Qonun bilan biometrik pasport oʻrniga ID-kartalari joriy etilayotganligi sababli ayrim Kodekslar va qonunlarga ID-karta tushunchasi kiritildi. ID-kartalarni, xorijga chiqish biometrik pasportini yoʻqotganlik, ularni yaroqsiz holga keltirganlik uchun javobgarlik belgilandi (135 000 dan 270 000 soʻmgacha jarima). Agar mazkur huquqbuzarlik bir yil davomida takroran sodir etilsa 1 350 000 soʻmgacha jarima solinadi. Shuningdek, pasportni yoki identifikatsiyalovchi ID-kartani shaxslardan qonunga xilof ravishda olib qoʻyish yoki garovga olish 2 mln 700 minggacha jarima solishga sabab boʻladi. Oila kodeksida bolalarning tugʻilishini qayd etish ota-onasining doimiy yashash yoki vaqtincha turgan joyidan qatʼi nazar fuqarolik holati dalolatnomalarini yozish organlarida 1 oy ichida amalga oshirilishi belgilandi. (Avval bu tartib boʻlmagan) Shaxsni tasdiqlovchi hujjatlarga nikoh qayd etilganligi toʻgʻrisida belgi qoʻyilishiga oid norma chiqarib tashlandi. Yer davlat yoki jamoat ehtiyojlari uchun olib qoʻyilganda fuqarolarga uning oʻrniga berilayotgan uy-joy avvalgi uy-joyidan qimmatroq boʻlsa, farq qilgan qiymat fuqarolar tomonidan qaytarib berilmaydi. (Ilgari 5 yilda qaytarilishi lozim edi) Ijtimoiy himoya yagona reestriga kiritilgan shaxsga, shuningdek unga hamrohlik qiluvchi shaxsga xorijiy davlatda ixtisoslashgan tibbiy yordam koʻrsatilganda yoki jarrohlik amaliyoti oʻtkazilganda xorijga chiqish uchun biometrik pasportini berganlik uchun davlat boji undirilmaydi. ID-karta berganlik uchun BHMning 89 foizi miqdorida boj undiriladi (240 300 soʻm), xorijga chiqish uchun biometrik pasportni berganlik uchun esa BHMning 1 baravari (270 000 soʻm) miqdorida undiriladi. (ilgari BHMning 1,2 baravari edi) Asos: OʻRQ–759-son Qonun, 14.03.2022-y.
"Bog'chaga boraman" deb uyg'onsin bolam
"Yangi O'zbekiston" gazetasining 6-sahifasida "Bog'chaga boraman" deb uyg'onsin bolam" maqolasida maktabgacha ta'lim haqida ma'lumot berilgan. Янги Ўзбекистон №68.pdf
Joriy yilning 7-aprel kuni Jizzax viloyat maktabgacha taʼlim boshqarmasi boshligʻi tashabbusi Jizzax Davlat pedagogika instituti madaniyat saroyida “Viloyatimiz maktabgacha taʼlim tizimida taʼlim berish sifatini oshirishda innovatsion yondashish va kelgusidagi rejalar” mavzusida tashkil etilgan tadbirda ana shu jihatlarga eʼtibor berildi. Soʻz olganlar boshqarma boshligʻi bugungi kunda tizimida asosiy maqsad taʼlim sifatini oshirish ekanligi, farzandlarimizni eski zamon qogʻoz oʻyinchoqlar bilan emas, yangi innovatsiyalar bilan taʼlimga jalb etishimiz lozimligini taʼkidlab oʻtdi. Shundan soʻng, aybi paytda viloyatimizda boʻlib turgan Oʻzbekiston Respublikasi Maktabgacha taʼlim vazirligi taʼlim sifatini taʼminlash va innovatsion texnologiyalarni joriy etish boshqarma boshligʻi soʻzga chiqib, Jizzax viloyatining respublika boʻyicha koʻrsatgichlari, boshqarma tomonidan yoʻlga qoʻyilgan “Metodik koʻmak” tajribasini respublika miqyosida qoʻllash anchayin samara berishi borasida fikr-mulohazalari bilan oʻrtoqlashdi. Tadbir davomida shuningdek, tizimda oʻtgan bir yil davomida hukumatimizning yuksak eʼtirofi bilan mukofotlangan 3 nafar xodimlariga boshqarma boshligʻining tashakkurnoma hamda esdalik sovgʻalari topshirildi. Maktabgacha taʼlim vazirligi Axborot xizmati
Vazirlik ishchi guruhi tomonidan tavsiyalar berildi
Joriy yilning 28-mart – 4-aprel kunlari Oʻzbekiston Respublikasi Maktabgacha taʼlim vazirining tegishli buyrugʻi bilan Qashqadaryo viloyat maktabgacha taʼlim tizimidagi islohotlarni qoʻllab-quvvatlash, tegishli koʻrsatma va metodik tavsiyalar berish yuzasidan vazirlikning ishchi guruhi faoliyat olib bordi. Ishchi guruh aʼzolari va viloyat maktabgacha taʼlim boshqarmasi xodimlari dastlab viloyat maktabgacha taʼlim boshqarmasida yigʻilib, yoʻl xaritasini belgilab, qilinadigan ishlar yuzasidan maslahatlashib oldilar. Shundan soʻng, ishchi guruh yoʻnalishlar boʻyicha Gʻuzor, Nishon, Qarshi, Kasbi, Koson tumanlari hamda Qarshi shahar maktabgacha taʼlim boʻlimlari hamda hududdagi maktabgacha taʼlim tashkilotlari faoliyati bilan tanishdi hamda tegishli tushuntirish va tavsiyalar berib oʻtdi.
Murojaatlar bilan ishlash yuzasidan tavsiya va tushuntirish berildi
Bugun Qashqadaryo viloyati Maktabgacha taʼlim boshqarmasida ijro intizomi, jismoniy va yuridik shaxslar murojaatlari bilan ishlash yuzasidan seminar oʻtkazildi. Unda Oʻzbekiston Respublikasi Maktabgacha taʼlim vazirligi ijro intizomi, jismoniy va yuridik shaxslar murojaatlari bilan ishlash boʻlimi bosh mutaxassisi Shirinbek Toychiboyev, boshqarma xodimlari hamda tuman, shahar boʻlimlari mutaxassislari ishtirok etdi. Seminar davomida Sh.Toychiboyev tomonidan bugungi kunda dolzarblik kasb etayotgan murojaatlar va ular bilan ishlashning maqbul yoʻllari, elektron hujjat almashish tizimlari samaradorligi, ogʻzaki murojaatlar bilan ishlash boʻyicha tegishli koʻrsatma va tavsiyalar berib oʻtildi. Shuningdek, ishtirokchilar oʻzlarini qiziqtirgan mavzular yuzasidan savollarga javob oldilar.
Yana 5 ta MTT bolajonlarga eshiklarini ochdi
Jizzax viloyatining Doʻstlik tumanida bir kunda 3 ta DMTT foydalanishda topshirildi. Endilikda 520 nafar bolajonlar maktabgacha taʼlim tashkilotlariga qamrab olinadi.Joriy yilning 8-aprel kuni Jizzax viloyati Doʻstlik tumani “Navroʻz” mahallasida 10-son DMTT 140 oʻrinli, 3-son DMTT 240 oʻrinli, 7-son 140 oʻrinli DMTTlar foydalanishga topshirildi. Barcha sharoitlarga ega, keng va yorugʻ xonalar, sport va musiqa zallari, innovatsion taʼlim berishga ixtisoslashgan jihozlar endilikda kichkintoylarimizning porloq istiqboli uchun xizmat qiladi. Shuningdek, Surxondaryo viloyati Qumqoʻrgʻon tumanning chekka hududida joylashgan «Mehrobod» mahallasida 90 oʻrinli 26-sonli davlat maktabgacha taʼlim tashkilotining qurilish ishlari yakunlanib foydalanishga topshirildi. Ushbu tashkilot mahalliy byudjet mablagʻlari hisobidan yangidan qurildi. Bundan tashqari, aholi bandligini taʼminlash maqsadida, ushbu tashkilotga hududdagi 20 nafar pedagog va ishchi xodimlar ishga qabul qilish koʻzda tutilgani. Shuningdek, maktabgacha taʼlim tashkilotida 3 ta guruh uchun moʻljallangan, zarur mebellar bilan jihozlangan keng va yorugʻ xonalar, zamonaviy musiqa zali, shinam yotoqxona va barpo qilingan. «Mehrobod» mahallasida 327 nafar 3 yoshdan 7 yoshgacha boʻlgan bolalar mavjud boʻlsa, shularning 120 nafari ushbu davlat maktabgacha taʼlim tashkilotiga qamrab olinishi koʻzda tutilgan. Shundan 90 nafari kuni uzaytirilgan guruhda, qolgan 30 nafari qisqa guruhlarga qamrab olinadi. Shu bilan birga, Qumqoʻrgʻon tumanining “Hurriyat” mahallasida ham 140 oʻrinli 10-sonli davlat maktabgacha taʼlim tashkiloti ham bolajonlarga oʻz eshigini ochdi. Ushbu davlat maktabgacha taʼlim tashkiloti 1978-yil qurilgan boʻlib, 2021-yilda “Obod qishloq dasturi” asosida taʼmirga tushib, 1 mlrd 800 mln mablagʻ hisobidan kapital taʼmirlash ishlari olib borildi. Maktabgacha taʼlim tashkilotida 6 ta kuni uzaytirilgan va 2 ta qisqa guruh uchun moʻljallangan, zarur mebellar bilan jihozlangan keng va yorugʻ xonalar, zamonaviy musiqa zali, shinam yotoqxona, oshxona va yozgi ayvonchalar barpo qilingan. “Hurriyat” mahallasida 398 nafar 3 yoshdan 7 yoshgacha boʻlgan bolalar mavjud boʻlsa, shularning 190 nafari ushbu davlat maktabgacha taʼlim tashkilotiga qamrab olinishi koʻzda tutilgan. Shundan 140 nafari kuni uzaytirilgan guruhda, qolgan 50 nafari qisqa guruhlarga qamrab olindi.
Boʻkada 600 oʻrinli MTT foydalanishga topshirildi
Bugun, 11-aprel kuni Toshkent viloyati Boʻka tumani “Madaniyat” MFYda joylashgan 3-sonli davlat maktabgacha taʼlim tashkiloti binosi foydalanishga topshirildi. Ochilish marosimida Maktabgacha taʼlim vaziri, Bandlik va mehnat munosabatlari vaziri, OAV vakillari ishtirok etdi. Qayd etilishicha, ushbu tashkilot 1952-yil qurilgan boʻlib, 1982-yildan maktabgacha taʼlim tashkiloti sifatida faoliyat yuritgan. 2019yil aprel oyidan boshlab, Oʻzbekiston Respublikasi Bandlik va mehnat munosabatlari vazirligi hamda Maktabgacha taʼlim vazirliklari homiyligi ostida “OOO KAPITAL” qurilish taʼmirlash birlashmasi tomonidan qurilish-taʼmirlash ishlari olib borilib, rekonstruksiya qilingan. Ushbu 3-sonli davlat maktabgacha taʼlim tashkilotida 12 ta asosiy guruh (360-oʻrin) 2 ta qisqa muddatli guruh hamda 2 ta bepul bir yillik majburiy taʼlim uchun guruhlar (240-oʻrin) mavjud. Tashkilotda jami 33 nafar xodimlar faoliyat yuritib, shundan pedagog xodimlar 23 nafar, texnik xodimlar esa 9 nafarni tashkil etadi. Maʼlumot uchun, Boʻka tumani maktabgacha taʼlim tizimida 80 ta maktabgacha taʼlim tashkilotlari mavjud boʻlib, jumladan 18 ta davlat, 4 ta xususiy hamda 58 ta oilaviy maktabgacha taʼlim tashkilotlarini tashkil etadi. Bugungi kunda tumanda 10 029 nafar 3-7 yoshli bolalar boʻlib, ulardan 5738 nafari qamrab olinib, qamrov 57,2 foizni tashkil etdi.
Yana 4 ta MTT foydalanishga topshirildi
Fargʻona viloyatining qoʻshni Qirgʻiziston Respublikasi bilan chegaradosh, anklav hudud boʻlgan Soʻx tumanida 240 oʻrinli maktabgacha taʼlim tashkiloti foydalanishga topshirildi. Tumandagi Hazrati Ali mahalla fuqarolar yigʻinida barpo etilgan mazkur taʼlim tashkilotining qurilish ishlari oʻtgan yili boshlangan edi. Uning qurilishiga esa davlat byudjetidan 7 milliard 300 million soʻm yoʻnaltirib, hududdagi qurilish ishlari «Jahon qurilish invest» MCHJ tomonidan olib borildi. Endilikda, Hazrati Ali mahalla fuqarolar yigʻini hududida foydalanishga topshirilgan 4-sonli maktabgacha taʼlim tashkilotidagi 6 ta asosiy guruhlarda 180 nafar hamda 2 ta qisqa muddatli guruhlarda 60 nafar, jami 240 nafar maktab yoshidagi bolajonlar tarbiya olishadi. Buning uchun ularga taʼlim tashkilotida barcha qulayliklar yaratilgan. Shu bilan birga, viloyatning Qoʼshtepa tumani Sohibkor mahallasidagi 6-sonli MTT “Obod qishloq” davlat dasturi doirasida mukammal taʼmirdan chiqarilgan boʼlsa, Soyboʼyi mahalla fuqarolar yigʼinida 150 oʼrinli maktabgacha taʼlim tashkiloti davlat xususiy sherikligi asosida qurilib, foydalanishga topshirildi. Qoʼshtepa tumanining Sohibkor mahalla fuqorolar yigʼini hududida joylashgan 6-sonli maktabgacha taʼlim tashkiloti 1983-yilda qurilgan boʼlib, “Obod qishloq” davlat dasturi asosida taʼmirdan chiqarilgan. Hozirda taʼlim tashkilotida 10 ta guruh faoliyat olib bormoqda. Ushbu taʼlim tashkilotiga nafaqat Sohibkor mahallasidagi, balki Kichikbeshkapa va Qiyqi mahallalaridan ham tarbiyalanuvchilar qamrab olingan. Sohibkor mahalla fuqarolar yigʼini hududida 3-7 yoshlilar soni 235 nafarni tashkil etib, bularning 95 nafari bugungi kunda qamrab olinmagan edi. 6-sonli maktabgacha taʼlim tashkilotiga yengil tipdagi 90 oʼrinli qoʼshimcha bino qurilishi rejalashtirilgan edi. Bugun ushbu bino ham foydalanishga topshirildi. Shuningdek, tumanning Soyboʼyi mahalla fuqarolar yigʼini hududida 238 nafar 3-7 yoshli bolalar istiqomat qiladi. Ushbu hududda davlat maktabgacha taʼlim tashkiloti mavjud emas edi. Shuning uchun xususiy tadbirkor Oybek Raxmatov tomonidan Davlat xususiy sheriklik shaklidagi 150 oʼrinli maktabgacha taʼlim tashkiloti qurilib, foydalanishga topshirildi. Ushbu tashkilotda ham bolalarning taʼlim-tarbiya olishlari uchun zamonaviy mashgʼulot xonasi, yotoqxona va oshxona mavjud. Endi hududdagi 238 nafar 3-7 yoshli bolalarning 150 nafari ushbu taʼlim tashkilotiga, 50 nafari esa hududda faoliyat yuritayotgan oilaviy nodavlat maktabgacha taʼlim tashkilotlariga qamrab olinadi. Shuningdek, Qamashi tumanining Paxtaobod mahallasida bogʻcha binosi yangi koʻrinishga keltirildi. Mazkur 11-sonli davlat maktabgacha taʼlim tashkiloti binosi “Obod mahalla” dasturiga koʻra loyiha qiymati 3, 4 milliard soʻm evaziga taʼmirlandi. Ushbu bogʻcha foydalanishga topshirilishi natijasida 150 nafar bolajonlar maktabgacha taʼlimga qamrab olindi.
Koreya Respublikasining Favqulodda va Muxtor Elchisi bilan uchrashuv boʻlib oʻtdi
Bugun Oʻzbekiston Respublikasi Maktabgacha taʼlim vazirligida Koreya Respublikasining Oʻzbekiston Respublikasidagi Favqulodda va Muxtor elchisi janob Kim Xi-Sang hamda Oʻzbekiston Respublikasi Maktabgacha taʼlim vaziri Agrippina Shin bilan uchrashuv boʻlib oʻtdi. Suhbat chogʻida tomonlar maktabgacha taʼlim sohasidagi Oʻzbekiston-Koreya munosabatlarining bugungi va ertangi kelajagini yanada mustahkamlash istiqbollarini muhokama qilishdi. Koreya delegatsiyasi rahbari oʻz nutqida maktabgacha taʼlim sohasini rivojlantirishda oʻzaro manfaatli hamkorlikni oshirish tarafdori ekanini alohida taʼkidladi. Mehmonning fikricha, maktabgacha taʼlim sohasidagi hamkorlik loyihalarni samarali amalga oshirish, Oʻzbekiston Respublikasi bilan Koreya Respublikasi oʻrtasidagi hamkorlikni mustahkamlashga xizmat qiladi. Oʻzbekiston Respublikasi rahbariyatining maktabgacha taʼlim tizimiga eʼtibori ortib borayotgan bir paytda, Koreya tomoni KOIKA loyihasi doirasida Toshkent shahridagi davlat maktabgacha taʼlim tashkiloti kadrlarini tayyorlash, malakasini oshirish uchun kompleks markazni qurish boʻyicha Oʻzbekiston Respublikasiga bu borada har tomonlama yordam koʻrsatishini alohida taʼkidladi. Oʻz navbatida janob Kim Xi-Sang Koreyaning EBS bolalar taʼlim telekanali va Oʻzbekistonning «Aqlvoy» telekanali oʻrtasida aloqalarni mustahkamlashda Maktabgacha taʼlim vazirligiga koʻmaklashish uchun tayyorligini bildirdi. Xususan, janob Kim Xi-Sang Oʻzbekiston Respublikasida istiqomat qilayotgan barcha bolalar turli oʻquv animatsion filmlarni tomosha qilish imkoniga ega boʻlishlari uchun telekanallar oʻrtasida hamkorlik toʻgʻrisida memorandum imzolanishini taʼminlashga vaʼda berdi. Muzokaralar natijasida tomonlar Oʻzbekiston Respublikasida taʼlim jarayonini rivojlantirish yoʻlidagi hamkorlik ishlarini davom ettirish toʻgʻrisida kelishib olishdi. Maktabgacha ta’lim vazirligi Axborot xizmati
Jurnalist va blogerlar diqqatiga!
Joriy yilning 31-mart kuni soat 10:00 da Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida Maktabgacha taʼlim vazirligining “Davlat-xususiy sherikligi xususidagi muammolar va ularning yechimlari borasidagi amalga oshirilayotgan ishlar” mavzusida matbuot anjumani boʻlib oʻtadi. Unda sizlarni qiziqtirgan barcha savollarga javob olishingiz mumkin. Shu munosabat bilan Maktabgacha taʼlim vazirligi barcha OAV vakillari, mustaqil jurnalistlar hamda blogerlarni matbuot anjumanida ishtirok etishga taklif etadi.