalarga aylanadi. Xususan, Konstitutsiyaning 41-moddasiga qoʻshimcha sifatida maktabgacha taʼlim va tarbiya davlat nazoratida boʻlishi belgilab qoʻyilmoqda.
Xabaringiz bor, maktabgacha taʼlim tashkiloti tarbiyalanuvchilari oʻrtasida shaxmat boʻyicha “Oʻzbekiston birinchiligi” musobaqasining maktabgacha taʼlim tashkiloti bosqichi joriy yilning 5-8 iyun kunlari, tuman (shahar) bosqichi 12-16 iyun kunlari, viloyat bosqichi 19-22 iyun kunlari oʻtkazildi. Bugun, 28-iyun kuni maktabgacha ta’lim tashkilotlarining tarbiyalanuvchilari o’rtasida shaxmat bo’yicha “O’zbekiston birinchiligi” musobaqasining Respublika bosqichi bo’lib o’tdi. Mamlakatimizda shaxmatni aholi oʻrtasida keng targʻib qilish va oʻsib kelayotgan yosh avlodning intellektual va madaniy rivojlanishiga hissa qoʻshish maqsadida maktabgacha taʼlim tashkilotlarining tarbiyalanuvchilari oʻrtasida shaxmat boʻyicha “Oʻzbekiston birinchiligi” musobaqasining Respublika bosqichi, viloyat bosqichida gʻolib boʻlgan jami 28 nafar maktabgacha taʼlim tashkilotlarining 14 nafar oʻgʻil va 14 nafar qiz bola tarbiyalanuvchilari oʻrtasida oʻtkazildi. Musobaqa yakunlari boʻyicha oʻgʻil va qiz bola tarbiyalanuvchilardan I, II va III oʻrin gʻoliblari aniqlandi va vazirlikning diplomi bilan qolgan ishtirokchilar faxriy yorliq hamda qimmatbaho sovgʻalar bilan taqdirlandilar. Unda qiz bolalar oʻrtasida I oʻrinni Xusnitdinova Xusnoraxon (Toshkent shahar), II oʻrinni Jumayeva Iroda (Sirdaryo viloyati), III oʻrinni esa Nurillayeva Shirinoy (Xorazm viloyati) egalladi. Oʻgʻil bolalardan esa I oʻrin Muhammadiyev Xushnudbek (Qashqadaryo viloyati), II oʻrin Abdunaimov Akbarbek (Navoiy viloyati), III oʻrin esa Akmalov Behroʻzbek (Farg‘ona viloyati)ga nasib qildi.
Maktabgacha ta’lim vazirligi delegatsiyasi Parijda
Parijda bo'lib turgan vazir Agrippina Shin boshchiligidagi Maktabgacha ta’lim vazirligi delegatsiyasi Parijdagi "Sumerlin" davlat maktabgacha ta’lim tashkilotiga tashrif buyurdi. Tashkilot direktori janob Sharli Jegonde delegatsiyani tashkilot faoliyati bilan tanishtirdi. Ushbu davlat ta'lim tashkiloti 1978 yilda tashkil etilgan. U Parijning 20-okrugida joylashgan. Unda 140 nafarga yaqin bola tahsil oladi. Shuningdek, ushbu bolalar bog'chasi Parijdagi 12 ta tashkilotni o'z ichiga olgan mahalliy inklyuziv maktabgacha ta'lim tashkilotlari klasterini boshqaradi. Shu bilan birga vazirlik delegatsiyasi taʼlimgacha boʻlgan oʻzgarishlar boʻyicha sammit doirasida SUR-4'ga erishishni tezlashtirish uchun hukumatlar va hamkorlar taʼlim inqirozini hal qilish uchun zarur boʻlgan shoshilinch choralarni muhokama qilish uchun tadbirda ishtirok etdi. Butun dunyo ta'lim vazirlari ta'limni tiklash va rivojlantirish bo'yicha amalga oshirilayotgan strategiyalar bilan o'rtoqlashdi va ta'lim inqirozini qanday hal qilish bo'yicha aniq misollar keltirdilar.
“Pedagoglar guruhini tayyorlash” deb nomlangan qoʻshma loyihasining ochilishi boʻlib oʻtdi
Oʻzbekiston Respublikasi Maktabgacha taʼlim vazirligi va A.I.Gersen nomidagi Rossiya davlat pedagogika universiteti bilan ikki tomonlama hamkorlikda 2022-yil 28-iyun kuni maktabgacha taʼlim tizimida faoliyat olib borayotgan mutaxassislar ishtirokida “Pedagoglar guruhini tayyorlash” deb nomlangan qoʻshma loyihasining ochilishi boʻlib oʻtdi. Mazkur loyihani vazir oʻrinbosari Uzoqboy Begimkulov, A.I.Gersen nomidagi Rossiya davlat pedagogika universiteti rektorining xalqaro aloqalar boʻyicha maslahatchisi Yuliya Komarova ochib berdi. Ochilishda A.I.Gersen nomidagi Rossiya davlat pedagogika universitetining Toshkent shahridagi filiali rektori va masʼul xodimlar ham ishtirok etdi. Shu bilan birga, Bolalik instituti direktori Viktoriya Novitskaya bevosita ishtirok etdi. Loyihaning ochilish marosimidan soʻng, birinchi modul ishga tushirildi. Unda oʻqituvchilarimiz uchun 2 kun davomida onlayn asosida maktabgacha taʼlim tizimida bolalarga taʼlim-tarbiya jarayoni mavzularida oʻquv oʻtkaziladi. Shundan soʻng, taʼlim jarayonida ishtirok etayotgan mutaxassislarga uy vazifalari bilan taʼtilga chiqishlari va joriy yilning sentyabr oyida oʻquv mashgʻulotlarni davom ettirilishi va umumiy oʻqish muddati 6 oy davom etilishi toʻgʻrisida tushuntirish ishlari olib borildi. Jumladan: Muvaffaqiyatli oʻqishni tugatgandan soʻng, ularning barchasi A.I.Gersen nomidagi davlat pedagogika universitetining Rossiya diplomi va Maktabgacha taʼlim vazirligining sertifikati taqdim etilishi bildirildi. Rossiya Federatsiyasining Bolalik instituti dotsentlari ishtirokidagi maʼruzaning birinchi yarmini tinglandi. Oʻqish jarayonida oʻqituvchilarimiz 5 ta kichik guruhga boʻlinib, har bir oʻquv guruhiga 5 nafardan dotsent professor oʻqituvchilari biriktirilishi ogoxlantirildi.
Veb-saytdan foydalanish boʻyicha qoʻllanma
Oʻzbekiston Respublikasi Maktabgacha taʼlim vazirligi veb-saytiga tashrif buyurganda foydalanuvchilar hech qanday qiyinchiliklarga duch kelmasligi uchun yetarlicha qulaylik yaratilgan. Xususan sayt barcha foydalanuvchilarga moslashtirilgan, dizaynda tanlangan ranglar sayt tuzish standartlariga mos. Saytning bosh menyusi 7 ta qismdan iborat: Vazirlik – vazirlik haqida, rahbariyat, markaziy apparat, hududiy boshqarmalar, jamoatchilik kengashi haqida maʼlumot berilgan. Meʼyoriy hujjatlar - unda Oʻzbekiston Respublikasining qonunlari, Prezident va VM qarorlari, idoraviy normativ-huquqiy hujjatlar kiritilgan. Faoliyat - vazirlikning ochiq hayʼat majlislari, gender tengligi, xalqaro hamkorlik, korrupsiyaga qarshi kurash, tanlovlar, tenderlar, hisobotlar, eʼlonlar, boʻsh ish oʻrinlari, tashqi qarz haqida maʼlumotlar berilgan. Taʼlim-tarbiya - davlat tilida ish yuritish haqida tavsiyalar, didaktik materiallar, elektron kutubxona, ota-onalar, pedagoglar, yoshlar siyosati MTVda, imkoniyati cheklangan bolalar uchun taʼlim joylashtirilgan. Matbuot xizmati - press-relizlar, yangiliklar, OAV biz haqimizda, fotogalereya, video galereya rukni keltirilgan. Xizmatlari - bolani DMTTga joylash, Navbatni tekshirish, murojaatlar, koʻp beriladigan savollar, “Mening fikrim”, MTTlar xaritasi mavjud. Ochiq maʼlumotlar ruknida esa ochiq yigʻilishlarni oʻtkazish rejalari, byudjet toʻgʻrisidagi qonunchilik hujjatlariga muvofiq ochiq maʼlumotlar joylashtirilgan. Shuningdek, alohida “Hududiy boʻlinmalar” ruknida Oʻzbekiston Respublikasi Maktabgacha taʼlim vazirligi hududiy boʻlinmalari rasmiy veb-saytiga oʻtish havolasi qayd etilgan. Bogʻlanish - vazirlik manzili, aloqa uchun telefon raqamlari, ish vaqti, joylashgan manzili berilgan.
QIZIQISH BILDIRISH UCHUN SO'ROV (KONSALTING XIZMATLARI-FIRMALARNING TANLOVI)
Mamlakat: O'zbekiston Respublikasi Loyiha nomi: Bolalarni erta yoshdan rivojlantirishni takomillashtirish. Kredit/kredit/grant raqami: Kredit № 6418-UZ va Grant № TF0B0057 Topshiriq nomi: Aloqa kampaniyasi va jamoatchilik bilan aloqalarni rivojlantirish va amalga oshirish. Malumot raqami (xaridlar rejasiga muvofiq): ECD-CQS/4/1 O'zbekiston Respulikasi Moliya vazirligi Jahon banki tomonidan "Bolalarni erta rivojlanishni takomillashtirish" ("loyiha") loyihasini amalga oshirish uchun moliyashtirildi. O'zbekiston Respublikasi maktabgacha ta'lim vazirligi ("ijro etuvchi organ") moliyashtirilgan mablag'larning bir qismini konsalting xizmatlarini to'lash uchun foydalanish niyatida. Maslahat xizmatlari ("xizmatlar") asosan aloqa va xabardorlik kampaniyasining strategiyasini, aloqa va xabardorlik kampaniyasining rejasini va amalga oshirilishini o'z ichiga oladi. Konsalting xizmatlari shartnoma asosida taxminan 24 oy muddatga ko'rsatiladi. Xizmatlarning kutilayotgan boshlanishi - 2022 yil avgust. Topshiriqni bajarish uchun batafsil texnik topshiriq (TK) quyidagi havoladan topish mumkin: https://drive.google.com/drive/folders/1ZpJsmOEN-yQdQAYjJzo7WuCGMi2PTZcX?usp=sharing O‘zbekiston Respublikasi Maktabgacha ta’lim vazirligi vakolatli konsalting firmalarini (“Maslahatchilar”) Xizmatlarni taqdim etishdan manfaatdor ekanliklarini bildirishga taklif qiladi. Manfaatdor maslahatchilar xizmatlarni bajarish uchun zarur malaka va tegishli tajribaga ega ekanligini ko'rsatadigan ma'lumotlarni taqdim etishlari shart. Tanlov mezonlari: Jamoatchilik bilan aloqalar/kommunikatsiya/reklama/marketing/raqamli marketing yoki shunga o'xshash sohada kamida 5 yil tajribaga ega. O'zbekiston bozoriga tatbiq etiladigan brending qoidalari va boshqa marketing tavsiyalari (qoidalari) bilan tanish bo’lish, marketing va brending sohasida sertifikatlashning mavjudligi Kampaniyaning portfoliosi, below-the-line (BTL- «chiziq ostida»)/above – the – line (ATL-« chiziqdan yuqorida») kamida 5 ta tadbir, raqamli marketing kampaniyalari, video ishlab chiqarish va mahalliy va reklama dizayni. / yoki xalqaro darajada. Barqaror rivojlanish yoki boshqa tegishli sohalar uchun turli auditoriya va turli xil media platformalar uchun kontent yaratishda kamida 3 yillik tajriba (misol sifatida profillarga havolalar keltiring). Axborot kampaniyalarini, ommaviy axborot vositalari uchun aloqa mahsulotlarini ishlab chiqish tajribasi kamida 5 yil. Manfaatdor maslahatchilarning e'tibori jahon bankining 2016 yil iyuldagi "investitsiya loyihalarini moliyalashtirish uchun qarz oluvchilar uchun xarid qilish qoidalari" III bo'limining 3.14, 3.16 va 3.17 bandlariga ("xarid qilish qoidalari") tegishli bo'lib, unda jahon bankining manfaatlar to'qnashuviga oid siyosati bayon etilgan. Bundan tashqari, xarid qilish qoidalarining 3.17-bandiga muvofiq manfaatlar to'qnashuvi haqida quyidagi aniq ma'lumotlarni ko'rib chiqing. Maslahatchilar o'z malakalarini oshirish uchun boshqa firmalar bilan hamkorlik qilishlari mumkin, lekin bu uyushma qo'shma korxona va/yoki subkonsultant shaklida bo'ladimi-yo'qligini aniq ko'rsatishi kerak. Qo'shma korxonada qo'shma korxonaning barcha sheriklari, agar tanlangan bo'lsa, butun shartnoma bo'yicha birgalikda va alohida javobgar bo'lishi kerak. Maslahatchi xarid qilish qoidalarida ko'rsatilgan malaka asosida tanlov usuli bo'yicha tanlanadi (CQS). Qo'shimcha ma'lumotni quyidagi manzil bo'yicha ish vaqtida - soat 09:00 dan 18:00 gacha olishingiz mumkin. Qiziqish bildirishnomalari yozma ravishda quyidagi manzilga (shaxsan yoki pochta, faks yoki elektron pochta orqali) 2022 yil 12 iyul, soat 18:00 gacha (Toshkent vaqti) topshirilishi kerak. O'zbekiston Respublikasi maktabgacha ta'lim vazirligi Diqqatiga: janob Dilshod G'afarovga loyiha koordinatori Tel: +998 71 207 04 08 (730) E-mail: procurement.ecdp@gmail.com
QIZIQISH BILDIRISH UCHUN SO'ROV (KONSALTING XIZMATLARI-FIRMALARNING TANLOVI)
Mamlakat: O'zbekiston Respublikasi Loyiha nomi: Bolalarni erta yoshdan rivojlantirishni takomillashtirish. Kredit/kredit/grant raqami: Kredit № 6418-UZ va Grant № TF0B0057 Topshiriq nomi: Oʻzbekistonda erta taʼlim sifati natijalarini (MELQO) amalga oshirishni qoʻllab-quvvatlash uchun maʼlumotlar toʻplash. Malumot raqami (xaridlar rejasiga muvofiq): ECD-QCBS/4/1 O'zbekiston Respulikasi Moliya vazirligi Jahon banki tomonidan "Bolalarni erta rivojlanishni takomillashtirish" ("loyiha") loyihasini amalga oshirish uchun moliyashtirildi. O'zbekiston Respublikasi maktabgacha ta'lim vazirligi ("ijro etuvchi organ") moliyashtirilgan mablag'larning bir qismini konsalting xizmatlarini to'lash uchun foydalanish niyatida. Konsalting xizmatlari ("xizmatlar") dastlabki ma'lumotlarga nisbatan umumiy taraqqiyotni baholash uchun asosiy tadqiqotlar va keyingi milliy tadqiqotlarni o'z ichiga oladi. Kompaniya tayinlangan etakchi MELQO maslahatchisi bilan, shuningdek, MTV(Maktabgacha ta’lim vazirligi), TDI (Ta’lim sifatini nazorat qilish davlat inspeksiyasi) va LAOG (Loyihani amalga oshirish guruhi) ning tegishli vakillari bilan yaqin hamkorlikda ishlaydi. Konsalting xizmatlari bir martalik shartnoma asosida taxminan 2024 yil dekabrgacha ko'rsatiladi. Xizmatlarning kutilayotgan boshlanishi - 2022 yil sentyabr. Topshiriqni bajarish uchun batafsil texnik topshiriq (TK) quyidagi havoladan topish mumkin: https://drive.google.com/drive/folders/1loUjHvRoAP7UdmkVpEuav-CnHDnkarhK?usp=sharing O‘zbekiston Respublikasi Maktabgacha ta’lim vazirligi vakolatli konsalting firmalarini (“Maslahatchilar”) Xizmatlarni taqdim etishdan manfaatdor ekanliklarini bildirishga taklif qiladi. Manfaatdor maslahatchilar xizmatlarni bajarish uchun zarur malaka va tegishli tajribaga ega ekanligini ko'rsatadigan ma'lumotlarni taqdim etishlari shart. Qisqa ro'yxat mezonlari: № Mezonlarning nomi Minimal mezon talablari 1 Umumiy tajribaga ega bo'lish 5 yil yoki undan ko'proq 2 Ta'lim sohasidagi ish tajribasi va bilimlarga ega bo'lish, maktabgacha ta'lim tajribasi va bilimlari afzallik bo'ladi. 3 loyiha (shartnoma) va undan ko'p 3 Sifatli/miqdoriy tadqiqotlar usullarini qo'llash, tadqiqotlar o'tkazish, o'qitish va tadqiqotlarni baholash bo'yicha ish tajribasi. Ta'lim sohasidagi tajriba afzallik bo'ladi. 3 loyiha (shartnoma) va undan ko'p 4 Ta'lim sifatini ta'minlash va monitoring qilish, o'quv natijalarini baholash va sinfni kuzatish, ta'lim muassasalarini tashqi baholash va ko'rib chiqish tajribasi. Maktabgacha ta'lim sohasidagi tajriba afzallik bo'ladi. 3 loyiha (shartnoma) va undan ko'p 5 Rezyumedagi faoliyat yozuvi bilan tasdiqlangan keng ko'lamli jamoatchilik va/yoki maktab so'rovlarini tashkil etish bo'yicha ko'rgazmali tajriba; tadqiqot logistikasini rejalashtirish va tashkil etish, ma'lumotlarni kiritish va ma'lumotlarni boshqarish bo'yicha kuchli qobiliyat va tajriba. 3 loyiha (shartnoma) va undan ko'p 6 Rivojlanayotgan mamlakatlarda, jumladan Sharqiy Yevropa va Markaziy Osiyoda soʻrovlar oʻtkazish va taʼlim sifatini baholash tajribasi. 3 loyiha (shartnoma) va undan ko'p Qisqa ro'yxatni shakllantirish bosqichida asosiy mutaxassislar baholanmaydi. Manfaatdor maslahatchilarning e'tibori jahon bankining 2016 yil iyuldagi "investitsiya loyihalarini moliyalashtirish uchun qarz oluvchilar uchun xarid qilish qoidalari" III bo'limining 3.14, 3.16 va 3.17 bandlariga ("xarid qilish qoidalari") tegishli bo'lib, unda jahon bankining manfaatlar to'qnashuviga oid siyosati bayon etilgan. Bundan tashqari, xarid qilish qoidalarining 3.17-bandiga muvofiq manfaatlar to'qnashuvi haqida quyidagi aniq ma'lumotlarni ko'rib chiqing. Maslahatchilar o'z malakalarini oshirish uchun boshqa firmalar bilan hamkorlik qilishlari mumkin, lekin bu uyushma qo'shma korxona va/yoki subkonsultant shaklida bo'ladimi-yo'qligini aniq ko'rsatishi kerak. Qo'shma korxonada qo'shma korxonaning barcha sheriklari, agar tanlangan bo'lsa, butun shartnoma bo'yicha birgalikda va alohida javobgar bo'lishi kerak. Maslahatchi 5-usulga muvofiq tanlanadi. Konsalting firmasini tanlash Xarid qilish qoidalarida belgilangan Sifat va qiymatga asoslangan tanlov (QCBS) usuliga asoslanadi. Qo'shimcha ma'lumotni quyidagi manzil bo'yicha ish vaqtida - soat 09:00 dan 18:00 gacha olishingiz mumkin. Qiziqish bildirishnomalari yozma ravishda quyidagi manzilga (shaxsan yoki pochta, faks yoki elektron pochta orqali) 12 iyul 2022 yil, soat 18:00 (Toshkent vaqti)gacha topshirilishi kerak. O'zbekiston Respublikasi maktabgacha ta'lim vazirligi diqqatiga: janob Dilshod G'afarovga loyiha koordinatori Tel: +998 71 207 04 08 (730) E-mail: procurement.ecdp@gmail.com
Ochiq maʼlumotlar boʻyicha qoʻllanma
Soʻnggi yillarda davlat va jamiyat hayotini raqamlashtirish, barcha tarmoqlar va sohalarda, eng avvalo, davlat boshqaruvi va ijtimoiy-iqtisodiy sohalarda zamonaviy axborot-kommunikatsiya texnologiyalarini keng joriy etish boʻyicha kompleks chora-tadbirlar amalga oshirildi. Xususan, Maktabgacha taʼlim vazirligi ham fuqarolarga qulaylik yaratish maqsadida rasmiy veb-sayt hamda data.egov.uz portaliga ochiq maʼlumotlarni doimiy joylashtirib bormoqda. Ochiq maʼlumotlar vazirlik saytining bir nechta ruknlaridan oʻrin olgan. Bulardan eng asosiylari: Sayt menyusidan joy egallagan “Ochiq maʼlumotlar” ruknidir. Oʻz navbatida mazkur rukn ham 2 ichki, kichik ruknlarga boʻlinadi. Yaʼni, ochiq yigʻilishlarni oʻtkazish rejalari, byudjet toʻgʻrisidagi qonunchilik hujjatlariga muvofiq ochiq maʼlumotlarda barcha uchun zarur boʻlgan hisobotlar, eʼlonlar eʼlon qilinadi. Shu bilan birga mazkur ruknning birinchisida Kengash yigʻilishlari haqida ham xabarlar berib boriladi. Keyingi oʻrinda esa saytdagi “Faoliyat” ruknini ham aytib oʻtish kerak. Unda vazirlikning ochiq hayʼat majlislari, gender tengligi, xalqaro hamkorlik, korrupsiyaga qarshi kurash, tanlovlar, tenderlar, hisobotlar, eʼlonlar, boʻsh ish oʻrinlari, tashqi qarz ruknlari mavjud. Oʻz oʻrnida bularning deyarli barchasi ochiq maʼlumotlarni oʻzida jamlagan. Xususan, tanlovlar, tenderlar, hisobotlar, eʼlonlar, boʻsh ish oʻrinlari, tashqi qarz ruknlari orqali barcha uchun qiziqarli boʻlgan muhim yangiliklar eʼlon qilib boriladi. Shu bilan birga vazirlik ochiq maʼlumotlar portaliga ham doimiy maʼlumotlarni joylab boradi. Portaldan vazirlik maʼlumotlarini topish uchun, avvalo, data.egov.uz ga kirib, asosiy menyuning yuqori chap tomonidan joy olgan tashkilotlar boʻlimiga kirish talab etiladi. Tashkilotlar roʻyxatidan vazirliklarni tanlash lozim. Shundan soʻng, navbatdagi roʻyxatdan “Maktabgacha taʼlim vazirligi”ni tanlaysiz. Undan 25 ta maʼlumotlar toʻplami joy olgan. Istalgan maʼlumotni qidirib topishingiz mumkin.